ياسر الان لاعب عيناوي
والاداره الهلاليه
اختارت الحل الانسب
اعارة ياسر
وتجديد مع عيسي
حتي مانخسرهم الاثنين
وبفلوس ياسر نجيب الشهراني
ترا وليد الجيزاني
قبل موسمين
كان هو ثالث هدافي دوري زين
خلف الشلهوب ونيفز
هل يعني ان الجيزاني مهاجم فلته
ولايشق له غبار!!!!!!!

والله شوف بدايه الله يوفق الهلال وياسر وين ماراح
نقطة الاعلام النصراوي هذي ماحد يقدر ينكرها توفيق الخليفه صاحب الامير وغيره من اعلام النصر ووقوفهم ضد الحمادي وتصاريح الامير ضده في الاعلام كاول مره لرئيس واعلامي هلاليون ولكن مانبي النصراويين يفرحون اكثر بعد نجاحهم في ابعاد رادوي وياسر وقبلهم كوزمين واستعدا الامير ضد الحمادي الان يحاولون هدم النادي وشق الجماهير بالمدرب والاعبين والمقارنات

بغض النظر عن اعارة ياااسر


ادارة الهلال تتاثر بالاعلام بشكل كبيير والدلائل كثيره جدا

أولاً يعطيكم العافية على الردود
لكن أنا كان لي وجهتين نظر الأولى
هل من المضمون نجاح المحترفين الهلالين يوسف العربي والكوري وعادل الهرماش .
الثانية : وهي هل الهلال ليس بحاجة مهاجم مثل ياسر البعض يقول أن ياسر نازل مستواه والبعض
يقول بأن ياسر لم يقدم مايشفع له لكن الإدارة لم تدافع عن ياسر ومثلها ادارة الأهلي لم تدافع عن مالك
هؤلاء نجوم التفريط بهم صعب في كل الأحوال ولابد أن تكون هناك اختلاف في بيع النجوم ...

احنا عندنا 2 مهاجمين اجانب مع البطل المحياني يكفينا

بعدين والله ماضيع الاسيويه الا تطبيلكم وتواقيع المنتدي لياسر
ياعالم ياسر مو لاعب حسم مثل سامي شوفو كم سنه شارك في الهلال وحسم بطوله كلهاا مجهود اللاعبين
شوفو نهائي الدوي بين الهلال والاهلي 1416 وكيف سامي حققلنا البطوله2\1 بعد ماكنا متاخرين بهدف وبملعب جده
ونهائي مع الشباب 3\2 نهائي الحلم وقارن ياسر بكم نهائي ولا قدم شي يذكر استسلم للارقابه ومكتوف الايدي ويبدع امام القادسيه ونجران والرائد والحزم وين ياسر 2004 و2006 و2007
يكفي سنيين وانواع التطبيل في نواف التمياط حتي يوم اعتزل وهو ماكمل 30 سنه قدستوه في المنتدي وانواع اللطميات عشان لا يعتزل لدرجه ياويله الي ينتقده وهو مايجي ربع الثنيان وسامي مع انه كان مفلس كرويا قبل اعتزاله 4 سنوات
الهلال فوووق الجميع والاسيويه ان شالله جايه حتي لو بعد 60 سنه ماعندنا مشكله يكفي كل سنه نحقق بطوله وغيرنا حده المركز الرابع والخامس وسلامتكم

كلها بسبب الاعلام لو يقاطعون الاعلام بمباريات الاسيوية والمهم بيتغير الحال

المشكله نفس الإعلام هو الي جالس يطلع كلام .. أن سامي ما يبي ياسر في الفريق وانه يحارب النجوم ..
ونفس الاعلام هو الي يتكلم عن أن الإدارة علشان تغطي مبلغ ايمانا أعارت ياسر ..
ويطلع الرئيس في تويتر ويحلف بالله وهو صائم انها رغبة اللاعب ..
وبيبقى هالاعلام يتكلم .. طالما فيه ناس تسمع ...

أوافقك على أن الإعلام له تأثير .. ولكن تأثيره محصور على اللاعبين فقط .. هو الي ضغط على رادوي حتى حس أن المكان غير مناسب له .. وما للإدارة دخل في هالشي ..
ياسر تأثر من الحمله الجماهيريه والإعلاميه .. وشاف انه من المناسب يغير جو خلال سنه يستفيد منها نفسيا وماديا ..
والاعلام نفسه هو الي أثر على اللاعبين .. بحيث أنك تشوف الفريق في الاسيويه يلعب بـ 20% من أداءه محليا .. والارتباك واضح مع أن الإدارة حاولت كذا مره ازالة الضغط عن اللاعبين حتى اتهمت بالاستهتار واللعب بمشاعر الجماهير ..

