كفاية يا توماس دول - نادي الهلال السعودي - شبكة الزعيم

الهلال زير البطولات · #1 26/09/2011, 08:22 PM

السلام عليكم ورحمة الله وبركاته
ياجماعة الخير المدرب ما أخذ وقته للحين وبدري الحكم عليه..
مورينهو أفضل مدرب بالعالم لما أستلم زمام الأمور في تدريب ريال مدريد
النادي الملكي الذي يعد من أقوى أندية العالم قال أول موسم لا تطالبوني ببطولة
الموسم الأول يعتبر موسم بناء والموسم الثاني موسم البطولات طلب موسم كامل
مو عشرة مباريات أو عشرين مباراة طلب موسم كامل وهو أفضل مدرب بالعالم
ويدرب مين ريال مدريد الأقوى بالعالم وهو مايحتاج أشرطة للفريق لمعرفة أمكاناته..
الفريق معروفه أمكاناته وأمكانات لاعبيه عالميا"وفعل نفس الشي بالسابق مع تشلسي والأنتر موسم كامل للبناء
وبعده حصد للبطولات..
وهذا رابط المؤتمر صحفي لتقديم مورينهو مع ريال مدريد.
‫المؤتمر الصحفي لتقديم مورينيو الجزء 1‬‎ - YouTube
ولاتنسون الظروف اللي يمر فيها النادي من غيابات وأصابات بس أقول الله يهدي الأخوة اللي تتسرع بالحكم على المدرب دول بعد كم مبارة الظاهر يفكرون السالفة نفس البلايستيشن...4-4-2

تحيااتي

فآإرس الحربي · #2 26/09/2011, 09:13 PM

لحد الان راضي عن دوول ومافيه شي يذكر عشان اطالب باقالته ..

لكن نبي نششوف قوةة شخصيته بالملعب ، نبي نشوف تأثير له على الاعبين داخل الملعب

اجل انا خلوني مدرب واضبط التشكيله واقول العبو !

نبي تكتيك نمشي عليه ومناسب للهلال ، توماس لحد الان ماخذ فرصته لكافيه ونصبر ونشوف

الهلال زير البطولات · #3 26/09/2011, 10:44 PM

شكرا" للمشرفين على الرفع..

ابتسامة خجلان · #4 26/09/2011, 10:51 PM

صحيح كلامك اخوي يبيله وقت بس ماشفنا تكتيك له معين نحس ان عنده شي تحس اللاعبين موب في مراكزهم مرتبين لكن ان شاء الله تكون بصمته ابتداء من مباراه الاهلي،، وبعدين من قال لك ريال اقوى فريق وين راح البرشا هاه قال ريال قال ههههه

أزرق بن هلال الزعيمي · #5 26/09/2011, 11:24 PM

بصراحه مثل ماقلت بدري الحكم على توماس دول .. خصوصاً في غيابات مؤثره مثل محور مميز واطراف مميزين .. لكن وش نسوي .. بعض الجماهير يحسب الدعوه فرق حواري الله يهديهم .

غريب جده · #6 26/09/2011, 11:28 PM

أنتر ميلان أقال مدربه غاسبريني بعد ثلاث جولات فقط و أتضح لهم ان هذا المدرب ماراح يقدم أي أضافه

والهلال منذ تعاقد مع دول لعب الوديات وأنـهزم من الشباب والاهلي الاماراتيان

وبدأ الموسم وتخسر في الشوط الاول من هجر ومن ثم تفوز بصعوووبه

ومن ثم تنهزم من الشباب وتفوز على التعاون بصعوبه زياده على هذا مافيه مستوى مقنع

ومباراة الاهـلي ماراح يكون افضل مما كان عليه واتوقع اقالته بعد مباراة الاهلي

Ĝeηtℓe Ḿαη · #7 26/09/2011, 11:39 PM

شف انا ماني مقتنع بتوماس دووول
ليه ؟؟
واضح ان المدرب ماراح يكون له بصمه مع الهلال لعده اسباب شفتها فيه من خبرتي الرياضية
بس بقول شيء ؟؟
،،

المدرب توه بادي مع الهلال والفريق ما اكتمل والافضل نعطيه فرصه كبيره
والسي في انا ما انظر له لسبب ؟؟ لان المدرب
مادرب فرق كبيرة حتى نحكم عليه
ونقول ماجاب بطولات

وكم مدرب مغمور اصبح من افضل مدربين العالم
وعلينا ندعمه من الآن

بالتوفيق لتوماس مع الزعيم

-.. عـآبـث · #8 26/09/2011, 11:40 PM

إنآ إشوفَ إنَ توماَس دول يقدمَ لمساَت ممتازهـ بالحكم على إلوقت الذي مرَ به مع إلزعيمَ
واَن شاء الله مع الوقت تظهر قدرته إلتدريبيه إكثرَ

.. وُدي لكمَ ..

مشعل الظفيري · #9 26/09/2011, 11:42 PM

كلامك عقلآني جدا ، هذا عجبني :$

mjnoon-yasser · #10 26/09/2011, 11:46 PM

إقتباس

الرسالة الأصلية كتبت بواسطة غريب جده


	أنتر ميلان أقال مدربه غاسبريني بعد ثلاث جولات فقط و أتضح لهم ان هذا المدرب ماراح يقدم أي أضافه والهلال منذ تعاقد مع دول لعب الوديات وأنـهزم من الشباب والاهلي الاماراتيان وبدأ الموسم وتخسر في الشوط الاول من هجر ومن ثم تفوز بصعوووبه ومن ثم تنهزم من الشباب وتفوز على التعاون بصعوبه زياده على هذا مافيه مستوى مقنع ومباراة الاهـلي ماراح يكون افضل مما كان عليه واتوقع اقالته بعد مباراة الاهلي

يَ سلآآآم عليك

+100000000000

MzaGei · #11 26/09/2011, 11:49 PM

يحتاج الفرصةةةةة ولآ شي غير الفرصةة لآثبات وجودةة في الزعيم وآن شاء الله ماتضطر الآداره لآقالتة

عبدالمحسن التاسع عشر · #12 26/09/2011, 11:51 PM

تكفون لا تدمرون الفريق بكثرة الكلام عن الإقالة ما الإقالة ..

خلاص قالكم سامي في مؤتمر صحفي وضعنا صعب و إعدادنا ما كان جيد و العبرة بالخواتيم. فلا تقولون مدرب و ما مدرب !!

يعني أي شيء يصير للهلال هالسنة أنا قابل فيه .. أهم شيء يتأهل عن مجموعته الآسيوية و يتأهل من دور ال 16 الآسيوي و خلاص..

راح يتعبر موسم ناجح بالنسبة لي ..

***الزعيمه امولي*** · #13 26/09/2011, 11:54 PM

يعطيك الف عافيه يا اخوي
بس رساله لكل واحد يحكم على المدرب بسرعه اقوله

هلالي برشلوني23 · #14 27/09/2011, 12:10 AM

كلام سليم ويجب الصبر على توماس دول
وعدم التسرع في الحكم عليه

الملكي الهلال · #15 27/09/2011, 12:18 AM

كلآم صحيح .....!!!!
بالتوفيق لتومآآآس .. مع آلزع ــيم ....
تحيييتي