تعرف لو يقدر يسوي ( العزوبي ) زي هذي الصــورة !! ... بـتــفكــر في الزواج مثلا ؟؟؟؟ - نادي الهلال السعودي - شبكة الزعيم

سعودي أصيل · #1 28/07/2011, 10:52 PM

مسيتوا بالخير

عسى اموركم ماشيه زي الؤشطه ..

بما اني لحالي في شقتي ومااعرف اطبخ .. ومااثق بمطاعم ايرلندا حتى لو يقولون بعضها حلال .. وسحب علي أبو محمد وراح يصوم مع اهله بالرياض

قررت اغير حياتي

جايكم اليوم بشيء .. يخليك مدري كيف .. شيء يسلب العقل والجنان .. منه ترتعد فرائص الجوعان .. يجوع بعد رؤيته الشبعان ..
والله مالكم بطوالها والموضوع مايبيله تشويق بالاساس .. اجل مين يصدق ... !!!

مين يصدق أبو حميد اللي ماكان يم الطبخ ولاهو من تواليه

.. صار طباااخ مطلوب في مطعم اسطنبول اللي يتوافد علييه كل النااس .. بمختلف الأجناااس .
لدرجه الايرلنديين اللي مايعجبهم شيء يجون هالمطعم ويمخمخون عليه .. يعني جايني عرض ولا اطعم

لاااا والله جايتكم علوم مهيب هينه

صرت اعرف اسوي رز ..

وصرت اعرف اسوي ايداااااام

>>> خلك ثلاث ثواني على الألف

هذي كلها عادية بس اللي اسويه انا موب عادي .. ماوقفت والله عند حكر الرز ولا عند عدل الايدام اللي زي حق المطاعم

..
ولا والله وقفت عند تسوية الكيك بالشوكليت

صرررنا نخترع طبخااات ماتخطر على قلب

<<< مية خط تحت نخترع

لا والله خُبركم قديم .. جايكم بطبخة ..
شي شي يهبببل ويرووع !!.. أكلة محد سواها .. و ترا حتى للحين ماطلع لها اسم

توها جديده وبترك التسمية عليييكم ..

ودام اني شاركتكم بطبخاااتي عشان تسمونها لي

.. بنزل لكم صورها .. مو عشان هالشيء بس .. عشان تعرفون كمان ان العزوبي لاحط براسه شيء يجيبه .. ولابغى حياته حلوة وفله ووناسه بالراحه يلقاها .. ماوقفت على بنت تجيب له هموم اكثر من سعاده .. وتخليه يتحمل مسؤوليات هو في غنى عنها .. اي والله ترا ماوقفت على بنت <<< كنه جاب العيد

مايبيلها شيء هالطبخه .. لا وجع راس ولا تعب ولا غيره .. ومقاديرها دجاج وبندوره ونص بصله ..

ايه وشويه معجون طمطام << مفحالي امسح

وبهارات .. بس !!

قليله .. بس ياخي شغل عقلك ... خلك انسان منتج

.. لاتكتف يديك وتقول لا والله مااقدر على الشيء ذا ترا الانسان كل ماعطى نفسه افاق اوسع كل ماابدع

<<< لابو هالطبخه اللي ذل امنا عليها

شويه ماء تغوشه في الكفتيره
ثم يسكب

<<< يسمع بكتب الطبخ

بهارات هندية مع شويه فلفل

ثم تُنثَر << جاب العيد

هنا خله على النار سبع دقايق .. قم رح جهز العصير ولا السوفت درينك ( يعني مشروب غازي للي من جنبها في الانقليزي ) .. اهم شيء يكون باااااااارد

دع الكأس على حافة الطاولة ليكون جاهزا للحمل

جيب كم بسكوته عشان تحلي بعد الاكله هذي اللي مدري وش اسمها

اغسل صحن زجاجي يكفي اللي طبخت

وبالعافيه

بالله كيف ؟

خلااص قررت ماراح اتزوج ولا ابي يجيني هم .. لاني لو تزوجت ماراح تكون هالبنت احسن مني بالطبخ ووقتها راح اعصب كثير واسوي لها قلق وتجيب لي هموم وارجع نحيف زي ماكنت قبل شهرين .. وانا يالله يالله لحقت على عمري وزدت كم كيلو .. صار جسمي كأني رادوي

