نظرا لقرب بداية الموسم الجديد ، ورغبة من مجلس الجمهور الهلالي تطوير الاداء والتميز ، والدور المطلوب على مجلس الجمهور الهلالي ، وحرص مجلس الجمهور الهلالي على مشاركة الجماهير وأخذ الرأي وخصوصا في المدرجات الهلالية بالارتقاء بما يقدم من مجلس الجمهور الهلالي والرابطة الهلالية :
نأمل من الجمهور الهلالي وضع المقترحات والملاحظات للمدرجات الهلاليه ولعمل مجلس الجمهور الهلالي مع مراعاة:


التأكيد على أن الردود تكون في صلب الموضوع فقط
الانتباه لموضوع الممنوع والمتاح في المدرجات وعدم مخالفة الانظمة في الملاعب السعودية
أن تكون الأفكار سهلة التطبيق في المدرجات الهلالية
ستؤخذ المقترحات التي يقبلها العقل والمنطق والتي تحتمل نسبة كبيرة في التطبيق .
وضع خطط مبدئية للموسم الحالي ومعرفة كل مباراة والعمل المقدم فيها من بداية الدوري

بالنسبة للرابطة الهلالية

وضع المقترحات لعمل الرابطة مع مراعاة:
منطقة تواجد الرابطة بجوار المنصة في الدوري المحلي وفي وسط الواجهة في دوري اسيا
في حال ترشيح شخص للرابطة يوضع مقطع صوتي للصوت والاهم القدرة على تأليف الاهازيج
في حال نقد الرابطة يكون النقد للتطوير وليس للاساءة بالاشخاص
بالنسبة للاهازيج تكون بكلمات قصيرة وموزونه للتلحين والتأثير على الجمهور واللاعبين داخل الملعب

بالنسبة للالتراس الهلالي

منذ بداية نزول مواضيع الالتراس والاقتراحات تم الاتصال ومحاولة التنسيق مع المسئولين في منتديات الالتراس وصفحة الفيس بوك وقروب الماسن واتضح أن ما يكتب فقط مجرد أفكار واقتراحات وبدون اعضاء ومجرد حماس في المنتديات فقط نفس ما رأينا في الموسم الماضي من مواضيع الرابطة الاوروبية ومثل تلك الافكار والاعمال تحتاج إلى ( أفعل لا أقول ) .
ويتم تعليق فكرة الالتراس لحين وجود اعضاء يتبنون الاشراف التام وجلب الاعضاء للالتراس الهلالي وستكون مهمة المجلس أن يكون تحت مظلته وليس له علاقة بالالتراس الهلالي لانه منظومة مفصولة عن الرابطة والمجلس ولكن بنظام معين

بالنسبة للانضمام للمجلس والرابطة:

في حال رغبة أي مشجع هلالي بالانضمام الى مجلس الجمهور الهلالي في مناطق المملكة او الرابطة الهلالية يتم ارسال رساله خاصة باسم الشخص ورقم الاتصال والمنطقة لعمل قاعدة أكبر في مجالس الجماهير لدعم الفريق في جميع المناطق التي يلعب بها الزعيم وتكون المناطق الاخرى داعمة جماهيريا عن طريق نقل الجمهور بالتنسيق مع المجلس الرسمي

ولا ننسى شعار جماهير الزعيم الدائم
( يدا بيد من أجل الزعيم )

في حال طلب تغيير الرابطة طرح اسماء بديلة وليس النقد فقط
ليكون الموضوع مفتوح للنقاش وايجاد الحلول


اعداد الموضوع
تركي الهديب

قبل لاتحددون مكان الرابطـة ،
نتمنى تغيير طاقهمآ كاملاً ،

اما عن الإلترآس بادروا وراح تلقى الكل يشارك
لكن اذا فشل التنفيذ لا قدر الله اتمنى عدم اليأس والمحاولة مره واثنين وثلاثة

بالتوفيق لكم
.............................

بادرة رائعه

و شكرا

اول مرة اجي في الصفحة الاولى

تحياتي لك وودي اخوي تركي الهديب ...
اولا : تم التسجيل في مجلس الجمهور ...
ثانيا : بالنسبة لتعليق فكرة الالتراس انا حزين جدا لان عضو شرف الهلال الناقور وعدنا يشرف على الموضوع بنفسه ..والهرجة مهي صعبة لذلك الحد ...
كلها توفير ادوات تشجيع والي يحضر الملعب يعطونه هيا ويعلمونه وش يسوي قبل المباراة ..
ثالثا : بالنسبة للرابطة اتمنى حلها نهائيا والاعتماد على التشجيع الجماعي ...
رابعا وهو المهم : هناك فكرة القوة الهلالية التي ستظهر على السطح قريبا باذن الله ... لا يمكنني البوح بتفاصيلها حاليا لكن اتمنى من كل الاعضاء نشر الصفحة الموجودة في الفيس بوك لكي نتمكن من ايصاال افكارنا للجمهور ... كذلك نحتاج مصممين وفريق عمل في الفيس بوك ...
اتمنى من الاخوان التفاعل ونشر الصفحة ومراسلتي على الخاص لمن يريد الانضمام لفريق العمل ...
ــ رابط الصفحة موجود في توقيعي ــ
ودي

