سالم الدوسري نبيييييييييه.............ليش لا - نادي الهلال السعودي - شبكة الزعيم

مقاتل لعيون الزعيم · #1 24/09/2011, 09:17 PM

السلام عليكم ورحمة الله وبركاته

اخواني الزعماء ابارك لكم الفوز على التعاون
واتمنى استمرار الانتصارات

الصراحه نبي لعيبه تحرك الوسط بالسرعه والاداء المهاري العالي
وشفت مباراة الهلال الاولمبي مع هجر ولفت انتباهي اللاعب سالم الدوسري لاعب كبير جدا جدا جدا والله مهاره وسرعه وتمرير ليش مايتم تصعيده مع الاول ليش لا
لا ااحد يقول لي صغيييييييييييير ياااخوان ميسي لعب مع برشلونه بعمر17 سنه على مااضن ولعيبه كثير لعبو واعمارهم صغيره اهم شي الموهبه ماابي اقارن بس والله انه افضل من الفرج والبشي مبارك والان اترك لكم المتعه
‫هدف الهلال الاول على هجر من سالم الدوسري في كاس الامير فيصل‬‎ - YouTube
‫هدف الهلال الرابع على هجر من سالم الدوسري في كاس الامير فيصل‬‎ - YouTube

فلها وربك يحلها@@ · #2 25/09/2011, 01:06 AM

متابعه له من كاس العالم للشباب ,,, موهبه قادمه ,, واراهن عليه ,,,
تحياتي,,,

هلالي ولوغدربي زماني · #3 25/09/2011, 01:19 AM

لاعب من طينة الكبار

والله ودي يضمونه بس الموسم الجاي لأن الفريق الهلال الأولمبي بحاجته السنه زي ويسير ناضج كموهبه مطلع الموسم القادم

Hilali =$, · #4 25/09/2011, 01:19 AM

لا تستعجل ي الغالي بياخذ فرصصته , لان المنتخب مقبل على مشارككات , وكالعادة الهلال بيروحون 3 ارباعه , وبتجي فرصته

اهم شي يستمر في الابداع عشان يقنع الجماهير والمدرب , مانبي نرفع فيه ومن ثم عاد اي زله نراقبها عليه قلبنا الدنيا وماقعدت

جمهور بن أزرق · #5 25/09/2011, 01:40 AM

لاعب موهبة بالفعل لكن بدري عليه لا تحرقونه

Sultan | سلطان · #6 25/09/2011, 01:51 AM

*

لاعب مبدع ومتميز .. راهنت عليه من قبل .. وسيكون احد افضل الاعبين في المملكة
فقط يحتاج لصقل الموهبة والإستمرار مع الأولمبي حتى ينضج كروياً والموسم المقبل يتم تصعيده للأول بأذن الله

[QUOTE=مقاتل لعيون الزعيم;18925112]والله انه افضل من الفرج والبشي مبارك [‬‎[/QUOTE

اتمنى ان لايكون مدح نجم يكون على حساب اساءة الى نجم آخر
جميع الاعبين يخدمون الزعيم بأفضل مايملكون .. والمقارنة بين البيشي والفرج وسالم الدوسري ظالمة ..
اذا ماعلمنا ان سالم يلعب خلف المهاجمين .. والفرج والبيشي اطراف ..

هلال اسيآ · #7 25/09/2011, 01:58 AM

.

الاعب جالس يقدم مستويات ممتازه
و اتوقع له مستقبل كبير ان شاء الله

بس يالغالي مو اي لاعب يبدع في كم مباراه ع طول للفريق الاول
و هالشي لاحظته في الهلال و مبارك البيشي اكبر مثال
خلوهم في الاولمبي سنه او سنتين و اذا احتاجهم الفريق الاول هم جاهزين

و اضف ع ذلك ، عندنا تخمه في خط الوسط خصوصا بعد عودة العابد و الدوسري قريبا بإذن الله

اللي نحتاجه من جد هو شافي الدوسري

.

scorpio alhilali · #8 25/09/2011, 02:00 AM

اللاعب مميز جداً ولكن الآن يوجد لاعبين كباار ، و سيبقى في الدكة ويضعف اللاعب
ولكن يشارك هذا الموسم و القادم في الأولومبي و بعدها يتم ضمة للفريق الاول

فصوووووول · #9 25/09/2011, 02:00 AM

موهبة قادمة الله يكفية شر الاصابات
والله اني من يوم شفتة في كاس العالم
وانا اقول انه من طينة الكبار

End of the world · #10 25/09/2011, 02:06 AM

سالم موهبه قادمه ..
يذكرني بلاعب البرشا تياقو الكنتارا

ابو الهزازيع · #11 25/09/2011, 02:11 AM

الاعب موهبه ماشاء الله عليه

لكن ماينفع يصعده للفريق الاول ويجلس طول وقته بالاحتياط وكذالك الاولمبي محتاجه الحين خله هالسنه والسنه الجايه كمان ويكون يلعب فترات بالفريق الاول والاولمبي مثل نواف العابد لما صعد للفريق الاول