وعليكم السلام ورحمة الله وبركاتة
الحمدلله على السلامة
وصراحة وصلنا لمرحلة ميؤس منها
شوووي وتصير الديرة حرب عصابات
اخوووي بس احد يطلع على الكزس
استجأر ددسن وهايلكس وريح مخك
لأنك راح تصادف اشكال وألوان وخصوصا
السكرانين والمشفربن والمنكمخين<<<< راعين الحشيش
وكلن هو وجوووه
والسلاح مرجلة
تخيل لو معكم سلاح ورامين طلق بس بالهواء
والله ما تشوووف الا عجتهم
ومرة ثانية الحمدلله على السلامة
والسيارة تتعوووض ان شاءالله
تحياتي لك

,..
الحمد لله على السلامه :|
كل ذا بالسعوديه ..
طيب وين المكان فيه ذا حول وشو ..,

والله يسستر على شبابنا : (

سالفة مشابهة حدثت لي مع ابوي مرة.. كنا ماسكين خط من جدة للرياض،، المهم وقفنا واحد يبي مساعدة ابوي قالي ما انزل من السيارة و فتح الشباك فتحة صغيرة عشان يكلم الرجال، و هو يتكلم معه شاف واحد ثاني يفك الكفر الخلفي حق السيارة من خلال المراية الجانبية، طبعا دعس ابوي و مرت على خير..

سالفة ثانية حصلت قبل ولادت الاسطورة انا كان ابوي مع خالي سعود الله يرحمه راجعين من مكة للرياض حيث كانوا ينقلون الحجاج من مطار جدة لمكة المهم وهم في طريق الرجعة للرياض سقطت عليهم سيارة بشكل كاد ان يسبب حاددث فابوي عصب و قام عليهم و سقط عليهم بنفس الشكل، المهم طلع واحد من شباك السيارة وقال لابوي يوقف على جنب، طبعا ابوي معصب و ناويها شر فوقف.. المهم نزل ابوي من السيارة و طلعوا ثلاثة من السيارة الثانية و كلهم ناوينها شر، ابوي كان يبي يهدي الوضع بحكم انهم ثلاثة بس نزل خالي سعود الله يرحمه من السيارة وقال كلمتين (وش فيه؟) الثلاثة خافوا من خالي و ركبوا سيارتهم بعجلة و دعسوا..
عاد انا ما اعرف خالي سعود لكن حسب الروايات انه جثة و ضخم على الاقل 190 سم طوله الله يرحمه

ما يستفاد انه يا يكون معك مجموعة لطلعتكم او واحد جثة

الحمدالله على السلآلآمة

وحسبي الله على هالأشكآل الوقحه الي صآر الكل يخآف منهم

ربك ستر ولطف ..

ذكرتني بسالفة اثنين من العيال ..
قضى البنزين عليهم بالخط وجاهم اشخاص فاقده وسرقوا كل شي كان معهم !!
المشكلة بعد ما مسكتهم الشرطة ما عرفوا وين حطوا المسروقات لانهم دفنوها وضيعوا

الحمد لله على سلامتكم وربنا على المفتري ..

بالتوفيق دائماً .

الحمدلله على السلامة ..

مثل هالأشخاص مؤكد أنهم بالعين حبوب إلى الليل

والله الأمن بدا ينفلت عندنا والله يستر من الجاي .

السعودية من تالي صايرة زي امريكا والعلوم اللي نسمعها هناك الله يعين بس .!!



الحمدلله على السلامة ،، واحمدوا ربكم على السلامة ،، وليه ما بلغتوا الشرطة ولا مركزللإمارة او امن الطرق حتى !!

بعدين شلون تمشي وانت مامعك سلآلآلآلآلآلآلآلآح من جد ترى البر ما يصلح تتمشى فيه الا ومعك سلآح !!

السلام عليكم ورحمة الله وبركاته

اشكركم جميعآ على الردود .

ثاني شي :

اللي يقول ليش ماكان معكم سلاح , احنى صغار في السن أعمارنا تحت العشرين .
20 سنه - 19 سنه - 17سنه - 15 سنه - 15 سنه .
ولو فكرنا ناخذ معنى سلاح الاهل مايرضون . واحنى في دولة أمانه . ولك الحمد
والله يعز حكومتنا الرشيده . وطال الله بعمرهم .
الخطاء هذا خطانا بس الحمدالله عدة على خير .
بعض اللي كانوا معنى ماجاهم النوم بسبت الموقف .
ما أعرف كيف أشرح شعورنا امام هذا الموقف . نبكي . نصرخ . ماقدرنا نسوي شي .
في الاخير بعد الحادث وقفنا ماقدرنا نسوي شي لن الارباق غطاء علينا . . . .
. . .
والحمدالله عدة على خير . .

واللي يقول لو تأجر هايلكس او ربع . المشكله مهب على كيذا . حتى لو كان معك سيكل .
اصاحب الشر مايخلونك . لو شافوك ضعيف .

الحمد لله على السلامه
وعساكم ماتشوفون شر عقب ذا

لكن انا اشره عليكم

رايحين البر بلكزس

واقلها دام المنطقه مشبوهه

خذو معكم سلاح
فرد رشاش اقلها ساكتون لو هوائي بعد


الحمد لله على السلامه مرتن ثانيه

يا رجال .. الله ستر عليكم
والف الحمد الله ع السلامه

يعطيك الف عافيه ...//

الحمدلله على السلامه أولاً
الحديد يروح و لا تروح الروح فديتك

يمه حسستني اني ماني بالسعوديه
انا خلقه ماحب طلعات البر لاني آآف مااحب الوسخ والحشرات وكذا << لاحووول
لكن لطلعنا طلعنا مجموعه كبييره لكن انتم طلعيين لحالكم ولا ياحليلكم لساتكم صغار وبينخاف عليكم
ماعلينا المراد لاعاد تعودونها والله ستر وطلعتو منها بالسلامه
ومادري كيف بتنامون زيين من بعد هاللي شفتوه الله يعينكم
الحمدلله على سلامتكم