هاردلك التعادل اللي بطعم الهزيمة
والله مدري وش أقول ...
مباراة غريبة، فيفيانو وسيزار لو إنهم تاكين بالبيت أحسن
ما لمسوا الكورة اليوم
رانوكيا مشكلته إنها تجيه حالات فهااااااوة غير طبيعية وسط المباراة، ويبيله يحسن نفسه في الون أون ون ..
ميكولي الله يقطعه تفلت علينا ابن الذين، ما قلت لكم لو إنه محاولين معه إعارة
ميليتو، عودة ملك ..
سيزار صراحة الثلاث أهداف صعبة جدا جدا، هو يتحمل جزء أكبر في الهدف الأخير ..
وعلى طاري الهدف الأخير، فريق ما فيه إلا دبة الغاز هو أكبر مصدر للخطورة بالمباراة، كيف يقعد في آخر دقيقتين من المباراة ومحد مراقبه ؟؟
مايكون وزانيتي مرهقين، لين جت الدقيقة 70 يطفون خصوصا مايكون ..
بولي قدم مستوى كبير جدا، ويستحق الفرصة اللي أخذها ويستحق فرصة ثانية
وأتمنى ألا يمارس رانييري شطحاته المعتادة ويرميه احتياط المباراة الجاية
شنايدر لعب في مركز ما يناسبه، لكن الشي الايجابي إنه ماسك أعصابه وملتزم بتعليمات المدرب
بالومبو دخل وعطانا مناولة روعة لزانيتي بعدها ما شفناه ..
لكن ما ينلام توه ما دخل مع الفريق ،،
نجوم المباراة إذا بغيتوا تعرفونهم شوفوا تبديلات رانييري
ميليتو - بولي - شنايدر(الشوط الأول) ... وش يحس في هالمدرب!
شنايدر صح إنه اختفى الشوط الثاني لكن لاعب مثل هذا ما تبدله خصوصا إن ما عندك بديل
غير مركزه ورجعه لمكانه الأصلي ..
ميليتو صحيح إنه كام مرهق، لكن لاعب مسجل في يومه ومسجل 4 أهداف ما تطلعه..
خله يستنر قدام يحتري الكور تجيه ودخل لاعب نشيط يضغط بدال باتزيني اللي ما منه فايدة ..
بولي. ما يجتاج أقول شي !
سيزار
زانيتي - سامويل - لوسيو - مايكون
كامبياسو
بولي -- -- -- قوارين
شنايدر - فورلان
ميليتو
أعتقد هذي قد تكون التشكيلة الأفضل، وأتمنى لو مرة أشوفها بعيدا عن قمطة رانييري بالـ 4-4-2 !!
| إقتباس | | | | | | | | |
معليش ليه كم دقيقه , وهو لاعب مع جنوآ بالكآس آسآسي !! ولعب مع جنوآ بالدوري آسآسي , ولعب مع بآرمآ بالدوري ! كل هالمبآريآت وآخر شي تقولي كم دقيقه ! | | | | | |
دخل في مباراة بارما آخر 30 دقيقة والنتيجة 4-0 والمباراة شبه منتهية
لعب أساسي لأول مرة ضد جنوى بالدوري 70دقيقة وقدم مستوى عادي
لعب أساسي ضد جنوى بالكأس وهالمباراة ما شفتها ..
لو تحسب عدد الدقائق اللي لعبها وتاخذ نسبتها بتلقاه لعب حول الـ8% فقط من عدد الدقائق اللي لعبها الفريق هالموسم، يعني فعليا كم دقيقة..
كل اللي أقوله فقط لا ننفخ في اللاعبين الشباب لأنهم شباب فقط، ومب أي لاعب يقدم 4 ولا 5 مباريات جيدة معناته بيكون أسطورة !
تذكر أندريولي ولا بولزوني العاهة اللي سووا مناحة لما طلع ...
ولا النكبة قريسكو(مع إنه كان لعب موسم كامل أساسي)، وغيرهم كثير
وبولي شفته مع السامب وقلت أول ما وقعنا معه إنه قد يكون له مستقبل، بس ترى اللعب في الانتر غير عن السامب ،،