هلابكـ يا غالي
أببدأ من اخر نقطه وهي انه بيتوظف بالمرتبه السادسه ( اذا سافر ) ,,
اعتقد انه نفس اللي يتخرجون عندنا بكالريوس يتوظفون على نفس المرتبه ( هذا المفروض ) .
بالنسبه للابتعاث ما انصح فيه ابد ابد ,, واذكر قلت لواحد من اخوياي لا تروح يا فلان قالي انت ما تدري و انت ما تبي لي الخير
< < عطون عصا بالله
تصدق استأجر له ابوه شقه و عنده سياره هناك وجلس سنتين سنه يتعلم انجليزي و سنه يحوس بالمواد ( اعتقد تخصصه حاسب ) المهم انه رجع بعد سنتين ,, كان رايح لـ أمريكا ..
يقول طفشت و الدراسه صعبه و لحالي و ملييييييت < < الا دجيت
والسبب اللي يخلين ارفض الابتعاث ,, ابسألك انت يالغالي واكيد انك اكبر من اخوك .. ما لاحظت بعد ما تخرجت من الثانوي انك تعلمت اشياء كثير و مواقف كثير علمتك شلون تتعامل مع الحياة و تعاملك مع الناس و تعامل الناس لك والا عليك و تقبلك لكثير من الامور ,,
مثلا دكاترة الجامعات تلقاك اول ترم تقول ياشينهم وما يعرفون يتعاملون ,, و بعد مرور الوقت تعرف تتعامل مع الدكتور و العامل و الغريب ( بسبب تجاربك ) ..
اختصار للموضوع ,, اخوك طلع من الثانويه ومن هالنقطه بيتحدد مصير حياته اذا بدأ كويس بيستمر كويس و اذا بدأ عوج ( الله لا يقوله ) يا يبتل عوج والا يبيله وقت يتعدل ...
ومثل ما قلت لك خله يتعلم أمور الحياة هنا .. بكرا اذا طلع ولا عرف يدبر أمور , لو تهاوش مع احد لو انزنق بأي شي < < ما حولك احد ..
كلنا انا وانت و غيرنا لو جاي قايلنا احد هالكلام بعد الثانوي علطول كان نقول : لالا ما عليك ابدبر اموري ولا يهمكـ .. وحنا الحين نقول اغدي امورنا هنا اللي تعدي على خير ,,
وهو عنده خيار ممتاز جدا اللي هو ارامكو ,, انا اقول يجلس هنا و يتعلم حول اهله واذا ضاق صدره والا شي يصير حولكم واذا بغى شي وصوله سهل ,,
بعدين اللي اعرفه من اللي دخلوا ارامكو ( قسمهم علمي ) انهم يدرسون سنتين .. بعده يكون امامك خيارين يا تتوظف عندهم بـ 8 الاف (( احسن من المرتبه السادسه )) او تكمل ( ثلاث سنين بالخارج ) وترجع راتبك 15 الف تقريبا .. لأنك تدرس على حسابهم و تحت نظرهم .
بالتوفيق لـ اخوك و عقبال ما يرفع روسكم ,, و اسف على الاطاله يالغلا