أستغرب من بعض الردود الي شوي وياكلون صآحب الموضوع !

يا اخوان الرجال قال وجهة نظره عن الاعب مو كل شوي ناط واحد يستهزء والي معصب !!

بالنهايه نامي لاعب بالهلال وانت متفرج على الهلال فهمت الفرق .. وياليتك تستمر متفرج

يااخي الكريم محمد نامي كان مبدع اليوم ولاارى ان موضوعك يستوجب الطرح في ضل الابداع اللي قدمه نامي

نامي هجوميا نجم ومبدع
بس بالتغطية الدفاعية كانة اول مرة يلعب الكرة

الكلام كثير عن نامي .... والتحطيم أكثر ....

بإختصار ...

نامي مظلوم في الظهير الأيمن ..ليس مكانه .... لاتوجد لديه مواصفات المدافع ....
نامي هجومي بححححححت ..... لماذا لايتم تفريغه للمسانده الهجوميه على الأقل أما الفرق المتواضعه ............

تراها مباراه التعاون ياخي لي ينوق بيو السنه الماضيه والي قبلها ماسجل الا على الاهلي الاماراتي هدف واحد مع الهلال وماهو مطلوب من الظهير يسل هدف وبعدين الي يقولي ان نامي صنع هدف 88 رفعه خطأ وشطحه ورفعه وحدة مدري شلون جت وجابها العربي ياخي قسم بالله ان نامي مدخل واضح وصريح لكل الخصوم يكفي تصريح عبدالله الأسطا مابهره شي منت صاير افهم من مدرب الشباب يا mr.leglog تكفووون فكونا من نامي والزوري والمرشدي تراهم غثا وعدكم الأهلي وتشوفون نامي وش يبي يسوي او اظهرة الهلال مع المرشدي .

شكلكم ماشفتو المباراه والله نكبه بس لان الفريق مبدع اليوم
وانا مؤيدك ياخ حجاب في تشكيلة الهلال التي وضعتها لخوضها امام الاهلي

راعي الموضوووع ..

يا شيخ انت بطل


بالنسبه للاعب الله يوفقه بس ما اتمنى يلعب المباراه الجايه... راعي نكبات

إقتباس الرسالة الأصلية كتبت بواسطة حجاب الودعاني بسم الله و الصلاة و السلام على رسول الله أما بعد : الف مبروكـ الفوز للزعماء و كلنا شفنا مباراة اليوم اللعب كلهـ على مرمى واحد المهم في موضوعي هذا اتطرق الى نقطهـ قد يغفل الجميع عنها و هي : نامي الذي صال و جال مع الهلال و سجل اهداف مع الهلال و كل ما ابدع نامي في مباراهـ تقولون ما نبي الا نامي و كذلكـ تقولون الحمد لله ان عندنا لاعب مثل نامي لكن انا اقول ان نامي كم مرهـ تسبب في اهداف و هجمات تربكـ الزعيم و لعل اهداف مباراة الشباب عن طريقهـ و كل الفرق تكثف اللعب عن طريق نامي لأنها عارفهـ الطريق السهل من الطريق الصعب و انا اقول اذا كان نامي ما يبدع الا في المباريات مع الأنديهـ الصغيرهـ فأنا أقول زين اليوم شراحيلي ما سجل هدف مع العلم ان الكل من الممكن ان يسجل في مباراة التعاون لكن الحظ ما خدم الهلال ف ياليت نشوف وضع نامي و اتمنى انكم ما تحكمون على نامي وتقولون اللاعب فنان احكموا عليهـ مباراة الأهلي الجايهـ ,,,, بالتوفيق للجميع و للزعيم في مباراياتهـ المتبقيهـ اتمنى تشكيلة الزعيم في مباراة الأهلي حسن العتيبي شافي ......... مرشدي ......... هوساوي ......... سلطان البيشي القرني............ .............. الفريدي العابد..................ايمانا العربي .........يونغ بيو

ماشاء الله عليك


حبيت اقولك حاجتين الاولى وهي ان ترى ياحبيبي لو تجيب حسن معاذ وعبدالله شهيل وجنبهم عشره مثلهم بذا الخانه بالهلال ماراح يفيد راح اقولك ليش لأن شكلك حاقد على نامي وخلأص لأن الوسط الايمن الهلالي ضعيف وهش بعد رحيل ويلي اللي كان يوقف الاظهره اليسرى بالقريق المنافس وغير هذا وذاك قوة المحاور ورجوع ويلي لتغطيه الجيده الان من عندك يبدع في هذي المنطقه !! اتمنى تجاوب يعني تحط نامي بين ثلاث لعيبه وتقوله غطي استحاله نظلم الرجال وترى ايام لي يونق كان خادمه ويلي وكنا نشوف لي كيف يعاني اذا غاب ويلي او احد المحاور


الشئ الثاني وهو الاهم راح اقولك بعد على شان تهدي عمرك شوي ترى خانت نامي مهي ظهير خانته وسط ايمن وشفناه اليوم لما تقدم وصار ياخذ هذا المركز كيف كان مصدر خطوره وسوا اللي ماسووه المهاجمين من تخليص الكوره بشكل سريع والبحث عن هدف وليس استعراض .

ياجماعة الاهلي جالس يستعد للهلال الخميس وحنا نحطم فريقنا هذا يقول نامي وهذا يقول الزوري وهذا يقول المرشدي نبي مواضيع تهدف وترفع معنويات الاعبين والمشجعين والحث علي الحضور الخميس
انا اقول هزيمت الهلال من الشباب من البطاطي حق الرابطة لانة ما حضر موقفينهم الا تحاد السعودي

ياعزيز ( نامي - الزوري - المرشدي ) ليسوا بمستوى الزعيم هذي الحقيقة

إقتباس الرسالة الأصلية كتبت بواسطة هلالي لاخر لحضه ياعزيز ( نامي - الزوري - المرشدي ) ليسوا بمستوى الزعيم هذي الحقيقة

ياخوي هم الان لاعبين الهلال الان ولا نقدر نجيب غيرهم يمكن يناير يتغير شي

ان شاء اللة

لم يدمر لاعبينا الا هذه الاقلام
اريد ان اسئلك هل انت مشجع او داعم للفريق وادراي او فني ومدرب او استشاري
انت ناقد و مدمر واللاعب وهو مبدع وجلب ثلاث نقاط تقلل من شأنه
لايعجبكم العجب ولا صيام رجب
هل تعلم لو استخدم اسلوبك مع اي لاعب ينزل مستواه

يانامي الله يعينك ... وانا متابع لك في كل مباراة كل لاعب عنده اخطاء وبالعكس انت تتحمل اخطاء غيرك .. هدف ولا أروع بالتعاون

انا اشوف الكورة كلها اخطاء وافضل ظهير بالعالم اخطا وجاءت اهداف عن طريقه ونااااااامي

لا ينقص عن لاعبين الظهير الأيمن بالسعودية أذا ما كان الثاني او الثالث في الترتيب ....