موظفات الحرم جزء ثاني - نادي الهلال السعودي - شبكة الزعيم

parrot · #1 04/09/2011, 07:22 AM

السلام عليكم و رحمة الله و بركاته
من العايدين

و كل عام و انتم بخير
بالفترة الاخير صار لي هجوم شخصي او هكذا شعرت

علمانيه على ليبراليه على صهيونيه و لكن على قولة الصقر اللي ما يعرفك يشويك

..........كل ما كتبت موضوع انحذف و الا تقفل ...ما في إحترام لراي الاخر

..
من أنتم
من أنتم
سوف تندمون يوم لا ينفع الندم

بأكتب لكم موضوع و إن شاء الله تلاقون فائده و إذا ما لقيتم إطرحوه أرضا كالعاده و إحذفوه

......
وشسه ......تذكرون الموضوع اللي من هاك لسنين حق رمضان اللي فات يوم إني رحت إعتمرت

.......موضوعي عن موظفات الحرم

>القلب للحرم
السنه هذه على التوالي الجزء الثاني عنهم برضو و ليس بصفتي كزائرة و لكن كموظفه

فديتني و أبشركم محيت الصورة

.....طسي بس

و إن جيتم للجد باكتب لكم مواقف و إنتم إستخلصو الفائده و إنتقدوني إنتقاد يوجهني لدرب السنع

إبداء باليوم الاول عشان تملون

......
اليوم الأول
كنت أبواب

و فتشت أغراض الناس

و صرت شريرة

........
صراحة بالاول ما كنت اعرف ليش يفتشون او بالاصح ايش يدورن بالضبط ولكن لما جربت شفت البلاوي و عرفت الاشياء الممنوعه و اللي هي القوارير لان الماء اللي بداخل الحرم للشرب فقط مو تعبئه يوجد سقيا زمزم برا
السكين و تعرفون ليش
المقص و الموس و نفسي عرف اللي تجيبها وش تحس فيه .....مره اخذت من وحده و قامت تهاوش انا اقص مسوكي فيه ...و لازم ناخذه لان بعض المعتمرين يقصون شعرهم داخل الحرم و بعض الاشخاص قد يستخدمونها لدواعي السرقه
الاكل بكل انواعه برياني على مندي على سناوش طعميه ..........وش يحسون فيه اللي يجيبون اكل للحرم مسويها فيها اجر و انتي توسخين الحرم
اذكر لما كان عمري 15 <<<الزمن الجميل

و اختي من ابوي اكبر مني عمرها 16 قررنا نهج من البيت

>>دعابة لمن لا يعرف

و كل ما قلنا مكان قالوا ما نقدر نسيبكم لحالكم نخاف عليكم اخر شيء إقترحنا الحرم و كان وقتها رمضان قال أبوي لامي و خالتي لا تمنعوا إماء الله مساجد الله ........و إحنا

.....لما جينا نروح جهزنا قهوة و أبوي قال إنتن بتعبدن و الا بتقهون

........و اللي يقول وش الطاري هذا فن الاستطراد إنك تقول هرجه ناشبه في حلقك من سنين

البطانيات ممنوعه و عربات الاطفال لانها تاخذ حيز و برضو وش تحس فيه

طبعا فيه نس تجيب بطانيات و يقال انهم معتكفين و اللي اعرفه عن الاعتكاف إن جبرائيل عليه السلام كان يدارس الرسول عليه السلام القران في الاعتكاف و الرسول عليه الصلاة و السلام كان يجتهد بالعبادة حينما يكون معتكفا و إذا أتى النهار إنقضى لشؤون أهله أي يساعدهم و إذا في شيء خطاء صححوني

مو بطانيات و مخدات

المشتروات ايان كانت ممنوعه برضو تاخذ حيز و اللي تقضىثم تروح الحرم اقولها من هذا المنبر روحي الحرم ثم تقضي

الزجاج ...القزاز حتى العطور بس الاغلب معاهم و ما تطلع برا الشنطه عشان نكذا نصادر اي عصير قزاز لانه ممكن يتكسر و يأذى الناس و في ناس مخهم مصلب اقولها ممنوع تقول لي عصير ايش فيه يعني ......إنتي ببيتكم لما ينكسر القزاز لا بد تبقى أجزاء منه باي مكان ما عاد الحرم اللي فيه امه

