10/02/2003, 02:04 PM
|
زعيــم فعــال | | تاريخ التسجيل: 27/02/2001 المكان: اعيش في مدينة نعم اعيش
مشاركات: 309
| |
تعبنا نكتب تعبنا نقول ونكرر ولكن لاحياة لمن تنادي السلام عليكم ورحمة الله وبركاته
مسا الخير
ما ادري من وين ابدا ولا وش ابدا فيه
تعبنا وحنا نكتب ونقول ونطالب ونكرر
يا ناس يا ادارة الهلال يا اعضاء شرف الهلال
يا جماهير الهلال ولكن للأسف لقد اسمعت لو ناديت حيا
كان شغل الجماهير بعد رحيل يوردانيسكو
مدرب على قدر معقول لكي يقود الفريق في المنافسات
المحليه والخارجيه والتي يعتبر الهلال الاكثر مشاركة
فيها (والأكثر تحقيقا لها)
لكن اللي حصل ان الادارة من كانت من تخبط الى اخر
بالنيبالي من جرف الى دحديره
ونتايج البطولة الخليجيه ترى مهوب نتيجة تقصير خلال
البطولة بس ... لا لالا والف لا
لكن كانت نتيجة التخبط الاداري والفني الذي يعيشه
الهلال بعد رحيل ادارة بندر بن محمد (ويكفي تلك الادارة جلب
افضل مدربين من اصل ثلاثة للهلال خلال الخمسة عشر عام الماضية)
بتقولون منهم (يوردانيسكو و يوزيك )
والثالث قديم شوي كندينيو في عهد عبدالله بن سعد
لو جمعوا كل هاللي صرفوه على الخمام (الله يكرمكم )
ودفعوه في مدرب عليه القيمه مهوب احسن:ASZXDF
و ناشئين الهلال وشبابه عقب ما كان محتكر البطولات
المحليه والخليجيه
ابشركم الحين ينافسون على المركز قبل الاخير
ولهم امل انهم ما يهبطون لدوري الدرجة الاولى
ياناس والله تعبت وانا اكتب واقول يوردانيسكو او كندينيو او يوزيك
والله ما طلبنا مستحيل
اجل لو نقول فابيو كابيلو (عشرة مليون دولار) وش يبي يقولون
واللاعبين الاجانب وما ادراك وش اللاعبين الاجانب
وماارداك الا اللاعبين الاجانب
المترديه والنطيحه وما اكل السبع
لو ابي اتكلم في هالموضوع قعدت ايام لكن نقول
حسبنا الله ونعم الوكيل
قلنا مليون مره اجمعوا الفلوس وحطوها في لاعب واحد عليه
القيمه وخلونا من معمل التجارب اللي فاتحينه في النادي
كل يوم جايبين لهم خمسة ستة يجربون غير اللي يوقعون معهم
على طول لأن اللي متعاقد معهم عضو الشرف الفلاني والا العلاني
واللاعبين المنتهيه صلاحيتهم يوووووووووووووووووووووووه
قائمة طويلة
واللاعبين اللي مثل خميس وودهم يسوون اللي سواه اليوم
قبل بكره وينتظرون الفرصه على احر من الجمر
اييييييييييييه وش اقول وش اخلي
ياناس مهوب ذا الهلال ولا يمكن يصير الهلال
وللحق البطولات اللي جت في السنتين الاخيرتين
جت بالبركه (صح في ناس تعبت وفيه ابدعت )
بس مجهودات عشوائيه غير منظمه
اعنبو دارهم السد القطري يجيب روماريو وسيرجيو وباولو سيرجيو
استعدادا للتصفيات الاسيويه والعين استعداداته من يوم مباراته مع
اليوفي (فازوا على الجوفنتوس بكامل نجومه)
والهلال ما قدر يفوز ببطولة الخليج (هزلت والله هزلت)
والقادم مذهل اكثر
فمع التخبطات الفنيه وسوء وتواضع اداء معظم اللاعبين
وغرور البعض الاخر وانتهاء صلاحية بعضهم
اقول ترى الهلال مدحدر وياقلب لا تحزن
والله انا لا اتشاءم ولكن هذا الواقع المرير :aadoc:
والسنه هذي الظاهر بننسى البطولات
لكن ليتنا نستفيد ونبني فريق احسن من نخسر بطولات
ونخزن في كديش اللاعبين
هلاليات
* الانديه الاخرى تتخلص من اللاعبين المتقدمين في السن والمنتهيه
صلاحيتهم والهلال يعيد تسجيل محمد لطف والمسعري
ياعيني على التجديد
*خوفي بكره يعيد الهلال تسجيل تركي القحطاني(والله مهيب بعيده على
اللي رجع المسعري ولطف يرجع القحطاني وتركي الشايع)
*العين والسد استعداد على قدر التصفيات والهلال
كان مجهز صاموليا للتصفيات الاسيويه (ياعيني على الاسعداد)
*اتمنى من كل قلبي ان التعاقدات الاخيره بإستثناء بدرا انها ما تطلع
مقالب (فالنسيا وامثاله كثير)
*فيه خلل بالنادي وين فيه ماتدري (الادارة الجديده شابة حيويه وطموحه
يمكن تفتقد للحس الرياضي كون معظم الاعضاء من خارج الوسط الرياضي)
بس ما اعتقد الخلل بالاداره بس ،المدرب يمكن بس مهوب لحاله
لاعبين بدون روح
وش بقى
يمكن منصور المنصور عنده خبر (ما نحسده لكن ابو الشباب ضامنها ان
مهوب مساعد مدرب مترجم ياعيني؟؟؟؟
والختام والله ان هذا بعض اللي بصدري ولاهوب كله
والله من حرة في صدري وقهر
واعتذر على الاطالة
ابوطلال:MNJ |