وصارن الايرلنديات اليا مريت من قدامهم يقولون لي ( Hello ) وارد عليهم ببرود بدون ماالتفت

.. صرت استمتع بغسل ملابسي ونشرها على الشمس .. واذا جات غيوم أوايقها من بعيد لايبللها المطر

.. وصرت اطفي اللمبات اذا مالي حاجه فيها .. واوفر الكهربه .. وصرت ارقد بدري عشان ماتفوتني مراجعه الواجب في الكلاس

ولا تهَرج علي ( ماكرينا ) الاسبانيه وتقول اني نواام ومافيني حيله اجي بدري!!

... وبعد صرت اسوي رياضه واتمشى بالسيتي سنتر بعد الغدا ....
انا كذا مرتاااح ولا ابي من يعكر حياتي ..

ايه حتى ( COSTA ) اللي كنت اشرب شاهي عنده طنشته .. صح انه فخم ومعروف

لكن ماعنده نعناع .. رزقني الله بمحل هندي يبيع نعناع .. شريت من عنده حزمه بـ 8 ريال .. وصرت اشرب واغمس فيه بسكوت ..

مايستفاد:

- الموضوع برمته اهداء ... وقهر

لشخص عزيز وغالي .. (ذالني على انه معلمني كيف اسوي الرز) .. نفسي اشوف وجهه وهو يشوف طبختي

- العزوبي يقدر يبدع حتى لو هو منتف

- الحياه حلوة حتى لو انك تعيش لحالك وخويك ساحب عليك

ورايح يصوم مع اهله

وتاركك بين اكناف ربع ماتاخذ منهم لاحق ولا باطل

يلا نشوفكم وتكفون دعواتكم بظهر الغيب ان الله يوفقني واجيب الايلتس >> درجه الانقليزي

اجيبها بعد سبع شهور ولا اقل .. ويصير اذا رجعت السعوديه أقدر اتكلم مع دحيم ونحش في أبو خلود بالانقليزي وهو مايدري وش السالفه

شوفوا كيف مجتهد واذاكر واحفظ << قولوا ماشاء الله علي

يعني اعمل بالأسباب

وادري ان السما لاتمطر ذهبا .. عاد انتوا عليكم تدعون لي ..

فمان الله

Ahmed Alharbi
سعودي أصيل

marsal · #2 28/07/2011, 11:16 PM

أكثر ما لفتني بالموضوع ((الممسحة ) كأسم علمي )التي عليها اللحم

أول مرة أشوفها بيضه بهالبياض الناصع ..

بالعادة بكل محل أو كل بيت تلقى لونها تغير من الابيض الى الاسود أو البني الداكن من كثرة الاستخدام وقلة الغسيل

.

يجيئك بعض الناس او الحريم و يتفلسفون أكل المطاعم وسخ ويا زين أكل البيت و لو رحت للمطبخ و نظرت الى أهم جزء رئيس بالطبخ وكل مكونات الطبخ (تفرم ) عليه لوجدت أن ملايين البكتريا و الفطريات ساكنه عليها

الزبدة يا أنك نظيف بدرجة غير معقولة وكل بعد أستخدام للمطبخ تغسلها وهذه نادرة بتاريخ السعودية أو أنها جديدة ومالها يوم او ما عمرك أستخدمتها و أنا أميل الى الاخيرة ..

