[ غياب لأعضاء شرف نادي الهلال + مبلغ كبير بالدآخل !! - نادي الهلال السعودي - شبكة الزعيم

حـنـآ مـعـك يـآ هلآل · #1 05/08/2011, 11:31 AM

.

.
.

قسسم بالله شئ يقهر ويرفع الضغط
أمانه وش فآيدة أعضآء الشرف إذآ بس يشوفون انجازات الهلال وينبسطون وبس !!!

انت عضو شرف يعني أدفع فلوس ، رآس مالك بالنادي هي فلوسك !!
اذا ما تدفع وتساعد الادارة ترى مآلك أي دآعي تترزز إذآ وصل الهلال لدور الاربعه بكأس آسيآ
اللي يقهر اعضاء الشرف قبل اسمآئهم مكتوب

صآحب السمو الملكي
صآحب السمو الأمير
معآلي الشيخ
سعادة العقيد
سعادة الدكتور
سعادة الشيخ
سعادة المهنس

وتقريبا 280 عضو شرف ولا وآحد فيهم يدفع للنادي ويسوي شئ !!!!!!!!!

وهذي بعض أسمآء اعضاء الشرف :

صاحب السمو الملكي الأمير مشعل بن عبدالله بن عبدالعزيز
صاحب السمو الملكي الأمير تركي بن عبدالله بن عبدالعزيز
صاحب السمو الملكي الأمير سعود بن عبدالله بن عبدالعزيز
صاحب السمو الملكي الأمير مشهور بن عبدالله بن عبدالعزيز
صاحب السمو الملكي الأمير ماجد بن عبدالله بن عبدالعزيز
صاحب السمو الملكي الأمير خالد بن عبدالله بن عبدالعزيز

سعادة الأستاذ حامد الفدا
سعادة الأستاذ فيصل بن عبدالله النصار
سعادة الأستاذ عبدالله محمد السعيدان
سعادة الشيخ صالح السلمان
سعادة الأستاذ طارق بن عبدالله سعود الخزيم
سعادة الأستاذ احمد بن راشد بن سعد الراشد
سعادة الشيخ عبد العزيز بن إبراهيم آل إبراهيم
سعادة الشيخ محمد بن إبراهيم آل إبراهيم
سعادة الشيخ سعود بن إبراهيم آل إبراهيم

سعادة الدكتور سعود بن محمد النمر
سعادة الدكتور عبد العزيز السبر
سعادة الدكتور عبد العزيز الملاوي
سعادة الدكتور محمد البازي
سعادة الدكتور عبد الله الجحلان
سعادة الدكتور علي بن عبد الرحمن العمر
سعادة الدكتور عبد العزيز الشعلان
سعادة الدكتور سمير بن محمد بن صالح باشراحيل
سعادة المهندس علي الزيد
سعادة المهندس سهيل بن قاسم الزواوي
سعادة الأستاذ ناصر بن سعد السديري

وغيرهم كثييييير عددهم تقريبا 280 عضو شرف !!!
ولمن يريد قراءة جميع اسمائهم تفضل هنا
اعضاء الشرف - نادي الهلال السعودي - الموقع الرسمي

يعني وبعدين يا اعضاء الشرف ؟!!
حنا جماهير نبي فريقنا يوصل فوق ، نبي فريقنا يقآرع نوآدي العالم بكأس العالم للأندية
والله العظيم لو كل واحد فيهم دفع مليونين بس كآن يصير اعضاء الشرف دفعوا 560000000 ريآل سعودي متصورين هالمبلغ ؟!! 560 مليون ريآل سعودي !!!!!!!!!

هذآ من غير موبآيلي ومن غير اللي بيدفعه شبيه الريح من جيبه الخاص ومن غير خزآنة النآدي !!!!!!!!!!!!!!!!!!!

عبدالرحمن بن مسآعد تباً للمثآلية إذآ كآنت ستُبقي اعضاء شرف بالهلال غير دآعمين
أرسلت لهم عدة رسائل غير مبآشرة انك تحتاج لهم ولم يستجيبوا !!!
مبلغ ويلهامسون تم دفعه من جيبك الخآص والآن ايمانا انا متأكد انك دافع من جيبك الخآص مَآ الله به عليم !!!!!!!!!!!!

نحن جمهور الهلال جمهور الزعيم لآبد أن نبدأ بحملة ضد اعضاء الشرف
إمآ ان يدفعوا أو يذهبوا ، جمآهير الزعيم تسآند النادي بالمال من خلال المتجر وغيره ولكن اعضاء الشرف فقط يشجعوا ويفرحوا بالبطولات وايدهم تُمسك بجيوبهم خوفاً على تلك الأموال !!!!!!

