أحلى تحية للأعضاء ...

من باب دعم التعليم والعلم واعداد جيل من الطلبة المتعلمين كويس وايماننا من يد و رجل
الاعمال الوطني اللي يحط يده على التراب تطلع بصمات اصابعه يعلن بندر بن ثامرعن افتتاح ...


مـــــــــــــــــــــــــــــــــــــــدارس الـــــــــــــزعــــــــــــــــــــــيــــــم الأهــــــــــــــــــــــــلـــــــية ...

لجميع الأقسام .. القسم الابتدائي .. القسم المتوسط .. القسم الثانوي ..


و فتح باب ودرايش التسجيل للجميع وباسعار خياليه وفي متناول الفقير قبل الغني ..


لدينا جميع الاقسام من قسم االتمهيدي الى قسم الشرطه .....

## لدينا نظام الفسحة المفتوحه وهي نجمع سندوشات كل الطلبه ونحطها على طاولة وحده
ايماننا من مبدأ المشاركه ...
## من باب الحرص على اعداد جيل يعرف اللغة العربية جيدا تم التعاقد مع الابلة شهد الدلوعه ...
لتدريس الروضة والابتدائي اساسيات اللغة العربية ( راحو فيها ) ...
## لدينا افضل قسم لغة انجليزيه باشراف من الاستاد / سهل 888

لاول مرة في مجرة درب التبانه... التعليم المختلط بطريقة اخلط كل المراحل الدراسية
في فصل واحد والمدرسين يشرحون كل المواد للجميع عشان الواحد ماينسى شي ابداً...;)

لقطة لاحد الفصول ويرى حجم الترتيب والعنايه الفائقة ..













لدينا افضل كادر تدريسي في الشرق الاوسط والاقتصاديه يتكون من :

استاد الرياضيات : البارق 2000 تخصص رياضيات عصريه ومغربيه ...
مدرسة الرياضيات : الماسة الزرقاء تخصص تعقيد فيثاغورس...
مدرس العلوم :خربووووووط تخصص بكتيريا ساعه ...
مدرسة العلوم : كيفي كويتيه تخصص بكتييريا مطحونه ...
مدرس الرياضة : ياقاهرهم ياسامي ( هذي حصه للعيال بس )
مدرسة التدبير المنزلي :غروده تخصص طبخ قسم تيفال ...
مدرسة اللغة العربيه : نجمة الابداع ( والله انا فقدناها هالايام )...
مدرسة التاريخ : المملكة قسم تاريخ واثار تخصص خرائط ...
مدرس الحاسب الالي : كوكتيل ...
مدرسة الحاسب : الفيروووسه هو في غيرها ...






لاول مرة في حصص الرياضة العاب جديده بلاي ستيشن – كيرم – مونوبولي
مصاقيل للعيال – دبق للبنات – جيت سكي - قريبا لعبة البلوت لطلبة الثانوي
لاول مرة تصنيف الالعاب حسب المرحلة الدراسية :
لقسم الروضة لعبة شجرة نملة ...
لقسم الابتدائي لعبة عسكري حرامي...
لقسم المتوسط السلم والثعبان ...
لقسم الثانوي دبابات ...
•ملاحظة منع لعبة حبشة او طلق لانه ضاع 4 طلاب اخر مرة ...








لقطات لبعض المدرسين بدون ذكر الاسماء ( منع للاحراج ) ...ههههههه;)
لاول مرة لطلبة المنازل اشرطه فيديو لشرح المدرسين وفي اخر الشريط تلقى الاسئلة . .


لعيال النعمة لاتجونا حنا نجيب المدرسة في بيتكم ونحل الواجب عنكم
ونختبر عنكم ونسقط عنكم لو تبون
للطلبة المشغولين مرة يدفعون زيادة رسوم ونعطيهم الاسئلة - للطلبة اللي مافي روسهم دراسة نبيعهم الاجوبه فقط

للطلبة اللي يبون الهدوء والنوم فصل لوحدك معزول من أي صوت والكرسي تقلبه
سرير ونحط لك موسيقى كلاسيك عشان ترقد صح ...

مسموح في المدرسة استخدام الجوال واللاب تب والتدخين بس اكل العلك والفصفص ممنوع بتاتاً..

