كل شعوب دول الخليج تصنف تحت بند الشعوب "المُستهلكه" يعني دورها يقتصر على استهلاك الجاهز
سواء في القطاع الصناعي أو الغذائي أو الإقتصادي .. يمكن عمان هي اللي شذت نوعا ما عن هالقاعده ومن فتره وهي تعتمد على المواطن لشغل الاعمال الصغيره
عندنا مشكلة الاعمال الصغيره أو اللي يصنف شاغلها تحت بند "عامل" تواجهها مشكلتين
الأولى اجتماعيه ونظرة شعب الله المحتار الدونيه للعمال خصوصا مع عشقنا للتصنيف -_-
الثانيه ماديّه بسبب تدني اجور عالعمال
ممكن القضاء على المشكله الأولى بالثانيه ، يعني لو كانت اجور الأعمال الصغيره عاليه بنشوف عليها اقبال كبير
ومتى ماتحسن دخل الفرد بشكل ممتاز بالتالي نظرة المجتمع راح تتغير تجاهه والدليل اننا نقول لفلان الهمجي المعفن (شيخ) لأنه باع ناقه وصار من اصحاب الملايين
وبالتالي صار شيخ وصاحب جاه
ولازم نعرف ان كل الاعمال والمشاريع الكبيره الأساس فيها هم هالعمال اللي يبني واللي نجار واللي يلحّم .. الخ
والله عندنا طاقات مهدره ياليت لو الحكومه واصحاب المشاريع يركزون عليهم عالاقل مايصير خيرنا لغيرنا
ويصير الاتجاه لهالاعمال بـ"الرغبه" وليس بـ"الاضطرار"