السلام عليكم ورحمة الله وبركاته
الموضوع صراحه طويل بالحيل بس اختصرته
والبشر عقليات فيهم الواعي وفيهم المعقد
أستغرب كثير ليه بعض المجتمعات مو الكل
يطلقو آ على اي فتاة تستخدم البلاكـ
انها ماتستحي ايضاُ بعضهم يطلق على البنت الي عندها مسن ماتستحي
للمعلومه )))هذآآآآآ وااقع موجد
ادري انهم عقليات جداً ضعيفه بس ايش الحل
خصوصاً نقطة البلاك بيري
انا في نظري على حسب عقل البنت واستخدامها له
سئ او نافع مثله مثل عالم النت
فيه الضار وفيه الناااااااااااااااااااافع
بس اعيد واكرررررر ليه كذآ بعض العقليات غبيه ومتنحه
للأسف هم في الوااقع مايعرفون استخداامه
فكيف يحكموون عليه
والله غريب
لا وبعد خدمة الوتساب معروفه هالخدمه مممنوع
يعني ايش الحل اذا فيه عقول منحطه في هالحياه
مثلاُ تتزوج البنت وتفتك من كل هالأمور والقرق الزاايد
لانه كل شي بيكون عاادي ولاحد بيتكلم
ولاحد له دخل فيها او ايش ؟؟؟
صراحه اخواني اخوااتي
انا ابي رراايكم في هالمووضوع الي كثير يعشونه

البنت اللي عندها بلاك بيري مش مشكله عليها بالعافيه أنا كل اللي حول من أهلي عندهم بلاك بيري إلا أنا

بس الاحظ ان هذا الجهاز مضاره أكثر من نفعه .. يعني تشوفينهم أكثر الوقت (مخندسين روسهم) و طقطقه على هالجهاز
و إذا كلمتي أحد منهم يقولك هاااا و كأنه ماهو حولك و البنات ماصار يهتمون بدراستهم ولا أمور بيتهم من طبخ و تنظيف و غيره

على العموم هو جهاز تسليه لا أقل و لا أكثر و اللي بيشتريه و يستخدمه عليه بالعافيه

الصراحه , البلاك بيري ضرره أكثر من نفعه , لأن بالبلاك بيري ماتقدر تتحكم بالشيء المعروض , وانا مابقول الاغلب بس ناس كثير بالبلاك يرسلون مقاطع وصور خادشه للحياء ,غير السماجه الي فيه .
بعكس النت , بالنت تقدر تتحكم بالمواقع الي تدخلها .
هذه وجهة نظري

إقتباس الرسالة الأصلية كتبت بواسطة sam_9991 البنت اللي عندها بلاك بيري مش مشكله عليها بالعافيه أنا كل اللي حول من أهلي عندهم بلاك بيري إلا أنا بس الاحظ ان هذا الجهاز مضاره أكثر من نفعه .. يعني تشوفينهم أكثر الوقت (مخندسين روسهم) و طقطقه على هالجهاز و إذا كلمتي أحد منهم يقولك هاااا و كأنه ماهو حولك و البنات ماصار يهتمون بدراستهم ولا أمور بيتهم من طبخ و تنظيف و غيره على العموم هو جهاز تسليه لا أقل و لا أكثر و اللي بيشتريه و يستخدمه عليه بالعافيه

+1

و إذا بشتري جوال مستحيل آخذ بلآك بيري لو آخذ النورس

و الواحد ما يضمن نفسه ..

و بعدين الرسايل او الصور اللي تجي ع البلآك كلهآ فضآيح و اشيآء م تنذكر ..

و م اتوقع في شبآب و بنات يآخذون البلآك هالايام عشان اشياء مفيدة و دينية العكس صحيح

هآذي وجهة نظري كـ بنت .. عوآفي

هلا اختي ومشكوره على موضوعك اناماهضمت انا البنت معها بلاك بيري راح تكون محط الجميع اللي حوله من اهلها يعني اذا اخوها معها بلاك بيري ويتكلم مع بنات خلق الله راح يكون شاك في اخته اربع وعشرين ساعه برغم انا الحين المجتمع اغلبيته معه بلاك بيري الصغير والكبير
انا ولله الحمد ما هضمت البلاك بيري ولا فكرت اشتريه برغم انا الاهل والاقارب يبوني اشتريه لاتواصل معهم بس راسي يابس
غير كذا ازعاااج كل شوي يطنن في فوق راسك وش حادك على الوجع يازين جوال المسلمين هههههه
اذا بغيتي تواكبين العصر عندك التتش الايفون او الجلاكسي او نوكيا......
تقبلي مروري

اختي اسمعيني اذا سلمت للبنت او الشاب المراهق جهاز يتيح لها التحدث لمن يشاء وفي اي مكان
تفتح له او لها باب كان مغلق والله اطفال ماوصل عمرهم 12 عام طايحين في الحب لان البلاك بيري في يدهم اقسم بالله ياختي ان اكثر من 65% من الي معهم الجهاز من البنات والشباب كلهم يستخدمونه استخدام ..للأسف
والبنت تثق بسرعة وبكلمتين من شخص لا يخاف الله وتصدقه حتى يقع الفأس في الراس
ماسمعت قبل كم يوم الحكم بالقصاص على شخص قتل اخته بعد ما انتشرت صورتها في البيبي
شخصين ماتوا والسبب الأب وثق في بنته والبنت وثقة في واحد كلب للأسف
وعندي قصتين حصلت لي شخصيا لاكن ما اقدرابوح بها

شكرا لك

وعليكم السلام ورحمة الله وبركاته

أنا صراحة أعرف عدد كبير من زملائي معهم بلاك بيري, وكلهم للأسف الشديد أصحاب غزل وبنات ... إلخ. وهذا الشيء صراحة خلاني أكره أو على الأقل "أتضايق" من وجود أي شخص معاه بلاك بيري.

