روني بعد الهدفين اللي امس دخل قائمه الـ TOP 10 لـ هدافين المنتخب الانجليزي تاريخيا بـ رصيد 28 هدف
القائمه يتصدرها السير بوبي تشارلتون بـ 49 هدف و اوين في المركز الرابع بـ 40 هدف
سـ / هل أنت معَ تحَويل جونز لـ محور الآرتكاز مع عودة الريو وَ فديتشَ ؟ اي نعم , مؤيد بقوة لـ هالفكرة وسبق وطالبت فيها قبل بداية الدوري بأنو في حال مَ تعاقدنا مع لاعب وسط ارتكاز بأن جونز يقوم في ه الدور , واستغرب البعض اللي مَ اقتنع في ه الفكرة لـ تواجد محاور متمثله في اندي وكليفرني و فليتشر وكاريك , ه الأسماء مَ فيها ولا لاعب ارتكاز يقوم بأدوار دفاعية على الوجه الأكمل , نشوف كاريك بالثلاث سنوات الماضية تقريبا هو الارتكاز لكن بالاصل ادواره هجومية لكن السير وظفه في ه المركز , كذلك الحال لأندي أشوف صبغته هجومية بشكل أكبر لكن يقيّده السير بمهام دفاعية , فـ انا أشوف فكرة تجربة جونو في المحور الدفاعي ممتازه بتوفر الصفات المؤهله له بأنه يقوم بدور ه المركز اللي هي قوة الافتكاك والقوه الجسمانية والجرأه في بداية الهجمة والسرعة للمساندة الدفاعية ..
سـ / هل ترى تثبيت سمايلنغ في الظهير الآيمن حلَ أفضل من رافا وفَابيو ؟ مسألة تنشيط سمالينغ ليكون ظهير أيمن هذي نقطة حلوه وأشوفه قابل للتطوير وهالشي بيخدمنا في تعدد الخيارات في مركز الظهير الأيمن , وأشوف سمالينغ يتطور في هالمركز بين الفترة والثانية , لكن مع جاهزية رافا مَ أبي اشوف غيره , هو تقريبا الأفضل في ه المركز لكن بعد مَ تجيه التوجيهات بالهدوء أكثر وتجنب الانذارات
سـ / هَل تتفق معيَ أن إيفرا سيء هذا الموسم , وركنّه في البنك حلَ مناسب ؟ الموسم اللي فات سسسيء , لكن أشوف بأن ركنه بالدكة قرار صعب اتخاذه لأن الخيار الثاني بالظهير الأيسر فابيو الأقل عطاء بالجهة اليسرى من الجهة اليمنى , وممكن قلة خبرة فابيو + مستوآه الأقل تكوّن لنا نقطة ضعف لكن مَ أنكر بأننا بحاجة تنشيط الظهير الأيسر ..
سـ / آختر آثنين : كاريك وفليتشر وَ آندرسونَ وكليفيري أيهم آفضل و لماذا ؟ كآريك + فليتشر / في قمة عطاءاتهم يكون وسطنا بطل جدا مَ بين الادوار الدافعيه والمساندة الهجومية بِ إتزآن عكس ثنائية توم واندي اللي اشوف فيها تفاهم كبير هجوميا لكن دفاعيا مَ أحس بطمئنينة أبدا , فـ افضل الثنائي الأول هذا بحسب نقاشك , لكن اللي افضل أكثر هو تواجد توم واندي ومن خلفهم محور لتأمين المناطق الدفاعية ويكون كاريك او فليتشر او جونز والافضلية بالترتيب , ونلعب على طريقة موسم 2010 لما حققنا الوصافه , كانت هذيك الفترة فترة عك لـ بربا وكان السير يعتمد على 3 محاور ومهاجم وجناحين بأدوار هجومية أكثر ه الشغلة بتعطينا قوة في الربط بين الوسط والهجوم وبنشوف محور ع الأقل في الزيادة العددية بالهجمة مع التأمين من خطورة المرتدة .. تكون الخطة بالمجمل 4-3-3
