راح اتكلم عن الفئات السنية لان هالموضوع مشغلني و مضيق صدري ..
القاعدة السنية في الهلال تحتضر يا سادة ..
و المشكلة اننا للاسف لا نجد بوادر انقاذ لها .. بل بالعكس قد تكون شرارة لاشتعال حرب اهلية > تعبيرمجازي
الامير بندر بن محمد
اسم غالي على كل هلالي و لا ينكر فضله و لا جهده احد
لكن الزمن تغير .. الصرف تغير .. العقول تغيرت ..
الامير مشكورا تحمل اعباء القاعدة سنوات و اخرج لنا جهابذة و اساطير .. لكن
الية العمل المتبعة في الفئات السنية حاليا غير مجدية ابدا .. و انتهت صلاحياتها منذ زمن ليس بقريب
يا سمو الامير
حبك و غلاك عندنا غير مرتبط بتاتا بأنك تشرف على الفئات السنية
و اذا تركتها لغيرك هذا لا يعني اننا بننساك .. انت بالذات لك مكانة غير عند كل الهلاليين
و ما نشك ابدا انك احرص الناس على الهلال
انتقادنا و كلامنا من خوفنا على مستقبل الهلال
مستقبلنا غير واضح .. مرعب .. مظلم .. مجهول .........
لعيبة الفريق الاولمبي صاعدين من درجة الشباب
يفتقدون لأبسط اساسيات كرة القدم !!
مستوى المدربين متدني جدا جدا جدا .. لا سيرة ذاتية و لا عمل على ارض الميدان
الاندية تستعين
بكشافين يبحثون في الحواري و في الهلال اللاعبين يأتون للتسجيل و يرفضون ..
لازم يكون عندهم
واسطة عشان احد يشوفهم
البنية التحتية و الملاعب التدريبية سيئة للغاية و لا نعلم من نحاسب انتم و الا الادارة الكل يقول انا مستعد و لا شفنا شي !!
الاجهزة الطبية ,
التغذية ,
التوعية ,
انظمة الاحتراف ,
تعليم اللغة
اشياء اساسية لتنشئة لاعب محترف مفقودة في المدرسة لانها تركز على كرة القدم فقط و هذا خطأ كبير
لمن يتحجج و يقول العابد و الدوسري و الفريدي .. نقوله المدرسة لها 10 سنوات عاجزة عن اخراج
ظهير ايمن عليه الكلام + مهاجم + مدافع >>> 3 مراكز نصيح منها
اللي يقول ننافس على الدوري كل عام لك سنتين ما اخذت و لا بطولة و بطولات الفئات السنية اساسا
ليست معيار على تفوقها .. الموسم الماضي حدثت نتائج كوارثية امام النصر و الاتحاد!!
اللي يقول لعيبة الهلال في المنتخبات السنية نقوله تراهم ما يتعدون 5 في الشباب و الناشئين !!
اغلب منتخبات الشباب و الناشئين من الاهلي ثم النصر !!
بالنسبة لي
الادارة ما عليها ملام باللي يحصل في الفئات السنية خاصة بعد ما عرفنا ان استلام
الاميرعبدالرحمن لرئاسة النادي كان شرطه بقاء الفئات السنية تحت اشراف الامير بندر !!
اللوم و العتب و الخطأ يقع على اعضاء شرفنا .. لأنهم شايفين اوضاع القاعدة في انحدار و ساكتين
الادارة ما تقدر تتدخل .. لان الاتفاق تم هكذا !! و تدخلها احتمال يسبب ازمة في النادي
هنا
التدخل لابد يكون من اعضاء الشرف .. مستقبل الهلال اهم من اي شي ..
و الامير بندر
ما راح يفقد مكانته بالنادي اذا تخلى عن الفئات السنية فهو نائب هيئة اعضاء الشرف
و الرئيس الذهبي و الا كثر شعبية ..
بيجي يوم راح نتحسف على هالملايين اللي ضيعناها في الاجانب .. لو تصرف نصفها على القاعدة
لأخرجنا اجيال هلالية متلاحقة نستغني بهم عن محليين الاندية الاخرى و ربما حتى الاجانب
اخلاص ابن النادي غير .. و الله العظيم غير و ما ظنتي نسيتوا منظر الجابر و بو ثنين في الدكة الموسم الماضي
اسف على الا طالة بس ما حر ما فيني و الله