إقتباس الرسالة الأصلية كتبت بواسطة .yousef أقول خلوا عنكم الدرعمه قصدي السوالف وتابعوا هذي المباراة بكره ق1 ق1 ..

ششباب مين نصدق 2:00 ولا 3:00 ..

توقعاتك لـ فرنسا ؟ وإذا هي من جد عندها إمكانيات منتخب حاليا ولا لا ؟ << هذا يبيله تفصيل الله لا يهينك



من خلال التصفيات شفت منتخب لابأس فيه
اللي يُعاب على بلان هو عدم الاستقرار بخط الوسط ولو انه ماينلام بـ سبب المنافسات والاصابات والضغط على اللعيبه

التنظيم الدفاعي يُحسب لـ ابو بلان , رامي وميكسس ويسار ايفرا ويمين سانيا
مع وجود الو ديارا كـ محور ارتكاز وقدامه ابو ديابي
دفاع صلب ينقصه التفاهم فقط

مشكله واجهها بلان بالتصفيات وهي تداخل الادوار بين نصري وغوركوف وعشوائيه بالنص
اللخبطه تصير اذا كان نصري محور هجومي وغوركوف صانع العاب عك غير طبيعي
لين يطلع حديهم والاغلب انه غوركوف لانه وجودهم مع بعض خطأ كبير

مدرب ممتاز - لعيبة من اعلى طراز - عنصر الخبره ممزوج مع حيوية الشباب - لعيبة عندهم حافز

ماينقصه الديوك الا الوقت فقط
والتطور مُلاحظ بشكل واضح من مباراة الى اخرى

فيه ضغط على اللعيبه خصوصاً انهم مطالبين يصلحون اخطاء اللي قبلهم
وعلشان كذا تشوفهم يفوزون بصعوبه

الامكانيات موجوده
لاكن المسأله كلها تتعلق بالوقت والتوفيق

إقتباس فيصل الحين ناوي تزلبي عشان فرنسا ؟ من زينها عاد ما فيهم إلا زيزو < وأصله جزائري بعد

اول شي هذي نظريه سخيفه مع احترامي لك

فرنسا 98 كانو مجموعة كباتن على ارض الملعب
بكل خط كابتن .. بارتيز - بلان - ديشامب - زيزو

ثاني شي زيدان بذاك الوقت الى 2004 كان عنصر من المجموعة
صحيح انه كان سوبر ستار لاكن ماكان يودي فرنسا للي يبي مثل 06
نرجع لـ 98 بالمجموعات فازت بفرنسا بمجهود الجميع هنري وتريزي وزيزو والبقيه , والله يسلم فؤاد انور
بالمجموات بت اول مباراة مع جنوب افريقيا زيزو ماسجل لاكنه ساهم وبعده مع السعوديه اللي سجل هنري وتريزي وليزارازو
وبعده مع الدنمارك زيزو موقف بعدها بدور الـ 16 مع البارغواي سجل بلان بالاشواط الاضافيه
الى مباراة ايطاليا بدور الـ 8 واللي انتهت بركلات الترجيح
ويجي دور الـ وتتقدم كرواتيا بهدف سوكر وبالشوط الثاني يقلب النتيجه الكبير تورام
< للمعلوميه الهدفين هاذي هي اول واخر اهداف تورام الدوليه

الخلاصه .. مو شرط ان زيزو مايسجل يعني ماكان له الفضل بفوز فرنسا
لاكن كل هالسرد ابي اوضح لك ان فرنسا 98 اسف قصدي منتخب الاحلام
ماكان بمجهود لاعب ولا ثنين ياخي 11 اسطوره تلعب من اجل الشعار
مع وجود هولندا بقيادة بركامب وكلوفيرت وعيال دي بور وكرواتيا بقيادة سوكر
وايطاليا والبرازيل المولعه مع الظاهره وريفالدو وكافو وكالرلوس

ولو نفرض انها ضربة حظ او ساعدهم عامل الارض والجمهور

من بعده باليورو 2000 منتخب الاحلام سكت جميع المنتقدين
اولا البدايه من المجموعه الناريه مع هولندا والتشيك
وبعدها من واجهت فرنسا الى النهائي وشف كيف طلعت منافسيها
من اسبانيا المتوهجه بذاك الوقت الى البرتغال الحصان الاسود بالبطوله
وشف كيف كان النهائي ضد نيستا ومالديني وكنافارو وتولدو وتوتي