تقدرون تختارون لون بوية الفصل ولون الطاولة وايام الدراسة ولون المريول
للبنات برسوم خاصة

اسعارنا و رسومنا في متناول الجميع وهي ..
الروضة 20000 الف بس
الابتدائي 40000 الف بس
المتوسط 60000 الف بس
الثانوي 80000 الف بس

الاسعار غير قابله للتفاوض ..
* ادفعو زيادة على رسوم الثانوي نضمن لكم قبول في الجامعه على طول ..


التسجيل مفتوح 24 ساعه - شعارنا الصدق والامانه والفلوس اخر شي نفكر فيه ..


للي يبي يضمن مستقبل ولده يدفع جميع رسوم المراحل ونعطيه كل الشهادات مرة وحده


تحذير / سمعنا انه مدارس المملكة تقلد برامجنا بس مانقول غير حنا اهل الرياده وعلى الاصل دور
وياجبل مايهزك ريح ..


...... للامانه الموضوع لقيته في احد المنتديات وعجبني وغيرت فيه بعض الاشياء وان شاء الله يعجبكم ...;)


مع تحياتي ...
أسيرةالزعيم;) ;)

إقتباس ## لدينا افضل قسم لغة انجليزيه باشراف من الاستاد / سهل 888

وانا اخوك نبي قسم انجليزي مو موزنبيقي

لدينا افضل كادر تدريسي في الشرق الاوسط والاقتصاديه يتكون من :

استاد الرياضيات : البارق 2000 تخصص رياضيات عصريه ومغربيه ...
مدرسة الرياضيات : الماسة الزرقاء تخصص تعقيد فيثاغورس...
مدرس العلوم :خربووووووط تخصص بكتيريا ساعه ...
مدرسة العلوم : كيفي كويتيه تخصص بكتييريا مطحونه ...
مدرس الرياضة : ياقاهرهم ياسامي ( هذي حصه للعيال بس )
مدرسة التدبير المنزلي :غروده تخصص طبخ قسم تيفال ...
مدرسة اللغة العربيه : نجمة الابداع ( والله انا فقدناها هالايام )...
مدرسة التاريخ : المملكة قسم تاريخ واثار تخصص خرائط ...
مدرس الحاسب الالي : كوكتيل ...
مدرسة الحاسب : الفيروووسه هو في غيرها ...

عـّـــز الله نجحوا عيالنا .......



بدون احراج هذي اي مدرسة ....




اشجع فيك روح الدعم للتماسيح
اجل هالطخمان موجودين معنا بالمنتدى
الله لا يهينك تأكدي من الصورة زين

إقتباس ادفعو زيادة على رسوم الثانوي نضمن لكم قبول في الجامعه على طول ..

هذي مين المسؤل عنها والله ياهو صديقي

إقتباس ...... للامانه الموضوع لقيته في احد المنتديات وعجبني وغيرت فيه بعض الاشياء وان شاء الله يعجبكم

عادي وانا اخوك ياما لطشنا وانلطشنا

الله يعطيك العافية

إقتباس أحلى تحية للأعضاء ... من باب دعم التعليم والعلم واعداد جيل من الطلبة المتعلمين كويس وايماننا من يد و رجل الاعمال الوطني اللي يحط يده على التراب تطلع بصمات اصابعه يعلن بندر بن ثامرعن افتتاح ...

حيا الله اسيره.. هلا فيك ;)

ياعيني على هالمقدمه الرائعـــه... ياكذا المقدمات يابـــــــلاش

إقتباس لدينا جميع الاقسام من قسم االتمهيدي الى قسم الشرطه .....

أجــل اللي بيتخرجــون من المدرسه علطول يتعينون ضبـــــــاط

إقتباس ## من باب الحرص على اعداد جيل يعرف اللغة العربية جيدا تم التعاقد مع الابلة شهد الدلوعه ... لتدريس الروضة والابتدائي اساسيات اللغة العربية ( راحو فيها ) ...

الا وانتي الصادقه لإعداد جيل يتميز بالدلع والدلوعيه والتدلع (( راحو فيها الطلاب بأسلوب دلوعي )

إقتباس ## لدينا افضل قسم لغة انجليزيه باشراف من الاستاد / سهل 888

ماشاء الله عليه ابو الثمانيات... أجل بيعلمهم انكليزي!!!
هذا ان دل على شي يدل على انه يتمتع بثقافه موزمبيقيه.. مستمده من خبره سلجوقيه

إقتباس لاول مرة في مجرة درب التبانه... التعليم المختلط بطريقة اخلط كل المراحل الدراسية في فصل واحد والمدرسين يشرحون كل المواد للجميع عشان الواحد ماينسى شي ابداً...

