مبرووووك الفوز

الحمد لله 3 نقاط مهمة وكلين شيت ودفاع مطمٌن و مستوى كاريك افضل ما في المباراة

الفريق عنده مشاكل قدام والا الدفاع وضعه ممتاز..سمولينغ 120 دقيقة ضد كريستال بالاس وبعدها بيومين 90
دقيقة وقدم مستوى بطل وكتم اغبونلاهور..فيدتش فوق التقييم بالنسبة لي..جونز قدم اللي عليه في الوسط وفي
قلب الدفاع..ايفرا اليوم كان ممتاز

ليندجارد يعجبني في هالحارس ردة فعله السريعة..ما اقول الا الله يعين السير على اختيار الحارس لأن فعلآ ليندي
و دي خيا يحيرون الواحد

كاريك عودته لمستواه في الفترة الماضية حسنت وضع الفريق دفاعيآ بشكل كبير وهذا اللي من زمان نتكلم عنه
اتمنى يستمر

الوسط والهجوم يترنٌح وهذي سابع مباراة على التوالي في الدوري نسجل فيها هدف يتيم فقط!!!

اصابة تشيشا اسوأ ما في المباراة والمشكلة انه ممكن ما يلحق على البوكسينغ داي وهذيك الفترة مليانه ضغط
مباريات ونحتاج لتشيشا فيها بشكل كبير