في حالة ان الخبر صحيح
فأنا اقول...
إن العرض غير منطقي جداً ولا عقلاني وتشيلسي مالقى الا إدارة ميلان الملكعه يهك عليها بذا العرض!
طبعاً البلوز من حقه يعرض اي عرض يبيه، لكن بذا الطريقه قاعدين يستفزون الأصلع بو هباش (قالياني).
انيلكا لاعب انا مستغرب ومستنكرمن الموسم المنصرم ليش للحين هو في صفوف تشيلسي،
البلوز اكبر من طموحاته ومن قدراته وامكانياته، عطفاً على اداءه الخجول في هذا العمر.
يعني لو بيفكر باتو او الإداره الميلانيه في العروض المقدمه اكيد بيكون العرض المقدم لـ باتو اكبر من هذا العرض الخجول.
وانتبهوا ياتشيلساويه وامسكوا لعيبتكم بس ترا ذا الأصلع ماهوب سهل لايحطكم براسه وهو يحك صلعته
ويسوي فيكم حيله ويلف السالفه عليكم ويزرف لاعب من اهم اعمدتكم الأساسيه بسعر رمزي وبثمن بخس، عاد على حسب من يبي ومن يخطط عليه إذا بيت النيه فيكم.
،
من ناحية اللي يقولون مستحيل انتقال باتو من الروسونيري < هذا كلام ماشوف فيه منطقيه ولا عقلانيه
في عالم المال والماده وارتفاع اسعار اللعيبه بشكل مهول وفضيع
اللي اصبح عامل اساسي جداً ويحدد مصير اللعيبه في بقائها من عدمه.
فأنا ما اشوف فيه شي مستحيل، ممكن نقول صعب ، وصعب جداً
لكن مصطلح الإستحاله ، اشوف انه ماهوب في محله وماله مكان في مثل هالأمور.
يعني بآتو لو جاه عررض قوي ومغري ويسيل لعابه، ممكن تتغير الأمور وتختلف وفي لحضاات نشوفه بقميص آخر غير الميلان محد يدري.
/
يعطيك العافيه رآعي الموضوع على النقل
معليش بس عندي لقافه إيجابيه حول توقيعك اللي حده مو شي
ليش العصبيه هذي هدي من روعك يآرجل وخلونا حبايب كلنا