ههــــأو.. .فلقينــي اذا فهمــو شي..
ألا واحد انا متأكده انه راح يفهم..(ابو النحاسوووووووه) تراني مأقصد ابو الذهب

إقتباس للي يبي يضمن مستقبل ولده يدفع جميع رسوم المراحل ونعطيه كل الشهادات مرة وحده

ماشاء الله.. مواصفات خياليه ولا با لأحلااااااااااا م

إقتباس ...... للامانه الموضوع لقيته في احد المنتديات وعجبني وغيرت فيه بعض الاشياء وان شاء الله يعجبكم ...

كلك ذووووق يالغاليه ;) ..وكلك على بعضك حــلوه ;)
ويسلموا يدينك على هيك مووووضووووع..
وليه مايعجبنا وأسورتي اللي كاتبته.. ;)
ألف شكر ياعيوني..

أسيرةالزعيم <<<<< كيف الحااااااااااال ;)

إقتباس ## من باب الحرص على اعداد جيل يعرف اللغة العربية جيدا تم التعاقد مع الابلة شهد الدلوعه لتدريس الروضة والابتدائي اساسيات اللغة العربية ( راحو فيها )

اخاف تعلمهم طبع الفاره على الجبين

إقتباس ## لدينا افضل قسم لغة انجليزيه باشراف من الاستاد / سهل

<== والله ياااا انتفخ راسي

إقتباس لعيال النعمة لاتجونا حنا نجيب المدرسة في بيتكم ونحل الواجب عنكم ونختبر عنكم ونسقط عنكم لو تبون

واذا تبون نرسلكم للخارج مع الاستاذ سهل علشان تمارسون اللغه محادثه
ما عندنا مانع بعد <== وده يسافر مشتاق لموزمبيقته ;)

إقتباس مدرسة العلوم : كيفي كويتيه تخصص بكتييريا مطحونه ...

,,,

ههههه الله على هالسواريه يجنن ;) ولا فستان سهره
<== ما يدري هو مدرس والا مدرسه

اقتباس من مشاركة شهد //

كلك ذووووق يالغاليه ..وكلك على بعضك حــلوه
ويسلموا يدينك على هيك مووووضووووع..
وليه مايعجبنا وأسورتي اللي كاتبته..
ألف شكر ياعيوني..

إقتباس إقتباس من مشاركة أسيرةالزعيم ## لدينا افضل قسم لغة انجليزيه باشراف من الاستاد / سهل 888 ;)

لا بالله فلحوا.........الا وش رايكم بسهل ايااااام الشباب........مو يجنن.......ماخذ عقلي وتفكيري يا سهل بسبب الصوووورة هذي ;)

إقتباس كيفي كويتية:تخصص بكتيريا مطحونة.....

هذا تخصص نادر وما يدخله غير النادريين امثالي وامثال خربوووووووووط....


شكر خاص لك يا عمري على مواضيعك الحلوووووووووة.....

انا سـأتقدم بشكوى على من اعد هذا التقرير فمدرس الرياضة هو انا وقد وضع اسم ياقاهرهم بدلا عني

يعطيك الف عافيه على هالمدرسه ..
بس من شاف مدرسينها ولا هانن المدرسات عرف انه قريباً بيكتب عليها
(((( للتقبيل ))))

اهم شيء عندكم فسحه (( والله اقدر شيء اسمه فسحه)) ....


ماعلييييش نسيت بتاع الانجليزي سهل 8888 ادري زودت ثمانيه بس مدرس انجليزي
ويستاهل مشوها يالربع. هذا قاعد يخصم درجات شهريه على اعيال الناس علشان باخر
السنه يأخذون عنده تقوووويه... ماعليش سهل انكشف امرك...

اما كيفي كويتيه .... والله لقيتيها يااسيره...... لا .... ومطحونه بعد

بس ليش مافيه مدرسة رياضة ....ترا عندي وحده برشحها تكون مدرسه ..

