12/08/2011, 03:40 AM
|
 | زعيــم نشيــط | | تاريخ التسجيل: 15/10/2007
مشاركات: 542
| |
صحفي هلالي منسدح بصالتهم تحت السبيلت وينتقد من راسه .. نشره عليه يا شبيه الريح ؟!!
بسم الله الرحمن الرحيم
لا اجيد التفنن بكتابة المواضيع .. والتنسيق والخ
..
صحفي منسدح بالصالة تحت الـ (سبيلت) وقايله رئيس التحرير اكتب اي شي ياخي نبي نمشي الصحيفة 
واخذ نصف صفحة الرجال وقام (يبربر) من راسه اتوقع لين جاء وقت الفطور و اللقيمات 
بتكلم عن مقال قريته في جريدة الرياض في عدد الخميس امس .. وماخذ نصف صفحة للصحفي فياض الشمري
واقرب ما يقال على الموضوع انه ( شرشحة ) بحق سمو الامير عبدالرحمن بن مساعد 
فالصحفي يلوم الاداره انها تنازلت عن مبادئها وهي بيع الرموز .. ويستشهد بقصة انتقال ياسر .. وان على مر التاريخ لم يعهد الهلال على هذا الامر
وان السبب الرئيسي لاعارة ياسر هو البحث عن (المال) فقط من شبيه الريح .. يارجل خاف الله بهالشهر .. جد خاف الله 
دام نقطتك الرئيسية هي البحث عن المال فهذي احصائية اخذتها من احد عشاق الزعيم تبيّن لك امور كثيرة انت جاهل فيها
جمهوور نادي القرن وجمهور باقي الانديه المجااااوره
1-قيمة عقد مدرب الهلال دول(17)مليون ريال..
2-قيمة عقد عادل هرماش(37)مليون ريال..
3-قيمة عقد يوسف العربي(44)مليون ريال...
4-قيمة عقد يو سو(11) مليون ريال...
5- قيمة عقد ايمانا(31)مليون ريال...
*معادله بسيطة!!
17+37+11+31+44=140مليون ريال..
قيمة رعايه الاتحاد السعودي(42)مليون ريال.
قيمة رعايه النصر السعودي(40)مليون ريال..
قيمة رعاية الاهلى السعودي( 36)مليون ريال..
* حسبه بسيطة*
42+40+36=118مليون ريال
الامير عبدالرحمن بن مسااعد شكرا لك
جعلت قيمة اربع لاعبين ومدرب بقيمة ثلاث انديه تدعى انها من من كبار الكورة هنا بل وقيمة رادوي !!
للتذكير ايضا
قيمة اعارة ياسر القحطاني(14)مليون ريال سعودي
قيمة انتقال رادوي (28)مليون ريال سعودي
* حسبه اخيره*
14+28=42مليون ريال ....وهي قيمة رعاية stc لنادي الاتحاد
ما ادري بعد لغة الارقام هذي بالنسبة للصحفي هذا وباقي الصحفيين اللي بيستمرون في انتقادهم للامير .. هل واضح لهم تضحيات شبيه الريح وفكره الراقي ؟
وبالنسبة ان التنازل عن النجوم والتفريط فيهم لم يعتدها عشاق الزعيم على قولة الصحفي
فاحب اذكرك انه بعهد شبيه الريح اللي (تنتقده )تنازلنا عن العميد محمد الدعيع رغم انه باستطاعته يقدم موسمين اضافيين .. بس وش النتيجة .؟
النتيجة كسبنا حارس اخر قد المسؤولية وحقق افضل لاعب االموسم اللي راح وليس افضل حارس فقط.. واصبح حارس المنتخب بفترة بسيطة ..
وتنازلنا عن خميس العويران بفتره من الفترات رغم انه كان المحور الاول سعودياً .. وكسبنا عزيز بـ (هذيك الفترة) على طول .. المشكلة القائمة تطول بس اتوقع انك جاهل بتاريخ الهلال ورموزه
عزيزي جمهور الهلال انا ما انتقده لانه دافع عن ياسر او اني اكره ياسر .. لكن مصلحة الزعيم اكبر من هالامور كلها
ولازم نوقف مع شبيه الريح .. لانه بيواجه انتقادات كثيرة على شاكلة هالصحفي ..
انا متاكد ان شبيه الريح ما يلتفت لهم .. بس انه يشيل هم الجمهور اللي يصدقون هالحملات والسخافة ..
واذا (حنّا) ماوقفنا مع شبيه الريح قلباً وقالباً ونوقف ضد الانتقادات والحملات فلا نستحق تشجيع الزعيم
مهما كانت نتيجة عمل شبيه الريح الموسم القادم سواء ايجابيه او سلبيه فاعتقد انه قام بما يجب بتنازله عن الاجانب كلهم واعارة ياسر واعطاء نفس هجومي جديد
صحيح ان العاطفة تحكم علينا المطالبة بعدم التفريط بياسر .. بس الواقع يجب اننا نتقبل هالامر ياسر اخذ فرصته وزيادة بهجوم الهلال ولازلنا نعاني اسيويا
البطولات المحلية بعهد الامير محمد بن فيصل حققنا 5 بطولات متتالية والبعض يؤكد انها افضل سنة في تاريخ الهلال من ناحية البطولات .. من كان مهاجمنا وقتها كان محمد العنبر اللي اقل فنيا بكثير من ياسر..
مسالة البطولات بالهلال لاتتوقف على اسامي ويستثنى بالطبع سامي
تغير الرئيس بخروج محمد بن فيصل وقدوم شبيه الريح وتغيروا المدربين وتغيروا الاجانب اكثر من مرة وتغير الحارس وتغيرت حتى الرابطة .. اتوقع حتى الهجوم لازم يتغير مهما كلف الامر وانه (بيضيق صدورنا)
بس خلاص نبي هلال سامي يرجع هلال الروح واللي (يحترق) بارض الملعب .. مو هلال اللي (يمسخرنا)الاتحاد الموسم اللي راح بالاسيوية ونحترق (حنّا) كجمهور
بالاخير نشره على الاعلام اللي مثل كذا يا شبيه الريح ؟ ولا على الجمهور اللي يصدقهم ؟؟
اتمنى من القلب يا مشرفين توافقون على الموضوع جزاكم الله خير
بالتوفيق لزعيمنا وشبيه الريح ..
اخر تعديل كان بواسطة » *SNICKERS* في يوم » 12/08/2011 عند الساعة » 05:09 AM |
الوضع المتطور
