والله ولا حكم آعمى يسوي اللي سوآه الوقح روكي ! وعلى فكره ترا مو آول مره يسويهآ متعودين دآيماً كذآلك الاتحاد الايطالي " الوسخ " يحط لي حكم متوآضع مثل هالوقح ذ1 لـ مباراه فوق مستوآه !
والاخوان اللي يتكلمون عن ظلم نآبولي :P , بصرآحه صحيح إنظلم نآبولي لكن مو مثل ظلم الانتر وآضح وفآضح مثل الشمس في وضح النهآر , وبعدين انا ماعندي مشكله ننظلم بفآول قريب من الـ18 عآدي , ولا آنظلم في فآول برا الـ18 ويحسبه لي بلانتي وطرد وقبله كرت اصفر لو اجيب جدتي تحكم وهي مآتدري وش الكوره مآسوت مثل الوقح روكي !
نجي للمباراه الانتر لعب كويس بصرآحه إلى مآقبل ركله الجزآء كآن فآقد صآنع اللعب كـ شنآيدر , لو كآن شنآيدر موجود او حتى يمكن كوتينهو احسن بكثير من المعوق ذ1 , والله حرام الانتر يجيبه بـ 12 مليون ومآيعرف حتى يمسك كوره زي النآس,
على العموم تونآ في البدآيه والمستويآت مع كلآوديو تبشر بخير صرآحه !
يوم ورى يوم يثبت إنه الفرييق الأقضل في إيطاليا حاليا ..
يمتلك كل مقومات البطل .. لكن إن شاء مايخورها آخر الدوري :P !
اليوم نابولي مشّى المباراة زي مايبي , صحيح استفاد من خطأ الحكم ..
لكن برضو الانتر استفاد .. خطأ على بانديف داخل المنطقة +
تدخل زانيتي على لافيتزي + إحتجاجات سيزار إللي المفروض يطرد عليها ..
ثاني شي موب عذر للإنتر , تتعذر بأن التحيكم خرب مستواك ؟!
صعبة شوي ..
عموما , كافاني لو موجود ممكن تصير مشاكل .. لكن مافي مشكلة نريّحه خخخ !
ألف مبروك لعشاق هالفريق ومحبيه .. وإن شاء الله ما يردنا إلا الكالتشيوليه لأ خخ !
قبل الطرد والبلنتي الغير صحيح كنا نشوف هجمه هنا وهجمه هناك بدون تحفظ اي من الفريقان لكن بعد الطرد تغير الوضع اضحك على نفسي لو قلت نابولي مالعب او اذا قلت الانتر كان ضامن الفوز نابولي كان مرشح للفوز مثله مثل الانتر عطفاً على المستويات في المباريات السابقه وخصوصاً هزيمته لبطل النسخه السابقه عموماً هاردلك انتراويه ومبروك لعشاق نابولي بديت احبهم خخخ لو يصملون بس خط وسط الانتر كان واضح ان غياب شنايدر مؤثر وبقوه مع احترامي لجميع المتواجدين صعب جداً تعويض ويسلي بعد طرد لاعب الانتر لاحظنا النرفزه من سيزار ولوسيو والخ وهذا الشي اللي ادخل المجموعه كامله بتوتر وغير ذلك ان الي لاحظته ان لاعبي الانتر يحاولون يعدلون الكفه وهنا اقصد طرد احد لاعبي نابولي لأن شفت اكثر من لقطه لاعبي الانتر يحتفظون بالكره حتى يجي لاعب نابولي وينبرش عليه ووالخ طيب انت العب وانسى الطرد ، للاسف ان حتى الدقيقه 90 ولاعبين الانتر مشغولين فكرياً بالطرد وقليل لاحظنا الفكر الفني عموماً ذي وجهة نظري قد تكون صائبه وقد تكون خاطئه وهاردلكم مره ثانيه
مبروك لعشاق روما
بانتظار مباراة الغد
نقطه اخيره : ياشباب في بعض الالفاظ والوصف غير لائق لكرة القدم لذلك
ياليت نبتعد عنها
ياسلام يازينه اذا جاء الظلم على الانتر .. وتستمع اكثر لما تشوف صياحهم .. وتضحك على بجاحتهم لما فازوا على روما وقالوا اطعمه بالظلم .. هاه كيف نابولي وهو يفوز ظلم ؟!
