مــقّـــس إذا ودك تمقس ...
مــقّـــس إذا ودك تمقس ...
30000 شاعـر .. والمشاعـر ودها المخلاص
............................ و 90000 بيت من القصيد .. ونصها لواصة
مضى ( بشار ابن برد ) وزمانه .. والقصيد إنلاص
............................ أمانه ( ياجرير) إليا لقيت (الأصمعي ) قاصه
أمانه خصه .. ووصّـه .. وصاةٍ صادقة باخلاص
............................. أمانه قله إن معـلقــاته راحت قصاصة
( أبو تمام ) ورّثها عـقب مقـفى لبو خبّاص
........................... وخلاّها عـقب ماهي قصايد .. صارت ( لواصة)
خبص هذا على هذا .. وحط خبال نص قلاص
....................... يبي يطبخ قصيدة واستوتله .. بس منلاّصة
غـدت مثل أنظمة هالسعـودة عند القطاع الخاص
.................... يوقولون السعـودي .. بس جبله كرسي وماصة
حشى كلٍ غـدى شاعر .. وكلٍ بالبحر غـواص
.................... تشوف 2000 شاعر .. كل ابوهم وسط غواصة
وشاعرنا ملى الدفتر .. شخابيط بقلم رصاص
.................. (؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ )
وغثونا .. دعونا لمسية هالشاعر القناص
....................... لبوه ولابو من جمّع قصايد .. كلها اقناصة
وشاعر لابغى يكتب قصيدة .. قام يرسم باص
..................... تشوفه من كثر ماهو ( محوّس ) مايلٍ شاصه
وشاعر ( مدح ) هذا اللي تقل يرميني برصاص
.......................... ثنى وسطه على المنبر .. وكنه وسط رقاصة
تفاخر بالبجاحة .. والقصايد سامجة ورخاص
..................... بلاه اليا نهق صوته .. تقول يسوق رصاصة
فديتك .. سيدي .. يامسندي .. وانت الذهب والماص
................... يحصّـل مطلبه .. بس الكرامة .. راحت انقاصة
( أبو الطيّب ) طفى صيته .. وصار ( البحتري) ملاّص
................... ( وابن كلثوم ) و( الأعشى ) سقاهم عنتر قلاصه
يليتك ( يالفرزدق ) عايشٍ بس بزمن مشقاص
........................... أبيك تشوف وشلون القصايد صارت لواصة
.................. ( ولكم تحياتي ) .............