حلووووووو
خسارتنا البارح ماكانت سلبيه 100 %
نيوكاسل 3 & 0 مانشستر يونايتد


اما بخصوصوص لوك دي يونغ
صراحه انا متخوف من فكرة انضمامه لنا
لاكن اللي مطمن قلبي انو كل الهولنديين اللي يحترفون بالدوري الانكليزي ينجحون ويكونون ضمن الخطط الاساسيه لانديتهم
وفوق هذا كله اوفياء مو مثل الإسبان
يعني ابضربلكم مثال بكذا لاعب
كاوت & فان بيرسي & أريين روبين & دي يونغ ( حق السيتي ) & روستون درينثي (مقدم اداء مقبول الا الحين) & خالد بلحروز & رايان بابل ( كان فنان بس ماخذ الفرصه الكافيه ) وكثير من اللاعبين

إقتباس اللحين انت من جدك تدافع عنه ولا تعاند .. بعدين ثقافتنا كلنا لازم تتغير وسبحان الله انت اللي فاهم داغليش .. علمنا كيفا نفهم ونستمتع بتكتيك داغليش وشغله بالفريق .. يارجال من بداية الموسم اتحداك تجيب لي تشكيله معينه لعبنا فيها اكثر من ثلاث مباريات ورى بعض ، كل يوم تشكيله شكل وكل يوم تكتيك شكل وكل يوم خطه شكل ! .. يرحم امك اجلس على تشكيله وحده ، حتى بالفانتزي مدري من احط لاني مدري من بيلعب ! < صرت العب بالفانتزي .. يارجال خلنا ساكتين بس ، لو بعد غلطات داغليش دفتر ابو 200 مايكفي .. يلعن ام اللعب العقيم ياشيخ مباراه كامله ولاعب مطرود من الستي اخر 20 دقيقه .. ماشفنا ولا فرصه ابد ابد؟ بالمباراه كلها ماشفنا الا فرصه داونينغ اللي مدري كيف ضاعت ! .. ياخي من ابجديات كرة القدم ان هندرسون صانع لعب مو محور !! .. من ابجديات كره القدم ان الفريق كل مباراه لازم يبدل ثلاث تبديلات حتى لو كان فايز عشان يزيد الاهداف .. بعدين ياخي ماكسي وكاوت طبيعي مايقدمون مستوى ، يخرب بيتك كاوت افضل لاعبين ليفربول في السنوات الاخيره .. ومن انتقاله للفريق وهو على مستوى واحد ومن افضل اللاعبين لياقه في العالم وحاطه بالدكه .. وجاي بمباراه مثل مباراة الستي تبيه يقدم مستوى ! ونفس الكلام ينطبق على ماكسي .. ياخي امس ماكان من المفروض انه يبدأ بـ شيلفي افضل من هندرسون ، بما ان خطته تعتمد على ثلاث محاور ، وفالاكيد ان شيلفي يتفوق على هندرسون في هالمركز .. ياخوي انا امس من الشوط الاول قلت لازم يطلع هندرسون وجيرارد واستغرب انه استمر على هندرسون .. وبعدين يسحب سبيرنغ ويدخل ماكسي ، ومازال هندرسون محور ! .. وبعدين من قال ليش يبدأ بجيرارد قبل اصابته .. محد قالها لاتألف من راسك .. بعدين انت اول الموسم كنت تبي مدرب وش غير رأيك