طبعا باليوم الاول جلست مع حرمه من زمان بالحرم كبيرة بالسن و تعرفون مود الحزن و البؤس كخليجين

قلتلها يا خالة و الله كنت احسدكم على صلاتكم بالحرم و لما جربت عرفت انكم حتى الصلاة ما تتهنوا فيها ردت علي و الله يا وليدي ان ننقرها نقر عشان نلحق نفتش و نراقب بس نحسبن و الله حسيبنا إنا من حراس المسلمين و الله يقول من بات يحرس في سبيل الله عيناه لا تمسهما النار

......و ربي كان اعظم تشجيع سمعته بحياتي

خلال وظائفي اللي اشتغلت فيها كنت ادخل للبيت و اقول إنك كادح إلى ربك كدحا فملاقيه و إختي تقول إيش بك النهاية حلوة .......إردفت ترا متعوب عليها

.....البلا بالكدح
الخلاصة عمري ما حسيت بجو إيماني بحت الا بالوظيفة هذه و الخالة هذي حكم .....جت وحدة و بفتشها قامت قالت أنا سعوديه قلتله معليش ما أعلم الغيب أنا سواء كنت سعوديه و إلا لا و بعد ما راحت قالت لي الخالة ترا اكثر البلا منهم

تجيب فصفص و الا مكسرات و بسكوتات و الحجاج يقلدونهم ........كلهم سواسية و اللي تقول انا سعوديه هذي اللي معاها شيء

وشسمه تعبت اليوم باكتب لكم عن الروضة بنفس الموضوع بس مو الان

و إذا ما لقيتم بموضوعي فائدة من و من ابليس

خبركم مو مصفد

إحذفوه بدري عشان ما أتعب نفسي

parrot · #2 04/09/2011, 07:25 AM

.................................................................................................... ..
جيت

يا هلا بي

الروضة الشريفه
عشان يدخلون الحجاج للروضه نقسمهم فرق
المغرب العربي مع بعض و اللي هوا المغرب و الجزائر و تونس
الشام مع بعض لبنان و سوريا و فلسطين و الاردن
تركيا لوحدها
دول الخليج .....خليجينا واحد

الباكستانين و الهنود مع بعض و البنغلاديش لان لغتهم اردو .........كله كوم و لما تجي وحده يعني ما تخطىء العين انها هنديه اقولها وذ باكستان و انديا تقول لي I am British (بريطانيا ) نا بطني تمغصني

طيب انتي هنديه لا يغر الجنسيه اقولها stay with them تقولno عاد يوم شفت انها مصمله انهاBritish قلتلها تجلس جنب دول افريقا زعلت تقول وين Europe.........اشره عليك و نا بصير اخس منك يوم اصير امريكانيه

ماليزيا و اندونسيا مع بعض
دول افريقا و لغتهم انقلش مع بعض الا مصر لوحدها

المصرين موحمله......... امه لوحدها تمشي

كله كوم و لما اقول لوحده انتي مصريه اجلسي مع مصر تقول لي لأ أنا مش مصرية

.......سلامات وش تحسين
التقسيم لفائده المعتمرين مو فاهمين يحسبونها تحيز او تميز لشعب بعينه طبعا بعد التقسيم تجي مرشدة الحمله و تقول لهم هما ليش هنا

؟؟؟؟؟؟؟؟؟ تخيلوا هالامه اللي جايه مو عارفه هيا ليش هنا و المفاهيم عندهم مختلطة . بالبداية كنت اسمعها و استغرب إنها تقول الكلام و تعيده مليون مره طبعا من الكلام اللي تقوله
يا اخواتي انتم هنا لزيارة الروضه الشريفه و ليس لزيارة قبر الرسول فلا يجوز لكي زيارة القبور و يجب ان تكون الزيارة لوجه الله تعالى لا تشركي فيها نبي و لا رسول و من هالكلام
جات فتره حطوني عند باب الخروج من الروضه و في ناس اذكياء يدخلون من مدخل الخروج