سـ / عودة تشيشاريتو وإصابة ويلباك - هل ربَ ضارة نافعة - أم لا ؟ حيرة ه السؤال !.. مَ أدري من أفضل للأمانه , ويلباك باللعب الجماعي بطل جججدا , ولمسته حلوه وسرعة تبادل المراكز ميزه فيه لكن أشوفه أقل من تيتشاريتو داخل الصندوق , تيتشاريتو بالمنطقه حيوان مَ يمزح يخلص بدون فلسفه ويستغل أنصاف الفرص , لكن يعيبه الكنترول وقلة عطاءه برى المنطقة .. حيرة مَ أقدر أفضل واحد ع الثاني .. واللي عاجبني بالموضوع بأن روني عادي يتأقلم مع أي واحد فيهم
سـ / شنايدر أوَ مُودريتش بنسبة كمَ ترى أن المانيو كان يحتاجهم ؟ شنايدر / أدواره تقريبا نفس أدوار روني لما يكون صانع لعب أو مهاجم ثآني فـ قلت بأن قدوم شنايدر بيكون على حساب واحد من المهاجمين مع تثبيت روني رأس حربة صريح .. لوكا / بقدومه بتبقى الأوضاع مثل مَ كآنت والتغيير بيكون لوكا على حساب واحد من المحاور لأناقته في الربط بين الدفاع والهجوم , ومساندته في الدورين كلها , فـ أشوف لوكا أنسب ... لكن للأمانه مع تألق توم واندي وتواجد فليتشر وكاريك في الانتظار يخليني أقول مب بحاجة أحد منهم
سـ / وَهل ترى أن ديفيد جيلَ مفاوض سيء ؟ مَ أشوف فيه سوء بـ ديفيد جيل , أغلب الصفقات تكون راجعه للسير اذا كان في أمسّ الحاجة شفنا اللاعب ع الطاولة الخشبية , واذا العكس فـ نشوف المفاوضات اقل جديه .. وما احكم على ديفيد جيل بالسيء لمجرد انه مَ تعاقد مع لوكا او سنايدر , ه اللاعبين كلهم أسعارهم مرتفعه وصعب التعاقد مع واحد منهم مهما طالت المفاوضات
’، سآلفة هآري مَ تمنيته يبقى ولا تمنيته يروح لـ منافس .. بودي أشوفه اعارة للأندية المتوسطه او ع الأقل مَ ينتقل انتقال كامل لمنافس .. ’،
طيب اصبر علينا ههههه
اسمي مساعد المؤهل التعليمي ثانوي
عاشت الاسامي يا مشعل >> إلى الآن
حياك الله يا مساعد نورتنا
يا جماعة الخير مافيه مشكلة قريبة تبي تجينا في المنتدى ؟؟
كنت أبي أزين لي صورة لعدد مشاركاتي 2222 بس تحمست الظاهر بوقت الإنتقالات ونسيت روحي .. يارب يخرب المنتدى يا رب
بآك بعد رجوعي من آلسفر آليوم ووصولي بَ آلسلآمة ولله آلحمد وآلمنةة
وكل عآم وآلجميع بألف صحة وسلامةَ بعد آلزحمة
’,
في بدآية آلآمر , آحمد لله , آن فترة الانتقالات قفلت لأنها لو استمرت أكثر من كذآ , راح تجيب لنآ آلعقدة النفسية , من كثرة الاشاعات مرة يقولون مفيلا جآي , ومرةة شنآيدر , والمرة الاخيرة يقولون فيه مفاجأة كبيرة للجمهور ولا شفنآ آي شيء , غير صدآع الراس ولحسة المخ
من نآحيتي , كنت مؤيد مجيء شنآيدر , وكنت مقهور بسبب ان سوقنآ وقف على يونق لكن يوم فكرت فيهآ قلت , فيهآ خيرةة للفريق بإذن الله أي بمعنى أصح , بياخذون فرصتهم آللي مبدعين آلحححين , وحآرقين آلبريمر بأولى جولاته وآخص بَ آلذكر انديرسون وكليفرلي يعني لو جاء شنآيدر , رآح يجلس في الدكة يا كليفرلي ولا اندي ومن وجهة نظري حرام يجلسون بالدكة وهم مبدعين ومميزين
بَ آلآضآفة آلى عودة النجمين فليتشر , وكآريك آعتقد خلآص من هنآ , لين فترة الانتقالات الشتوية , ما نحتاج آي لآعب وإذآ كان فيه آحتيآج , آلسير بَ ينتبه لها بإذن الله
’,
