|
أبو شغب , لتفسير الرؤى والأحلام والأضغاث والكوابيس والجواثيم .. الكمية محدودة !! بدون سلام .. ولا حتى مقدمات !! النفس مش طيبة والأخلاق واصلة حدها .. واللي عنده أي اعتراض على الأسلوب أحب أعلمه إنه آخر مرة أحد اعترض علي كانت قبل سنتين وللحين أهله يجمعون أشلاءه المفرقة في كل ديرة !! :s2::smilie47: نجي الحين للمختصر المفيد مع إني بالعادة راعي طويلة بس بحكم إني أصبحت أب في لحظة تهور .. لابد إني أتقيد بالبروتوكول الأبوي وأثقل شوي ! :) في صباح أحد أيام وطنا الحبيب المغبر والمشمس والغثيث << الصفات الثلاث تعود للصباح وليس الوطن لذا وجب التنبيه لا تودونا بداهية ! كنت ذاهباً إلى العمل بالسيارة وكعادتي في القيادة كل شويتين أناظر بوجهي بالمراية أكحل عيوني بالوجه المشرق الذي تنبعث منه نور الإيمان والتقوى ..! << أي واحد عنده اعتراض أرجو إنه يتذكر الكلام اللي فوق .. لمصلحتكم بس :s2::smilie47: المهم .. كنت أفكر في مشروع تجاري مربح ! فكرت في بناء مجمع تجاري في حلة القصمان , وفكرت في شراء حصص من أسهم نادي مانشستر سيتي , وفكرت في رئاسة نادي الهلال , وفكرت في الزواج من أنجلينا جولي وتبني أطفالها ! :s2: بس لما وصلت لمشروع الزواج من أنجلينا جولي فكرت شوي وتذكرت فيلمها هذاك يومنها محققة جرائم وتخق على مشتبه فيه مظلوم , ثم بالأخير يطلع هو المجرم !! معليش يا أم جولي .. بس ظروفي وعاداتي وديني ما تسمح لي أتزوج من وحدة ينضحك عليها من حنس مجرم :d ارجعي لبراد بت يمكن يصلح لك :) الزبدة إني هونت من كل المشاريع اللي قبلها وقفلت على التجارة وأبوها ! وفي يوم آخر من أيام وطننا الحبيب .. وفجأة ودون أدنى مسؤولية ولا تمثل بأي حال من الأحوال ... الخ << الكلام اللي مكتوب بالمنتدى تحت :smilie47: رأيت فيما يرى الصاحي المستلج والدتي العزيزة تشاهد قناة أوطان .. في هالقناة مطوع لحيته هالكبر وقاعد يفسر الأحلام .. قعدت شوي مع الوالدة :smilie47: وهي تهمز رجليني الله يعطيها العافية :s2::smilie47: وبحكم برّي وتواضعي حبيت أعطي الوالدة وجه وأسولف معها ! أنا : يمه يالغالية , بالله روحي جيبي مويه دافية وملح بسطل أحس برجولي تعبانة :s2: أمي مطنشة وما ترد ! أنا : يمّه , يمّه , يمّه ! أمي : اسكت خلني أسمع !! :mad: بكل انكسار عضيت على شحمة وسكت وقمت أشوف وش يقول هالمطوع مفسر الأحلام :s5s: طبعاً أغلب المتصلين من النساء , وإذا كان المتصل ذكر فمن الطبيعي يكون الحلم مش له وإنما لإحدى محارمه !! إلى الآن والوضع عادي .. كنت أتوقع إن البرنامج من قناة المجد لأن الرسيفر تبعنا كان المجد ونسيت إننا مع التطور والعولمة غيرناه برسيفر الأسرة , لأني أصلاً ما أطالع التي في إلا نادراً .. المهم .. لاحظت الاتصال والرسائل النصية تكون بمبالغ كبيرة , الدقيقة أعتقد بعشرة ريال والرسالة النصية بـ 5 ريال ! هالملاحظة تهون عند الملاحظة اللي بأقولها بعد شوي .. لاحظت من هذاك اليوم , وكذلك في يومين آخرين , أن 70% من تفسير الأحلام في هذه القناة تكون : فيك عين حاسد , عين معجب غير قاصد , أنتي مسحورة , واليوم شفت المطوع المصري بالزي واللهجة السعودية يقول لمتصلة : من خلال نبرتك حزن .. وفيك جني عاشق ! وربما تكونين مستمتعة بذلك واعذريني على هذا الكلام ! وهي تقول : لا والله !! ثم يقول بكل بساطة : بارك الله فيك !! والله يا جماعة .. من أول ما أسمع صوت المتصلة أقول لأمي : ما يحتاج تخسر نفسها , فيها عين ولازم تقرأ الأذكار وترش على بيتهم .. وفعلاً يكون التفسير نفس ما ذكرت :s2: طبعاً فيه تفاسير أخرى .. مثل : أبشري بزواج ..! أو أبشري بالحمل والأولاد .. أو بمال .. إلى آخره من التفاسير المستهلكة !! وإذا كان فيه تفسير مغاير لا بد يكون تفسير شاطح .. مثل تفسير يوسف المنصور بمشاكل سامي والهلال .. وقبلها تحقيق الهلال لبطولة كأس الأبطال والكابتن ياسر .. بالأخير انلزخنا بالثلاثة وياسر ما لعب ولا مباراة :s2: من خلال متابعتي لثلاث حلقات وجدت أن خير مشروع تجاري مربح بدون أي تعب هو فتح قناة لتفسير الأحلام .. مجرد حجز بقمر النايلسات وشقة مستأجرة وديكور وكاميرا وإضاءة وباروكة لحية ويصير عندكم قناة أبوشغب لتفسير الأحلام :s2::smilie47: ولأنكم عزيزين وغالين على قلبي .. بأعطيكم عرض خاص .. كل حلمين لك حلم زيادة :smilie47::s2: وحتى أثبت لكم قدراتي بأعطيكم كم تفسير على الطاير لأحلامكم اللي بتحلمون فيها الليلة .. أفسرها قبل أن تحلموا بها !! :yes: ماجد مقبل .. حلمك الليلة والله يستر علينا وعليك يشير إلى أنه معمول لك عمل سحري بحيث إنك ما تقدر تتزوج حتى ينفك هالسحر !! والذي يظهر لي أن من قام بالعمل خادمة آسيوية جارة لكم ربما رأتك وأنت تخرج القمامة للشارع وأعجبت بقوامك الرشيق :s2::smilie47: الحل بسيط وسهل .. اذهب للبرميل الموجود بحارتكم والقط لك كم كيس واحرقه ثم استنشق دخانه وسيذهب ما بك إن شاء الله والله يعلم :d:smilie47: شذى في أحلامك الليلة سيظهر لي بأنك ستتزوجين قريباً , ربما هذا العام , وربما العام القادم وربما بعده وهكذا دواليك الزبدة ما راح تموتي إلا وقد تزوجتي ! أما إن كنتي متزوجة فإذاً ستحملين .. أما إن كنتي حاملاً فإنك ستلدين طفلاً << جايب شي جديد يعني أكيد طفل أجل جحش؟ :s2::smilie47: أما إن كان لا هذا ولا هذاك فإذاً تعبير الرؤيا تقول أن بك سحر وما راح ينفك إلين تفطسين ! :razz: الهنوووف في حلمك الليلة يتضح لي بأن إحدى زميلاتك في الجامعة أصابتك بعين حسد لذكائك في الجامعة << واضح إنها نصبة بس أكيد بتمشينها لي وأنتي مستانسية يالذكية خخخ :s2: لهذا السبب لا تستطيعين الحصول على وظيفة ..!! وإذا أردتي الحل ,, اجمعي مراييل زميلاتك أيام الثانوية ممن درس معك بالجامعة واغسليها بماء صافي ثم تمضمضي به واشربي ثلاث جغمات وبالهنا والشفا :s2: هذه نماذج لإيضاح قدراتي في تفسير الرؤى .. ولمن يريد تفسير رؤياه لا يتردد بكتابته في هذا الموضوع وسيتم تعبيره بإذن الله .. وأبشركم راح أفسره أفسره وما عندي أضغاث أحلام أبد يعني راح أفسر أفسر الله لا يعوق بشر ! :s2::smilie47: ربما فيه أخطاء إملائية أو تعبيرية أو خطية بحكم الكبر في السن والشيخوخة :cry: أي واحد يعترض على هالأخطاء أو على الأسلوب أو التنسيق أنصحه يطلع فوق بأول الموضوع عشان ينتبه قبل ما يروح غلطة تهور أحمق s121s الموضوع تمت كتابته على عجل وفيها من الغث والسمين بالتأكيد ولكن كتبته للسلام عليكم وتجديد العهد الذي بيننا وبينكم :smilie47: فلا تدققون واجد :) اللياقة انتهت وما فيني حيل أراجع ..والله يا حنا من جد هرمنا .. هرمنا ..!! |