فجت وحده خليجيه ما ادري عن جنسيتها قامت تصارخ لي على ايش حارسين الباب و الزيارة انتهت مو الرسول قاعد كيف الزيارة تنتهي و تنفاخ قلتلها الرسول عليه السلام ميت و لو انتي ببيتك يصله السلام ثاني شيء مو بس الحاريم بيزورن حتى الرجال في وقت للرجال و في وقت للحاريم ثم قالت كلام بما معناه انهم يدخلون و لا يشوفونه و على ايش .......صراحة فتحت فمي حسيت الموضوع فيه شرك
رحت للبيت و حكيت اختي عن المناقشه قالت لي الافلام الهنديه ما علمتك انهم يقدسون القبور

و يطوفون حولها قلتلها مسلمين قالت اغلب المساجد اللي بالدول العربيه لازم وسطها قبر يطوفون حوله
صراحة ما اختلفوا عن النصارى اقلها هم مشركين نبي و حنا علماء و صالحين طبعا الا من رحم ربي و عسى ربي يرحمهم
الخلاصة عشان لا احد يدخل بالنوايا .......اغلب اللي يسالون عن الروضه ما يقولون فين الروضه يقولون فين القبور او قبر النبي و يتذابحون عند الدخول لدرجة مره قلت لوحده بافهمها ........صلاة في مسجدي هذا كل المسجد مو بس الروضه تعدل الف صلاة فيما سواه ما خص الروضه بالحديث قامت ردت على يا وليدي يمديني ازور الرسول

و اذا عندكم حديث عن زيارة قبرالرسول عليه السلام قول لي يمكن ازور معهم و الا اعذرهم .........للحديث بقيه عن يوم العيد
عاد اختي لما شافت اني منصدمه جات بتحدثني و قالت افترقت اليهود على 71 فرقة , و افترقت النصارى على 72 فرقة , و تفترق أمتي على 73 فرقة كلها بالنار الا واحده
قلتلها اعوذ بالله رحمة ربي اوسع
الحمد لله الذي عافانا من الشرك و ما كنا لنهتدي لولا ان هدانا الله
للحديث بقيه

........اذا ما انحدف
نسيت شيء كالعاده

ترا التقسيم عشان بعض الناس يجون طول بعرض زي المصرين صعب جدا نضعهم مع الاتراك ......يصيرون سلطه مع التدافع
و رغم انهم بالنهايه يختلطون لكن و الله المشرفات باذلين مجهود جبار عشان يخلونهم منتظمين و فوق كذا مو نافع معهم و ترا المشرفات معهم لغات كل وحده مسؤوله عن حمله و معاها لغتهم ........ عقبال لي
.........................
يوم العيد

اول عيد ما اقضيه مع اهلي

و ترا فرحانه >>>>>>>> على بالها استقلاليه

الجو كان روحاني دخلت الحرم ما في ابن امه ما غير المشرفات و عاملات بن لادن ينظفون عاد لما بديوا الناس يجوا قمت اسوي الطريق و ارتب العالم بس لاحظت الكل مبتهج .......الباكستانين فجاءة فهموا لغتنا و يرحون وين نوجههم و المصريات من عنيا و الاتراك عطوني هديه

........الا السعوديات و عشان التعيم البعض منهم
وحدة ما انساها قالت لي بادب ليش نقوم قلتلها معليش في مكان ووسع الان اجلسي جوه و هذا الطريق و تفهمت الوضع و راحت مع امها
وحده حرمه كبيره اعطيها 35 معها بناتها قلتلها يا خاله قومي قالت لي ما اقوم غير لما تقومي ذولا و تاشر علي مقعدين

...........و الله من هول الصدمه باقولها احمدي ربك على العافيه بس ذهلت ان فيه بشر كذا
قلتلها يا خاله احترمي الحرم و من احترام الحرم احترام انظمته قالت هوينا الله يجزاك الجنة .......و الله قالتها باسلوب و كانها تقول هذا اذا دخلتيها......

