السبب الرئيسي لغلاء الاسعار في المملكه [احصائيات من عام 2002] ..! - نادي الهلال السعودي - شبكة الزعيم

متعب الحآرثي · #1 27/07/2011, 04:49 AM

بسم الله الرحمن الرحيم ؛؛

السلام عليكم ورحمة الله وبركاته ؛؛

اخباركم يا اخواني ؟؟

ما رح اطول عليكم ؛؛

الكل عارف الحاله الي يعيشها مجتمعنا السعودي سواء في غلاء الاسعار المجنون او حملات المقاطعه ؛؛

من ابرز الحملات هي حملة مقاطعة شركة المراعي ؛؛

لكن انا رح اعطيكم مقطع فيديو فعلا صعقت لما شفته ؛؛

اسالكم بالله يا اخواني تنشرون المقطع ولنقاطع هذه الشركه لتكون درسا للجشعين ؛؛

المقطع يوضح بالدراسات ان المراعي رفعت الاسعار من عام 2002 حتى عام 2011 بما تتجاوز في النسبه 200%

وكله معاكم بالمقطع ؛؛

نداء خاص اوجهه لاخواني المشرفين داخل على الله ثم عليكم لا تحذفون الموضوع بعذر انه نسخ من الانترنت الموضوع كاتبه انا وملاحظين قهري بالكلام ؛؛

المقطع هو الشيئ الوحيد الي منقول من اليوتيوب ؛؛

ياريت نتعاون ولو كان فعلا الموضوع يعتبر نقل من الانترنت فانا ابغاكم تشوفون اخر المقاطع وتسالون نفسكم سؤال واحد بس ؛؛

يستاهل نكسر القاعده مره عشان هالناس ؟؟

اخليكم مع المقطع ..~

‫سبب مقاطعة منتجات المراعي؟! شركة الجشع والفساد‬‎ - YouTube

بالنسبه لاخواني اصحاب اجهزة البلاك بيري ؛

لو حابين تنشرون المقطع عن طريق البرودكاست في مستند نصي فيه المقطع وغيرت صيغة المستند على اساس جميع اجهزة البلاك تستطيع قرائته ؛

تحميل ؛؛

لا تقصرون وانا اخوكم ..~

ملامح يوسفيه.. · #2 27/07/2011, 05:00 AM

حسبي الله ونعم الوكيل
الله لايبارك فيهم هالتجار ذبحهم الطمع والجشع نسوا ان وراهم قبر ونار

الله يعطيهم الخساير الي تخليهم يشحذون مثل ماسووا فينا برفع الاسعار
فيه ناس ماعندهم ريال يشترون به خبز وهذولا كل شوي يزيدون عشان ملايينهم تزيد مايدري انه بيخليها لورثته الخبل

<<تحمست

اثر بي كلام المره الكبيره الله يرزقها ويرزق جميع المسلمين
الله يفتح لها ابواب رزق من عنده وتغتني عن البشر وحاجتهم

ازرق المشاعر · #3 27/07/2011, 07:21 AM

اخ بس اخر واحد في المقطع يهايط عليه المصري والله رحمته

ولا الحرمه مسكينة وش تسوي تسدد فواتير ولا تدفع حق اكل ولا شرب

ولا المسكين السكيورتي عنده عيال وش تكفيه الف وخمس مئة

الله يكون بعونهم

والشركة الجشعه المراعي الله لايبارك لهم في كل فلس ياخذونه

وانا الاحظ كل مدة يصغر لبنهم اثاريهم يقللون وعلى نفس السعر

اتمنى تكون وقفه جماعية ضد الشركة الحرامية

وعساهم يعلنون افلاسهم في اقرب وقت قادر يارب

الصراحة مقطعك اثر فيني جدا اول مره يأثر فيني مقطع

تسلم ع طرحك

دمتـ بود

متعب الحآرثي · #4 27/07/2011, 07:35 AM

الله لا يوفقهم وين ما كانوا ؛؛

المهم اخواني لو قدرتوا تنشرون المقطع انشروه وبالنسبه لي بلزق لاصحاب البقايل بالمقاطع والكلام لحد ما يقاطعوهم؛؛

الفارس الهلالي 999 · #5 27/07/2011, 07:56 AM

الصرحه مقطعك اثر فيني خصوصا المره الي تشكي
ولا الرجال الي المصري يهاوشه
ولا الي يشكي الراتب
الله لايوفق التجار الي يزودون بالسعر ناس ماهي قادره تاكل خبز بريال وانت تلعب بالمليين لعب
ياخي مالهم قلوب مايحسوون بناس

حسبي الله ونعم والوكيل

MILITO HAIL · #6 27/07/2011, 08:18 AM

والله قهر لاازالو ناس يشرون منه وانا عن نفسي لو ينزل ل6 ماراح اشتريه لين يخليه ب4 هوووع

متعب الحآرثي · #7 27/07/2011, 02:19 PM

قواكم الله حبايب قلبي ولا عدمت هالطله يا رب ؛؛

™ṂṒḤĂṂṂĂĐ · #8 27/07/2011, 09:50 PM

لا حول ولا قوة الا بالله !