والله مع احترامي عرفت الحين انتم ياللي تسبون كيني تدورون الزله عليه , اي هزيمه سبعين سطر وسب وكلام عن تكتيكه ومدري ايش , يعني احيانا صرت احس انكم تبون الفريق ينهزم بس عشان تسبون تكتيك كيني اوكي عنده اخطاء وكل مدرب عنده اخطاء بالتكتيك , بس مهوب مثل ماتقولون عقيم ومدري ايش , بعدين وش ذا التناقض !! تقول ان كاوت له مده مالعب اوكي , طيب شيلفي تبي تقنعي انه لو لعب امس وقدم مستوى مثل صلعته منت ساب كيني وتقول وش ذا الغباء التدريبي ؟ تبي تقنعي انك منت قايل ليش يطبب لاعب عمره 19 سنه ومالعب الا مباراتين معنا قدام المتصدر ؟ تقدر تقنعني ؟ بعدين اتوقع انك شايف مباراة غير اللي شفناها , هندرسون من الشوط الثاني لعب شوط من افضل اشواطه , لا ما االف , فيه ناس كثيره عتبت على كيني انه لعبه بدري , وانا قلت نبي مدرب نهاية الموسم , اذا خذا كيني كل فرصته وماوصلنا للي نبغاه ذيك الساعه نجيب مدرب غيره , ويرجع كيني منصبه !!

إقتباس يلعن ام اللعب العقيم ياشيخ مباراه كامله ولاعب مطرود من الستي اخر 20 دقيقه .. ماشفنا ولا فرصه ابد ابد؟

لا الحين انا تأكدت انك شفت مباراة غير اللي شفناها , انصحك تروح تشوف المباراة من جديد !!

إقتباس هذا لاصار رئيسنا منصور بن زايد ومدربنا مانشيني وفريقنا الستي قل ننتظر لمى نسد الخانات ياخي المدرب هو اللي يسد الخانات بتكتيكه ونظرته للفريق مو اللاعب وبعدين وش فيهم الاسماء كويسين يمشون الحال افضل من اول ! نيوكاسل وسندرلاند بلاعبين اقل مستوى بكثير من لاعبينا وشف وش مسوين ! اللي فرق معهم مدرب ، لاتقولي نسد الخانات واذا بتقول مهاجم فـ امس ماشفنا ولا فرصه والسبب الخطه العقيمه العيب مو في اللاعبين العيب في المدرب

حسيت ان رئيسنا خبيلان !!
بعدين انت قلتها , يمشون الحال , ويمشون الحال هذي قدام استون فيلا وويست بروميتش
مهوب ضد السيتي والمانيو وغيره !!

إقتباس لاتاخذ ردي بحساسيه بس حبيت اناقشك وانشب لك

ياحبيلك بس

إقتباس نجي لفيصل !! احترم ردودك ووجهة نظرك .. ولك كامل الاحقيه بالتعبير عنها ,, كلامك ونظرك للملك انه مدرب قادر .. اقل حقوقك كمشجع متابع للفريق بس انه يكون اللي يختلف معاك باسلوب المدرب او القناعه فيه وبامكانياته " او بالاصح " اللي يرى انه في كيني بعض الشواغر التكتيكيه يعتبر ناقصه ثقافته ؟! اسمحلي وانا اخوك ... كيني مدرب وله مكانه وله cv قوي سواء بالليفر او على مستوى الدوري .. لكن اللي ينقصه انه ابتعد عن الكوره في وقت تغييرت فيه الكوره واسلوب لعبه ... اسلوب اللعب بالتسعينات صار متخلف !! كيف بالثمانينات ؟؟؟ الفرق شاسع ... كمثال المقصد منه التوضيح لا التشبيه " ماردونا شفناه كلاعب .. وشفناه كمدرب " كلاعب كسر الدنيا في نابولي وسوى اعجاز ومن قبله ابدع بالبارشا . كمدرب شفناه مسخره هو ومنتخب الارجنتين بكاس العالم . " ماردونا مايلعب الكوره الجماعيه زي ماهي متطلب هالعصر يلعب على نجم بالفريق والباقي داعمين له ؟؟! "

اوكي يامجيد , ابتعد كثير عن التدريب , بس اصبروا , مع الوقت اكيد يبي يتعود على
اسلوب الكره الجديده , انا ما اشوف ان فريقنا عقيم ذيك الدرجه اللي تخلينا نتكلم عن
كيني بالطريقه اللي نقراها هنا !!