يعني بتله تستفيد من التحكيم .. خل غيرك ياخذ حقه بعد .. تحس بنشوة ونت تشوف الانتر يظلم
×××
1 2 3 4 والنابولي ما أروعة
طبعاً الهدف الرابع من عندي بدال انفرادة الغبي زونيغا
كنت أظن أن نابولي مخيف بجمهوره في ملعبه وقوي بهدافه كافاني
لكن الآن شفناه خارج ملعبه وبدون هدافه وفاز بالثلاثة
أجل الأنتر لو كان في السان باولو وبوجود كافاني وش كان بيصير فيهم ؟!
ياما أندية انظلمت وانطرد منها لاعيبة ، لكن انهيار مثل هالانهيار من الانتر ما قد شفت !
×××
روكي أخطأ صحيح لكن الانتر لم يحسن التعامل مع الخطأ الحاصل ..
يا ترى لو كان خصم الانتر في ظل هالأخطاء التحكيمية هو اليوفي أو الميلان ، كيف كان بتصير ردود أفعال الإنتريستا ؟!
هل سيقولون أخطاء واردة من حكم غبي ؟ أم سيقال أنها غش وتحيز ضد الإنتر ؟
×××
ولا زال موراتي يدفع ثمن بخله وجهله ، على حساب تاريخ فريقه ومحبيه ..
×××
إقتباس
الرسالة الأصلية كتبت بواسطة Mdhaal
فرصه أخرى تتحفنا فيها وعيش جوك بس صف النيه
الله لا يهينك يا الغلا
إقتباس
الرسالة الأصلية كتبت بواسطة اليوفي و بس
الاخبار عن إصابة بيرلو مربكه
أرجو أن يكون جاهزا فالفريق لا يزال يعتمد عليه كثيرا و غيابه مؤثر بدون شك
لا ياشيخ إلا بيرلو مآ أتمنى غيابه !
أبي أشوف أيش بيقدر يسوي قدامنا
طيب هل أنا تحديت اليوفي بإبرا .. وقلت أن إبرا سيشعل الفتيل ويسلط الأَضواء ؟!
أنا قلت أن الميلان سيفوز على اليوفي بالمنظومة الجماعية تحت قيادة ألليغري
والدليل آخر مباراة لنا ضدكم بهدف غاتوزو .. وبالفعل اليوفي قادر على إيقاف إبرا لكن أبداً هو غير قادر على إيقاف الميلان
أختم كلامي بملآحظة بسيطة على تحليلك الرائع " أستغرب 90% منه يتكلم عن الميلان ، و10% بس عن اليوفي
كان ودي تتكلم لنا عن اليوفي بحكم أنه فريقك وأكيد بتكون أقرب له منا ..
نورنا وأتحفنا عن أهم إيجابيات وسلبيات اليوفي بشكل مفصل مثل ما سويت في تحليلك عن الميلان ..
إقتباس
مباراة صعب انك تتوقع فيها شي لأنه اليوفي بالذات للحين ما استقر لا على تشكيله ولا على خطه ,, وبنفس الوقت عنده عناصر قويه وممكن يلخمونك !!
هذا كان بردي الأول .. ولا اقدر اتكلم على اليوفي كثير لأنه للحين يعتبر غامض ولا ادري هو بيلعب كراسيتش ولا جاكريني ولا كليني بالظهير ولا فوزنيتش وكوالياريلا .. انت هنا تتكلم عن 4 الى 5 لاعبين يمكن يلعبون ويمكن غيرهم .. وبنفس الوقت ما تدري انت تتكلم عن 4-3-3 ولا عن 4-4-2 الي بدابه الموسم .. عكس الميلان الي اي واحد يتابع دوري ايطالي يبي يقولك 4-3-1-2
واذا فيه تغيير بيكون هل البرنس صانع لعب وسيدورف وسط ايسر او العكس .. شي واضح وخطته ثابته بكل حالاته
واستغرب منك تقول ابرا ماهو فارق بشكل كبير .. بالعكس هو سبب نجاح ميلان ونجاح مدربكم وهو الي ساعده طبعا ما نختلف ان مدربكم بطل لكن ابرا كان له تأثير واضح للفريق .. شكلك ما شفت وش سوى العام الى ما وقف الفريق على رجلينه وبعدها اصيب
ولو هي على الاهداف بس كان قلنا ماتري احسن من ابرا ..
--
بعد التعديل واخبار بيرلو الجديده
إقتباس
انا اشوف انه لو بيرلو ما لعب ماهي مشكله ابد ابد ابد
بالعكس اتوقع انها بتكون من صالح اليوفي .. بس تحتاج بعض التك تااك وخلق المرونه من الدرب ..