الحمد لله يا رب انك مالك كل شيء بعد مناقشات و اقناعها بان اليوم عيد رحت و الكشرة وصلت مقفاها
هذي الاشكال مو لازم تعيد تجلس بالبيت ابرك و تعيد مع نفسها و تشرب قهوه لحالها اقولها اليوم عيد يا خاله اجلسي مع المسلمين جوه ....حسيت انها مستحقرتهم و ما تبغا تجلس جنبهم .........يوم انك مستحقره ضيوف الله ....اخرجي من بيت الله
بعد الصلاه البنت اللي بالاول سالتني وزعت على المعتمرين حلى فخم و اعطتني

و الباكستانيات سوا سبيل حناء ........قاموا يحنون الاتراك و اي وحده

..... بغيت اتحنى بس ممنوع

.تعجبني النيه الطيبه و التكافل لو بابسط شيء و طبعا هوا ممنوع بالحرم تخرج برا و تسوي سبيل الحناء

من اعجب ما مر علي بالحرم وحده بتدخل و هما بالتراويح يصلون قلتلها فين امك قالت برا قلتلها طيب روحي عندها قالت هي تبغا مويا للحليب قلتلها روحي للبراده برا قالت لا هيا تبغا زمزم قلتلها اول مره بحياتي اسمع ان الحليب يسوه بمويه زمزم

حتى من الكباس بعض لاحيان

قالت اللي معاي ما شفتي شيء الشاي و القهوه منه و يتروشون فيه و لما بتعيد الوضوء تعيده بالحرم من الترمس عشانه مويه زمزم

و انا و الكلام لي

ما سمعت الا لما شرب له مو من تروش و الا طبخ .........

كل عام و انتم بخير

تعبت

مـوت ومـيـلآد ! · #3 04/09/2011, 07:27 AM

بآآآآآآآآآآآآآآآآآآآآآآآروت

, وينك انتي ووين ايااامك

!
وش هالمجلس اللي يفرق ما يلم <<---- باند قوي من مااااجد

!
برب شوي وجايه

! بس كالعاده لازم احجز بموضوعك

!

الزعيمه منو · #4 04/09/2011, 07:55 AM

الله يعـــــــــــــنهم موظــــــــــفات الحـــــــــــرم

من جــــــــــــد تعب يتــــــــــــعاملوا مع جنــسيات مختـــــــلفه ونفسيـــــــات مختلفه

كـــــــــــول مااروح احن عليــــــــــــــهم صــــــــــراحه يتعبوا خصوصا مع تسويت الصفوف

وخصوصا مع غير العربيـــــــــات لانو التفاهم معاهم صــــــــــعب

والتــــــــــفاهم الاصعب مع الايــــــــــرانيات <<الشــــــــيعيات تحسين نفسك لمن تكلميهم بادب بيدخلونك حلبة مصـــــــارعه

جــــــــــــــزاهم الله خيــــــــــــــر وعانهم ربي

جـــــــــــزاك الله خيــــــــــــر اختـــــــــــي

ار بي جي10 · #5 04/09/2011, 01:07 PM

الله يعينهم خاصه على العجز (الشياب)
وانت شكلك تعبت على الموضوع

يعطيك الف الف عافيه

ازرق المشاعر · #6 04/09/2011, 01:34 PM

ياحياة الشقى مالك الا الاجر

بالتوفيق ان شاء الله

دمتـ بود

حروف الغلا · #7 04/09/2011, 03:08 PM

باااااروت كل عام و انتي بخييير

ما شا الله عليج اللهم لا حسد

قبل رمضان اذكر كنتي موظفة بمكان غير الحرم

صايرة مثل ابن بطوطه تتنقلين

موضوعك ما اقدر اعلق عليه محتاج معجم لفك بعض الشفرات

بالتوفيق دووووم

مسّتريح البال · #8 04/09/2011, 03:39 PM

باروته هنا

لا مش معقول

أولا ً كل عام وانت ِ بخير

< القلب أبيض عشان اختصاره pa

ليش متشائمه أن موضوعك مصيره للحذف ؟

مع أن الموضوع فيه فوائد كثيرة

بعدين الله يصلحك ليش ماتخلين إماء اللله ياخذون راحتهم في العبادة ؟ ضاربين مشاوير مئات الأميال ويجون يلقون باروته تضايقهم ؟

حقيقة أن أشياء كثيرة تحصل في الحرمين يندى لها الجبين , وكثير من تلك التصرفات تنم عن جهل مدقع استشرى في عقول وأفئدة الكثير وخاصة ممن يأتون من بعض الدول العربية والأسلامية المعروفة بالجهل في كثير من الأمور العقدية , فما بالكم بالفقهية !!
التعلق بأستار الكعبة وحيطانها , التبرك بمقام إبراهيم , التبرك بقبر المصطفى عليه الصلاة والسلام وصاحبيه رضوان الله عليهم !!
ممارسة الكثير من الطقوس الشركية والعياذ بالله في داخل الحرم خاصة مسجد رسول الله بالتوسل بالرسول وصاحبيه .
وكل تلك الأمور الشركية تنم عن جهل مركب أجارنا الله واياكم منها .
باروته جزاك الله خير على ماتقومين به في خدمة ضيوف بيت الله

وعقبال ما نشوفك مشرفة على احدى الحملات من دولة اسلامية وتتقنين لغة أهلها أحسن منهم

وأنا متأكد موضوعك السنة القادم الجزء الثالث من موظفات الحرم بيكون بأحد لغات أفريقيا الوسطى

كل عام وأنت ِ بخير مرة ثانية

ودمت ِ بحفظ المولى

عريب عبدالله · #9 04/09/2011, 04:24 PM

ماشاء الله يا بختك تجاوري الحرم

تصدقين كل ما جيت المدينه يكون خاطري اصلي بالروضه

لكن ما احب الزحمه هالمره ناويه تكون الزياره بشهر اثنين او ثلاثه او اربعه اهم شي يكون دراسه

موظفات الحرم يتعبوا كثير وجميل التعاون معهم

بالحب والإشراق

ميّادة · #10 04/09/2011, 05:17 PM

-

أحب مواضيعك

رغم إني أحيان ما أفهمك من الإملاء والحوسة

بس ما أقاوم أدخل

الله يوفقك دائماً ..

دبــل كيــك · #11 04/09/2011, 05:19 PM

عـلـى أجـر ان شـاء الـلـه .. ديـن ودنيـا ..

وأعـانـك الـلـه مـهـمـة شـاقـة ولـكـن مـا يـخـفـف مـن مـعـانـاتـهـا احـتـسـابـك الأجـر عـنـد رب الـعـبـاد ..

بـالـتـوفـيـق لـكِ

بطلة · #12 04/09/2011, 06:16 PM

مساء الخير ,,

كيفك يـ عسل

؟ لك وحشة قد شوشة رؤى

سبحان الله مع كثرة الاختلاط مع المجتمع تشوفين عجب

الله يعينك يـ شيخة , ولا واصيك الله الله بـ المرونة

إقتباس


	..كل ما كتبت موضوع انحذف و الا تقفل ...ما في إحترام لراي الاخر ..

إقتباس


	من أنتم من أنتم سوف تندمون يوم لا ينفع الندم

ههههههههههههههههههههههههههه

يـ قوية

إقتباس


	اول عيد ما اقضيه مع اهلي و ترا فرحانه >>>>>>>> على بالها استقلاليه

إقتباس

لبى قلبك والله

,
انبسطت بـ شوفتك

كل يوم تعالي وابد المشرفين خليهم علي مااخليهم يحذفون ولا موضوع لك >

الله يعطيك العافية , ويوفقك

شكر لك
بطلة

**نــواره** · #13 04/09/2011, 07:19 PM

-

من زممان عن حركات الحجز ض1

سويعات و بخششش من اللاب ان شاء الله و نتكي فيذا ض1

\

كلمة يَ وليدي ليش تكررت و كذآ

يعني ليش يقولون وليدي ليه مآ يقولون بنتي

بآروت القلب

أُقدّس مواضيعس اللي سوالف بس

الله يكتتب لس الأجر مآشآء الله

»--(¯`هلالي´¯)--»M · #14 04/09/2011, 11:57 PM

والله ياخوك ماعرفت ايش تبين توصلين له

تمدحين المفتشات او تذمين المخالفات
او قصص تقصيها علينا

على العموم الله يجزاك خير

parrot · #15 05/09/2011, 05:21 AM

إقتباس

الرسالة الأصلية كتبت بواسطة مـوت ومـيـلآد !


	بآآآآآآآآآآآآآآآآآآآآآآآروت , وينك انتي ووين ايااامك ! وش هالمجلس اللي يفرق ما يلم <<---- باند قوي من مااااجد ! برب شوي وجايه ! بس كالعاده لازم احجز بموضوعك !

وين طست الاخت ....... فيس يحك راسه

طلتك علي تكفين