سنيور سلطان :d:smilie47: يا قديم :s2: المهم تقول تفسير احلام و رؤى و حركتات ترى قسم بالله كلام فاضي الاحلام تقسم لـ3 اقسام و هي حديث النفس رؤيا من الله رؤيا من إبليس و العياذ بالله حديث النفس يكون فيه الي انا كنت في المكان الفلاني و شفت فلان اعرفه و قلت له و قالي و مدري ايش و يصير سناريو هذا ماله تفسير اما القسمين الثانيين القيل و القال في الرؤيا يكون مختصر جداً و واضح حتى بعض الاحيان ما يحتاج له تفسير < احسن انك بتستعد تفجرني الى اشلاء مثل صآحبنا :s2: و انت لاحظ كل الي يتصلون يطلعون مسحورين و مدري ايش :d اما الجآثوم فهو معروف جني و العياذ بالله من اسبابه انك تنوم على غير طهاره :d إقتباس:
إقتباس:
للمعلوميه بس حبيت اسلم عليك و اعلق على كم سطر في هالموضوع المثير و الغريب :d خذ امسك > :rose: < لا تآكلها انتبه ترى تسبب لك احلام مزعجه :d |
بسرعه بسرعه اعطني وش بأحلم فيه بعد شوي ترا ما أقبل بأقل +21 تقولي +18 وإلا +16 ترا ما صارت تمشي معي هالأحلام..:s2: اخلص علينا وراي دوام ..يحلفون اني ما شرفت عليهم اليوم إلا 8 ونص وصلت على بريك الفطور..:s2: يالله يالأخو ..اخلص علينا..:d |
هههههههه لا مأشاء الله عليك منت هين في تفسير الأحلام بس للأسف ماني متذكره أي حلم إذا تذكرت أشطحهم لك بالموضوع وسلامتكم » صح لسانك » لا تعليق « |
يبدو ان من الخير عدم التعليق طالما ان الاشلاء قد تتبعثر في كل ديرة .. وكم سيكون الأمر غير لائقا اذا ما قرر احد الاعضاء ان يستغل قرار التبعثر ويختار احدى الدول المتقدمة ويبقى امام الاسوار ينتظر الفيزا في منظر لا يليق مطلقا بشخص مبعثر ! :d حياك الله يا ابو خالد :smilie47: حقيقة يا غالي .. ان ( الدين ) مجملا اصبح تجارة رائجة ! .. واذا ما كنت تبحث عن مشروع تجاري أو حتى وانت بكرامة اردت ان تكون نصابا او محتالا أو ناهبا للحقوق فابحث كيف تستغل الدين في ذلك ! الرؤى حق .. لا نختلف على ذلك .. وقصة يوسف عليه السلام بالقران الكريم تناولت جانب كبير من ذلك .. ولكن من وجهة نظر شخصية ارى ان نمنح انفسنا مساحة اكبر من الثقة والتوكل على الله على حساب البحث عن مجهول لا يعلمه الا هو سبحانه ! نعم هنالك علماء مفسرون في هذا الجانب وفيهم الخير والبركة .. ولكن ايضا هذا الأمر فتح بابا واسعا امام البسطاء ان يتم استغلالهم من قبل الدجالين والمشعوذين .. ناهيك ان حتى العالم الفاهم لديه احتمال كبير للخطأ .. لذلك لا اهتم في تفسير اي حلم .. ولا احب ان يسرد علي احدهم ماذا حلم .. ولا اشجع احد ان يقول احلامه امام الاخرين .. ولا اشجع ان يبحث احدهم عن تفسير حلمه من خلال الانترنت او الاتصال بالشيوخ ،،، موضوع رائع ومميز كروعة صاحبه :smilie47: بخصوص برك للوالدة الله يحفظها .. فقد ذكرتني قبل فترة بقصة مع والدتي حفظها الله .. وكان قد طلبت مني أمر وتأخرت فيه .. فعاتبني في ذلك .. فقلت لها مداعبا : يا اماه .. ليس من البر ان تعاتب الامهات ابنائهن ! :d في حفظ الله ،،، |