بحيث انه كذا يكون كأنك تلعب ب4 قلوب دفاع وقدامهم أسدين والماركيز وفيدال ادوارهم الدفاعيه بطله وبنفس الوقت يعرفون يستلمون ويسلمون صح وهذا المهم وبكذا انت يمديك تذبح أقوى شي بالميلان وهو مرتداتهم وبرضه يمديك تحط واحد من الدفاع ظل لإبرا والثاني لكاسانو وهم خطورتهم .. اما نوتشيرينو على بواتنق ما يفهمون الا الركض عكس سيدورف وابرا وكاسانو الي عندهم حلول فرديه لو ان الخال لياقته تبي تخونه .. بيبي وكراش يمديهم يلعبون بأظهرتهم لعب وبنفس الوقت تكون ادوارهم هجوميه أكثر لأنه وراهم اظهره قويه دفاعيا .. وبرضه فوزي والكورلا عندهم المهاره وكلهم عندهم انسيابيه انهم يلعبون كمهاجم 9.5 او راس حربه وكلهم عندهم المهاره والسرعه والصناعه والحس التهديفي
وبكذا يكون كل الأربعه الي قدام مسؤلين عن صناعة اللعب وعندهم الامكانيه وبنفس الوقت مسؤلين عن التهديف وعندهم الامكانيه وماتكون الصناعه على عاتق رجل واحد وهو بيرلو حتى لو كان هو الافضل بهالمكان (اذا ما كان عليه ضغط ) لكنه برضه عنده مشكله وهي ضعف البنيه وادواره الدفاعيه الضعيفه .. طلع ماتري الي ما يفهم بأي شي برا الصندوق ولعب مهاجمين ثنين عندهم المرونه .. وطلع بيرلو ولعب محورين ثنين عندهم مرونه دفاعيه وهجوميه
هاردلك يالآنتر .. خسارة لقاء و تعثر بعد تحسّن الاوضاع في اللقائين الماضيين ، نعم خسرنا
من فريق كبير و حالياً قد نعتبره " هذه الايام " افضل نادي إيطالي من ناحية المستوى و التكتيك
و ما كان يحتاج الدعم من روكي أو اخطاء روكي كان غني عنها نابولي لكنها كرة القدم و مثل
ما نقول دائماً الاخطاء جزء من اللعبة ، و أن كنت ارفض الإستفزاز اللي حدث بتوزيع الكروت
مبكراً او بعد ذلك ، طبعاً كل من شاهد المباراة يعرف التأثير اللي حدث من الحكم لذلك لا نحتاج
إلى الحديث بشكل موسع عنها بالإضافة إلى توجّهي الدائم بترك الحديث عن التحكيم لآن من يتجه
لهذا الامر سوف يعيش في " قلق " دائم و راح تزيد عنده نظرية " المؤامرة " و " الشك " ،،
الانتر دخل اللقاء بالتشكيلة الامثل ما عدا " الفاريز " لانه في هذا المركز لا يستطيع ان يخدمنا في
هذا المركز يعني آما ينزل في مكانه الاصلي او يبقى في الدكة حتى لا يكون عبئ على الفريق
و كان الاولى ان يكون " كوتينهو " اساسياً ، و انتر ميلان لعب و قدم مستوى مقنع و كان قريباً
من التسجيل في أكثر من كرة حتى جاء هدف نابولي اللي غيّر كل شي في المباراة ، الشوط الثاني
استغل نابولي إندافاع الإنتر لتحقيق التعادل و ما استغل الانتر الفرص المتاحة ، و كمّل يوتو الناقص
و تسبب في هدف ثاني قتل كل شي ،
مبروك لـ نابولي و يستحق الانتصار آكيد ، و الله يعوض الانتر في قادم اللقاءات .