بس لازم نأخذ سعيها ... تراها اخر حبه بالكرتوووون...

كويتيه روووووووعه

إقتباس الا وش رايكم بسهل ايااااام الشباب مو يجنن ماخذ عقلي وتفكيري يا سهل بسبب الصوووورة هذي

تقولين كذا وانتي ماشفتي ردي عليك بموضوع redheart
<=== وش عنده



اقول الله يعينني على الازعاج

الزعيم ابو خالد ياخوي وش بك انت خل نسترزق
علشان اعطيك فلوس للفسحه

تحياتي .. ويعطيكم ألـــــــــــــــــــــف عافيه ...

شرايكم بالمدعسه ( على قولة الفيروسه) ... المدرسين مسكتييييييين ما راح تلقون زيهم خاصه ابو الثمانيات ...

يزيد9 ..
من نا حية تعليم اللغة الموزمبيقيه حنا ناوين معلمها لعيال المدرسه بس ما نبي نعلم المدارس الثانيه علشان ما ياخذونها مننا ;) ;) ;) ;)
(عز الله نجحوا عيالنا ) .... أكيييييييييييييييييييييييييييد هما نا قلنالكم بندخلكم الجامعه بس زييييدوا الفلوس شوي (مدرسة ابوي قالولكم)
(بدون احراج هذي اي مدرسة .... ) قلت لك هذي مدرسة الزعيم واللي شايفهم تعضاء عندنا بس مانبي نفضحهم(
(اجل هالطخمان موجودين معنا بالمنتدى ) هذا جزاي برزكم واكشخكم

يعطيك العافيه .. على هالمشاركه ...

شهد الدلوعه ...

(ياعيني على هالمقدمه الرائعـــه... ياكذا المقدمات يابـــــــلاش ) متعلمته منك;)
( أجــل اللي بيتخرجــون من المدرسه علطول يتعينون ضبـــــــاط ) بنسوي الحرس الوطني على غفله... ...
(الا وانتي الصادقه لإعداد جيل يتميز بالدلع والدلوعيه والتدلع (( راحو فيها الطلاب بأسلوب دلوعي )) ... لا انا داريه بتطلع الدفعه عربجيييييييه ...
(ماشاء الله.. مواصفات خياليه ولا با لأحلااااااااااا م )... قايلتلكم المدرسه زعيميه ما في زيها
(كلك ذووووق يالغاليه ..وكلك على بعضك حــلوه ويسلموا يدينك على هيك مووووضووووع..
وليه مايعجبنا وأسورتي اللي كاتبته.. ) .. الله يخليك والله مشاركتك فرحتنيي تسلميييين يالغاليه ...

.......... لي عوده ان شاء الله مع الردووووووووود ...

ممكن اطلب اغنيه ؟؟؟؟

كان هذا هم طلابكم هونت
الا مدرستكم فاتحينها فى منفوحه

إقتباس الاسعار غير قابله للتفاوض ..

كان كملت الاسعار غير قابله للتفاوض والسعى 2 ونص بالمئه
على طارى الصوره هاللى واقفه تشرح لاتكون مدرسه الحاسب
يأخى هونت اسجل عيالى عنكم شكل مدرسينكم اذا جاعو ذبو اقرب طالب عندهم فى الزيت :sad:
ولا مدرس التاريخ يحلفون انه شاوى له طالبين عقب صلاه الظهر :sad:

شدررررررررررررررررررررررررراك اني احب الطبخ
ياحبي لي الي يبي اي طبخه يقولي انا برسل مواصفاتها ( حشى مو طبخه صارت طياره )


عمومن دامها خليطي خذووولي انا اخر الفصل كرسي

مشكوره اسيره وموضوع جميل جداً


ويبيله قعده

والله يعيننا على مدرس اللغه الموزنبيقيه

أحلى تحيه للأعضاء الأعزاء ...

اسعدتني ردودكم وتفاعلكم مع الموضوع ...

سهل888 ...