Newton · #3 28/07/2011, 11:20 PM

يجي يجي

بسم الله مآشآء الله عليييييك

كذآ الاخترآعآت في الاكل

موب أيداااااااااااااااااااااام بطآط

او اذا بدعوآ حطوا فاصوليآ معه

طيب ممكن سؤال وش أسم ذي الحفلة ..قصدي الاكلة

وقسم انهآ جنآن ..شهيتني الله يسآمحك

الحيييييييييييييييييييييييييييييييييين خويك بيموت قهر تمنى انه يرجع لك وياكل معك ذي الاكلة اللي مخترعهآ

وش رائك تاخذ عليهآ برآءة اخترآآع

والله انك صادق العزوبية والغربة تخلي الوآحد يتعلم لشئ كان مايحتاج انه يعرفه او يتعلمه

قبل ما اختم
عندي سوال .؟؟
س \ عندكم بآيرلندآ مطآعم بخآرية ( شبح البخآري )

.؟

عوآفي خيييو ع الموضوع ..

وان شاء الله ترجججع للسعودية بالشهادة

ســـــ SMN2002 ـليمان · #4 28/07/2011, 11:28 PM

وعليكم السلام ورحمة الله وبركاتة
يقوولون الحاجة ام الاختراع
عرض رائع احسن من الشيف اللي يجي
بقناة دبي من هالسنين المصري
الله يوفقك ويسعدك
والله يوفقك لصيام شهر رمضان المبارك
وقيامة
وتكون في نهاية الشهر من المغفور لهم

بس ربعنا لية مصممين
ان علبة السفن اب خضراء
خلوا كل شيء على طبيعتة

والله يرجعك للسعودية وانت تحمل اعلى الشهادات
ويخلف تعبك وغربتك
اما سالفة الزواااج
صراحة الزوجة لمساتها غيييييييير
لو بس تجرب اكله من ايديهااا لو انك اعظم شيف
لاغير تقووول هي غيييير
تحياتي

إنسان$غير · #5 29/07/2011, 12:01 AM

مآشآء آلله عليك شعل مرتب
ذكرتني بآيآم آلجآمعه وآول سنه غربه ،، مآ كنت آعرف آطبخ وزملآء مآ يعرفون غير كبسه وآيدآم مشكل >>>>> جآني آستبلآد حسي

وصرت مسآعد طبآخ هم يطبخون وآنآ آغسل>>> آلله لآ يعديهآ من آيآم آيدي تمنقلت من كثر آلغسيل

محآوله حلوه ،، مشكلتنآ تعودنآ كل شي جآهز ومطآعهم تجيب آلمرض آلآكل مآله طعم
تعرف وش آللى يحطم آلوآحد بعد مآ يخلص آلطبخ يجي هم غسيل آلآطبآق :.)

آلله يوفقك وتحقق آللى تتمنآه وترجع لـ آهللك بآلسلآمه

فتك بعآآفيه

رامـبو الهلالي · #6 29/07/2011, 12:43 AM

ماشاء الله تبارك الله

شهيتني للاكلة اللذيذة

ان شاء الله يوم من الايام اسويها للشباب

بانتظار آكلات اخرى ياشيف احمد

تصدق اول مرة شوف واحد يشرب سفن اب

إقتباس


	أكثر ما لفتني بالموضوع ((الممسحة ) كأسم علمي )التي عليها اللحم أول مرة أشوفها بيضه بهالبياض الناصع ..

كل شيء نظيف (الصحن و السكين وكل المطبخ)

شكلك ماتستخدمهن

ختاما اودعك بالورد

الله يوفقك ويرجعك للسعودية بالشهادة

أخوك
محمد الحربي

تركي السلماني · #7 29/07/2011, 01:02 AM

شغل عدل و مرتب

أي بالله الحاجة أم الإختراع !

تحياتي لك و الله يوفقك يارب

мιѕѕ ∂ισя · #8 29/07/2011, 02:24 AM

ماشاء الله
شغل عدل ونظيف ومرتب
شكلك ناوي تخليني اتعشى مرة ثانية
بس ماراح نعطيك عليها برائة اختراع
لان حنا نسويها باللحم وتسمى مقلقل
وفيه ناس مثلك طبعا تسويها بالدجاج
يعطيك الف عافيه والله يرزقك بوحدة ماتعرف تطبخ عشان تصير شيف قد الدونيا

وبالتوفيق لك وترجع بالشهادة وتقهر دحيم

تقبل مروري اختك | مس ديور
تفضل شمها ورجعها >>

مستر بيسو · #9 29/07/2011, 03:52 AM

لآ تعليييق آبدآآع

.
ترجع بآلسلآمه

.

