16/09/2011, 08:04 PM
|
| زعيــم مميــز | | تاريخ التسجيل: 01/11/2006 المكان: الرياض
مشاركات: 3,942
| |
|
توماس دوول مدرب كرة قدم !!!
بسم الله الرحمن الرحيم
في البداية اقول للجمهور الهلالي هاردلك على الخسارة المتوقعة
ماني عارف من وين أبداء من الإدارة والا من المدرب والا من اللاعبين بصراحة هالموسم الهلال يوجد فيه أخطاء بالكووووم للأسف أتمنى من المسوؤلين بالنادي تداركها وتصحيحها و أخص بالذكر رئيس النادي الرجل الذي قدم الغالي والرخيص لإسعاد الجمهور الهلالي لكن للأسف فيه ناس كثير ما تقدر هالطيبة و هالإخلاص ما اقول غير حسبي الله ونعم الوكيل
أنا في وجهة نظري الأخطاء الموجودة في الفريق حاليـاً هي 1\ قلوب الدفاع فيه ضعف ونحتاج إلى رضوان الموسى هاللاعب يذكرني بلاعب الإتحاد أسامه المولد نسخة طبق الأصل نحتاج اشراكه ليكسب الثقة والخبرة وتقوية قلوب الدفاع
2\ الأظهرة واضحة للأعمىء معدومة ويجب تغييرها لابد من وجود ياسر الشهراني بدل الزوري و سلطان اللبيشي بدل نامي هذي مافيها كلام ومافيها تفكير
3\ المحاور عندنا لاعب ممتـاز ويستحق أن يكون أساسي ليش نضعه احتياط ونشرك لاعبين صاعدين مثل حسام الحارثي هذا لسى صغير ويحتاج وقت عشان تضعه اساسي واللاعب هو محمد القرني صراحة ما بقى من ريحة رادوي وعزيز غير هالاعب و إذا ما نزل اساسي في جميع المباريات صدقوني ما راح نشوف متعة ولا مستوى ولا فوز وراح أقولكم ليش لأنه وبكل بساطة أهم منطقة في الملعب المحور لأن هالمحور يريح الدفاع كثير ويريح صناع اللعب أكثر ويربط الفريق كامل ببعض فإذا وجد المحور القوي ما راح نحتاج من ايمانا و أحمد الفريدي و العابد قطع كور وايضاً إذا صناع اللعب تفرغوا للهجوم وصناعة اللعب ما راح تشوف العربي يرجع لمنطقة المحور ويأخذ كورة وينطلق فيها لأن صناع اللعب بيوصلون له الكور الين منطقة الجزاء وبكل سهولة بيسجل مليون هدف طبعاً مع الكوري عشان كذا نحتاج محور قوي
4\ محمد الشلهوب لاعب كبير ولا يختلفون عليه اثنين لكن للأسف هو نقطة ضعف واضحة في الفريق وذلك لعدة اسباب اهمها كبر سنه و ضعفه البدني كما نلاحظ كل الكور تنقطع منه بكل سهولة الشلهوب المفروض ينزل اخر نصف ساعة لأن لاعبين الفريق الخصم يكونوا في أخر نصف ساعة من المباراة مرهقين وهنا راح يبدع الشلهوب وراح يستغل ارهاقهم وراح يمرر ويبدع لكن من بداية المباراة راح يأكلونه أكل مثل ما لاحظنا في جميع مباريات الإتحاد السنة الماضية و مباراة الشباب البارح
5\ هذي النقطة هي اللي جعلتني اكتب كل هالكلام الا وهي المدرب اعتقد حتى الآن انني لم اشاهد مدرب كرة قدم في نـادي الهلال قوة نـادي الهلال في العربي و الكوري يعني في الهجوم يجي هالتوماس دول ويخرج الكوري ويضعف 50% من قوة الفريق الهلالي والله شيء يقهررر وبكل صراحة أنا شخصياً ماني شايف لمسات المدرب على الفريق نهائياً و إذا استمر هالمدرب صدقوني راح يدمر النادي لأنه بكل بساطة ليس مدرب كرة قدم وما يفهم شيء كل اللي شفناه إن الفريق من سيء إلى اسواء إلى سيء جداً إلى اسواء جداً ما أقول غير صبرٌ جميل والله المستعان
اخر تعديل كان بواسطة » Fahad Al Sudais في يوم » 17/09/2011 عند الساعة » 12:23 AM |
الوضع العادي