يامال العافيه ياشباب على التقديم المنسق والمعلومات المفيده
نرجع لمباريات البارح وابارك لروما الفوز والثلاث نقاط على اتالانتا اللي يعتبر متصدر الدوري لولا خصم النقاط
مبروك نابولي الاهداف والفوز العريض ولو ماكنت استغربه لكن يوم بعد يوم يثبت انه افضل فريق ايطالي هذا الموسم محليا واوروبيا
ضربة جزاء غير صحيحه وطرد لكن الحكم تجاهل الصحيحه وهي كرة زانيتي ولافيتزي بغض النظر عن المبالغه في السقوط انفراد وعرقلة المنافس من اخر لاعب تعتبر طرد وفاول اما سالفة مبالغة في السقوط مهوب عذر وفيه طرد المفروض لباتزيني ضرب الحارس وشات راس مدافع نابولي
رانييري يستحق الطرد للمنظر المقزز عند انتهاء الشوط الاول واعتراضه على الحكم بطريقه غير مقبوله نابولي لعب كوره جميله واستحواذ ومثلثات وطقطقه يستحق ان الانتر يشوف المباراه مره ثانيه ويستفيد شوي
طولنا بربره عن مباراة البارح وباقي مباراة الليله
يوفنتوس كل الامور ترشحه للفوز منها صدارته وعدم خسارته والمباراه على ارضه وامتلاكه لاعبين مؤهلين للفوز ولايعاني من غيابات ويملك مدرب لديه الطموح العالي والحماس لكن مثل هالامور لاتجلب الفوز ولكنها تدعو للتفاؤل لي كمشجع للفريق وبغض النظر عن ترشيحات الصحافه لفوز اليوفي
اما الميلان ثابت على تشكيله واحده واسماء شبه معتاده لانه يعاني من نقص في بعض المراكز وان كان الخط الهجومي هو الاكثر تأثرا لكنه فريق يعرف كيف يسير المباراه كفريق كبير كحال اليوفي وامتلاكه للمدرب اليغري يعتبر اكثر تفوقا على كونتي في كاس بيرلسكوني او ايام ماكان مدرب لسيينا
الامور مختلفه بين الفريقين ومن سيحضر في الفورمه سيكون الفائز ولادخل للمعطيات عند بداية اللقاء مع كامل امنياتي بانها يوفاويه
النابولي اثبت ان رقم صعب جدا هذا الموسم اعطى فرق ميلانو بالثلاثه ونخشى ما نخشاه ان يكررها في بقية الانـديه , الحذر واجب من امام النابولي ,,
دامـ رئيسهم محنكـ ومدربهم داهيه ولاعبين من طراز عالي من الممكن ان يحصدوا كل ما في ايطاليا لهذا الموسمـ ولكن لا زلنا في مرحلة البداية ومتى ما واصل في هالرتم والنسق سيحقق الاسكوديتو بهدوء تااام ,, نابولي امام الانتر وفي السان سيرو اظهر وجه اكثر قتاليه وتبادل للكرات والهجمات المرتده السريعه , كوره وكوره هنا , الطرد وركلة الجزاء غيّرت من مجريات اللقاء ومالت الكفه بوضوح لصالح النابولي , تصدي رائع من خوليو لركلة الجزاء لكن المتابعه كانت اروع وانتهى الشوط الاول بهذا الهدف , الشوط الثاني استمرت فرقة الداهيه ماتزاري في الضغط على الانتر وفي مناطقه , وبعد خطآ في التغطيه من الياباني ناغاتومو وخروج خاطيء من خوليو تمكن ماجيو من احراز الهدف الثاني وبعدها تاكد الجميع بان النقاط الثلاث لن تذهب لغير النابولي واضاع نابولي فرصة كانت من الظهير الايسر زونيغاا , وبعدها جاء التاكيد من هامسيك بالهدف الثالث ويخرج النابولي من اللقاء بثلاثة اهداف وبالثلاث نقاط ,,
,,,
التشكيله المتوقعه لليوفي والميلان
من الميدياست : Juve, Conte ha scelto il 4-1-4-1
Juventus (4-1-4-1): Buffon; Lichtsteiner, Barzagli, Chiellini, Grosso; Pirlo; Krasic, Marchisio,Vidal, Pepe;Vucinic. A disp.: Storari, Bonucci, Elia, Giaccherini, Quagliarella, Del Piero, Matri
Milan (4-3-1-2): Abbiati; Zambrotta, Nesta, Thiago Silva, Antonini; Nocerino, Van Bommel, Seedorf; K.P.Boateng; Ibrahimovic, Cassano. A disp.: Amelia, Bonera, Taiwo, Ambrosini, Aquilani, El Shaarawy, Inzaghi.
ليه دايم إذا جينا نبي نستعد لليوفي يدخل بونيرا عرض بالتشكيلة ؟!
أباتي تأكد غيابه عن كلاسيكو إيطاليا
أنا مآ أقول أن أباتي يوازي مايكون أو ألفيس
لكن أباتي بالميلان هو أفضل لاعب عندنا يغطي خانته دفاعياً وهجومياً بإستثناء عرضياته السخيفة
وإذا جينا للحق فغياب أباتي مب كآرثة بقدر كآرثة دخول بونيرا للتشكيلة الأٍساسية
برأيي والرأي الأخير يعود لـ ألليغري الرجل اللي أثق فيه وفي خياراته
أنه لو دخل زامبو باليمين وتايوه باليسار أفضل من دخول بونيرا للأساسية