[ محتاج رأيكم ] .. أفضل معاهد اللغة ؟! - نادي الهلال السعودي - شبكة الزعيم

| رجل إستثنآئي | · #1 26/07/2011, 10:45 AM

السلام عليكم ,
كيفكم يا زعما ا ا ا ء , وكل عام وانتم بخير بمناسبة قدوم رمضان

أخواني وخواتي الغالين , أنا ولله الحمد توظفت في شركة مميزة وراتب مميز
لكن لدي مشكلة عدم توفر لغة إنجليزية معي ,

أنا ساكن في الرياض ..
أبغاكم تقولون لي أسماء المعاهد اللي تعطي دورات وتنصحون فيها !
ويا ليت تذكرون إسمها وأسعارها وفترة الدراسة وتوقيتها وكل اللي تعرفوه وأهم شيء معتمدة

أرق آلتحآيآ

**الـــــــــواوا** · #2 26/07/2011, 10:48 AM

حيآك الله آخوي / في موضوع مثبت تقدر تطرح أستسفآرآتك فيه

وعن نفسي أقدر أقولكـ الأفضل هو الــwall street
وإن شاء الله بآقي الأعضاء يفيدونك ولك حرية الإختيار .

إنسان$غير · #3 26/07/2011, 10:59 AM

وعليكم آلسـلآم

تعلم آللغه تحتآج منك ممآرسه وليست حفظ فقط وآغلب آلمعآهده لآ تقدم خدمه لتعلم بس تلقين
حآول تحآور آللى معآك في آلعمل حتي لو آخطيت آو مآ عرفت تنطق آلكلمه

بآلنسبه لمعآهد آعتقد آلآفضل فيهم وول آستريت وآلميزه فيه آنه يركز ع آلمحآدثه بشكل كبير
طبعآ آنآ مآ درست فيه لآنه آلحمد لله لغتي ممتآزه من آلصغر بس عن تجربة آحد آلزملآء
وسعره 2750 آعتقد لشهرين

فتك بعآآفيه

| رجل إستثنآئي | · #4 26/07/2011, 11:03 AM

مشكورين عل تفاعلكم , وبإنتظار آراء البقية
بصراحة فاجأتوني !
أول مرة أسمع إسم هالمعهد اللي تقولون وول استريت
طيب نيوهورايزن وشرايكم فيه .. ؟

هلالي2008 · #5 26/07/2011, 11:20 AM

عندك البريتيش كونسل بالسفارات كويس ..

| رجل إستثنآئي | · #6 26/07/2011, 02:13 PM

أشكركم وفي إنتظار الأغلبية !

طيب من جرب المعهد البريطاني , ونيوهورايزن ؟

shosho 6al 3omrha · #7 26/07/2011, 03:11 PM

-

آلسلآم عليكمَ ..

إقتباس


	طيب من جرب المعهد البريطاني , ونيوهورايزن ؟

بآلنسبة لِ نيوهورآيزن -> مَ آنصحكَ فيه آبداً

؛ بتدخل وتطلعَ وأنت مَ آستفدت شئ , عن تجربة خآصة ! " مُدرسينَ عرب "

شَوف إذآ تبي نصيحة آخت عندك معهدين هي آلأفضل في ( آلريآض )

وآحكَي لكَ عن وآقع " تجربة " ..

British Council -
wall street -> آلإعتمآد بشكَل آكبر عَ ( آجتهآدك )

!

وبآلنسبة لِ آلأسعآر , مَ عندي آي خلفية ..

؛ وعموماً ( آلأنجليَزي ) آجتهآد , تدخل آلمعهد تتعلم آلأسآسيآت !
ثم يبدأ جهدكَ : تطويركَ لنفسكَ

, آكتسآب آلثقه آثنآء آلتحِدث

, حصيلة من آلكلمآت

!
يعني آلشغله ( ممٌآرسة ) ..

موفق , -> لك

سعودي_10_شلهوب · #8 26/07/2011, 05:35 PM

عندك معهد رائع في طريق الملك عبدالله (LSI) ..

2750 شهرين +شهر محادثه ومختبر

الحقيقه ممتاز وأنا مجربه ...

| رجل إستثنآئي | · #9 27/07/2011, 08:52 AM

مشكورين وفي إنتظار البقية , لأني ودي أحصل على أكثر عدد من وجهات نظر أخواني وأخواتي الأعزاء
بالنسبة للي يقولوا على جهدك وممارستك , أحب أقول لهم أنا موظف في شركة
وثلاث أرباع الموظفين لا يجيدون العربية بتا ا ا ا اتاً
لأنهم أوروبيون وأمريكان وكنديين ,
فأنا لو حصلت على الأساسيات وطريقة تركيب الجمل الباقي بيسهل علي

في إنتظاركم مع أرق التحايا

| رجل إستثنآئي | · #10 28/07/2011, 08:51 AM

سبحانك اللهم وبحمدك استغفرك واتوب اليك

Ms. Star · #11 28/07/2011, 01:58 PM

هلا اخوي / شوف انا أدرس في معهد اسمه / بيرلتز وهو مشهور له فروع في كل دول العالم
وانا بالشرقية له فرع واكيد موجود فالرياض ...

صراحة انصحك فيه / يعتمد على المحادثة بشكل كبير + اللي يدرسونك اجانب
مثلا : انا درستني وحده من جنوب افريقيا ويشهد الله فالبداية نطقطق مافهمت شي
وحبه حبه بديت اتعود ...
لكنه / غالي حبتين ,, حتى تتعلم اللغة بشكل كامل 12 مستوى
وكل مستوى مدته شهر ونص بـ 3500 ..> غالي صح ..

أنا للحين وصلت المستوى الثالث ووقفت آخذ نفس + على وشك تدريس ..

... اسأل اكثر واستخير وشوف وش اللي يناسبك ماديا ..

(اسير& المحبة ) · #12 28/07/2011, 03:26 PM

المعاهد كلها سوا ولا فيه الفرق الكبير بينها الاهم هو انت هل انك بتحاول تساعد نفسك وتستخدم اللغه كثير ولا ساعتين في المعهد وتضرب الباب ولا عاد تتكلم ولا كلمه برا المعهد حاول انك تتابع افلام تدخل في محادثات مع ناس اجانب او اقلها احفظ كلمات وحاول تركبها في جمل دائم وطبعا الكلام هذا ماهو بس بالتحدث اي شي تتعلمه اكتبه لان الشي تتكتبه ينحفظ اسرع من التحدث بس

انا اقول الكلام هذا عن تجربه دخلت دورتين انجليزي في فترتين مختلفه المره الاولى بدات الدوره وانتهت بدون مااستفيد شي لاني كنت داخل القاعه بس برا اطنش الكتب على الدفاتر لكن الدوره الثانيه كنت احاول اتكلم مع المدرس في اي موضوع حتى لو تافه واذا خرجت احاول اقرا اي شي انجليزي واي كلمه جديده اكتبتها واركبها في جمله ودايم اسولف مع نفسي

لا صدق اسويها الى الان وصدقني طريقه حلوه وتنفع في زياده طلاقه اللسان على طريقه الكلام وعلى طريقه نطق الكلمات

| رجل إستثنآئي | · #13 30/07/2011, 10:33 AM

اضفتوا لي الشيء الكثير وأشكركم وانتظر البقية
لاهنتم