اذكر شفت المباراة قبل 3 سنين حصار غير طبيعي على زيزو
وبعد هدف ديلفيكيو بدأ شغل الطليان الاصلي جدران قدام تولدو
بالدقيقه 93 ويلتورد وتمتد الى اشواط اضافيه ويحسمها تريزي قول

ولو خذت البطوله ايطاليا قمت القهر اصلا هو وصوله للنهائي
بعد ماضيع الهولنديين ركلتين جزاء بالسمي فاينل

لاكن بالاخير مايصح الا الصحيح

إقتباس وبعدين تفوز على البرازيل بوجود الظاهرة وبـ 3-0 ما خشت مزاجي للحين

الكوره تعطي من يعطيها
البرازيل كانو اشباح بالنهائي ولا يستحقون الكأس

إقتباس ثيران إسبانيا 2008 و2010 أطلق من فرنسا 98 ، صحيح أنهم ما يفوزون إلا بفارق هدف لكن لعبهم طرب

اي متعه شفتها بجنوب افريقيا .؟ من جدك انت !

لاتعليق صراحه

إقتباس صدقني لو زيزو كان مصاب مثلاً ولا لعب المونديال كان ما شفت هالفرنسا في النهائي ، منتخب يعتمد على رجل واحد ما هو منتخب رجاجيل << نظريتي

انا قلت لك قبل من 98 الى 04 كانت فرنسا مجموعه قويه ماتعتمد على احد

لاكن بـ 06 فرنسا كلها كانت تقوم على زيزو ولا فيه اي مشكله بالموضوع
لاعب اسطوره من اعظم 3 لاعبين بالتاريخ يقدر يسير المباراة على مزاجه < ما اقصد مباراة البرازيل بدور الـ 8
مع كم لاعب شاب مثل ريبري ومالودا واستبعاد بيريز وجولي بالمعسكر اللي قبل كأس العالم
اكيد الحمل كله راح يكون على زيزو
وهذي ميزه مو سلبيه وانا اخوك انه لاعب باخر ايامه الكرويه يشيل منتخب كامل بـ اكبر بطوله بالعالم




صعب اقناعك
خلك على جهلك بس

إقتباس الرسالة الأصلية كتبت بواسطة .yousef ششباب نبغى كل واحد يقولنا وش فريقه في البلايستيشن ؟؟ ووش يفضل بيس ولا فيفا ؟؟

آرسنال .. بايرن ميونخ
فيفآ

إقتباس الرسالة الأصلية كتبت بواسطة .yousef ششباب مين نصدق 2:00 ولا 3:00 ..

إقتباس الرسالة الأصلية كتبت بواسطة s.Milandini أفآآآآ لو أنا لاعب والله ما أصيح إلا إذا كنت لاعب في نهائي شامبيونز وخسرته

إقتباس الرسالة الأصلية كتبت بواسطة .yousef ششباب نبغى كل واحد يقولنا وش فريقه في البلايستيشن ؟؟ ووش يفضل بيس ولا فيفا ؟؟

إقتباس الرسالة الأصلية كتبت بواسطة s.Milandini تو أدري اليوم أن النهار أطول من الليل ، يعني يمكن النهار يوصل لـ 14 ساعة وأنا مستغرب من أول رمضان ليه هالسنة العطش زآيد عندي

إقتباس الرسالة الأصلية كتبت بواسطة .yousef ششباب نبغى كل واحد يقولنا وش فريقه في البلايستيشن ؟؟ ووش يفضل بيس ولا فيفا ؟؟

FIFA

ومن ناحية الفرق فأنا من النوع الي مايثبت على فريق واحد .. يعني تقريباً
60% من الاندية الي باللعبة لعبت بها ..

انا منيب من النوع الي يعلق على فريق واحد . حتى بالاون لاين اجرب اي فريق .

خل اعد لك بعض الاندية الي لعبت بها . .

[ مان يونايتد . مان ستي . تشلسي . ارسنال . توتنهام . ليفربول . استون فيلا] هذي بالدوري الانجليزي

[انتر ميلان . اي سي ميلان . يوفي . اودينيزي . نابولي . روما ] في ايطاليا .

[ ريال مدريد . برشلونة . اتلتيكو مدريد . اشبيلة . فالنسيا] اسبانيا

[ فلامينجو . ساوباولو . سانتوس . فلومينيزي . ] بالدوري البرازيلي .

