السلام عليكم ورحمه الله وبركاته


من غير مقدمات

سجلت في مدارس اهليه في الرياض من الصف الخامس ابتدائي وانا الان في الصف الثاني ثانوي

في المتوسط طلبو مني سداد الرسوم (والمفروض عليهم طلبه من ولي الامر)

ووصلت للصف الاول ثانوي واصبحو (يطردونني من المدرسه) (طالب حضرت لطلب العلم ويردون علي: انت مطرود من المدرسه بسبب عدم السداد ولاكن احضر بعد اسبوع وادخل الى المدرسه وكأن شيء لم يحصل .. واذا سألت الوكيل عن غيابي قال :انت اللي ماتجي المدرسه لو تجي ندخلك!!)

وصلت للصف الثاني ثانوي (أتصلو على الوالد واخبروه بأني مفصول .. ولاكن المفاجأه هي سبب الفصل .. لاني كثير الغياب (مع انهم يطردووني وحاسبين لي غياب وانا قليل الغياب مع اني احضر ) السبب الثاني سوء سلوكي مع المعلمين (ووالله لو تسأل المعلمين عن سلوكي تجد اني من اكثر الطلاب التزام بالواجبات والسلوكيات ) ولاكن ليتهربو من عذر (السداد ) وعلمو ان وزاره التربيه والتعليم غافله عنهم .. ولست انا الوحيد في المدرسه بل اكثر من عشرين طالب اخر نفس المشكله معهم وانا الى الان لم احضر عدا يومين وباقي الايام (انت مفصول) ولم استلم كتب الدراسه ويطلبون(ايصال من الاداره (كأنه مو مكتوب يوزع مجانا ولا يباع) انا اعترف ان المبلغ اللذي علي كبير وطلبت منهم تقسيط المبلغ ولاكن يتجاهلون ويردون(رح للأداره وتفاهم معهم) اروح للأداره(سدد المبلغ كامل او ماندخلك المدرسه) وعذرهم اذا اشتكيت عليهم (الطالب سلوكه سيء مع المعلمين وكثير الغياب )



والمعذره على الاطاله حبيت اوصل لكم معاناتي مع مدرسه (الرشاوي)

وتقبلو تحيتي

يا عزيزي وجهة نظري انك غلطان انت بالاساس

كيف تريدهم يعاملوك مثل باقي زملآئك وانت لم تدفع اللي عليك

هي مدرسة اهلية والمعلمين رواتبهم من تحصيل المبالغ اللي على الطلآب

لكن نصيحتي لك ان تحل مشكلتك بالود .. تجلس مع الادارة جلسة مطوله وتشرح وضعك

او تكلم صاحب المدرسة او المالك بالاصح وان شاء الله تلآقي نتيجة

معليش يعني .. وحضرتكم ليش ماتدفعون الرسوم؟

والله حاله !

ياناس حنا طلبنا منهم ندفع وقلنا خلاص بندفع وللعلم صاحب المدرسه عنده اكثر من 9 مدارس غير هالمدرسه


وانا حاولت كم مره اروح للأداره واتفاهم معهم بس يتجاهلوني ويقولون سدد المبلغ كامل

وللعلم اصدر قرار ممنوع طرد اي طالب من المدرسه بسبب الرسوم .. التفاهم مع ولي امر الطالب انا وش دخلني كلمو ابوي

إقتباس الرسالة الأصلية كتبت بواسطة EMANA9 انا اعترف ان المبلغ اللذي علي كبير

مساك الله بالخير وزعلان منهم بعد
ادرس بحكومية وجنّب نفسك ووالدك الاحراج والدخول في قضايا حقوقية..عموماً الله يفرج عنك وعن كل مسلم

اخوي الصخرة .. المبلغ اقدر اجيبه (بالتقسيط) وطلبت منهم وقالو لا تجيب المبلغ كامل

السؤال الحين .. هل لهم حق يطردوني من المدرسه؟؟

إقتباس الرسالة الأصلية كتبت بواسطة EMANA9 للعلم صاحب المدرسه عنده اكثر من 9 مدارس غير هالمدرسه