إضافة إلى أن أي شخص معاه بلاك بيري دائماً يكون منطوي على نفسه وقاطع علاقاته بالأشخاص الموجودين حوله, وهذا بشهادة أصحاب البلاك بيري أنفسهم.

على العموم, يمكن يكون الوضع مختلف بالنسبة للبنات.. مع إني ما أتوقع كذا, لأني سمعت قصص يندى لها الجبين لبنات وكلها بسبب البلاك بيري..

شوفي اختي انا عندي اخوي بالبيت عنده ياويل اللي تشتري بلاك بيري ..
على قولته حق مغازل وقلة حيا يوم جا اختي هدية ماكلمها شهور يقولها بيعيني اياه
واجيب لك غيره مايصلح للبنات ومدري ايش رفضت ..

عموما انا هالجهاز مادخل مزاجي بتاتا البته / بس الغلط انهم يقولون عيب وعيب كل وحده
عندها عقل واذا متربية ماراح تستخدمه في اشياء ماهي بزينه ..
لكن يمكن يعرفون اشياء حنا مانعرفها والصراحة اغلب اللي عندهم هالجهاز تحوم
الشكوك حولهم وتبينها بالمليان الواحد مايضمن نفسه ..


هي جت على الجوال نفسه اخوي ذا عنده تطالعين فلم او مسلسل تركي
بس كورة لا عيـــــــــــــــــب / لا شافني عطاني ذاك الكلام كومايات كومايات
عاد تو من يومين جلس يقول انتي مخك فيه بلا قلت له ليه انا اشوفهم مفصخين
ههههههههههههه قام علي شوي ويصفعني

بس مدري عقول مدري شلون صراحة ؟
كني شطحت العذر والسموحة

استغرب ان فيه ناس كذا

الحين هالجهاز مع بزران الابتدائيه

وحتى الايفون فيه برامج اخطر من البلاك بيري لكن هي ع التربيه وثقافة الاستخدام

كل جهاز نقدر نستخدمه بالجانب اللي يعكس شخضيتنا


بالحب والاشراق

وعليكم السلآم ورحمة الله وبركآتة

لماذا دائم ننظر الى الجانب المظلم !
البلآكك بيري مثل إي جهاز له اجابيات وسلبيات
وإستخدآمه على حسب عقل آلشخص
آلصآلح بيستخدمه بالطريقة الصحيحة
والفآسد بيستخدمه بالطريقة الخاطئة
والفآسد حتى لو معآه الكشآف تلقآه يستخدمه بطريقة خاطئة

البلاكك بيري مآهو زي مآذكرة الاخوان إعلآه
إنه يتيح للكلآم مع كل مآتريد وانه عيب !
إرجع واقول إستخدامه على حسب عقلية الشخص

بعض آلبنآت تحط صورها وإشيآء مآلها داعي
وهآذآ يدل على تربيتها وخطأ كبير تعمله
وهي الي تتحمل مسؤلية مافعلت

وبعض البنآت ماشآء الله ماتشوف الزله عليها
وهآذآ النوع منتشر وغآلبنا وكل لستتي كذآ

انا عني آستفدت منه بزيآدة آلثقآفة الدينية والدنوية
وتوآصلة مع صديقآت وقريبآت لم اتوآصل معهم من 5 سنوآت
والحمدلله مانزل مستوآي الدرآسي

لنظر للشيآء بحسن نيه
وكلآم آلناس مآيفيد ولايقدم ولاياخر
لما آكون متآكدة اني ماعملت شئ خاطى
وانني اعمل بالطريقة حسنة مايهموني
آهم شئ رضى الله علي واني مااسوي شئ يغضبه

إعتذر على آلاطالة

^^^^^

إحترام وتقدير لهذا الرد ولن أعلق بأكثر من هالرد

حنا بـ 2011

وتراه جوال لاراح ولا اجا << اتعب ياللبناني

وش تتوقعين يعني ؟ مجتمع محافظ لا يقبل الأفكار الجديدة والدخيلة . نصيحة لك أفتكي من شره ترى المجتمع هنا مايرحم لو صارت زلة خصوصا من "البنت" . وش يحدك عليه أصلا ؟ كل الخيارات الثانية كثيرة ومتوفره وحنا بنعمه آكلين شاربين وفي أمن لله الحمد . ليش الواحد يجيب مصايب على نفسه ؟
اللي بيجري عكس التيار الفكري لمجتمعنا بيصير "نشاز" يعني واحد بيواجه آلاف من الناس بأفكار موحدة لو إن هذي الأفكار فيها سلبياتها إلا إنها بشكل عام مخليه الدنيا بخير وترجعنا وتذكرنا دائما بالأصول والثوابت الإجتماعية والدينية .

شي طبيعي من مجتمع كثير جدا منه يشوف المرأه من ساسها لراسها عيب انه يفكر بمثل هالتخلف

وبالتالي يشك ويرتاب في اي تصرف تسويه !

وعموما نرجع ونقول الجمله اللي من 10 سنوات نرددها ، ان التكنولوجيا شي جميل لكن تعتمد على استخدام الشخص لها

اما ربط السوء بالبنت لأن معها بلاكبيري والا تفتح ماسنجر فـ انا انصح ان اللي يفكر في هالشي يروح يشوفله حظيره ويعيش فيها اصرف