HILALYA ]~ · #10 29/07/2011, 04:03 AM

..

صبحت بالنور والسرور ض1 ..
لا لا لا لا قويه هذي ذذذذ ض1ض1 !
بس صراحتن الصراحه ان الطبخه شهيه ..
بس عاد الطعم ما ندري وشلون قايل ض1ض1 ؟!
المهم سمها الدجاج الايرلندي بما انك هونيك ض1ض1 ..
بس عندي كوستشن ض1ض1 ؟!
علبه الطماطم اللي فيها كلام عربي من وين شارينها ض1ض1 ؟!
يعني عندهم هناك شيء بالعربي :| ؟!! ض1ض1..

المهم بالعافيه , والله الله بالطبخ برمضان ض1 ..
جمع لنا كم وشسمه ونزل ض1ض1..
بالتوفيق و1 ..

Ј00Ј00㋡ } · #11 29/07/2011, 04:07 AM

_

اخصص والله انك منتب سسهل ماشاء الله
بلاااه عليك ( تنثر ) البهـآرآت هذآ دليل انك فاهم طبخ
غططيت علي > مسسويه تعرف تراها هههههه

لالا قسسم مره بططل ماشاء الله وبالعافيه موخرآ
> موخرآ يعني بعد لااكل للي موب فاهم عربي ذذذذ

سوال بمخي من شفت الصوره وراه سفنكم غير عن سفننا
بعدين ي خيي بعد الاككل ماتـآكل شوكلاته عشآن مااتسسمن ض1
وبس انتهت المحـآضره حقت استـآذتك الاسبانيه
عندي احسساس انه خققه مدري ورااه ههههههه

_

shosho 6al 3omrha · #12 29/07/2011, 06:11 AM

-
مطَرح مَ يسري يمري , صحتيَن

!

مَ شآءء آلله مَ شآءء آلله وشذآ آلسنآعة , وش ذآ آلذرآبة

وش هآلأخترآعآت !!خمسسسة وخميسسة

,
غطيت علي

<- عَ آسآس آنهآ تعرف تطبخ ..

لآبس صدق شغل عدل

, نظآفة

+ ترتيب

+ شكَل آنيق

..
تسسسَلم يدكَ وآلله

, بس في سؤآل تبآدر إلى ذهني آلي هو

:
ليه مَ حطيت ملحَ

؟ , وهل طلع مآلح ولآ خآنس كأنه آكل مستشفيآت

(

) ؟!

وآلغغغَربة

-> تعلمَ وتربيَ

, تحملكَ مسؤلية ..

آلله يعينكَ , ورمضآن جآي آلله يقويكَ , ويبلغكَ صيآمه وقيآمه ..

ويوفقكَ وترجع وتقههَر دحيم ..

لكَ ->

dohme2000 · #13 29/07/2011, 06:51 AM

الله يوفقك يا شنب ... والله شهويتني ع الاكل

بالعافيه .. والله يوفقك في دراستك

خـيـالـيـه · #14 29/07/2011, 07:22 AM

السلآم عليكم ورحمة الله وبركآآته ..
صبآآح الخيرآآت ..
مبآآرك عليك الشهر ..
الله يجعلك من صوآمه وقوآمه يآآربي ..

مآشآآء الله ..
هالشغل العدل من تحت يدينك ..
آهنيك صرآآحه ..
آول مره آشوف رجآآل يطبخ والمطبخ مرتب ماشاء الله تبآآرك الله ..
الله لآ يضرك يا رب ..

آلله يوفقك يا رب ..
وتقر عيون آهلك بشوفتك ..
وترفع روسهم ..

تحيآآتي لك ..

#15 29/07/2011, 07:27 AM

ماشاء الله ‘ عافية ان شاء الله
عقبال ما اجزم مثلك واطبخ واكون اكبر طاهية في البلد
موفق بدراستك ان شاء الله