مساكم الله بالخير جميعا

انا والله متابع لرابطه على مدار الساعه لكني والله مقصر جدا في المشاركه لكن العذر والسموحه

بس حبيت اتكلم عن الجوله الامريكيه المرهقه جدا للاعبين اغلب الاعبين قدمو اداء مقنع في المباريات الثلاث

لكن اللي شدني بصراحه واتوقع انه مضلوم جدا في المباريات الثلاث هو جرانيرو بصراحه كان ادائه جدا رائع

وكان منظم لخط الوسط وانا بكل امانه حتى في الموسم الماضي كنا نشوف مورينهو في المباريات القويه واذا كان
الفريق متقدم في اخر المبارات يدخل جرانيرو لان فريق مثل الريال من اكثر فرق اوربا او اكثرها من وجهة نظري سرعه
في الرتم وهذا في بعض الاحيان يكون عكسي عليك اذا كنت متقدم وفي اخر المبارات فطبيعي الخصم راح يهاجم
فوجود لاعب مثل غرانيرو يبطء الرتم شوي ويحتفظ بالكوره

النقطه الثانيه اللي حاب اتكلم عنها هو نيمار انا اتمنى قدومه بس مو الحين لان اللاعب صغير 19 سنه
والضغوط اللي موجوده في الريال ضغوط رهيبه جدا فانا اتمنى يجي لكن يجلس في فريقه سنه والصيف الجاي يرجعلنا

بالنهايه عندي سؤال لابوصيل اذا سمحتلي
بحكم اطلاعك وتواصلك مع المصادر اللي يمدونك بهالمعلومات كم تتوقع نسبه قدوم الكون
وشاكرلك هالجهد اللي قاعد تسويه من سنين

السلام عليكم ورحمة الله وبركاته /

قذر يا مورينهو
يا حلو الصيف الماضي , كنا ننقاش فيه الفريق بكل شيء ,
ألحين ما تركلنا سلبيات كثيره نناقش فيها إلا الهجوم !
قذر ونعمه يا المو


بالنسبه لـ تويتر هي فكره طيبه ,
بس لو تمت بنقفل الرابطه لأنه ماراح يكون منها فايده
يعطيك العافيه على الاقتراح لايك كاكا


المحاور ,
هذي نقطه فيها شوي غموض ,
عندنا جاجو ولاس مجهول مستقبلهم , جاجو محور من مصلحته يروح نادي ثاني لأنه موهوب وما راح يلقى فرص
كافيه له بالريال , أما لاس فـ من زمان شاب على النادي يبي مقعد أساسي , وهذا شبه مستحيل ,
يعني فيه احتمال كبير ينتقلون جميع , وهنا الريال يكون بحاجه لـ محور بديل يكون دفاعي بحت مثل ميكيل حق البلوز ,
وإن حصل إيسيان ولا دي روسي بناكل الأخضر واليابس بالنص , مع إنها بعيده جدا جدا واسألوا ابو أصيل

الدفاع ناقصه احتياطي , مع إننا نقدر ندخل الموسم بدون تعاقد بس إذا اصاب لاعب لاسمح الله بينكرف آربي كرف
مو صاحي , اللاعب هذا نعمه ثانيه , جوكر صح ,



الرد مفتوح للي يبي يناقش ,
و تعبنا نقول افتحوا نقاش

,

باك ,


محمد مملكة الريال
الله حيهم , شفت إني أذكر اسمك
مب زي واحد الله يستر علينا وعليه


خلنا نتكلم بالمحاور قبل ,
بانجيا ؟! هذا خيار مب جيد إلا ممتاز , لاعب استخلاصه للكوره أكثر من رائع ,
وحتى بناءه للهجمه جيد , يعني لاعب لو جاء بينافس على الأساسي ويمكن يضمنه مع الوقت ,
بس مشكلته فالنسيا , نادي بثر بالتعاقدات وأكيد عندك خلفيه عنه ,
لكن اللاعب تمام صراحه , وأفضل خيار ,
ما نقدر نبدأ الموسم على ارتكاز واحد , والثاني بيبي بس مو مركزه لو إنه مبدع فيه ,
أنا أشوف المحور أهم مركز صراحه , وما يتحمله لاعب واحد حتى لو لياقته ليقاة " حمار " الله يكرم القارئ ,
خاصه إن خضيره راعي اصابات ,


نجي لـ كاكا ,
كاكا لو نسوي اللي نسوي , ماراح يجيب سعر مقبول لو نبيعه , فـ خيار بيعه مرفوض خاصه إنه بقاءه مفيد ماديا
للفريق , وأظن هذا رأي بيريز ,
وبعدين ليه نعتبر اللاعب زي الشوكه في حلق الريال !
اللاعب أثبت من خلال المباريات اللي لعبها إنه مفيد جدا للفريق , و امكانية المداوره بينه وبين أوزيل ما راح تضر
الفريق , بالعكس , بتفيده وتكثر من حلوله وخياراته ,
أنا كنت مع بيعه قبل لكن بعد اللي شفته منه أظن إن البيع قرار خاطئ 100 %


المهاجم ,
والله ملينا يا محمد من كثر ما نتكلم فيه
رأيي من رأي الغالبيه , لا لـ نيمار واللي ما منه فايده نترجاها , و نتمنى مهاجم صندوق عليه الكلام ,
وإن حصل مهاجم فل أوبشن مثل دروجبا أو أجويرو هذا أحسن ,

نرجع لـ نقطه مهاجم الصندوق , وش رايك " رايكم " باستعادة هونتلار ؟
هل هو خيار مقبول ؟


يعطيك العافيه على فتح الباب

,