ترى نص الكيبورد منكسر , يعن اذا شفتوا شي ولا شي مشووه

إقتباس والله مع احترامي عرفت الحين انتم ياللي تسبون كيني تدورون الزله عليه , اي هزيمه سبعين سطر وسب وكلام عن تكتيكه ومدري ايش , يعني احيانا صرت احس انكم تبون الفريق ينهزم بس عشان تسبون تكتيك كيني اوكي عنده اخطاء وكل مدرب عنده اخطاء بالتكتيك ,

ياحبيبي اخطاء عن اخطاء تفرق !
وبعدين يعني من جدك اننا مستانسين اننا خسرانين عشان نسب كيني خخخخ
من الموسم اللي راح وعارفين ان كيني مابيطول لان شغله معنويات
ويسمع بشي اسمه تكتيك .. يعني موب شي جديد فجأه حرقناه وقلنا فاشل !

إقتباس لا الحين انا تأكدت انك شفت مباراة غير اللي شفناها , انصحك تروح تشوف المباراة من جديد !!

الحين انت اللي شايف غير المباراه ولا انا ههههههههههههههههههههههههههههههههههههههههه
يارجال استريح انت وهندرسون ذا قال افضل شوط .. الحسنه الوحيده اللي سواها انه سجل هدف ، وصنع هدف لليدر بس
لاتقولي داونينغ قدم افضل شوط بعد ههههههههههههههههههههه

إقتباس حسيت ان رئيسنا خبيلان !! بعدين انت قلتها , يمشون الحال , ويمشون الحال هذي قدام استون فيلا وويست بروميتش مهوب ضد السيتي والمانيو وغيره !!

انا اقصد بكلامي ان لاصار منصور بن زايد رئيسنا قل نبي ميسي ومدري ايش
لكن حنى طموحنا محدود حالياً وحبه حبه بنرجع ، يعني مو بيوم وليله بتجيب لاعب نجم وسعره غالي
انا اشوف حالياً مانحتاج الا مهاجم ومحور فقط ، وعندنا لاعبين كويسين جداً ونقدر نوصل للرابع فيهم
وبعدين فيصل الله يهديك دافعين بموسم واحد اكثر من 100 مليون على فريقنا
وتقولي لاعبينا كويسين قدام نوريتش واستون فيلا !
ياحبيبي شف هاللاعبين وش سووا بتشلسي وارسنال والستي واليونايتد !
كنا نقدر نفوز على الستي واليونايتد بالراحه لكن كيني كـ العاده مدرب تكتيكي وبطل جداً وبشجاعته تعادلنا خخخ!
افضل لاعبين الموسم اللي راح تعاقدنا معهم وماتقدر تنكر !
لكن اللي فرق حالياً المدرب ، واذا بتقول غير هالكلام فـ ماعندك سالفه
ياحبيبي شف اونيل وش سوا بـ سندرلاند ولاعبينهم مايجون نص مستويات لاعبينا !

إقتباس اوكي يامجيد , ابتعد كثير عن التدريب , بس اصبروا , مع الوقت اكيد يبي يتعود على اسلوب الكره الجديده , انا ما اشوف ان فريقنا عقيم ذيك الدرجه اللي تخلينا نتكلم عن كيني بالطريقه اللي نقراها هنا !!

اجل نصبر وننتظره يتعلم وياخذ كورسات ولين يتخرج
ويروح تاريخنا بالحظيظ وللسنه الثالثه على التوالي ماقدرنا نوصل للابطال !
واذا ماتشوف فريقنا عقيم فـ هذي مصيبه !
اسمحلي فيصل مابناقشك بكيني ، يعني بتعاند بس كذا خخخخخخخخخخخخ

إقتباس ياحبيبي اخطاء عن اخطاء تفرق ! وبعدين يعني من جدك اننا مستانسين اننا خسرانين عشان نسب كيني خخخخ من الموسم اللي راح وعارفين ان كيني مابيطول لان شغله معنويات ويسمع بشي اسمه تكتيك .. يعني موب شي جديد فجأه حرقناه وقلنا فاشل !

