من اللي حدث صراحه كان هناك عدة نقاط مهمه واساسيه وفيها ايضا دلالات خطيره يجب ان لا تفوت علينا وهي
1_ فريق بدون مدرب لياقه( المنصور نقص في التدريب مع احترامي لسنه)والمدرب ساكت (يستاهل ماجاه) والجهاز الاداري ياصبـــــر الارض عليه شغال كسب شعبيات واللاعبين ما فيهم واحد حريص على مصلحة الفريق وتكلم في الموضوع طبعا ادارتنا الحبيبه ولا هي هنا
2_ لاعب مصاب وغير جاهز يشارك اجل ويش فايدة المدرب والا خايف
3_ لاعبين جاهزين الصالح المطيري والعمودي( رغم عدم اقتناعي 100% فيه) وغيرهم يستبعدون من البطوله الخليجيه ويضمنها المسعري ولطف ولا احد يقول ان الاحمد ما له يد كان ظمنوها العام لكن المصيبيح غير
4_اخطاء وعيوب الفريق مثل ماهي والمجاملات مدهره لا احد ناقش مدرب في عدم الاستفاده من الكرت الثابته او الركنيه او الخلل في اللعب بمحور واحد
5_ تسيب وعدم انضباط وهرقله مثل ما يقولون وفرناندو يشتكي من اللي يدعون الاصابه وووو الخ
مابي ازيد لان الكلام واجد لكني اشوف هالحلول ارجو ان تقولو لي رايكم وهي
--- حل الجهاز الاداري بالفريق وتعيين جهاز قدير يكون حازم وله خبره كرويه ماهوب احتياط طول عمره
--- احضار مدرب لياقه ومدرب حراس صح يعني صح 100% ولو يخلون نجيب الامام يدور في تونس والله ما يندمون
---- افهام المدرب ان اللي يستحق يلعب بدون اسماء وكلام فاضي وانه هو المحاسب على النتائج فقط
--- لطع العواجيز واللي بعد ما اهتموا بمستواهم( شين وقوي عين) واعطائهم الانذارات حول هبوط مستواهم
--- التاكيد على اللاعبين بعدم اكثار الكلام والمبررات لهزائمهم ( يعني البربره الزايده وحنا اسفين وبنعوضكم وكان عندنا نقص في كذا وكذا .. الخ ) وابلاغهم ان وعودهم نبي نشوفها فعل ماهو كلام يغطي على المستوى السيء لهم
-- اعطاء المدرب فرصه اخيره ونهائيه للبدء في تغيير برامجه التدريبيه لبرامج جديه
--- الاستعانه بلاعبين سابقين مثل المصيبيح والنعيمه وخبرات رياضيه مثل الخالد لتقييم الفريق وعيوبه وبرنامج المدرب لمعالجة عيوب الفريق واللاعبين
هاذي بعض الحلول اللي اشوفها واهمهاالجهاز الاداري لانه اكبر مشكله واسف للاطاله لكن النتيجه ان المدرب يتحمل اكثر من 40% واللاعبين 60% والجهاز الاداري مقصر وفاشل بنسبة 100%