السلام عليكم ورحمة الله وبركاته

كيف حالكم ان شاء الله بخير

انا اشتريت تلفزيون سوني كبير ال سي دي لي يومين تقريبا واتش دي طبعا وعندي وصلة اتش دي لكن ينقصني رسيرفر وشو احسن رسيفر اتش دي ماحصلت غير واحد ب 600 ريال

وثاني شيء لازم اغير راس الدش ولا ماله دخل لاني سمعت كذا قولو لي وش السواة افيدوني افاده عامه ارجوكم

مايحتاج تغير الدش ولا شي مجرد رسيفر تفصل القديم وتشبك الاتش الدي الجديد

بصراحه اذا تحب الدوري الأنجليزي فـ اشتر لك رسيفر ابو ظبي انا عندي شاريه من العام بسعر 999 بس الحين نزل واحد جديد فـ صار اللي عندي قيمته بين الـ 600 والـ 800 ماني متاكد ب الضبط

اضف فوق ذلك ، بأن مشكلته : مايطلع بعض الترددات او مايقبلها مثل قنوات الرياضيه الـ 6 ماهي طالعه عندي يقول مافي اشاره ولا يقدر يبحث عنها


لكن بصراحه الاتش دي رائع جداً وانا سمعت ان الجزيره بتنزلها رسيفر جديد بس ماادري متى ، وابو ظبي فقط للدوري الأنجليزي ويشتغل كرت الجزيره على جهاز ابو ظبي

يفيدونك ذوي الخبره ب الرسيفرات لكن بالنسبه للملحقات

ماتحتاج سوى وصلة أتش دي فقط ورسيفر يدعم الخاصيه وشاشه تدعم كذلك

يعني انت الحين ماينقصك الا الرسيفر فقط واتوقع ان الرسيفر او اي رسيفر HD يجي معه : وصله

وعليكم السلأم ،
مابقى لك الأ رسيفر HD فقــط ، والراس عادي حط الي تبيَ ،

الي عندي انا رسيفر إتش دي حق الجزيره الرياضيـه ، وشركته هيو مآكس المعروفه ،
رسيفر ممتآز ,ويطلع كل القنوآت الي تبيها على حسب الراس ،
وبالمنآسبه اذا شريته يجي معه اشتراك سنه مجاناً بقنوآت الجزيره الرياضيـه

واغلب الرسيفرات HD الأصليـه اسعارهن فوق الـ 600
يعني اذا تبي تاخذ رسيفر خذ شي أصلي احسن لـك ،
موفـقّ ،

الله يجزاكم خير ويطول عماركم يارب لكن انا ابي رسيفر يطلع قنوات الرياضيه الست لان مثل ماتعرفون يقولون تبي تجي بتقنية الاتش دي عشان كذا زبطت وضعي من الحين لكن ناقصني الرسيفر ومتردد صراحه عشان كذا حبيت اخذ رأيكم لكن ابي رسيفر يطلع القنوات الرياضية فقط القنوات الثانيه ماتهمني

وسمعت اايضا ان القنوات الرياضية تشتغل على عرب سات فقط نايل سات ما تشتغل ؟؟ مادري هو صحيح هالكلام ولا لا وبعدين كيف اعرف ان الراس الي عندي عرب سات او نايل سات .. ترى خبرتي في الدشوش فاشله جداً

ايه القنوات على العرب سات وهذي مشكله انها ماتطلع عندي برسيفر ابو ظبي رغم ان بعضهم معهم نفس الرسيفر وتطلع لهم


عموماً شف القنوات انت حقاتك ( اذا فيها عرب سات او لا ) عشان تعرف عندك هالقمر ولا لا ..

هذا شي ، الشي الثاني

ابحث عن تردد القنوات الـ6 وشف اذا طلع لك قمر عرب سات فهو عندك ، واذا طلعت لها اشاره عشان تتاكد انه موجود عندك وشغال ،

إقتباس الرسالة الأصلية كتبت بواسطة أزرق بن هلال الزعيمي سمعت اايضا ان القنوات الرياضية تشتغل على عرب سات فقط نايل سات ما تشتغل ؟؟ مادري هو صحيح هالكلام ولا لا وبعدين كيف اعرف ان الراس الي عندي عرب سات او نايل سات .. ترى خبرتي في الدشوش فاشله جداً

عآدي يالحبيب ركب الراسيـن مع بعض (عربسآت ونايلسآت) يمكن عندك نايلسآت بس اشتر عربسآت وركبـه ، او العكس ،،
تكلفته ماتتعدى 50 ريال ( راس العربسات مع القسآم) خل الفني يركبـه ويبرمج لك كــل القنوآت الرياضيه الي تبيهآ ،