أما مسألة نجاح الأجانب .. هذي بيد رب العالمين .. ما للإدارة دخل فيها .. اجتهدت وبحثت .. والي أشوفه انهم لاعبين مميزين ..
وأشوف أكثر الي يشككون في نجاح الأجانب وان الإدارة بتندم على رحيل ياسر .. هم نفسهم كانوا يطبلون للإدارة يوم تعاقدوا مع الرباعي ويلي ورادوي ونيفيز ولي يونق .. ما ادري وين راح الاخذ في الاعتبار نجاح الأجنبي من عدمه .. !!!



هالشق الي أشوفه في الجمهور .. ووقوفها ضد الإدارة .. يعتبر سابقه .. وسابقه خطره بتوقف عثرة في وجه الرئيس الحالي وأي رئيس الجديد ..

ياعزيزي انت بعصر الاحتراف حنا كاجمهور كنا نضغط على الادراه بجلب مهاجم اجنبي والكلام هذا

من ايام تياقو نيفز وعندما حققت الاداره رغبتنا قلنا ليه بالعكس المسأله بسيطه ياسر اساسا

كان بيكون احتياط وبالكثير راح يلعب مباره مبارتين تدري وش مشكلة الاداره فعلا انها قريبه

من الجمهور وكلنا يتذكر صورة الامير المحبوب عبد الرحمن بن مساعد يوم يوقع مع يوسف العربي

وهو فاتح منتدى شبكة الهلال الكل يضغط ويبي لكن القرار بيد اشخاص معينين وحنا نثق فيهم كل الثقه

وصدقني من شارو ما خاب ياسر اعارة بمبلغ كبير ولمدة سنه ويرتاح من الضغوط الاعلاميه ويحاول

يصير هداف الدوري الاماراتي ويثبت نفسه وارجع اقولك الجمهور يعشق الكيان مايعشق لاعب

وعندك بطارق التايب اكبر مثال تقبل ودي واحترامي والايام ستبدي لك ما كنت جاهلاآ

إقتباس الرسالة الأصلية كتبت بواسطة *SNICKERS* ياسر ورادوي وويلي اخذوا ثلاث مواسم ونطلع من الاسيويه .. لازم يصير التغيير ونصبر على التغير ونعطي القادمين الفرصه مثل ما اخذوها اللي قبلهم

يـــآآعيني عليكـ هذا الكلام الصـح ..

وان شــاء الله يآسر يرجع لنـا مثل أوَل وأحسـن و مشكلته نفسيه لآ أكثـر..

الله يكتب اللي فيه الخيـر لهلآآلنـــآ ..

إقتباس معه أي لاعب من المنتخب ومع ذلك كسب الفريق البطولات بالروح وهي التي فقدت خلال الثمان السنوات الماضية ...

حتى في سالفة الروح اللي تقول إنها غابت ترى هناا تأثُّر بالإعلام الأصفر ..

على العموم اوافقك في مُجمل طرحك ..
تحيَّاتي .

توكل على الله

وش اعلام مااعلام

عشانهم باعو رادوي ؟
واعارو ياسر

عزيزي

دوام الحال من المحال

رحل من الهلال عباقرة كرويون .. ولم يهتز بل زاده ذلك قوة وتوهجاً .

لذلك انصحك بالاحتفاظ بمقالك لنفسك .. لأن الهلال طوال تاريخه ولله الحمد

والفضل لم يتوقف على أحد ..!

هل وصلت الرسالة ؟؟

أتمنى ذلك .

كلامك في الصميم انا اوفقك الرأي ..والاستغناء عن ياسر اكبر غلطه عملتها الادارة وحرام والله التفريط في لاعب مثل ياسر , انا حزين كثيراً.

للاسف في الوقت اللي تتمنى الادارة سماع كلمة شكرا من القلب وبعد صرفها ملايين الريالات لجلب الافضل نجد في منتدانا الغالي بعض من منحتهم ادارة المنتدى فرصة لتعبير المنطقي وتنوير افكار كل من يزور المنتدى بما يخدم الكيان الهلالي نجد منهم من يهاجم ويتطاول على الادارة ويصفها بالغباء والخذلان ,,,, انا اقول لو انك من جمهور الفقر عذرتك فرجائي الخاص مو ناقصين تهكم واحمد ربك على نعمة الهلال.... واللي موعاجبه شغل الادارة يمسك لسانه والا يهجول في منتدى الفقر....