مهاجمينا كلهم مهاجمين صندوق!! ... ماذا تفعل يادول؟!! ... هل يكون فريدي آخر في الهلال؟!! ... وماذا عن الرياضية!! ... سات ياعرب
سلام عليكم كيف الزعماء ان شاء الله بخــير
بدون مقدمات:
راح أبدأ بالمهاجمين!!
هل يعقل في نادي مثل الهلآل لا يوجد الا مهاجمين الصندوق ولا لاعب مهاجم يلعب خلف رأس الحربه وهو مايسمى بالمهاجم التقليدي وهو المركز الذي كان يستطيع اللعب فيه ياسر ويوم كان يلعب كان يسحب المدافعين ولكن هل يوجد رأس حربه ايام ياسر ؟؟ الجواب لا لان ياسر يلعب وحيدا وكان يعطي الفرص للاعب الوسط للتسجيل ويوم اكتشفوا ان الهلال ضعيف هجوميا جابوا لنا مهاجمين صندوق فقط واعاروا المهاجم التقليدي اللي يساعدهم بفتح مساحات لهم وسحب مدافعين والكل شاف يو بيونق والعربي يخرجون على الاطراف في ظل التكتل الدفاعي بينما لو كان العربي خلفه ياسر لسحب كم مدافع معه وايمانا والشلهوب مايحتاج بالصنع وراح تشوفون العربي يهدف
بيجي ناس يقولون لي طيب ياسر كان يلعب مع المحياني طيب انتو تشوفون ان المحياني دايما مايقعد بمنطقة الجزاء وهو يحب الجهه اليمنى اللي كان يلعب بها ويلهامسون ومع تقدمات لي يونغ كان يوجد بالجهه اليمنى 3 لاعبين هل من المعقول 3 لاعبين يهاجمون بالجهه اليمنى
طيب نجي للمدرب الحين دول في تغيييييير غريب اللي هو خروج الزوري ودخول الفريدي وحول لعب سلطان البيشي في مركز الظهير الأيسر غرررررريب اول شي سلطان البيشي مايلعب ييسار والكل شاف كيف مستواه ماسوا شي بينما الزوري كان يتقدم ويعرض حتى لو كانت عرضياته ماتوصل للمهاجمين ولكن اكيد وحده بتزبط بينما البيشي ماسوا شي طيب مادام انك تبي البيشي خرج نامي اللي مازالت له بعض الأغلاط والمحور امس كأنه فااااااااااضي خصوصا الشوط الثاني حسام الحارثي موهبه ويقدم مستوى ولكن بدرررررررررري تخليه يلعب بالمحور وحده الفريدي محور بس متقدم وقليل مايتراجع والبيشي ايضا صرنا نشوفه مع دول جوكر يلعب بأي مكان البيشي ليش تلعبه محور وعندك بندر البيشي احتياط وانت تحتاج القرني ليه العقوبة انت تضر الفريق اخصصصصصم من الراتب ولا تعاقب بالغياب اللي يضر فريقك وانت في اسم الحاجه للمحاور في ظل بيع عزيز والرقان واصابه هرماش والغنام
ايمانا وماادراك ما ايمانا من جهتي صراحة افضل لآعب من الهلال هو والشلهوب ولو انه يعيب عليه بروده مثل الفريدي مع انه صانع لعب مميز ويجيك في لقطات وشفنا له كم لمسه يصنع باحترافيه بس بقي تفاهمه مع المهاجمين بس تحسه زي الفريدي في بعض فترات المباراه والآ المرتدات ماشاء الله يلعبها بسرعه والفريدي آخر المبارايات بدا يصنع اهداف بشكل مميز وان شاء الله نشوفه صانع اللعب الأول بالهلال والمنتخب
ماذا عن الرياضيه وعرب سات
تعبنا وحنا ندور صحن وقسام وراس اقسم بالله ان اكثر المحلات خلصت من عندهم هالاشياء من الاقبال الكثير والذي يدل على ان اكثر الشعب ماعنده عربسات ماعنده الا نايلسات هذا غير العامل اللي بتجيبه يركب الصحن معك والله ماعد القى اي احد في المحلات وكل ماجا احد قال والله في واحد مكلمني من اول ولا تلقى احد يجي معكك والله تعبت 3 ايام ادور احد ولا في احد كأن أصحاب المحلات انقرضوا ومع دعم أبو متعب
للقناه الرياضيه الا انها لا تزال هي القناة الخشبيه ولا يمكن تتغير أبو متعب الله يخليه يوم دعمهم يبي الشعب يشوف دوري بدون اشتراكات وصجه لكن ماحط فلوسه الا في قناة ميؤوس منها لانهم وان خلوها بدون اشتراكات الا انهم خلو الناس تتعب وتركب وتغير قمر يعني وفرنا فلوس لكن تعبنا
هذا أول موضوع لي واتمنى تسامحوني على الأغلاط إن جد