خط الدفاع مايل على اليمين - نادي الهلال السعودي - شبكة الزعيم

صقر المساعيد · #1 28/08/2011, 03:53 PM

بسم الله الرحمن الرحيم
ابدأ بالموضوع
اولاً ابسئل عن التعاقدات المحليه ؟ وينها للاعب عجزنا عنه
نقول جبنا الشهراني هو ظهير ايسر ويلعب ايمن ولاكن مركزه الاساسي ايسر
زين من بالظهير الايمن محمد نامي ياجماعه انتوا تبون اسيا ولا لا جيبوا الطريدي
نامي يهجم صح يدافع غلط الطريدي ممتاز توقع هذي تشكيلتنا
الحارس العتيبي
الدفاع الطريدي ايمن هوساوي قلب المرشدي قلب الزوري او الشهراني ( دفاع قوي )
الوسط هرماش العابد الفريدي ايمانا ( وسط قوي ) مع وجود الشلهوب والدوسري
الهجوم يوبيونغ سو والعرابي ( هجوم قوي ) مع وجود المحياني + سالم الدوسري

كلهم موجودين عداء لاعب ربما تكون نقطه ضعف هي خانه الظهير الايمن
( نطالب بالطريدي يأعضاء الشرف )

atlanta656 · #2 28/08/2011, 04:57 PM

مع احترامي لكـ لكن الطريدي أقل من مستوى الهلال ...

نامي أفضل من الطريدي ،،

بحـر الحـب · #3 28/08/2011, 05:14 PM

اوال مره اسمع عن الاعب الطريدي

عبدالرحمن الدوسري · #4 28/08/2011, 05:25 PM

الطريدي مايعرف الا حاجه وحده بس

يعرف يلعب الاوت وبس

والباقي مستواه مستوى نادي الاتفاق ..

لاهوب حوله ولا هوب يم نادي الهلال

وتقبل رائي

زعماوي 10 · #5 28/08/2011, 05:25 PM

بصراحه محمد نامي افضل الموجود
ولو كان خارج الهلال لطالبنا بوجوده

شفتوا المباراته امام التعاون ريكارد منحه افضل لاعب في المباراه
وعندما سئل يوسف العربي عن افضل اللاعبين المحلين في الهلال كان من اول اللاعبين محمد نامي

يا جماعه نامي تراه مو سيء لذيك الدرجه

كل اللي محتاجه ثقه بنفسه

وبالنسبه للشهراني اتوقع لو يوقع مع الهلال ما راح يلعب اساسي الا بعد موسمين على الاقل

<< وجهة نظر

اسامة هوساوي 3 · #6 28/08/2011, 05:28 PM

اول مره اسمع عن الاعب الطريدي

moh abed · #7 28/08/2011, 05:42 PM

اهم حاجة في الدفاع هو التنظيم !!!

متى ما كان التنظيم ممتاز راح يكون الدفاع كخط داخل الملعب قوي بغظ النظر عن الاسماء

الوحيد15 · #8 28/08/2011, 05:43 PM

هي فكره لزقت في راس الجمهور إن مستوى محمد نامي سيء شف الاعب إذا شجعه الجمهور وش يسوي يبدع وإذا صارخ عليه ضع الاعب

موووت 20 · #9 28/08/2011, 05:43 PM

اسمحلي الطريدي أقل من مستوى الهلال

زعيماوي 2009 · #10 28/08/2011, 05:56 PM

والله لو جبنا الطريدي صدق راح فيه الهلال ومحمد نامي لعيب في بعض المباريات وبعضها نكبة

الحصان3 · #11 28/08/2011, 06:03 PM

انا معاكم ان نامي نكبه نبي الطريدي شكرك صقر المساعيد

سأكتفي بك حلما · #12 28/08/2011, 06:04 PM

نااامي هجوميا ممتاز دفاااعيا
يجيب فينا العيد

الراسي الهلالي@ · #13 28/08/2011, 06:14 PM

نصبر واخرتها على الطريدي؟

نامي افضل

MĵήǿήĶ Mẽ₫ǿ · #14 28/08/2011, 06:55 PM

بصصرآحةة نآآمي افضضل من الطريدي ..
الطريدي مرره مو فـ مستوى الهلآآل ..
لآآهنت

o hMaDa x · #15 28/08/2011, 06:58 PM

اهليين وسهليين يا الغاالي ..

واللهـ اني انا ما اشوف الاعب محمد نامي سيئ ..

ولاكن محتااج دععم واللهـ لو نووقف قداام اي لاعب من لاعبين الفريق مثل مانوقف قدام نامي كان اعتزل ..

المفرووض نعطييه فررصه ونشجعه مهما كاان هذا لاعب من لاعبيين النادي ..

واشكككركـ على طررحكـ ..