|
قطاع الطريق حاولوا سرقتنا وقتلنا ||صوره|| بسم الله الرحمن الرحيم .. .. كل مارحنا الاسواق جاك السكرتي ينافخ وين اهلك ممنوع الدخول :cry: ونجلس قدام الباب تقول بنقدم على وظيفه . ولا يجيك سكرتي مسوي فيها في اي بي يجلس يرفع الكموم ويهايط خير وش عندك تدور هنا . . والله لوني في منظقه عسكريه :cry: الزبده واحد من الشباب جاب لنا فكره قال وش رايكم نطلع البر ونشوي هناك ونمبسط . فكرنا قلنا يالله قدام توكلنا على الله . طبعآ احنى خمسه أنا , وأخوي , وصديق اخوي وثنين اخوياي . أخوي يفرق عني 5 سنوات . والله حطينا العزبه والمندي والصياخ والمشوي والمشروبات وكل المستلزمات البريه . المهم مشينا نص الطريق تقريبآ . قال اخوي أبي الطير شراب اكرمكم الله والله ونسفط على اليمين وينزل اخوي . من السياره طبعآ اخوي السواق واخوي راح يدور شجره . واحنى شفنا راعي كابرس تسعاوي شطفنا ثم هدى السرعه ورجع بالريوس . احنى حسينا عنده شي راعي الكابرس وانادي اخو قلت له عجل عجل بسرعه . وجاء اخوي وركب السياره ومشينا وجالس يطارد ورانا . ثم قال للخوي افتح الدريشه فتحنا الدريشه قال وين رايحين قال اخوي بندور بر نجلس فيه . قال راعي الكابرس وقف على جنب قال اخوي ليش . قال ابي اسولف معكم . قال اخوي حنى مستعجلين . وراعي الكابرس طلع مسدس فرد على ما أظن والله وندعس ام الدعسه . وهو ورانا. وفجاءة جاء خويه راعي الكابرس مقلع من وراء . معه كابرس اسس مرهم . ويقوم علينا وجالس يحدنا .يقول وقفوا وقفوا ياشر بيده .والله ونهدي . السرعه ونكسر على اليمين دخلنا لم البر وهو يطارد ورانا :cry: مانفع . وراعي الكابر جالس يصدم فينا من وراء لين خرب حساسات السياره حقتنا . ويحدنا على جنب لين حك السياره :cry: وثم جاء قدامنا راعي الكابرس وسحب فرامل وصدمنا لين وقفنا . نزلنا . . . إلى على الصدفه الشرطه مرت على الطريق وتشوفهم وتلحقهم وتضرب الكفر على الكابرس لين تلوى . وكلبشوهم لين جت السطحه وشلنا السياره . والحمدالله ربي سلمنا من هذي المصيبه . . . . وراح يعوضون اخوي سياره جديده بنفس النوع والحمدالله سلمنا هذي صورة السياره عند الباب . السالفه قبل امس بعد الفجر |
اح اح اح والله السالفه صدق ,,, احسبكم هجيتوا :s5s: الحمد لله على السلامه يارجل .. وجاب لكم الله الشرطه والا كان علوووم :to: وانتم تشوون الله يهديكم بعد الفجر وعلى لكزس انا لو اشوفكم بسرقكم والا بقط معكم :d الله يشووهـ وجهه شوهـ السياره :ranting: الحمد لله اللي سلمتوا ,, ودام هذي علوم برانكم يلزمك ربع ( مهب سياره :yes: ) يابعدي .. |
وآآآوكــ فككم آلله ,:to:, وآلف آلحمد لله على ـآ آلسلآمه ,:cry::smilie47:, حسبي آلله على ـآ هآلآشكآلــ ودك يآشيخ يصير معك سلآح علشآن تحمي ـآ نفسك ,:mad:, شف شبآبنآ حتى ـآ آذآ رآحو لـ آلبر آلمطآردآت ورآهم ورآهم عليهم عليهم ,:ranting:, متى ـآ يجي ـآ آليوم آللي تصير هنآآك آمآكن ترفيهيه لـ آلشبآب ,:rg:, صدق آلوضع صآر قلق يعني ـآ يآتسآفر برآ ولآ تطلع روحك من آلجلسة بـ آلديرة ,:s5s:, مآبه شيئ آللحين لـ آلشبآب تجلس فيه بـ رآحة آلآ آلكوفي شوب وشربنآ كل آلمشروبآت آللي عندهم من آلقهر ,:d, >>>آدري ـآ طلعت عن آلموضوع بس ودك تفضفض بأي طريقة كآنت ,:cry:, عمومآ آرجع وآقولـ آلحمد لله على ـآ آلسلآمة ,:yes::ba:, وآلله لآيوفق كل من يزعزع آمن بلآدنآ آلغ ـآلية ,:ba1:, |
،، يا أخوي طالع للبر ما معك سلاح أقل شيء يكون معك رشاش ،، ،، والحمد لله على السلامة ،، :rose: |
لحول ولا قوه الا بالله الى هالدرجه !!! على العموم حمدلله على السلامه ومره ثانيه اخذو احتياطياتكم .. تقبل مروري - |
إقتباس:
|
^ وش دخل امريكا ؟:s2: المهم يا رجل الحمدلله على السلامه فككم الله بهالشرطه الله يقويهم اجميعن ان شاء الله الله يكافينا شرهم ذولي عيال الكلب حسبي الله عليهم و مره ثانيه الحمدلله على السلامه |