(أسيرةالزعيم كيف الحااااااااااال؟؟) ... تماااااااااااااام بخير دامكم بخير ....
(والله ياااا انتفخ راسي ...) انتبه بس خل فيه فتحات لتنسيم الهوا ههههههه كل شي ولا راسك يابو الثمانيات ...
(واذا تبون نرسلكم للخارج مع الاستاذ سهل علشان تمارسون اللغه محادثه ما عندنا مانع بعد ) خلاص برفع هذا الاقتراح لمدير التحرير ( وحده ماتدري وين الله قاطها) ونشوف وش يقرر خاصه وحنا نعرف اهمية اللغه الموزمبيقيه في عصرنا ...
(الله على هالسواريه يجنن ...) وش هالتطور وش هالحركات تعرف السواريه بعد والله منت بقليّل;) ..

ومشكوووووووووور على هالردود اللي اعطت الموضوع جو حلو ... يعطيك العافيه ...


كيفي كويتية ...

(الا وش رايكم بسهل ايااااام الشباب ...) صراحه احسن من غيره بكثير بس انا ماطلعت صور باقي المدرسين ... ولا كان علوووووم .. هالصوره رحمه ...
(هذا تخصص نادر وما يدخله غير النادريين امثالي وامثال خربوووووووووط ) أكييييييييييييييييد ...
(شكر خاص لك يا عمري على مواضيعك الحلوووووووووة.....) تسلمييين يالغاليه انتي الاحلى ومشاركتكم هي اللي احيت الموضوع ...

مدمي الشباك سام6...

(انا سـأتقدم بشكوى على من اعد هذا التقرير فمدرس الرياضة هو انا وقد وضع اسم ياقاهرهم بدلا عني ) يمكن حصل سؤ تفاهم ( وحده ماتبي المشاكل;))... مشكوور على المشاركه ...

الزعيم ابو خالد ...

(عرف انه قريباً بيكتب عليها (((( للتقبيل )))) ) ليش التحطيم من البدايه ... حنا متوقعين انها بتنهد فوق روسنا من اول يوم بنداوم فيه
(اهم شيء عندكم فسحه (( والله اقدر شيء اسمه فسحه)) ) نص الطلاب السعوديين يروحون للمدرسه علشان الفسحه وسعة الصدر:p :p ...
(ماعليش سهل انكشف امرك) ياخي كل واحد له طريقته مع طلابه
( ترا عندي وحده برشحها تكون مدرسه ) من هييييييييي ؟.. خلاص عطنا اسمها ونرفع اقتراحك عند رئيس التحرير ( شفيني انا مع رئيس التحرير بس لانه قبال المدرسه جريدته فبدال ما اضرب مشوار للدور الخمسين في المدرسه (هذي نصبه خمسيييييين دور عاد ) اروح لرئيس التحرير اللي قدامنا واخلص ) ;)


فتى المدينه...

(ممكن اطلب اغنيه ؟؟؟؟ ) حنا بمؤسسه تعليميه ... تعال اخر الدوام واطلب ...


ابو الذهب ...

(كان هذا هم طلابكم هونت ) أفا عليك هذولي نخبة طلاب المدرسه ادفر الدفرات ...
(الا مدرستكم فاتحينها فى منفوحه ) حنا مانفتح مدرستنا في هالاماكن الرااااقيه ...
(على طارى الصوره هاللى واقفه تشرح لاتكون مدرسه الحاسب ) ياويلك منها والله لود تدري انك قايل عنها رحت فيها.. بس بعلمها (نذاله مهيب صاحيه فيني );) ;) ...
(يأخى هونت اسجل عيالى عنكم شكل مدرسينكم اذا جاعو ذبو اقرب طالب عندهم فى الزيت ) لا لا ماتوصل لهاالدرجه انت جرب وشوف ...
مشكوووووووووووووور على المشاركه الخفيفه الظريفه;)

غروده ...

(شدررررررررررررررررررررررررراك اني احب الطبخ ) حاسه سادسه افا عليك;)
(عمومن دامها خليطي خذووولي انا اخر الفصل كرسي )خلاص ولا يهمك بس هماك ابله ... بس تدرين في هالمدرسه كل شي يصير ... ...

ahmad_351...
(مشكوره اسيره وموضوع جميل جداً ) هذا أقل شي ممكن اقدمه ...
(ويبيله قعده ) نستنا ردك ...



مشكووووووووووووووووووووووورين جميعا على هالردود والمشاركات الحلوه ...
وأتمنى أن الموضوع من جد عجبكم ...

مع تحياتي ...
أسيرةالزعيم ;)