إلى متى يا شبيه الريح ؟ إلى متى !!!!!!!!!!!!!!! لآبد من التصفيه ، من لا يدفع للهلال فالهلال لا يتشرف به كعضو شرف !!

حساافهه النهدي · #2 05/08/2011, 03:09 PM

لَا تِتْعِبْ نَفْسَكَ وَالْلَّهِ لَوْ تَقْعُدْ لِيَ بُكْرَهْ تُنَادِيْ اعَضَّاء الْشَّرَفِ مَحَدْ بِيَرِدُّ عَلَيْكَ

دُمْتُمْ بِوُوُدٍ

روما الأمل · #3 05/08/2011, 03:14 PM

ما نبي مليونين من كل واحد

اللهم نبي 100 ألف فقط

كـ دعم سنوي و انتهى الموضوع

100 ألف من 280 عضو شرف بتطلع 28 مليون و جزاهم الله كل خير

ابوعزوز2020 · #4 05/08/2011, 03:23 PM

اعضاء شرف الهلال
الداعمين ينعدوون بالاصابع ن نوا
الان بأدارة الهلال الداعمين 2
الامير عبدالرحمن بن مساعد
وحسن الناقور
ومن اعضاء الشرف اعتقد
ثلاثه عبدالله بن مساعد
واثنين لايرغبوون بذكر اسمائهم
ااما بقية اعضاء الشرف فقط فااضين
لترزز في التدريبات والمباريات
النهائيه

وانا استغرب من
نائب الرئيس
الامير نواف بن سعد
ماعمري سمعت انه تكفل بصفقه
او ساهم بالتتعااقد مع لاعب!!!

Dash Girl · #5 05/08/2011, 03:27 PM

للاسف خاب ضننا باعضاء الشرف اللي بس اسم
نعرف كم ضو شرف داعم وواقف مع شبيه الريح بس
كلهم 5 او6
نتمنى احنا كجمهور الهلال ندعم ياريت شبيه الريح يفكر فيها
احنا كجمهور نطالب يفتحون لنا رقم حساب ومافيها شي كل الانديه الكبيره برا سوتها
وكل الانديه عندنا بتسويها

اسطورة القناص · #6 05/08/2011, 03:46 PM

مساء الخير ع الجميع والله يتقبل من الجميع صالح الاعمال ...

ليسه من اجل ايمانا الان بالنسبه لي اقسم بالله العظيم خلاص مو كل همي وشغلي هذا الايمانا الحين بس حسيت بالقهر لما احتاج الامير ابو فيصل وقفة اعضاء الشرف . لم يجد سوا خش.......... مسنده ...!

في هذي الايام الهلال يحتاج وقفه اعضاء الشرف لا تكونو محسوبين ع الهلال بالاسم الهلال غني بتاريخه عن اسماءكم التي لا تقدم ولا تاخر مهما كانت اذا ما يتم الدعم من قبلكم ..

ومع الاسف الامير ابو فيصل طالما اثنا ع اعضاء الشرف في كل المحافل ولم يتجاهل اي عضو شرف بوقفته رغم الني متاكد انهم لم يقدمو الشي الذي يذكر ..

(اقصد اغلب اعضاء الشرف )

الامير ابو فيصل .. لو استطيع الوصول اليك لقبلت جبينك ... شكرا لك هذا ما استطيع ان اقوله

Dr.D7oM · #7 05/08/2011, 03:46 PM

حسستني ان النادي غرقان بالديون ..

حبيبي امور مثل هذه تطرح بداخل البيت الهلالــي ..لما هو معروف من خصوصية للبيت الهلالي غير عن البيوت الاخرى للأندية الاخرى .. واكبر مثال الجار كيف غسيلهم منشور للرايح والجاي والسيكورتي تبع الامن يعرف من بيتعاقدون معاهـ .. او وش مقررين عليه

MILITO HAIL · #8 05/08/2011, 04:02 PM

ياساتر والله احصائيات خطيره والله المفروض ابن مساعد اللي مايدفع يجحت بلا تقدير بلاهم

