ليش التشاؤم ..!! خذوها مني الملعب بكره ملياااان .. - نادي الهلال السعودي - شبكة الزعيم

فيلسوف *15* · #1 14/09/2011, 06:49 AM

اغرب جمهور بصراحه جمهور الهلال

في حياتي ماشفت جمهور مثل جمهور الهلال غريب عجيب

فريقهم احسن فريق............... وزعلانين

عندهم احسن اللاعبين............... ويخافون

جمهورهم اكبر جمهور............. ومتشائمين

السؤال اللي محيرني ؟؟

انتم جد تشجعون الهلال والا تستهبلون ؟؟

طبعاً انا اقصد هنا نوعية الجماهير اللي شفتها بالمنتدى واللي هم زعلانين + خوافين + متشائمين

اخذت لفه على المواضيع اليوم وشفت اغلب ردود الاعضاء بخصوص مباراة بكره مع الشباب

كلها تشاؤم في تشاؤم

اللي يقول ماضنيت الجمهور يحضر واللي يقول ماتوقع يجي ولا 5000 واللي يقول عساهم يملون الواجه

واللي يقول مدربنا خرطي واللي يقول مستواهم مايشجع ..... الخ الخ الخ

انا اقول لهاالنوعيه من المشجعين ....!!

من الآخر كم تبون عشان تشجعون فريق غير الهلال ؟؟؟

من جد مايليق بالهلال مشجعين على هالشاكله . الهلال بطل ومايهاب وجمهوره الحقيقي لازم يكون مثله

غريب على الهلالي انه يكون خقاق و(رقله) ===>> رقله = مع الخيل ياشقراء

وغريب انه يكون بكائي وغريب انه يكون طرطنقي ...الصفات هاذي ماتركب على المشجع الهلالي

بصراحه ابتلي الهلال بنوعيه من المشجعين نواحين وغلابيتهم تلقاهم مسنترين بمنتديات الانديه الثانيه

ويراقبونهم وش قالوا وش ماقالوا ويشغل نفسه بأمور تافهه والمصيبه اول مايصير شي

بمنتديات الاندية الثانيه يجونك المطفق ينقلونه قالوا كذا وفعلوا كذا صايرين مراسلين على غفله مدري متى يعقلون

...

المهم ارجع لمحور الحديث واللي هو عن مباراة بكرة اللي اتوقع بمشيئة الله حضور اكثر من 40000 مشجع هلالي

من الرياض فقط عاد اللي بيتعنى الله يكون بعونه ويسهل امره ويروح ويرجع سالم غانم

ولايجي واحد يقول جمهور الرياض عجازين او اتكاليين ويقعد يعذرب فيهم بالعكس المفروض ندلع جمهور الرياض

ونكتب فيهم المعلقات ونجيهم منا ومنا ونرفّع فيهم عشان ماتتعب نفسياتهم وترى العالم فاضيه ولاوراها شي

وان شاء الله بيملون الملعب واللي عنده عذر ومايقدر يجي معذور خصوصاً اللي عنده مناسبه عائليه او امه مرسلته بغرض

او ابوه كاده بشي لأن اهم شي بالحياة طاعة الله سبحانه ثم طاعة الوالدين والرسول عليه الصلاة والسلام يقول

(( خيركم خيركم لأهله وانا خيركم لأهلي )) او كما قال عليه الصلاة والسلام

بالتوفيق ان شاء الله للزعيم

عذراً على عدم التنسيق ( اهم شي الاخلاق )

...

..

.

