الحقيقة أعجبني طرح الزميل صالح السليمان كثيراً لهذا الموضوع واسمحوا لي ادلي بدلوي في هذا الأمر ..
اولاً أنا أتفق مع الزميل صالح وكل من قال عن حسين عبدالغني فهذا اللاعب أولاً يكره الهلال كره غير عادي ويغار من كل لاعبي الهلال هذا غير سلوكه السيء لهذا التفكير فيه مضيعة للوقت ..
اما طلال المشعل فأنا أختلف مع الأستاذ صالح وأتفق مع كل من شجع على التعاقد معه لأن اللاعب موهوب وهداف بالفطرة والمبلغ الذي يستحقه لن أحدده ولكنه كثير جداً والمشعل مهما كلف التعاقد معه ليس بخسارة فهو فنياً أفضل من الهويدي وبشار مليون مرة وهو المهاجم الأول حالياً في الخليج ومميزاته بالمناسبة لم تمر على أي مهاجم قاد هجوم الهلال من عشرين سنه أما قبل ذلك لاأعلم وبحسبة بسيطة فإن المبالغ التي حصل عليها كرستوفر ولازار والهويدي وبشار وزاكي وموني والقاتو وغيرهم الكثير من اللاعبين ربما لاتتجاوز 10% من قيمة صفقة المشعل
إذاً أنا مع التعاقد مع طلال وللعلم طلال أمنية حياته اللعب للهلال.

تحيه لشباب المنتدى العزيز
استاذ فارس كيف الحال من زمان عن مواضيعك الشيقه عندى سؤال بسيط يا استاذي كيف عرفت ان طلال يتمنى اللعب في الهلال هذا ولك الف تحيه وتحيه.

بالمناسبه (وش أخبار الهلالي الصغير)

الاستاذ الكبير صالح السليمان اولا احب ان ارحب بك في هذا المنتدى الرائع (ولو انها متاخره شوي )...
اما بالنسبه للاعب طلال المشعل فانا اتفق مع من قال انه لاعب صغير السن وخامته جيده ولكن عندنا اللاعب حسين العلي والله انه لاعب ممتاز وجيد.
اما بالنسبه لحسين فيبقى حاجز الاخلاق عنده وكثرة مشاكله .

حسين عبدالغني مجرد التفكير فيه .. اعتقد انه بلاهه ... صدق هو فنان بس مثل ما قال الاستاذ الكبير فارس الروضان يكره كل ماهو ازرق!!!

اما طلال المشعل ... فماعليش أستاذي الكبير صالح السليمان .... والله يستاهل الجمل وما حمل ..... فنان درجه اولى ولا يقارن بحسين العلي حالياً ... فلاتظلم حسين العلي وتحطه في مكان لس ما وصله ...... وان كان طلال امنيته اللعب للهلال .. فهذه امنيتنا كهلاليين ايضاً ......

ومثل ما قال استاذ فارس .. يعني وقفت على المبلغ اللي بياخذه ... كم خسر الهلال عشان الكديش اللي جابهم .. هذا واحد منهم وماهو صاير الاخير كرستوفر 60 الف دولار راح هبا منثورا ..... وما اتوقع ان بشار اللي اندفع فيه حول المليون ونص لمدة موسم .. يستاهل المبلغ اللي اخذه عند واحد بياخذ ملايين بس بيخدمك خمس سنوات قدام .......

وهو بعد يبي الهلال شف كيف يبدع مع المنتخب ويختفي مع الاهلي !!!!!!!

ويكفي استاذ صالح انه يلعب برجليه الثنتين .. ويرتقي صح . وهذه اهم ميزتين بالمهاجم . والباقي يتم تطويره مع الايام وكثرة المشاركات والاحتكاك بالنجوم
[عدلت بواسطة الماسة 9 التاريخ:25-02-2001 الساعة: 03:18 PM]

معليش على المدخله ...

لو فرضنـا ان طلال افضل من الحسين علي ( مع أني لاأؤيد المقارنه ) هل الهــلال ( بحاجه) الى مهـاجم ؟؟
لديه الآن اربعة مهاجمين .. سامي ، الجمعان ، الحسين ، الكاتو .. هل بحاجه الى مهاجم رابع ؟؟

عندما تعاقد الهلال مع محمد الدعيع بخمسه مليون ..بعض اللاعبين تنرفزا على المبلغ هذا ؟ يعني معقوله لاعب مثل الدوخي و نواف يوقعون مجانا .. واللاعب الجديد يحصل على خمسه مليون ؟؟

الخمسه المليون اللي اجب فيها المشعـل اوعد اللاعبين بمكافات ضخمه واوزعها عليهم افضل من احضر لاعب ربما ينجح وربما لا !!