ان شاءالله يكون عنده 500 مدرسة حلاله والله يبارك له ومو عذر اننا ما نسدد للناس حقوقهم
انت تبي المجاملة ونقول انهم مصاصين دماء وانت مظلوم... او تبي كلمة الحق ؟؟
انت او والدك اخطأتم من البداية بتراكم المبالغ عليكم حتى صارت صعبة التسديد
لكن حاول تقنع الوالد يروح للادارة ويتفاهم معهم باللتي هي احسن وبالكلمة الطيبة وعساهم يقسطون المبلغ عليه

اخوي انا ان شاءالله بحاول اتفق معهم

بس اتمنى تراجع هالصحيفه اللي نشرت هالخبر ..

نص الخبر

وشدد التعميم على جميع العاملين بضرورة الابتعاد عن استخدام الألفاظ التي لا تتناسب تربويًّا مع المدرسة كالاستهزاء والتحقير والتهديد والتقليل من الشأن،(( وعدم إيقاف، أو طرد أي طالب من الفصل او المدرسة مهما كانت الأسباب حفاظًا عليه من المشكلات السلوكية المصاحبة))، على أن يتم تدارس احتياجات الطلاب ومساعدتهم دراسيًّا وماديًّا وسلوكيًّا، وتذليل جميع العقبات أمامهم، وتدعيم السلوك الايجابي ومعالجة السلوك غير السوي للحد من انتشاره بشكل فوري وفق قواعد تنظيم السلوك والمواظبة، وتوعية الطلاب بضرورة المحافظة على الممتلكات الخاصة والعامة وعدم العبث بها، وعدم تكليف أي طالب بطلبات باهظة الثمن.


على هذا الرابط

عدم إيقاف، أو طرد أي طالب من الفصل او المدرسة - صحيفة الحريق الالكترونية

شوف الخطا منك ومنهم

انت لييش ما تسدد ؟؟


وهم لييش يفصلونك المفروض تكمل الى نهاية السنة واذا جت النتايج مايعلمونك نتيجتك الين ما تجيب فلوسهم او نهاية الترم الاول ؟؟

وانت الحين قاعد بالبيت لا شغل ولا مشغلة ؟؟

اخوي داق لطمه .. انا اعترف اخطأت لاني ماسددت الرسوم من البدايه وتراكمت علي ..

والنتائج صحيح مايعطوني النتائج بس انا اقدر اطلعها عن طريق موقع وزاره التربيه والتعليم ..

وعن شغل لاوالله لا شغل ولا مشغله جالس في البيت بس انتظرهم يوافقون على طلبي بـ تقسيط المبلغ

شوف باعطيك معلومة لكن ماني متأكد منها

ادارة التعليم فيها ادارة خاصة بالمدارس الأهلية.. واعتقد فيه قسم خاص لتسوية النزاعات بين المدارس الاهلية والطلاب

انت رح بكرى لهم واسأل وان شاءالله تلقى احد يساعدك.. على ما اذكر موقعهم شارع الجامعة بالملز مقابل رعاية الشباب

الصخره بيض الله وجهك وببحث عنهم في النت وان شاءالله اتوصل لحل ولاهنت اخوي تسسسلم ..

ياخوي لا تقول وش دخلني كلمو ابوي

يعني ابوك خلفك ونسيك مثلا ! رح له وقله المدرسة يبغون الرسوم !

اما تجلسلي كم سنة بدون ما تدفع الرسوم واصلا مدري كيف اعطوك الشهاده بدون ما تدفع رسوم


الله يهديك ويهدينا بس هذي مدارس يمكن ماهمهم الا الفلوس

وتروح عليك كذا سنه من عمرك


الله يسهل امرك ان شاء الله