أمورة الزعيم · #2 14/09/2011, 08:14 AM

حنا ماقلنا هالكلام الا شآيفين قبل .. وفيه امثلة كثيرة لكن
ان شآء الله يعكس التوقعآت ويحضر غداََ بكثآفة

شكـراََ لك

صآحبة السموالهلاآلية · #3 14/09/2011, 08:50 AM

إقتباس

الرسالة الأصلية كتبت بواسطة أمورة الزعيم


	حنا ماقلنا هالكلام الا شآيفين قبل .. وفيه امثلة كثيرة لكن ان شآء الله يعكس التوقعآت ويحضر غداََ بكثآفة شكـراََ لك

+1 مآزيد علىَ كلآم أموره

3nezawi · #4 14/09/2011, 08:17 AM

الحضور في مبارايات الرياض .. يخوووووف .. و كثير ما يفشلنا ..
خلك واقعي .. حنا ننتظر الوقت اللي يفشلنا فيه و يحضر بكثافة لكل المباريات ..
.. لاني و بصراحة بديت اشك ان الحضور الجماهيري الكبير في الرياض في المباريات الكبيره .. هو بفضل جمهور الفصيم و الشرقية ..
//

SHoOoSHoOo-20 · #5 14/09/2011, 08:19 AM

ان شاء الله الجمهور يكون حاضر

وبإذن الله يفوز الهلال يَ رب

2-1 ان شاء الله

@زعيم الرياض@ · #6 14/09/2011, 08:22 AM

بلعكككس جداااا متفااائل

يوم خميس

واول مبارة بالريااض بالدوري

واول مبارة للعربي وايمانا ويو بيو << هههه ياصعب اسمه

ومع اقرب منافس هالموسم بوجهه نظرري

والأجواء حلوه مو ذاك الحر

والتراس الهلالي

بمشيئة الله بالراحه الواجهه فل

ولا فيه اساسا اي عذر لعدم الحضور

عدوول الهلالي · #7 14/09/2011, 08:23 AM

بأذن الله الجمهور
يكون عند
حسن الظن

البرفسور الهلالي20 · #8 14/09/2011, 08:35 AM

ان شاء الله الجمهور يكون حاضر

وبإذن الله يفوز الهلال يَ رب

2-1 ان شاء الله

سعوديه والهلال ناديه · #9 14/09/2011, 08:38 AM

لاتنسون الاتراس

كل الجماهير يقولون جماهير الهلال مايصلح لها اتراس

ردو عليها وانتم قدها

الفيلسوفـ ... · #10 14/09/2011, 08:47 AM

اتمنى يمتلي لكن ما ضنيت مدام نص جمهورنا يشجعون لاعب ولا ولا يشوفون له مباريات
ههههههههههههههههه

14(البرنس اليمني)14 · #11 14/09/2011, 08:52 AM

.
.
اححح مو كأنها قويه 40 ألف ؟
والله أتمنى يعني فيه ناس كثير بيجون من خارج المملكه ليش الي من جوا المملكه مستصعبين الأمر ؟
يعني ترى كلها 90 دقيقه والله مايضر
يالله إن شاء الله الحضور يكون مرضي وقد الطموح

الهلالي100% · #12 14/09/2011, 08:51 AM

_

ي رججل ملينآ وحنآ نتفآئل بحضضور مميز .. ،
ولكن دآئمآ يخذولننآ .. !
ولكن آن شآء آلله غدآ آلعكس ..
نتشآئمم .. ويبيضون آلوجه بآذن آلمولى .. !

إحساس خالد · #13 14/09/2011, 08:59 AM

,/
كل ماتشائم الجمهور يكون العكس والامثله كثيره !
لايضيق خاطرك خيّو

،،،

سيف شرقية · #14 14/09/2011, 09:02 AM

الله يوفقك الهلال وين ماكان

والله يصبرنا على جمهور الرياض

| فخامة الزعيمه | · #15 14/09/2011, 10:16 AM

فدددددددددددددددددددددددددددددددددديت الأتراس فديتهم

الله معااااكم,,

إحنا نطالب في الحضور من أجل إكتمال الأتراس من جميع النواحي

ضروري الحضور مو بس الخميس جميع مباريات الزعيم نطالب بالحضور المشرف الزعيم وابومساعدونواف بن سعد وسامي الجابر وتوماس والاعبين كلهم ينتظرون المسانده الجماهريه خلوكم في الموعد يازعمااااااااااااااااااااااااااااااااااااااااااء فديتكم