هههههههههههههههههههههههههههههههههههههههههههههههههههههههههههههه اطلق مفسر احلام بالعالم بس بسألك عن حلم يراودني <<< متعوب عليها انا شفت النصر ياخذ بطوووله الموسم هذا والي رافع الكاس محمد نور والمدرب مورينهو وش تفسير الحلم ؟؟؟؟ |
طيب الحين عندي سؤال محيرني :wub: الحين ابو مقبل وشذى والهنوف يدفعون حساب الأحلام الي فسرتها قبل ينامون ولا لا ؟ :d |
هلا بك ياكبير ... :d:smilie47: يقطع ابليسك .. انت مو مفسر احلام بس .. انت تقرأ الافكار بعد .. :to::d لأن هالموضوع جا امس ببالي وانا اتابع قناة القصيم .. << حتى اسم القناة واضح فيه استغلال للدين .. :d كل الاحلام تفسيرها سيأتيك خير كثير ويفرج همك وغمك .. :s3s: واللي مو مصدق يفتح عليها الحين ويتأكد .. :s5s: واحلام والله تستحي تحلم فيها بينك وبين نفسك .. كيف بعد تخبر فيها العالم .. :s2: اقول قو هيد مشروع ناجح 683% والدلوخ واجد .. :d بارك الله فيك .. :smilie47::d |
و الله ودي أعلق عليك بس مالي نفس :d تعبان آخر حاجة :razz: بس لاحظت رد واحد من الأخوان : إقتباس:
يأخوان مايجوز الكذب في الحلم و لو كان بسبب المزح ؟ أرجو أخذ الحيطة و الحذر ! |
هلا هلا بأطلق مايسترو في الكون :s2: أولا ً ماشاء الله عليك بار بأمك الله يحفظها لكم :s3s: ثانيا ً بعد قرائتي للسطر الأول حاولت أستجمع قواي ولكن تخور مرة تلو الأخرى :razz: حقيقة الدين أصبح باب رزق لمن لا مهنة له ! والدليل هذه القنوات الفضائية , وإن أردنا ذكر أسماء فسيضيق منها المكان . المشكلة أن الكثير أصبح ينجرف خلف هذه الخزعبلات ويتأثر بها , والسبب في ذلك الغفلة والإنجراف خلف الأهواء . تفسير الأحلام كعلم لا نشكك فيه أبدا ً , ولكن من هم المفسرين الذين يستحقون ثقتنا , لأن الحلم إن فسر وقع كما ذكر عليه الصلاة والسلام ( الرؤيا على جناح طائر إن فسرت وقعت ) أو كما قال عليه الصلاة والسلام . وشخصيا ً لا أفضل تفسير الحلم أبدا ً ولا حتى البوح به لآخر , إن كان رؤيا خير أو شر . أبو خالد مشروعك ناجح :s2: توكل على الله وأن أول زبون عندك :s2: ماعندي مشكلة أتخلى عن مبادئي عشان عيونك الوساع :s3s: وإن بغيت معك في القناة مفسر رديف لا تدور بعيد عندك أنا :ap: دمت بخير :smilie47::rose: |
ههههههههه وش السالفه قسم اقرا الموضوع وقمة الفهااااوه من الي يبي يفسر احلامنا ..؟؟ |