[ سيلتيك . رينجرز . بوكا . ميونيخ . اياكس . ايندهوفن . شالكة . فلوسبورغ . جالكسي . ريد بولز .ليفركوزن . بوهانق . الخ] دوريات مختلفه

أفضل ثلاث حراس في التاريخ ؟


اسمع عن زوف وشيبان ايام الابيض والاسود

لاكن بوجهة نظري
1- بوفون
2- كاسياس
3- شمايكل



أفضل ثلاث مدافعين في التاريخ ؟

اقدر تاريخ باريزي وبيكنباور

لكن بوجهة نظري
1- تورام
2- هيرو
3- مالديني


أفضل ثلاث محاور في التاريخ ؟

هذا المركز اللي احبه والعب فيه
فلذلك الاسماء كثيره وصعب اني احصرها بـ 3

رديندو
ديشامب
فيرا
فيرون
دونقا


أفضل ثلاث صناع للعب ؟


1- اكيد زيزو
2- زيزو
3- زيزو



أفضل ثلاث روؤس حربه ؟

1- الظاهره رونالدو
2- فان قول
3- تريزي قول

فيه اعظم اكيد لاكن هاللعيبه انا خاق معهم بشكل غير طبيعي
فيه باجيو وهنري وراؤول وسانشيزوالكثير بس هذولا لهم مكانه خاصه



منور بدر

إقتباس اهلا فيصل حبيبي كم سؤال لك ! اتمنى تعتبرهم خفيفين عليك

هلا بالسمي
انت تسأل بأي وقت وانا اخوك مايحتاج مناسبات




1- كأس السوبر ميلاني ام انتراوي وكم النتيجه ؟


اتوقع ميلاني
لـ اسباب :
1- الميلان متوهج بـ لقب الدوري
2- الميلان دعم فريقه بصفقات ممتازه تفيد الفريق عكس الانتر اللي لحد الانتر ماله حركه بالسوق
مع انه مطالب بـ 5 صفقات على الاقل وتسريح 5 مشاريع عاهات مستقبلاً
لأن (أغلب لعيبة مورينهو) مايتوهجون الا مع مورينهو فقط
3- الاستقرار الفني الميلاني راح يفيده كثير , عكس الانتر اللي اختياراته للمدربين خاطئه وغير موفقه
والتغيير كل 6 شهور مدرب شي راح ينعكس سلبي على نفسيات ومستويات اللعيبه
اسئلني انا المدريدي عن الاستقرار

مدري عن النتيجه لاكن بفارق هدفين او ثلاث




2- روتينك في رمضان


مالي روتين معين لا بالرمضان ولا بغير الرمضان

قومه العصر وصلاة بعدها قران وبعده نت شوي وبعده خواطر
والفطور مايقارب نص ساعه متواصله من الاكل
طاش وبعده نت الى صلاة العشا وبعض الاحيان تراويح
بعده طلعه والرجعه على السحور تسحر وجلسه مع الاهل لين الصلاة
نصلي ونجلس هنا بالخيمه الى 7 , 8 ويحصل فيها برمه على اليوتوب



منور يالسمي

إقتباس الرسالة الأصلية كتبت بواسطة .yousef أووه اَسفين توي أدري , بسس تراك دايم تجيب أشياء من راسك لذلك توقعتك مولف السالفه ق1 ق1 ..

تصدق على طآري المعلومـآت ..
آتذكر وصلتني رسآله بالأيميل .. عنوانهـأ لميس _رضي الله عنهآ _ قعدت العن وأسب قلت معقوله لهآ الدرجه وصل جنون العآلم بـ لميس التركيــه ويوم دخلـت الرسآلة آكتشفت آن فيه صحآبيه جليله آسمهآ لميس _ رضي الله عنهـآ _ولآ آحد يدري عنهآ ولآ عن نسبهـآ ..؟
آما لميس التركيـه آسآل عنهـآ يجيك برنـت مفصــل
والله آشياء كثيـره نجهلهـآ بديننـآ

إقتباس الرسالة الأصلية كتبت بواسطة MANU10 متاااابع بصمت ................

إقتباس الرسالة الأصلية كتبت بواسطة صرخة ملك هذي الصورة تقريباً قبل ثلاث مواسم تقريباً يوم ينسرق بيته ، و ضاع منه شي كثير و قعد يصيح ..

صدق الشآعر يوم قآل تبغي تشوف الذل في صورته صح شف دمعـة السرقه على وجـه رجآل