الاخ/صالح السليمان....الأستاذ/فارس الروضان......زملائي محبي الازرق
من خلال قرائتي لما سطرتموة ارى الاختلاف في وجهات النظر وهذا شي طيب ان يستقل الانسان برأية...ولاكن ملاحظتي للأخوان الذين أدخلوا سعر اللاعب وعلى اي اساس وهل حدد؟؟عمومايبقى طلال المشعل لاعب فنان وهداف ولاكن لاتنسوا لماذا برز في المنتخب وقل عطائة في النادي وهو مايبحث عنة اي لاعب يفكر في عالم المجد والشهرة.....
الاستاذ/فارس لازلنا بأنتظار مصدر محبة اللاعب طلال للهلال
شكرا للجميع

مرحبا استاذ صالح
ما اظن ان رايي له مكان بينكم خصوصاً انكم اكبر ويمكن تفهمون الامور اكثر ..
بس في رايي .. الهلال مايحتاج طلال .. صحيح طلال لاعب بارز .. لكن برز قبله مرزوق والشيحان وعبيد .. وماكان يحتاجهم الهلال .. واعتقد هذا الي بيصير مع طلال ..
ولو كل لاعب في الدوري السعودي اخذ مكانه في المنتخب وجا للهلال .. متى بنعطي فرصه للاعبين الصغار ؟؟؟ .. المفروض نفكر فيهم .. واحنا ماندري يمكن لو واحد فيهم اعطوه فرصه يكون افضل من المشعل .. طبعا مافيه احد مايتمنى لاعب مثل طلال في فريقه بس لازم نفكر قبل مانطالب الاداره فيه ..

هذا رايي .. ومشكور

السلام عليكم ورحمة الله وبركاته

الاخ الاستاذ صالح السليمان :

احببت ان اشارك برايي المتواضع في طرح حول موضوع يهم كل هلالي منتمي لهذا الكيان .

بالنسبه لما ذكرته حول حسين عبدالغني انا لااحب جميع اللاعبين من غير الهلال لانهم لاينتمون للهلال ليس الا ولكن عبدالغني هذا اكرهه في شخصه وليس لانه لايلعب للزعيم وهذا هو الفرق هذا لاعب يحقد علي كل ماهو ازرق ويتعدي ذلك الي الحقد الي العنصرية التي يكنها في قلبه لاهالي عاصمة هذه البلاد لذلك انا لست ممن سيقولون لااؤيد بل ساترك الهلال والكرة لو لاقدر الله وانتقل عبدالغني للهلال الا في حاله واحده ان نتاكد من تحول جذري في سلوكياته قبل انتقاله للهلال بفتره طويله .

اما طلال المشعل فهو لاعب جيد ولكن ان يجمع له الكلمات لوصفه وانه الهداف الاول وغيره من الكلام الممجوج فانا معك استاذ صالح لست مع احضار اي لاعب للازرق يمبلغ يتعدي اكثر من اربعه ملايين الا اذا كان لاعب اجنبي كبير اما غيره فبعد الدعيع لايهمني اي لاعب كرة في المملكه لانه باقي النجوم لدينا .

وكل التحايا للجميع
والسلام ختام

ياناس كل لاعبين الاهلي الا قليل منهم ما يصلحون لانهم مهوب لاعبين مهمات صعبه يعني مهوب على قد الهلال
الا عبدالله سليمان لانه اخلاق وله خبرته الدوليه

ما أجملنا هكذا

تـخــتــلــف الأراء ... وتــخــتــــلـــف الأصـــوات ،، ولـكـن يــبــقــى الإحــتــرام الــمــتــبــادل .. والــنــقــاش الـــهــاديء هـو الأســاس الــذي نــســير عــلــيــه .

من وجهة نظري أنا سـأتحدث عن كل لاعب على حدة :

1- حسين عبدالغني : لن أزيد حول مستواه المميز جدا والذي يؤهله لكي يكون أفضل ظهير أيسر على المستوى العربي وهو مكسب لأي فريق ، خصوصاً وأن عمره مازال 23 سنة أي قادر على اللعب لمدة تزيد على العشر سنوات قادمة بإذن الله .
بالنسبة للانتماء والأخلاق ... هذه تزول مع الماديات ... نعم فهو عندما يفكر ان مستقبله في نادي الهلال ( لو انتقل ) فمن المؤكد أنه سيخلص للشعار وسينسى كل شي ... لاحظوا تعامله مع سامي والدوخي ونواف في المنتخب ... بصراحة تحس أنهم في فريق واحد من تعاونهم وتفاهمهم وتسابقهم على تهنئة بعضهم البعض .
من وجهة نظري الشخصية : أتمناه في الهلال اليوم قبل بكرة ، أنا أذكر في مثل هذا الوقت من العام الماضي ( بعد المؤسس ) كتبت في الكيوكات عن أمنيتني بأن أرى عبدالله سليمان في الهلال ولله الحمد تحققت .. وأنا الآن أتمنى أن أرى عبدالغني في الهلال .

2- طلال المشعل : لاعب جيد ونشيط بلاشك ... لكن مواصفات المهاجم تنقصه بشكل كبير خصوصاً المراوغة والسرعة بالعكس هدوءه الكبير أمام المرمى أعتبرها نقطة تسجل ضده .
عموما يبقى بحاجة دائماً إلى أسماء كبيرة تساعده وهذا مايفسر عدم تسجيله للأهداف مع فريقه الأهلي .
أعتبره ( وقد أكون خاطيء ) مثل فهد الحمدان وكنيدي مثلا فهؤلاء رغم تسجيلهم للأهداف وتحقيقهم لألقاب هداف الدوري إلا أن عدم تكامل مواصفات المهاجم لم تمكنهم على البروز .عموما طلال ليس سيء مثل الذين ذكرتهم تماماً لكني أرى منح الفرصة للجمعان وللاعبين الشباب أفضل من دفع مبلغ كبير .
أذكر أن طلال المشعل من أهل الرياض بالأصل وكان يلعب في مباريات الحواري هنا في الرياض لذلك فمسألة انتقاله للهلال ليست صعبة .

اخوي صالح السلمان تحيه طيبه

اسمحلي اختلف معك في طلا ل المشعل اما باقي ماقلت فلا اختلاف عليه ، بالنسبه لطلال المشعل اعتقد ان لا عب صاحب مهاره جيده مراوغ جيد يجيد الاحتفاض بالكره حتى وصول المهاجمين او تمركز لاعب وهذه الميزه قل ما تجدها في لاعبينا طويل القامه يجدي التهديف بالرأس ويجيد الكرات الثابت وفي اعتقادي انه لاعب جيد سيفيد اي فريق ينضم اليه هذه حقيقه يجب ان لا نتجاهلها واتمنا من الاداره التعاقد معه ولكن اقول ولاكن بسعر معقول غير مبالغ فيه بحيث يكون سعره مقارب لاي لاعب اجنبي يكون في مستواه هنا يكون الفرق ان طلا ل سعودي يلعب اطول مده ممكنه وبدون شغر احد اماكن اللاعبين الثلاثه الاجانب
هذا رائي وشكر لكم

حيا الله الاخ سليمان,

اول شي موضوع المشعل معك حق ما يستاهل ,اما عبد الغني انا اظن انه
يبي يهجد اذا جا الرياض لان كل شي بيتغير عليه.

أولا 00 تحياتي لك يااخ صالح السليمان0
ثانيا00 بالنسبه لرايك أنا معك ومني معك 00شلون 00 اقولك00
بالنسبه لطلال المشعل 00 تراه ممتاز جدا 00كلاعب وله مستقبل باهر 00 والله ثم والله لو يجي الهلال بتشوف العجب العجاب منه 00 اما اذا كنت تعتقد انه فقاعة صابون 00اقولك هو بيصير كذا لو بقى بالأهلي 00 لكن لو جا الهلال 00 غير يصير عالمي 00 ومهو تعصب والله 00 لكن حنا شفنا حسين علي 00 اللي انا ماكنت مقتنع فيه 00 لكن شف وشلون صار (ان تلعب مع الهلال غير ان تلعب مع غيره)0
بالنسبه لحسين عبدالغني 00 فما قلته عن طلال ينطبق عليه بس من ناحية المشاكل والنرفزه00 اما من ناحية المستوى فلا جدال على انه افضل ضهير ايسر حاليا (وادعوا معي بسلامة الرشيد )0
اما عن رأيي 00 المتواضع00 أنا ارى ان المبلغ كبير جدا 00 لكن لو تمت مقايضة لاعبين بلاعبين فلا مانع 00مثلا حسين علي 00 وتركي القحطاني (اما عاد هذا والله مدري ليش للحين مانسقوووه)00وتركي الشايع + مليوني ريال للأهلي أشوف إنها مناسبه ويمكن هم المستفيدين 00 وهذا رايي00

بصراحه واعتبره رأي شخصي جدا ارى ان اللاعب طلال المشعل لاعب عادي ولاشفت فيه شي اللهم مجرد توفيق في بطولة اسيا فقط لاغير
وحسين لاعب جيد بس مايصلح للهلال ابد ابد
ياليت يجيبون الشيحاان وبس
والا طلال وحسين بصراحه مااعتقد انهم يبون يفيدون الهلال

كلامك صحيح 99%