حسبي الله عليهم !

الله لا يوفقهم ولا يربحهم دنيا وآخره ,,

على الاقل اهتموا اكثر بالمواطن وحسوا فيه !

ليش ما تزيدون رواتب العاملين في القطاع الحكومي ؟!

اسدد ساهر ولا المراعي ولا الجوال من الـSTC الكذابة الحرمية ,, اللي ريال فوق ريال طلع مليار !!!

ولا مشكلة البطالة اللي توجع الراس !

ولا العوائل الفقيرة .. اللي ما يحسون فيهم ابد هالتجار الحرامية !!

حسبي الله ونعم الوكيل عليهم من تجار !

FAISAL AL7RBY · #9 27/07/2011, 11:34 PM

اتمنى تكاتف المواطنين مع بعض

و مقاطعة اي منتج يرتفع سعرة

يقاطع الغنى قبل الفقير

و بكذا الشركات راح تتكبد خسائر فادحه

و بااذن الله لن نشاهد منتج يرتفع سعره

fabri_4 · #10 27/07/2011, 11:42 PM

تتدري وش اكثر شيء قهرني بالمقطع ؟ المصري الكلب اللي يهاوش السعودي
لانه سرق حليب ، ياخي استر عليه الولد سرق حليب اكيد لانه محتاج يشرب ولده او اخوه حتى
ناس مايخافون الله ..

، ان شاء الله نستمر بمقاطعة المراعي ..

هلالي عاشق الزعيم · #11 29/07/2011, 09:53 PM

الله المستعان

حركة واضحة واستهداف واضح

وينكم عن كب "المفاطيح" في الزبايل
وينكم عن الفشخرة بالذبايح اللي كانت بـ 600 ريال وصارت الحين فوق 2000 ريال ولا أحد تكلم ولا قاطع ؟؟؟ ولا حتى قنّن ؟؟؟؟؟؟؟؟؟؟؟؟؟

وينكم عن الرز اللي كان الكيس 45 كيلو بـ 130 ريال وصار الحين الـ40 كيلو 220 ريال ؟؟

وينكم عن البيبسي اللي ما منه فايدة صحيا واللي ارتفع 50% ولا أحد استمر بالمقاطعة؟؟؟

وينكم عن منتجات العشرات من الشركات اللي رفعت الأسعار ؟؟؟

إذا كان هناك أناس لايحبون منتجات الحليب والألبان أو لا يحبون صاحب هالشركة أو ذاك أو عندهم عقدة من أشخاص معينين فلا يقودون العامة على أمور قد تضر باقتصاد البلد !!

والله لو هي منتجات مستوردة ما تقاطعوها بهالشكل؟؟؟

البرستيج والفشخرة ما منعتكم من مقاطعة "الماركات" العالمية ؟؟؟؟؟؟؟؟؟؟؟!!!!!!

اتمنى من المشرفين العقلاء في منتدى الزعيم وضع حد لها المهزلة .

فكما يقال: حدّث العاقل بما لا يُصدّق فإن صدّقك فلا عقل له !!!!!!!!!

مسّتريح البال · #12 29/07/2011, 10:52 PM

هلالي عاشق الزعيم
أن تأتي متأخرا ً خير من أن لا تأتي أبدا ً
ولنفرض أن المقاطعة لم تكن بالشكل المطلوب من قبل , مالمانع من أن تكون البداية القوية الآن وتبدأ من شركات الالبان , وحينما تنجح قريبا ً إن شاء الله , ويشعر الناس بقدرتهم على إلحاق الضرر بالجشعين , ستنتقل تلك المقاطعة ( كميا ً - ونوعيا ً ) إلى منتجات وشركات أخرى وهكذا , حتى يرتدع كل من تسول له نفسه استغلال الناس بالباطل والخداع .
لا أجد مبرر لك أخي الكريم هذا الهجوم أبدا ً إلا إذا كنت أحد المنتفعين من تلك الشركة .
شكرا ً لك