شوف بدلائهم
المرشدي نبدله ب عقيل الصبحي
ناامي نبدله ب عبدالمطلب الطريدي
الغنام نبداله ب محمد القرني

بالله من تحط بدال المرشدي
!!!!!!!!

هو لو تبي الصراحه الأربعه اللي ذكرتهم مايستحقون ارتداء شعار الزعيم

بس لو تتكلم بعقلانيه شوي إذا استعنينا عنهم كلهم هل من المؤكد أنا راح نلاقي لاعيبه أحسن منهم
في كم يوم. بحكم أن الدوري باقيله كم أسبوع

على العموم.ترى الاداره ابخص بهذي الامور

أنا معك لكن في حالة التعاقد مع
1ماجدبلال
2ياسر الشهراني
3عبدالمطلب الطريدي
4أحمد عطيف
صدقوني كل اللي ذكرتهم مايكلفو نصف قيمة إيمانا

اللاعب لازم يطور من مستواه وهذا الشي نتفق عليه جميعاً.

لكن لاحظ كثرة تغيير المدربين واختلاف اسلوب المدارس والمنهج التدريبي

كثير ماتخدم اللاعبين ،،، أنا أعتقد إن المدرسة الأوروبيه مناسبه كثير بالنسبه لنا

تعتمد عل اللعب الجماعي وهنا يغيب التميز على مستوى الفرد ،، لكنه يبان على العمل الجماعي بصفه عامه

اللاعبين اللي انت ذكرتهم اخي الكريم ماراح تلاقي احسن منهم هنا في السعوديه.

مالنا إلا نصبر عليهم لحتى نلقى بديل عنهم أو اللاعبين انفسهم يطورون نفسهم ويشتغلون على تطوير مستواهم بكل قوة.

إقتباس الرسالة الأصلية كتبت بواسطة بندر 999 الصراحه وبكل امانه بالنسبه للمرشدي لاعب ما أرى انه يجي منه . لاعب قنبله موقوته في أي مباراة .. مع انه في بعض المباريات احس انه مالديني من قوة مستواه .. ومع كذا اوافقك الراي بالنسبه للمرشدي .. الغنام .. لاعب يعتبر من افضل المحاور على مستوى المملكه مشكلته كثير الأصابات بس ومع كذاا الهلال من المستحيل يستغني عنه وخاصه بمركز المحـور بما اننا في السعوديه ومو في البرازيل نقدر نصنع لاعب بين ليله وضحاها محـور . خانة المحور نادر جداا تحصل لاعب يعرف ابجديات لاعب المحـور .. الغنام مهم في تشكيلة الهلال بشكل عام كبديل . بالنسبه لنامي .. لاعب جيد انظلاقاته سريعه سيء دفاعيا حماسي وحماسه يضيعه اشوفه بالتشكيله ولا أتوقع الأستغناء عنه .. بما انه خانة الظهير الأيمن بالسعوديه من النادر تحصل لاعب يلعب ظهير ايمن ومعدودين على الأصابع .. الزوري لا تعليق .. والصراحه ظلمته لاعب كبير ومن افضل من لعب بخانة الظهير الأيسر على مستوى المملكه .. دفاعيا اكثر من ممتاز وهجوميا ولا أحلى يسجل اهداف يعيبه انه ما يرفع اوفر بس بأذن الله الاعب صغير بالسن ويقدر يغطي عيوبه .. من الآخر موضوعك ماله داعي وحاول مره اخرى .. كل الاعبين اللي ذكرتهم الهلال بحاجتهم تقبل تحياتي ..

نفس كلام أخوي الكريم .

اوافقك الراى 100%

وخاصه في نامي

انا قبل كنت اشك ان منتدى الزعيم فيه نصراويين او اتحاديين مسجليين بمنتدى الهلاليين باسم انهم هلاليين لكن هم بالاصل مشجعين لانديه اخرى ودليل فاتح باب عن المرشدي اللي الى الان ما لعب بعض الجماهير صارت مثل الاعلاميين نادي النصر انهم يجيبون ياسر القحطاني في خساره المنتخب وانتم كل مره جايبن المرشدي ومطلعين هوساوي انو هو صخره دفاع وانه وخر عنه الان وهو وربي بتندمون بعدين اذا سحب عليكم مع احتماليه كبيره لسحب وعلى فكره لو تشكيله تكون شافي الدوسري بدال عن الزوري بتشوفون كيف المرشدي يتحسن مستواه لكن لمن يكون الزوري موجود اعذرني لان الزوري بارد ويهجم ولا يرجع واللي ياكلها المرشدي لان الهلال يلعب بمحور واحد ايام رادوي كيف يغطي الجنب هذا !

اما نامي فهو له سلبيات وايجابيات كثيره
الغنام اكبر خطا للاداره الهلاليه يوم تنسق البرقان بكل صراحه لكن نرجع ونقول

الله يوفق هلالنا : )

المرشدي من افضل المدافعين بالمملكه واشوفه حاليا افضل من هوساوي بكثييير ..

كلامك غير منطقي

نامي لو يلعب بالقادسيه ولا اي نادي ثاني ورب البيت الكل بيطالب فيه ..

للاسف اغلب اللي ينتقدون نامي ما يتابعون الهلال اصلا !

نامي اداءه تطور كثيييييير وبوجهة نظري انه افضل من الزوري ..

المرشدي من افضل المدافعين بالمملكه واشوفه حاليا افضل من هوساوي بكثييير ..

لكن للاسف ما حولك احد خلاص هوساوي بدع في اول سنه الناس طاارت فيه والآن مستواه سيء جدا وينكب اكثر من اي لاعب اخر !!

خلوكم واقعيين الغنام متى اخذ فرصته ؟!

مع احترامي لك ليش ما انتقدت هوساوي اللي اداءه هااابط بقوه

عموما وجهة نظرك واحترمها

حسب وجهة نظري

المرشدي حمااااس وهذا المطلووب واذا ابعتده مين راح يغطي مكانه

نامي فيه دقاات بس لو رجع مكانه الاصلي يمكن نغير وجهة نظرنا

الزوري ساعات يبدع وساعات يفهي

الغنام اتوقع انه مايحظر للمباراه لاان كان رادوي لعب اساسي فهو حاط ي باله انه ماراح يلعب وفجأه يلعب ويصيب من عدم التدريبات