انا قلت احس , لان اي شي يصير في الفريق قلتوا انت ياكيني
شوي وتقولون سبب اصابة لوكاس كيني

إقتباس الحين انت اللي شايف غير المباراه ولا انا ههههههههههههههههههههههههههههههههههههههههه يارجال استريح انت وهندرسون ذا قال افضل شوط .. الحسنه الوحيده اللي سواها انه سجل هدف ، وصنع هدف لليدر بس لاتقولي داونينغ قدم افضل شوط بعد ههههههههههههههههههههه

الحين انت بزعمك ان هندرسون للحين فاشل ؟ ولا قدم اي مستوى له ؟
يمكن اول شهر , بس بعدها شفنا لمساته وشفنا موهبه نقدر نعتمد عليها بالمستقبل
وانت اول واحد اشوفه يقول ان هندرسون ماعنده الا حسنتين بس !
اذا تشوف كذا ماعندك سالفه !!

إقتباس انا اقصد بكلامي ان لاصار منصور بن زايد رئيسنا قل نبي ميسي ومدري ايش لكن حنى طموحنا محدود حالياً وحبه حبه بنرجع ، يعني مو بيوم وليله بتجيب لاعب نجم وسعره غالي انا اشوف حالياً مانحتاج الا مهاجم ومحور فقط ، وعندنا لاعبين كويسين جداً ونقدر نوصل للرابع فيهم وبعدين فيصل الله يهديك دافعين بموسم واحد اكثر من 100 مليون على فريقنا وتقولي لاعبينا كويسين قدام نوريتش واستون فيلا ! ياحبيبي شف هاللاعبين وش سووا بتشلسي وارسنال والستي واليونايتد ! كنا نقدر نفوز على الستي واليونايتد بالراحه لكن كيني كـ العاده مدرب تكتيكي وبطل جداً وبشجاعته تعادلنا خخخ! افضل لاعبين الموسم اللي راح تعاقدنا معهم وماتقدر تنكر ! لكن اللي فرق حالياً المدرب ، واذا بتقول غير هالكلام فـ ماعندك سالفه ياحبيبي شف اونيل وش سوا بـ سندرلاند ولاعبينهم مايجون نص مستويات لاعبينا !

شارب شي ؟ متى قلت نبي ميسي ! هههههههههههههههههههههه
نب مهاجم مثل خوي احمد سعره مايتعدى 15 ومحور بورتو برضوا مايتعدى 15
وجناح ممتاز وسريع و "مهاري" , ماقلنا اصرفوا في يناير 70 مليون عشان تقول منصور ومدري ايش !
هذي خانات الفريق المثقوبه الحين وبتنسد بالثلاث صفقات ذي !
وانت قلتها حبه حبه , فريقنا الحين مرحلة بناء "عشان تفهم بس " , وطبيعي ماراح تشوف المستوى اللي يرضيك
بعدين ضد اليونايتد والسيتي ما اعتقد ان كيني قال لدي خيا وهارت احرسوا زين قدامانا !
واذا انت تشوف ذيك المباراتين قدمنا فيها عك مع احترامي لك ماعندك سالفه !
طيب شف حبيبنا هودسون وش سوا مع فولهام !! ووش سوا معنا !
لو تعطي اونيل فريقنا مصيره مصير هودسون , هذولي حدهم هالافرقه !!

إقتباس اجل نصبر وننتظره يتعلم وياخذ كورسات ولين يتخرج ويروح تاريخنا بالحظيظ وللسنه الثالثه على التوالي ماقدرنا نوصل للابطال ! واذا ماتشوف فريقنا عقيم فـ هذي مصيبه ! اسمحلي فيصل مابناقشك بكيني ، يعني بتعاند بس كذا خخخخخخخخخخخخ

و احد قال انتظره لين ياخذ كروسات !!
وطبعا 3 سنوات ماوصلنا للابطال والسبب كيني صح ؟
وانت ماسكه على الاعناد ؟ والله العظيم مهيب عناد !
كل واحده ونظرته ورايه !!

