كل مارحنا الاسواق جاك السكرتي ينافخ وين اهلك ممنوع الدخول ونجلس قدام
الباب تقول بنقدم على وظيفه .
ولا يجيك سكرتي مسوي فيها في اي بي يجلس يرفع الكموم ويهايط خير وش عندك تدور هنا . . والله لوني في منظقه عسكريه
الزبده واحد من الشباب جاب لنا فكره قال وش رايكم نطلع البر ونشوي هناك ونمبسط .
فكرنا قلنا يالله قدام توكلنا على الله . طبعآ احنى خمسه أنا , وأخوي , وصديق اخوي
وثنين اخوياي .
أخوي يفرق عني 5 سنوات .
والله حطينا العزبه والمندي والصياخ والمشوي والمشروبات وكل المستلزمات البريه .
المهم مشينا نص الطريق تقريبآ . قال اخوي أبي الطير شراب اكرمكم الله
والله ونسفط على اليمين وينزل اخوي . من السياره طبعآ اخوي السواق
واخوي راح يدور شجره . واحنى شفنا راعي كابرس تسعاوي شطفنا ثم هدى السرعه ورجع بالريوس . احنى حسينا عنده شي راعي الكابرس وانادي اخو قلت له عجل
عجل بسرعه . وجاء اخوي وركب السياره ومشينا وجالس يطارد ورانا .
ثم قال للخوي افتح الدريشه فتحنا الدريشه قال وين رايحين قال اخوي بندور بر نجلس فيه . قال راعي الكابرس وقف على جنب قال اخوي ليش . قال ابي اسولف معكم . قال اخوي حنى مستعجلين . وراعي الكابرس طلع مسدس فرد على ما أظن
والله وندعس ام الدعسه . وهو ورانا. وفجاءة جاء خويه راعي الكابرس مقلع من وراء . معه كابرس اسس مرهم . ويقوم علينا وجالس يحدنا .يقول وقفوا وقفوا ياشر بيده .والله ونهدي . السرعه ونكسر على اليمين دخلنا لم البر وهو يطارد ورانا
مانفع . وراعي الكابر جالس يصدم فينا من وراء لين خرب حساسات السياره حقتنا .
ويحدنا على جنب لين حك السياره
وثم جاء قدامنا راعي الكابرس وسحب فرامل وصدمنا لين وقفنا .
نزلنا . . . إلى على الصدفه الشرطه مرت على الطريق وتشوفهم وتلحقهم
وتضرب الكفر على الكابرس لين تلوى .
وكلبشوهم لين جت السطحه وشلنا السياره . والحمدالله ربي سلمنا من هذي المصيبه .
. . . وراح يعوضون اخوي سياره جديده بنفس النوع
الحـــــــــــمد الله ع سلامــــــــــــــــــتكم اخــــــــــــوي
الله سلمكـــــــــــــم
ذكــــــــــرتني بقصه صارت لاهلي امي وابويا كانوا جاين من المدينه زياره لاهل امي بمكه وهما مارين من وسط جده علشان الطريق للمكه ومايدرون اش فيه الا وملاحقينهم شلة شباب يبغون يوقفون السياره لكن الوالد الله يحفظه تصدي لهم
وكان معاه فرد هذا الفرد مصرحبه لانو يشتغل باحد القطاعات العسكريه والله وحطوا رجولهم
هذي القصه صارت 1409هـ وطبعا انا ماكونت ع قيد الحياة الدنيا رواية القصه عن طريق امي
حنا صارت لنا سالفة مشابهه انا واهلي بااجازة الحج الي راحت
كنا ماسكين طريق المدينة ---حايل
على الساعه 11 الليل
الا نشوف مجموعة شباب 3 سيارات كلها فللللل وناس واقفين برى وناس مندسين ورى السيارة وقاعدين ياشرون لنا يبوننا نوقف
قبل ماناصلهم معروف ان طريق المدينة حايل سيد واحد قابلتنا سيارة هاجة منهم كانت تبي تصدمنا وتطرد وراها سيارة ثانية
المهم يوم وصلنا لهم قاعدين يأشرون للارض ابوي كان يسوق بنا وورانا اخوي الكبير المهم ان ابوي هدى يحسب ان فيه احد طايح الا كلهم ركض طلعو وابوي يحط رجله ويدععسسس واخوي نفس الشي عاد وحنا ماشين الا شاحنة افغاني وقفوه ماادري وش صار عليه
الغريب ان امن الطرق بطريق حايل مستقعدين بس للتفاتيش والمخالفات ولا ماياخذون جولات على الطريق ويشوفون وضعه
<<كثر كلام خخخخخخخ
عالعموم الحمدلله الي طلعتو منها سالمين وثاني مرة خوذو معكم سلاح لو فرد