اول شي لازم نغير الرابطه الفاشله نبي رابطه مو طقاقات ياناااااااااااااااااااااااااااس

يعطيكم العافية على المتابعة

وياليت يكون هناك تفاعل جدي مع الجمهور

لأن رابطة الهلال جميع اهازيجها تقليدية

وياليت يكون التفاعل للجزهور

لأنه يعطي انطباع لجزهور النادي وليس للرابطة

عوافـــــــــي

مشكور اخ تركي عـ الموضوع الهادف ..
كمدرج هلالي الحل الوحيد فالوقت الحالي محاولة تطبيق الاولتراس ..
وصدقني بتشوفون الملعب يمتلي كل مباراة بسبب الحماس والتشجيع ..!

اولا نشكر المجلس على كل ماقدم وحاولتو تسوون حركاات لكن الجمهور
اولا والشي الاساسي لزوم تتغيير ثقافة الجمهور خاصه اللي في الرياض
يعني بدون تعاون الجمهور مارا ينجح شي
ولزوم تعاون رجال الامن في الاستاد

نبي ايقاف لاغاني الشكشكه ازعاج والله انا من خلف الشاشه انزعج وماهو الكل يقدر يرددها بعديين الناس جايه تشجع ماهو تنطرب وتترقص

نبي اهازيج مناسبه وسهله على الجماهيير بحيث انه كل الجماهيير بمختلف نفسياتها تقدر تردده بوقت واحد

نبي ايضا حركاات مناسبه وسهله للجماهيير بحيث انه كل الجماهيير تقدر تنفذها بشكل واحد وبوقت واحد

ودي انكم تكررون حركة الاعلام الكبييره مرة اخرى لانه مررررو كان شكلها كووووووووول
علم السعوديه المغرب الكاميرون العلم الهلالي او شعار الالتراس الهلالي
اختيار جمل من كلمتيين 3 4 5 بس تكون سهله قويه ومحفزه تردد بشكل جماعي من قبل الجمهور كاملا
الاستمرار بترديد اسماء اللاعبيين عاجبتني هالحركه

اتمنى ان يتم تقسيم ومرعاة الجهد المبذول من الجماهيير يعني ماهو طول الوقت تشجييع

يعني مثل ما الاعب يعرف يوزع جهده على فترات المبارة نفس الشي الجماهييير

والله يعطيكم العافيه وماقصرتو وعساكم على القوة

الله يعطيكم العافيه , ,

بس اهم شي نبغى رابطه تليق بالكيان الهلالي . .

كل سسنة لازم نسمع بهالكلام ولا نرا شئ ان شاء الله هالموسم غير باذن الله

انا اتفق مع الشباب لابد من تغيير الرابطه وكافة طاقمها يا اخي اليوم اللي جت فيه الرابطه البحرينه في مباراة باختاكور حركة الملعب كامل نبي رابطه مثلها تحرك المدرج بأكمله كفاية كل سنه نسمع نفس الاهازيج نبي شئ يشد الجمهور مو ينومهم

بادرة جميله

انا اقترح ان يتم تغيير رئيس الرابطة ... لأن خلاص ملينا .. حتى الجمهور يجيه النوم من الرابطة ... والجمهور صار يترك الرابطة وهم اللي يبدأون بالتصفيق وترديد اسماء اللاعبين ... اما الرابطة بجهه والمبارة بجهه!!! طيب وش فايدة الرابطة؟ يعني انك تطرب الجمهور بالازعاج ؟؟ ههههه طيب واللاعبين؟ ليه مانحمس اللاعبين ونشوف المباراة ونتفاعل مع المباراة ... انا بصراحة مااتوقع ان بتتطور الرابطة ولكن اتمنى ..... أن نسوا حركات بالاوراق الملونه بالابيض والازرق ع الاقل لو تصير مستطيلات لون ابيض ولون ازرق يعطي شكل ....... شفتوا جمهور الاهلي في نهائي كأس الملك؟ والله رووووعه و.. جد انه جمهور راقي ... ياليت ع الاقل لو نصير جزء بسيط منهم وحتى في تكوين اسم الملك عبدالله حفظه الله


وفقكم الله

إقتباس الرسالة الأصلية كتبت بواسطة Fahad ALHilali اول شي لازم نغير الرابطه الفاشله نبي رابطه مو طقاقات ياناااااااااااااااااااااااااااس

نتمنى الارتقاء بالردود والاسلوب ليتم النقاش
وعدم الاساءة لاي جزء في الكيان الهلالي
والموضوع للنقاش وللتطوير ولكن البعض يحاول زيادة عدد مشاركاته