يـطـوي ثراكـ الـعـز يـا عـز شفناهـ // جـعـلـكـ تـنـعّـم تــنـتـشي مـن رغـدهـا
بسم الله الرحمن الرحـيـم
.
.
.
.
(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
اختاره القدر .. فكان حتماً علينا فراقه
أبٌ لكلّ من ترعرع في كنف الكيان الازرق
و شيخٌ على كل من أنتمى للوسط الرياضي
رحـمـكـ الله يا والدي عبدالرحمن بن سعيد
.
.
.
.
قالوا ترا شيخ الرياضه فـقدناهـ
الله عطاه الروح و اليوم أخذها
الموت هذا اللي مقدر و شفناهـ
مابه جسد معصوم لابد منـهـا
ليته بقا و الروح ترخص فديناهـ
ميـر المنيّه حزّت و ذا وعدها
مُر العنا من تالي الموت ذقناهـ
شف دمعة الاحزان تذرف شـهـدها
يطوي ثراك العز يا عز شفناهـ
جعلك تنعّم تـنـتـنشي من رغدها
رمل الثرا لا يتعبه لو دفنّاهـ
يكفيه من دنيا عـنـتـه بـتـعــبها
حتى هزيم الرعد يوم(ن) سمعناهـ
يبكي على موت المطر في وسدها
جزل الفعول و خير رجل(ن) عرفناهـ
مرحوم يا قرم(ن) يـحـلـحـل عـقـدها
منك العذر يابوي شيّـ(ن) نسيناهـ
إنّك هلال المجد تسطع قمـرها
زرع التعب يابوي شفنا حصدناهـ
عاشر عيالك للـقـمـم هو ولـدهـا
طال السحابه لين مجدك حفظناهـ
يا انقا من الريح النسيمه نـهـدها
فعلك تليد و بالنواجذ خـذيناهـ
و اقوالك التاريخ حـكـمه سردها
من قاحلات الدور للّي وصلناهـ
من أول الماضي إلى آخر عهدها
بين الحطام يقوم فخر(ن) نهضناهـ
صورة سليل المجد في ذا ركـزها
ذا ابو مساعد عزّنا اللي فقدناهـ
الله عطاه الروح و اليوم أخذها
..........
اللـهـم ارحمه برحـمـتـكـ .. و نقّـه من الخطايا كما ينقّا الثوب الأبيض من الدنس
.
.
.
نـايـف الـغـامـدي
الوضع الشجري