ي شيخنا الله يخلييك لنا ي رب :smilie47: حطني معك مالك إلا من يكوي لك البشت كل يوم :d والا تدري حطني مشرف الإتصالات يمكن نلقى لنا غنايم والا شي :d حطني أي شي الأهم إني أشاركك وندعس مع ه العالم :d ي بنات أسمحو لي :cry: أنتم أكثر إستهطافاً من الرجال لاحظو إن أكثر المتصلين نساء وعايشين الأكشن وتحصلها تبكي وحالتها حاله يعني إذا بغينا نوقف هالشئ لازم نثقف نسائنا الإيمان بالقضاء والقدر خيره وشره وبعدياً تفسيراتهم أبيخ شي ( غير منطقيه ) وإن اللي يصير في القنوات مهزله لاتصدق وخزعبلآت الهدف منها التجاره وفيه حاجه ودي أوصلها لكم سبق وإني سمعتها أكثر من مره من خلال النقاشات حول هالموضوع ولعل جاء الوقت المناسب لإقتباسها تفسير الرؤيا الصحيح لابد أن يكون الشخص والمفسر وجها لوجه حتى يستطيع المفسر قراءة وجه صاحب الحلم لحد يجيني يقول ذا شطح :d أبعطيكم قصه صغيره يروى انه ذهب اثنان الى ابن سيرين ليفسر لهما رؤية قال الاول : رأيت أنى أؤذن فقال له ابن سيرين: تحج ان شاء الله :smilie47: الثانى : رأيت أنى أؤذن فقال له ابن سيرين : تب الى الله فانك سارق :yes: فسأله من حوله : رأى الرجلان رؤيا واحدة فلماذا اختلف التفسير؟ فقال عندما نظرت للرجل الاول وجدت على وجهه علامات الصلاح ( وأذن فى الناس بالحج يأتوك رجالا ) وأما الثانى فرأيت على وجهه غير ذلك ( فأذن مؤذن أيتها العير انكم لسارقون ) إذن على أى اساس يكون التفسير من خلال سماعة الهاتف :d ما أقول إن كلهم خطأ فيه ناس تربط أشياء تصير في الحلم وهذا صحيح مثل عقرب ، بحر ، موت ، سياره .. الخ ) وعلى الطآري ي أبو شغب باكثر مايقولون متزوجه أجل بتزوجين :d متزوجه بيجيك عيال :d يعني ذبتك على شذى تدل على إنك متميز في هذا العلم وأن لك مستقبل باهر أتمنى لك التوفيق ي صديقي الأهم إنك تشوف لي حل معك لو أغششك إذا بلشت من تحت الطاوله :d ! |
حيا الله أبو خالد :smilie47::ba1::ba: ياخي طيب إذا تبطحنا وما جانا حلم عدل أو مسموح نشره :s2: ايش نسوي |
ياخي خل هاللي يفسرون الاحلام بوادي:d شف المتصلين بس:d عليهم احلام ياشيخ تحس الواحد احيان وده ان حلمه يتفسر لو ماله تفسير يدق ع كل شيخ:d واحيان تسمع حلم واحد كآنك تسمع سالفه لخويك:d حلمت اني رحت لطريق القصيم وشفت ابو جهل راكب هونداي كشف:d وفجأه اتصل خويي ورحت له وتعشينآ وبعدها رحنا ..آلخ:d مدري شلون مانساه:D يعني انا احلم واذا قمت من النوم ناسي الحلم حتىآ اني اغمض عَ طول عشان مايروح:d لو الحق عَ النهايه :d وبعض العالم عليها احلام ,, حالم ان ضب جالس يعسل:d وفيل واقف عَ خرطومه:d بعض الناس تحس من الفضوه وده يسوي اكشن:d والله انا مره حلمت الملك جاي بمجلسنا :d .. وفسرها الشيخ اني بصير تآجر بحجه ان المسؤولين اذا حلمت فيهم بتصير كاش :d هو فسره لي ولا مافسره صرت ارمي الفلوس على هالعالم لين طفرت احتري هالتجاره تجيني احتري واحد يجيني يقول هذا شيك طال عمرك بمناسبه الحلم حقك :d .. وهقني هالشيخ الله يصلحه :d بس تدري افتح هالقناه وابد انا المذيع :d ,, وشف لنا مذيعه زوينه لزوم الخرفنه:d |
ماشاء الله النماذج حلوة :D هذي من النوع اللي مايحتاج تكتب حلمك ،، ارسل رسالة لقناة ابو شغب باسمك وعمرك ويعلمك وش بتحلم ووش التفسير للحلم ،، تبا للتقنيه :D |
| الوقت المعتمد في المنتدى بتوقيت جرينتش +3.
الوقت الان » 09:54 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd