إقتباس الرسالة الأصلية كتبت بواسطة سوبر الازرق صباح الخير للجميع جاني احباط بقوووة كل شي ضدنا الشباب والاهلي والنصر والاتحاد حتى القادسيه طلع له ريش بعد وش الحل معهم لا والبلطان بكل بجاحه مقدم عرض لعزيز اخ يالقهر اذا وافق الهلال وحنا لنا سنتين نطلب منه حسن معاذ ولا كملها الاهلي اليوم يوم كنا نطلب مالك اعارة يرفضون واليوم يعطونه النصر بميلونين بس والنصر مقدم عرض لشهراني 18 مليون بس تخريب والله ان الهلال معطي كل الانديه وجه ولا المفروض نعاملهم مثل مايعاملونا ملينا مجاملات خلاص

انت بطل ..
و الاندية تعاملها معك طبيعي جدا .. لانك الاقوى في البلد
ما عليهم ملام ..
الملام على اعضاء شرفك اللي ساكتين على سوء الفئات السنية .. و مباراة اليوم اكبر دليل
سنين نصيح من الظهير و الهجوم و الدفاع ما طلع لنا لاعب يبرد القلب من مدرسة الهلال
بنية تحتية سيئة , واسطات , مدربين درجة عاشرة , تأخير في المستحقات , ما فيه كشافين ..... الخ
المشرف عنها ماهوب راضي يتنازل و يسلمها الادارة .. و الادارة ساكتة ما ودها تفتح عليها بيبان مسكرة
بندر بن محمد نحبك و الله حبك ماهو مرتبط لا بدعمك و اشرافك على المدرسة
انت مكانك محفوظ و ما نشك بحبك و لا اخلاصك للهلال
لكن الزمن تغير .. و العقول تغيرت .. و الصرف تغير ..
و الله شي يحز بالخاطر اندية اقل مننا في كل شي .. و فئاتها السنية متقدمة علينا بمراحل
يا بو محمد مستقبلنا مظلم .. ما له معالم ..
مقدرين جهودك و كل شي سويته لكن لكل زمان دولة و رجال
اسلوب العمل و منهجيته في الفئات السنية من سنين ما تغير .. و للاسف نتائجه ما هي قد المأمول
حان وقت التغيير .. لمستقبل الهلال لا لشيء اخر