الأخ العزيز صالح السليمان
السلام عليكم :
ألأخوان في جرايد الخبز طالعين لنا هاليومين بأن المشعل أفضل رأس حربه ، أوكي ممكن يكون طلال المشعل لاعب جيد أما أن تصل إلى أن يكون أفضل رأس حربه أسمح لي ما أقدر أبلعهالأنً هذا اللاعب لن يخدم النادي الذي يرتدي شعاره ولا أعتقد أنه يستحق مليون لأنه ماعنده شي يعني صدقني لاعب مثل هذا ينكشف بالمباريات الكبيرة أما بالنسبة لمهاراته بأستخدام الرأس فأعتقد أن اللاعب عبدالله الجمعان من أفضل اللاعبين حالياً بإستخدام رأسه يعني أن ضرب كوره برأسه كنه شايتها برجله ولكن قلة التركيز عنده هاذا اللي مضيعه والحمدلله لاعبين الهلال فيهم الخير والبركة يعني مانحتاج نجمع من هالأندية إلا إذا كان لاعب يخدمك في مركز معين وأعتقد أن هذا اللاعب هو عبدالله الواكد اللي فعلاً الهلال بحاجة له ، أما بالنسبة للاعب حسين العلي صراحةً لم أكن مقتنع فيه لكن بعد المباريات اللي شاهدتها لاحظت أنه لاعب جيد كثير المشاغبة في خط المقدمة يستغل الفرص داخل خط الثمانطعش ما يتفلسف كثير وهذا اللي محتاجه الهلال بالوقت الحالي شخص يترجم الفرص الهائلة التي تصل من خط النص .
أما بالنسبة للاعب حسين عبدالغني فحقيقة مايشرفنا أنه ينتمي لنادي الهلال لأن سلوكاياته ما تساعده على اللعب مع الهلال هذا أولاً ثانياً حقيقة ما أشوف فيه مشكله الآن بالجهة اليسرى الهلالية ولكن ممكن تنكشف هاذي الجهة في المشاركات الخارجية في هاذي الحالة لابد التعاقد مع لاعب أجنبي على مستوى عالي لأنه ماهو عيب أنك تتعاقد مع ظهير لكن أهم شي يكون مميز لأنه راح يخدمك فعليا خلال المباريات وراح يشغل جهه كاملة ويغير خطط مدربين أهم حاجة أن يكون مستواه متميز علشان المدربين يحسبون له ألف حساب .
أخيراً :
أتمنى من الإدارة الهلالية الإهتمام بالناشئين لأنهم الركيزة الأساسية للنادي فالملاحظ الآن المدرسة الهلالية لم تخرج لاعبين موهوبين بأعداد كبيره مثل أول ، أوكي يطلع لاعب لاعبين لكن ممكن يطلع أكثر لو كان فيه إهتمام أكبر وتم الإعتماد بعد الله على مدارس أوروبا الشرقية لأن هذه المدارس مشهوره بإكتشاف المواهب وغير ذلك بصقل اللاعب وأتمنى فعلاً من الإدارة أن تحضر مدرب للناشئين وللشباب بكفاءة المدرب السابق زوران .

[عدلت بواسطة الإعصار التاريخ:25-02-2001 الساعة: 02:09 AM]