بعدين وينك معد تخش مسن ؟

حماااس

نقاش حاد بالرابطة

وآصصلوآ

لو جاء بيشكل قوة هجومية مع سواريز

يا كريزي بسالك سؤال لو تشوف واحد يتحرك ويصنع ويسجل في الهجوم ويحرك لك الهجوم بتخليه اساسي شيء طبيعي صح ؟؟

لكن ما شفناه مدخل بيلامي اساسي في مباراة السيتي ليه ؟؟

وكاوت اذا تبي ترجعه دخله اخر نص ساعه من كل مباراة او شوط كامل مكان داونينج او بيلامي ويبداء يرجع وينجم بس مع احترامي ما فيه مدرب يفكر

الجماهير رفعوا به وحسب انه صدق الكنج كان كنج يوم كان لاعب بس وهو مدرب ما يصير وانا مكان هنري يا شيخ لاشوته وارجع رافا صح الجماهير بتحقد بس اذا جاء رافا وجت البطولات بينسون كيني

مع كل احترامي لكيني بس ما ينفع مدرب لاعب بس

إقتباس لو جاء بيشكل قوة هجومية مع سواريز

كل الصحف والقنوات الهولنديه تقول ان كومولي اجتمع مع مسؤولين تفينتي
وان الاتفاق تم والاعلان قريب , يارب تممها

إقتباس الرسالة الأصلية كتبت بواسطة الانفلد رود يا كريزي بسالك سؤال لو تشوف واحد يتحرك ويصنع ويسجل في الهجوم ويحرك لك الهجوم بتخليه اساسي شيء طبيعي صح ؟؟ لكن ما شفناه مدخل بيلامي اساسي في مباراة السيتي ليه ؟؟ وكاوت اذا تبي ترجعه دخله اخر نص ساعه من كل مباراة او شوط كامل مكان داونينج او بيلامي ويبداء يرجع وينجم بس مع احترامي ما فيه مدرب يفكر الجماهير رفعوا به وحسب انه صدق الكنج كان كنج يوم كان لاعب بس وهو مدرب ما يصير وانا مكان هنري يا شيخ لاشوته وارجع رافا صح الجماهير بتحقد بس اذا جاء رافا وجت البطولات بينسون كيني مع كل احترامي لكيني بس ما ينفع مدرب لاعب بس

انا ماقلت ان كيني معصوم عن الخطأ , اكيد اخطأ يوم خلا بيلامي احتياط
ولا ننسى ان بيلامي عمره 31 سنه مدري اكثر , وصعب يلعب مباراتين
في 3 ايام , محد يقدر يحكم على فشل او نجاح كيني الا بعد نهاية الموسم !
وصدقوني نهاية الموسم بتقولون صدقت يافيصل , ويا اذكركم يا تذكروني

اوك اذا انتهى الموسم وحنا في المركز السادس او الخامس ذكرنا اووك

إقتباس الرسالة الأصلية كتبت بواسطة Cяαży ĻỉṿęяρσσĻ انضمامه للريدز مسألة وقت مقطع له دققوا بلمساته واستلامه طريقة لعبه , بتلاحظون انه نسخه من فان بيرسي

والله خطيييييير ، ان شاء الله يجججججي بسس



شطحه : الملعب اللي بالدقيقه 5:04 ،، مايذكركم بملآعب السودان ههههههههههههههههههههههه

ششبااب بالله مباراتنا بكرا تبي تنقلها الجزيرة ؟

والله خايف يسحبون ، ترا يسوونهاا

^
فيه موقع الجزيرة مافيه نقل لمباراتنا لكن اذا رجعت للشقه راح اتأكد اذا كان فيه قنوات بتنقلها
واذا راح يكون فيه روابط

إقتباس الرسالة الأصلية كتبت بواسطة فراس الموهوب ششبااب بالله مباراتنا بكرا تبي تنقلها الجزيرة ؟ والله خايف يسحبون ، ترا يسوونهاا

شسالفه الجزيره ناقلين كل المباريات ماعدا مباراتنا واظن الارسنال !
تاكدوا الله يرضى عليكم ، يمكن اكون غلطان خخ !