بخصوص مشاركاتك يَ آبو مآلك فكّر ولو مرة وحدة بحيآتك إذا تبي تنقص مشاركاتك وتخليهآ 2222 , روح للمشاركات القديمة وآحذف بعض الردود اللي ما تشوف لهآ دآعي مع آني متأكد آن ردودك كلهآ مالهآ دآعي < ب ينجلد بكذآ رآح تحل مشكلتك آن شآء آلله
’,
ع آلعموم آذآ شفتوا آخطاء لغوية ولا املائية اعذروني , لأني موآصل وجآي من سفر وآلححححين بآخمدهآ بإذن الله
سـ / هل أنت معَ تحَويل جونز لـ محور الآرتكاز مع عودة الريو وَ فديتشَ ؟ اذا احتجناه ممكن لكن مع عودة فليتشر ماتوقع هالشي ، وعلى فكره هذي ميزة جونز واللاعبين اللي يلعبون بأكثر من مركز .. والسير يحرص دايما على هالنقطه ولاننسى ان سمالينغ نفس الشي ممكن يلعب ظهير او مدافع .. وهذي تصب بمصلحة الفريق وجونز راح نحتاجه كثير اذا ابو فايروسات قام يخبط
سـ / هل ترى تثبيت سمايلنغ في الظهير الآيمن حلَ أفضل من رافا وفَابيو ؟ الى الآن سمالينغ يقدم مستويات حلوه ، من وجهة نظري ماهو افضل من رافا ، رافا يتفوق بالمهام الهجوميه للظهير الايمن .. لكن هذا مايعني ان سمالينغ سيء بالعكس فك ازمه في هالمركز .
سـ / هَل تتفق معيَ أن إيفرا سيء هذا الموسم , وركنّه في البنك حلَ مناسب ؟ اذا كنت بتفكر بقرار مثل هذا لازم قبلها تفكر من البديل ! .. صعب فابيو يلعب طول الموسم وعندك ايفرا لأنك بالطريقه هذي حتى لو كان ايفرا سيء راح يزيد سوء .. وايفرا مو بذاك السوء اللي يخليك تحط لاعب خبره مثل ايفرا على الدكه .
سـ / آختر آثنين : كاريك وفليتشر وَ آندرسونَ وكليفيري أيهم آفضل و لماذا ؟ هههههه ولا واحد .. ممكن فليتشر وكليفرلي كاريك مثل مالكل يعرف مستواه من كم موسم وهو متراجع بشكل عجيب عشان كذا نستبعده من سالفة المفاضله ذي .. فليتشر واندي وكليفرلي حاليا هم اللي ممكن تفاضل بينهم وتتعب بعد لكن فيما لو عاد فليتشر اتمنى نشوفه هو وكليفرلي مع بعض .. كليفرلي لاعب ينشط خط الوسط ويخليه ذات سلاسه رهيبه بعيد عن العك الكروي حق المحاور اللي دايما يكون لعبهم ثقيل .
سـ / عودة تشيشاريتو وإصابة ويلباك - هل ربَ ضارة نافعة - أم لا ؟ ماهضمت ويلباك رغم انه مسجل هدفين الى الآن .. افضل تشيشا حتى على بربا واكيد عودة تشيشا مهمه لنا .. و غياب تشيشا أطول من هالتفره مو بصالحه
سـ / شنايدر أوَ مُودريتش بنسبة كمَ ترى أن المانيو كان يحتاجهم ؟ اذا بننظر لها بنظرة اكتفاء ،، المباريات الاخيره اندي وكليفرلي مستوياتهم مرضيه ومؤدين اللي عليهم لكن لو طرف لك شنايدر ممكن ترفض ؟؟!! اترك لك الاجابه
سـ / وَهل ترى أن ديفيد جيلَ مفاوض سيء ؟ صدقني المشكله في صعوبة المفاوضات ، لاعبين مثل شنايدر ومودريتش صعب تحصل عليهم لأنهم لاعبين كبار وانديتهم متمسكه فيهم بشكل عجيب خصوصا مودريتش .. الموضوع صعب وانجاز كبير لو قدرنا نوقع مع واحد منهم .
ريدفيلزي .. ولكم باك مساعد .. حياك الله بيننا ، ان شاء الله تفيد وتستفيد عاد اللحين صار عندنا 2 مساعد ابو مالك ، انتظر لين تصير مشاركاتك 3333 وان شاء الله تخرب الشبكه
19Likes
و أتمنى إنك تفيد وتستفيد من الشباب الموجودين 
الوضع العادي
