هل يصبح حالنا كحال الارسنال ؟!! - نادي الهلال السعودي - شبكة الزعيم

جنون رادوي :$ · #1 17/09/2011, 05:38 PM

قبل شوي تابعت مباراه الارسنال وبلاكبيرن شفت فى الارسنال القوه الهجوميه والضعف فى المحور و الاطراف
شفت الفريق المغمور البلاكبيرن صاحب المركز الاخير يهزم الارسنال هل نرى التعاون لا قدر الله صاحب المركز الاخير يهزمنا
لازم على الاداره العمل لتصحيح وشراء لاعبين محلين يعملون على سد الخانات على الاداره والجاهز الفني
الا يلعبو باسم الفريق وسمعته شفنا فى الدوري السعودي هذي السنه كيف تقاربت مستويات فرق المؤخره لفرق التى
تعتبر الصف الاول فى الدوري تابعنا استعدادات انديه التعاون والرائد والفيصلى وجلبهم افضل الخامات من لاعبين
محلين واجانب وتابعنا كيف التعاون احرج الاتحاد وكان قاب قوسين من الفوز مع العلم ان الاتحاد كامل الصفوف
والتعاون ينقصه افضل اجنبين فى وجهت نظري وهم المهاجم الألباني ميجيل ميميلي والمغربي صلاح الدين عقال
باعتقادي ان الهلال سوف يصبح حاله كال الارسنال الا ان يتم التصحيح فورا والان والعمل على جلب اميز الاعبين
المحلين فى الفتره الثانيه

جنون رادوي :$ · #2 17/09/2011, 07:03 PM

شكرا للمشرفين على رفع الموضوع

Rucci · #3 17/09/2011, 07:05 PM

يآخي .. مشكلتنا الدفآع هوسآي صار يخبط مادري شفيه الله يهديك ماهو زي قبل اظاهر مشيشين عليه معبين راسه . الله يهديه لاكن ما اضن هوسآي اكبر من هالامور ...

والمرشدي من زمان وانا غاسل يدي منوه من يوم يروح يدور هدرزآت بطعوس حآيل...

~
الله يصلح الحآل. وينك يا ليونق.. بس

if Only · #4 17/09/2011, 07:07 PM

توارد افكار سبحان الله توني بكتب نفس الموضوع

انا عندي احساس ان هالموسم كثير الخساير يعني لاننصدم ونخلينا ريلاكس
واتوقع الادارة والفريق ماهمهم المحليات بكثر ماهمتم آسيا يعني كل تركيزهم
يبي يكون عليها وبس ... وان كان كذا وش نبي فيها المحلية !!

يعطيك الف عافية على موضوعك الحلو

تقبل مروري

توربيد · #5 17/09/2011, 07:38 PM

مشكلتكم تحكمون على الفريق في بداية مشوارة ومافي مجال للمقارنة بين مستوى الهلال والارسنال ....الاخير كان يبيع لاعبين دون استقطاب لاعبين كبار .. والهلال صحيح انة غير جميع الاعبين الاجانب بس استقطب اجانب مميزين بس لازم نصبر عليهم شوي ويتجانسوا مع بعض وصدقني راح تشوف فريق ناري ان شالله...
يعطيك العافية اخي الكريم

بنو هلال · #6 17/09/2011, 08:14 PM

التعاون ليس بالمركز الأخيرربل بالمركز السابع ومسجل 5 أهداف

عموماً التشاؤم ليس من عادة الزعماء..

قلب تبوك · #7 17/09/2011, 08:16 PM

الله يكون بعوننا هالسنه ...

ع ـبود الودعاني · #8 17/09/2011, 08:24 PM

والله لو لعب الفريق في خط الدفاع هذولا
شافي ورضوان وهوساوي والبيشي
ان تشوفون افضل دفاع بالدوري
آه متى يرجع لنا هرماش وتشوفون الزعيم
غير

الهلال-اسامه هوساوي3 · #9 17/09/2011, 08:27 PM

لا تحكم على الفريق الا بعد 10 مباريات
الله يكتب الي فيه خير للفريق

ابراهيم المليفي · #10 17/09/2011, 08:37 PM

الله يعين بس والله (انا ماني متفائل بهذا المدرب ) من يوم قبل التوقيع معه اتمنى جلب مدرب كويس اذا ماتعدل المدرب وجلب الظهير في فترة التسجيل الثانية الله يعن ان شاء الله وبالتوفيق للهلال

Larson bn cogar · #11 17/09/2011, 08:48 PM

ليه كل هالتشاؤوم يازعيم
ارفع راسك ناديك سكب ويلحق تالي

هيبة الزعامة · #12 17/09/2011, 08:52 PM

والله هذا الكلام مايسير وحنا في بداية الدوري لاتتسرعون بعدين التعاون مو الأخيروالخيل الأصيله تلحق تالي

ibraheem868 · #13 17/09/2011, 11:25 PM

لا ان شاء الله لن نصل الى الدرجة هذي .......
الهلال كبير الخسارة كبوة جواد وسيعود ان شاء الله حتى لو ما اخذ الدوري سيكون قوي وبياخذ على الاقل بطولة باذن الله

ومازال للمجد بقية · #14 17/09/2011, 11:55 PM

مشكووووور اخوي على الموضوع

لاهنت يالغلا

الهـ s ـاوي · #15 18/09/2011, 12:03 AM

ما يهمنا الدوري إن جاء فيا أهلا ومرحبا وإن ما جاء ما عليه أهم شيء أسيا أسيا أسيا والمركز اللي يأهل لأسيا 2013

مشكور أخي ... وبالتوفيق للجميع