الواقع الهلالي - نادي الهلال السعودي - شبكة الزعيم

الذهب والزعيم اخوان · #1 09/08/2011, 12:23 PM

السلام عليكم ورحمة الله وبركاته

الحقيقه المره

موضوع انتقال ياسر والتعاقدات الجديده هم كل هلالي والله يعلم اني اكتب هالموضوع وانا طاقتن تسبدي

ومقهور لأن العمل الاحترافي اللي كنا نشاهده في ادارة ابن مساعد قد < وأقول قد يسقط الموسم القادم للأسف وراح تزعل الجماهير الهلاليه على ابن مساعد بقدر محبتهم له
والعتب على قدر المحبة

وراح اقولكم وجهة نظري اللي اتمنى ماتكون صحيحة

اولا التعاقدات الجديدة
1 - الاستغناء عن رادوي المقاتل والتعاقد مع هرماش سقطه تاريخية من ابن مساعد رادوي وهرماش المقارنة بينهم تكاد تكون معدومه للاسف والتعاقد مع هرماش لن يعوض رادوي ولكن أملي بعد الله في القرني( أسد الميدان) .
2 - كان الافضل اعطاء خالد عزيز الفرصه بجانب رادوي للعب اساسي هو الحل الامثل والانسب لجميع الاطراف مع حل كافة الامور المتعلقه باللاعب لأنه معه حق يزعل لانه فيه شوي عنصريه من اعضاء الشرف بتوزيع الشرهات والهدايا

فلا تلومونه اذا زعل بالعكس راضوه واكسبوه وعلى أعضاء الشرف توزيع الهدايا بعلم الإدارة ونهاية الموسم فقط .
القرني لاعب سيكون له شأن كبير في الهلال والمنتخب بإن الله اذا استمر على العطاء اللي يقدمه في المباريات اللي يشارك فيها صغير بالسن كبير بالعطاء ماشاء الله تبارك الله واتمنى يكون أساسي الموسم القادم وهرماش احتياط وعبداللطيف الغنام لاعب خبره ومجتهد لكنه كثير الاصابات ووجوده احتياط مفيد له ليتعافى وللهلال لأنه لاعب جوكر قد تحتاجه حسب سير المباريات اللي تلعبها .
3 - الاستغناء عن ياسر والابقاء على المحياني فيه ظلم كبير لنا كجماهير وللاعب لأن ياسر الموسم الماضي كنسبة تسجيل هو افضل لاعب سجل بالدوري وجميع المسابقات لأنه لعب أقل وسجل أكثر من غيره من اللاعبين الاجانب والسعوديين وذهابه للعين أيضا الغير مشارك في دوري ابطال اسيا فيه ظلم للاعب أيضا .
ماذا تنتظرون منه وهو يلعب لحاله قدام المفترض من ادارة الهلال التعاقد مع مهاجم خرافي مع ياسر وليس الاستغناء عنه ومسألة مشاركته اساسي هذي بيد المدرب ومو ذنب اللاعب اذا اشركوه المدربين اساسي والمحياني احتياط هذا دليل ان المحياني ما اثبت نفسه بالتدريبات وجديته فقط بالمباريات الرسميه وياسر يجتهد ويكافح الا اذا كان اللي يحط التشكيله الإداره فهذا شي ثاني !! ويبغون يخلون المحياني اساسي بالقوه ومحاربة ياسر الكاسر.
4 - الامور المادية ليس في الهلال فقط وإنما في كل الأندية ولكن الأخص الهلال أتمنى أن يقنن الصرف لأنه طالما الموارد ماتكفي وأعضاء الشرف مايدفعون ليه تبيعون او تعيرون لاعبين مهمين كياسر وتتعلثون انه اعارته للعين علشان الامور الماليه والتعاقد مع ايمانا أو غيره أصلا ليه تتعاقد مع ايمانا

اذا بيحوس عليك الفريق اللي تبني فيه ثلاث مواسم وبتصريح لابن مساعد قال لأن ياسر اعلى عرض مادي

فتم اعارته طيب صرف ويليهامسون وجيب ايمانا مو تتخلى عن مهاجم صريح فذ مقاتل كياسر وتجيبون لنا الكوري والعربي على أمل نجاحهم

وإن مانجحوا وش الحل

ماضنتي يابن مساعد تجي منك البحث عن الامور المادية بالتخلي عن اهم ركائز الهلال والله ظلم بين وصريح .
5 - التعاقد مع لاعبين بمستوى لاعبيننا مدري وش القصد منها

العربي والكوري لاعبين بمستوى ياسر والمحياني فكيف تتم تعاقدات في هالشكل راح تنسف مجهود مواسم وتخلينا نحلم من جديد بالآسيوية .
6 - الهلال يحتاج مهاجم صريح مع ياسر ويكون مهاجم بمعنى الكلمه ومدافع بجوار هوساوي ولاعبين وسط صناع لعب فقط .

وشكرا لكم الموسم القادم راح يثبت لكم صحة كلامي

المية تكذب الغطاس على قولة اخواننا المصريين

وإن غدا لناظره لقريب