السلام عليكم ورحمة الله وبركاته :_
تحيه طيبه لكل القائمين على هذا المنتدى الرائع
اعزائي هذا المنتدى ما وضع الا لمصلحة الفريق الهلالي ( الزعيم ) واه يا الزعيم اه
ولكن يا جمهور ويا محبي الزعيم الهلالي هل انتم راضين على المستويات الهزيله التي يقدمها نادي الهلال إلى متى وحنا نقول بكره يتحسن الحال الى متى وحنا نقول كبوة جواد نحن كجمهور هلالي نبغ كل البطولات للهلال ممكن هذا صعب علينا ولكن ليس صعب عليهم اذا كان فيه تعاون بينهم على المستطيل الأخضر 0
اعزائي كم بطولة ضاعت من ايدي الهلال بسب استهترار اللاعبين على سبيل المثال اخر بطولة لعب فيها النادي بطولة مجلس التعاون ضاعت علينا ليه وش الاسباب السبب واضح لان لاعبين الهلال قمة الاستهتار يعني لازم يكون مع مدير الكوره خيزرانه علشان يلعبون صح وين الروح القتاليه وين الانسجام والله يا اخواني اذا استمر الهلال على هذا الحال والله ان يضيع النادي وبعدين فيه لاعبين عاله على الفريق انا ما ودي اذكر اسماء ولكن ليه ما تصير في النادي غربله للاعبين يا جماعه النادي فيه لاعبين صغار السن بس يبون فرصه علشان يثبتون وجودهم بس الواسطه اللي صايره عند بعض اللاعبين هي اللي مضيعه النادي على سبيل المثال النادي المنافس كل اللاعبين اللي فيه وجوه جديده وانتم شايفين كيف الانسجام والتفاهم والله حنا احسن منهم من كل النواحي الماديه والمعنويه 0
اذا استمر الهلال بهذا الشكل والله ان نصير ملطشه في الدوري ويا عيني وش راح يسوي الفريق في البطوله الاسئويه 0
دفاع هزيل وسط ضايع هجوم عقيم لا واللي يزيد الطين بله انهم يبون ( مرزوق العتيبي ) وش لاقين فيه مرزوق كويس بس مهوب هو الاعب اللي نبيه للهلال 0
عموماً انا مودي اطيل عليكم ولكن عندي شي في خاطري ودي اقوله وين هلال المجد وزعامة القرن الله يذكر يا سمو الامير بندر بن محمد والله يرحمك يا عبد الله بن سعد والامل انشاء في الاداره الجديده برئاسه سمو الامير عبد الله بن مساعد
وشاكر لكم جزيل الشكر واتمنى انكم ما تزعلون علي مع العلم هذا موضوع اكتبه في هذا المنتدى
وتحيه حاره للجميع الاعضاء في هذا المنتدى وعل راسهم سمو الامير بندر بن ثامر والى الامام انشاء الله 0
اخوكم الصغير
batigol_r9
الوضع العادي