الحـــــــــــمد الله ع سلامــــــــــــــــــتكم اخــــــــــــوي :rh: الله سلمكـــــــــــــم :yes: ذكــــــــــرتني بقصه صارت لاهلي امي وابويا:ba1: كانوا جاين من المدينه زياره لاهل امي بمكه وهما مارين من وسط جده علشان الطريق للمكه ومايدرون اش فيه الا وملاحقينهم شلة شباب يبغون يوقفون السياره لكن الوالد الله يحفظه تصدي لهم وكان معاه فرد:to: هذا الفرد مصرحبه لانو يشتغل باحد القطاعات العسكريه والله وحطوا رجولهم:to: هذي القصه صارت 1409هـ وطبعا انا ماكونت ع قيد الحياة الدنيا:wub: رواية القصه عن طريق امي:d شطـــــــحت برا الموضوع بس حبيت اضيف هذي القصه لانها مشابهه:d انتـــــــــــــبهوا المره الثانيه:yes: |
الحمدلله يارب الي الله فككم منهم حنا صارت لنا سالفة مشابهه انا واهلي بااجازة الحج الي راحت كنا ماسكين طريق المدينة ---حايل على الساعه 11 الليل الا نشوف مجموعة شباب 3 سيارات كلها فللللل وناس واقفين برى وناس مندسين ورى السيارة وقاعدين ياشرون لنا يبوننا نوقف قبل ماناصلهم معروف ان طريق المدينة حايل سيد واحد قابلتنا سيارة هاجة منهم كانت تبي تصدمنا وتطرد وراها سيارة ثانية المهم يوم وصلنا لهم قاعدين يأشرون للارض ابوي كان يسوق بنا وورانا اخوي الكبير المهم ان ابوي هدى يحسب ان فيه احد طايح الا كلهم ركض طلعو وابوي يحط رجله ويدععسسس واخوي نفس الشي عاد وحنا ماشين الا شاحنة افغاني وقفوه ماادري وش صار عليه الغريب ان امن الطرق بطريق حايل مستقعدين بس للتفاتيش والمخالفات ولا ماياخذون جولات على الطريق ويشوفون وضعه <<كثر كلام خخخخخخخ عالعموم الحمدلله الي طلعتو منها سالمين وثاني مرة خوذو معكم سلاح لو فرد :) |
وعليكم السلام ورحمة الله وبركاتة الحمدلله على السلامة وصراحة وصلنا لمرحلة ميؤس منها شوووي وتصير الديرة حرب عصابات اخوووي بس احد يطلع على الكزس استجأر ددسن وهايلكس وريح مخك لأنك راح تصادف اشكال وألوان وخصوصا السكرانين والمشفربن والمنكمخين<<<< راعين الحشيش وكلن هو وجوووه والسلاح مرجلة تخيل لو معكم سلاح ورامين طلق بس بالهواء والله ما تشوووف الا عجتهم ومرة ثانية الحمدلله على السلامة والسيارة تتعوووض ان شاءالله تحياتي لك |
المشكلة انكم طالعين بلكزس وفي الليل وللبر !! يا رجل في عالم جيعانة للأسف وفي عالم محششة وفي عالم سكرانه وفي بلاوي في البر !! ومن الطبيعي لو شافوا سيارة فخمة انهم يآذوها وتهجموا عليها سواء لغرض السرقة أو التحرش أو المرجلة أو بسبب حالة فقدان العقل .!! كما قال اخوي سليمان .. المفروض تشوفوا لكم هايلكس موديل 84 !! والا جيب ربع !! والأفضل دائما أنكم تاخذوا سلاح مصرح معكم .. لأن الاحتيااط واجب ... الحمد لله ع سلامتكم .. والسيارة تتعوض ان شاء الله ... والله يحمي رجال الأمن ويجعلهم ذخر للوطن ... |
,.. الحمد لله على السلامه :| كل ذا بالسعوديه .. :d طيب وين المكان فيه ذا حول وشو .., والله يسستر على شبابنا : ( |
المفروووض كاااان معكم سلاح ولا اطلقتم النااااااار على كفر سيااااااارته والله غير يتوووووب يسسسسوي هالحركاااااااااااااااااااااات |
سالفة مشابهة حدثت لي مع ابوي مرة.. كنا ماسكين خط من جدة للرياض،، المهم وقفنا واحد يبي مساعدة ابوي قالي ما انزل من السيارة و فتح الشباك فتحة صغيرة عشان يكلم الرجال، و هو يتكلم معه شاف واحد ثاني يفك الكفر الخلفي حق السيارة من خلال المراية الجانبية، طبعا دعس ابوي و مرت على خير.. سالفة ثانية حصلت قبل ولادت الاسطورة انا :D كان ابوي مع خالي سعود الله يرحمه راجعين من مكة للرياض حيث كانوا ينقلون الحجاج من مطار جدة لمكة المهم وهم في طريق الرجعة للرياض سقطت عليهم سيارة بشكل كاد ان يسبب حاددث فابوي عصب و قام عليهم و سقط عليهم بنفس الشكل، المهم طلع واحد من شباك السيارة وقال لابوي يوقف على جنب، طبعا ابوي معصب و ناويها شر فوقف.. المهم نزل ابوي من السيارة و طلعوا ثلاثة من السيارة الثانية و كلهم ناوينها شر، ابوي كان يبي يهدي الوضع بحكم انهم ثلاثة بس نزل خالي سعود الله يرحمه من السيارة وقال كلمتين (وش فيه؟) الثلاثة خافوا من خالي و ركبوا سيارتهم بعجلة و دعسوا.. عاد انا ما اعرف خالي سعود لكن حسب الروايات انه جثة و ضخم على الاقل 190 سم طوله الله يرحمه ما يستفاد انه يا يكون معك مجموعة لطلعتكم او واحد جثة :D |
الحمدالله على السلآلآمة وحسبي الله على هالأشكآل الوقحه الي صآر الكل يخآف منهم |
| الوقت المعتمد في المنتدى بتوقيت جرينتش +3.
الوقت الان » 08:09 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd