| صباح الخــير..
أخوي فيه لاعبين ممكن تناقش سبب إنخفاض مستواهم أو نحاول نشوف وش مشكلتهم يعني مثل ياسر وش سبب هبوط مستواه .؟ الفريدي وش سبب بروده .؟ المرشدي وش سبب إرتباكه.؟ يعني لاعبين كبار ويمرون بإنخفاض بمستوى مثلهم مثل أي لاعب بتاريخ الكورة..!
لكن محمد نامي شخص ما ينفع يمارس أي نشاط رياضي بالعالم ( أسمحو لي ) هذا ما ينفع لاعب , يعني هذا هو مستواه , من يوم جاء للهلال وهذا هو مستواه..؟ لا يمر بإنخفاض مستوى ولا مشاكل ولا اصابة ولا شي. يعني ما منه أي فادة أبد.
بعدين تقولي وش الأهداف اللي تسبب فيها نامي.؟ المفروض تقول وش الاهداف اللي ما تسبب فيها.!!
شوف أخوي فيه إحصائية مسويها أنا شخصيآ , في موسم إبداع جيريتس نامي ما شارك مع الفريق الأول تقريبآ إلا 4 مباريات.؟ اللي أذكره أنه في مباراة الوحده بالرياض دخل آخر 10 دقايق واول مادخل جاء هدف للوحده من الجهة اليمنى.؟
وفي مباراة الرائد نفس الشي وكان توه داخل في آخر اوقات المباراة.؟
في مباراة الغرافة الاياب شوف الهدف الأول والرابع وأنت تعرف وش سوى نامي.؟
في مباراة الاهلي هالموسم المنصرم بكأس ولي العهد اللي انتهت أشواطها الاصلية 2-2 , شوف هدفين الاهلي وكيف رفعها قلب الدفاع حق الاهلي من جهة نامي وهو جالس يتفرج عليه.؟
في مباراة الفيصلي هالموسم اللي بدور الـ 8 اللي بالرياض كان الفريق متقدم بهدفين , وفي اخر الدقايق دخل نامي , والله اني قلت لاخوي اول ما يدخل بيجي هدف من جهته , وما تمت دقيقة او اقل إلا لاعب الفيصلي يمررها من قدام نامي وهو يطالع فيها وتسجل الهدف للفيصلي.
في المباريات الودية قبل اسبوعين :
الهدف من الجهه اليمنى وين نامـي.؟ ويـن التغطية  :
هذا الهدف شوف تغطية نامي للعرضية :
هذا الهدف فيه لاعب هلالي جاب العيد وفلت الكورة مدري هو نامي ولا غيره .؟ لانه مو واضح .؟ الزبده إذا ما كان نامي هو اللي فلتها , أجل وينه ما غطى الهدف, لان الهدف من جهته اليمنى.!!
هذا شي بسيط من النكبات اللي تسبب بها نامي , وأصبحت الجهة اليمنى للهلال طريق للأهداف على الفريق .؟
عاد باقي الاهداف اللي بموسم أم صلال الله لا يعيده ما ذكرتها..
يعني الله يرحم والديك دور لنا أي موضوع نناقشه بالسياسة أو قضية فلسطين أو أخبار بطولة المصيف , أصرف من مناقشة موضوع منتهي أمره ويخص شخص لا يفقه بالكورة أي شي..
((على العموم اذا بيلعب محمد نامي اساسي هذا الموسم , أنا أتوقع أنه بيكون هالموسم شبيه بموسم أم صلال أو أسوء منه.))
(لاتنسى كلامي و حط هالنقطة الأخــيرة اللي فوق عندك بالمفضلة وأرجع راسلني إذا إنتهى الموسم وكان نامي يلعب أساسي بالفريق.. )
أتمنى إحترام وجهة نظري من الجميع وخصوصآ المشرفين.
تشكراتي. | 
الوضع العادي