نزيه المشاعر · #9 05/08/2011, 04:16 PM

إقتباس

الرسالة الأصلية كتبت بواسطة Dash Girl


	للاسف خاب ضننا باعضاء الشرف اللي بس اسم نعرف كم ضو شرف داعم وواقف مع شبيه الريح بس كلهم 5 او6 نتمنى احنا كجمهور الهلال ندعم ياريت شبيه الريح يفكر فيها احنا كجمهور نطالب يفتحون لنا رقم حساب ومافيها شي كل الانديه الكبيره برا سوتها وكل الانديه عندنا بتسويها

احلى فكره وياليت يكون اكثر من رقم مثلا اربع حسابات

الاهلي والراجحي وسامبا والرياض ياليت والله مستعد احولهم شهريا من راتبي

عشقتك يا هلال · #10 05/08/2011, 04:22 PM

ما نبي منهم دعم ولاشي انا عن نفسي اتمنى ان الادارة تستهدف المشجع الهلالي العادي

المفروض الادارة تفكر بمشروع استثماري يستطيع جمهور الهلال دعم الادارة من خلاله

مثلا :

عدد الجمهور 100 الف دعم الادارة بـ 100 ريال شهريا = 10 مليون ريال شهريا

10 مليون * 12 شهر = 120 مليون ريال دعم الجمهوور للادارة سنويا .

وهالكلام موجه لصاحب السمو الملكي الامير / عبدالله بن مساعد
مهندس الصفقات الهلالية والمسؤول عن استثمارات الناادي

mgood44 · #11 05/08/2011, 05:19 PM

يارجال ياما تكلمنا لكن لاحاة لمن تنادي

تخيلو العضو الداعم في الاتحاد يدفع لحاله 40 مليون سنويا لاي اداره تجي تلقى هذا الدعم

اما عندنا عدد الاعضاء 300 عضو ياليت يجتمعون كلهم ويقدمنو 50 مليون سنويا للنادي

نفسي يطلع احد اعضاء شرف الهلال ويتكفل بصفقة ايمانا

mgood44 · #12 05/08/2011, 05:22 PM

إقتباس

الرسالة الأصلية كتبت بواسطة عشقتك يا هلال


	ما نبي منهم دعم ولاشي انا عن نفسي اتمنى ان الادارة تستهدف المشجع الهلالي العادي المفروض الادارة تفكر بمشروع استثماري يستطيع جمهور الهلال دعم الادارة من خلاله مثلا : عدد الجمهور 100 الف دعم الادارة بـ 100 ريال شهريا = 10 مليون ريال شهريا 10 مليون * 12 شهر = 120 مليون ريال دعم الجمهوور للادارة سنويا . وهالكلام موجه لصاحب السمو الملكي الامير / عبدالله بن مساعد مهندس الصفقات الهلالية والمسؤول عن استثمارات الناادي

اتمنى من الاداره تسمح للجمهور بدعم النادي اذا اعضاء الشرف ماهم داعمين احنا ندعم النادي وكل شخص يدعم باللي يقدر عليه ياليت احد الاعضاء يطلب من ابوفيصل في صفحته في تويتر السماح للجمهور بدعم النادي

شخصية مستهدفه · #13 05/08/2011, 05:25 PM

يا جماعه لازم الاداره يعطون لنا رقم حساب خاص للمشجعيـن .

وكل واحد يدعم بالي يقدر . والله ثم والله ما نحتاج بعدها لـ اعضاء الشرف ..

وتقدر الاداره تجيب وقتها افضل اللاعبييين .!

ومازال للمجد بقية · #14 05/08/2011, 05:39 PM

ما نبي منهم دعم ولاشي انا عن نفسي اتمنى ان الادارة تستهدف المشجع الهلالي العادي

المفروض الادارة تفكر بمشروع استثماري يستطيع جمهور الهلال دعم الادارة من خلاله

يعطك العافية والصحه

هلالي مهد الذهب · #15 05/08/2011, 06:31 PM

يلا شباب نبي تفاعل اكبر ونعطي الموضوع اهميه اكبر مثل موضوع ايمانا مو معقوله اعضاء شرف ونايمين

اخر صفقه تبرع فيها عضو شرف هي صفقة محمد الدعيع واللاعب الحين معتزل

يعني اعضاء الشرف نايمين لهم اكثر من 10 سنوات عن الدعم وهذا سبب من اسباب عدم التوفيق في اسيا

اسيا يبيلها دعم تخيل عضو شرف تكفل بصفقة ايمانا وعضو اخر تكفل بصفقة ظهير ايمن وعضو شرف ثالث

تكفل بصفقة مدافع مع المرشدي وهوساوي راح يكون وضع الفريق افضل