28/07/2011, 11:58 AM
|
 | زعيــم متألــق | | تاريخ التسجيل: 28/11/2009 المكان: حولك حواليك :d
مشاركات: 1,376
| |
يعني أنت تشوف إن 25 مليون مبلغ كافي ، يعني هذي قيمة ماتا ؟ بـ النظر لـ الأسعار اللي نشوفها الحين ؟
ماتا حسب القيمه السوقيه الحين سعره من 32 مليون و أنت رايح ، إلاّ إن كان فرخ الديك مثلاً يسوى أكثر !
ماتا بعد بحث لقيت إن كسر عقده 60 مليون يورو ! تروح تبيعه بـ أقل من نصف المبلغ ؟ هذي حماقه !
أنت بـ نفسك تقول أقل من 30 مليون ما ترضيني ، تجي الحين تقولي 25 مليون تقريباً ! ما عرفت لك !
وقت بيع فيّا كان النادي على وشك إعلان إفلاسه ، يعني إن حاجة النادي
لـ البيع تفووق بـ مراحل الوقت الحالي ، ليش ما يلعب بـ المفاوضات عشان
يزيد السعر ! و حسب أرقام الفريق الحاليه " الماديّه " الفريق الحين عنده
إمكانيات أفضل بـ ألف مره من الإمكانيات المتوافره قبل سنتين و اللي إنجبر
النادي يومها على البيع !
أنا برد على نقطتين هنا ، لذلك ركّز في كلامي زين
..
أنت تقول إن المبلغ اللي أنا حطيته و هو تقريباً 25 مليون يورو يؤمن لـ
النادي جزء كبير من المبلغ المطلوب دفعه الصيف الجاي و بـ المقابل لما تبيع
الأرض ، و قصدي هنا مهوب الملعب بس ! أنا أتكلم عن الأراضي المجاوره له
لـ أني أذكر إن النادي يبي يبيع أكثر من أرض مجاوره لـ الملعب عشان يستفيد
منها ، " منيب متأكد من هـ المعلومه " و لـ نفرض صحتها ، حتّى لو كانت المبالغ
تافهه على قولتك ! أنت مجبور على البيع ، صح و لا لأ ؟ يا أخي بيع الأراضي
المجاوره لـ الملعب ، و هذي ممكن تجيب لك ما لا يقل عن 40 مليون يورو وعطها
البنك و سكتهم فيها هـ السنه ، و الموسم الجاي يحلها ألف حلاّل ، ممكن يجي
مستثمر أو ممكن يصير أي شيء يساعد النادي في تسديد الديون بدال بيع نجومه
و إن صارت المعلومه خطأ ، برضو عندك إمكانيه لـ بيع المستايا وبدال 160 مليون
ممكن مع المفاوضات يرتفع المبلغ إلى 170 أو 175 مليون ، و بـ كذا أنت مستفيد
تقول لي كيف النادي يستفيد ، أنا أقولك كيف .. بس ركز معي الله يعافيك و لا تعصب
بعطيك مثالين
الأول ، إليانز أرينا .. بـ البدايه بايرن ميونيخ تشارك مع ميونيخ 1860 بـ الملعب
بعد سنه أو ثنتين دفع البايرن لـ جاره مبلغ أظنه 15 مليون يورو ، و إمتلك الملعب
بـ تقول لي وش اللي يفيد النادي بـ كلامك ؟ أنا أقولك .. ليفانتي قبل فتره بسيطه أذكره
كان يبي يتشارك معنا بـ النيو مستايا و رفض النادي هـ الشيء ! ليش ما يرجع النادي
و يتفاوض مع ليفانتي على هـ الشيء ، بـ حيث إن النادي يبيع المستايا الحالي لـ
تسديد الديون ، و يصير يلعب بـ ملعب ليفانتي مؤقتاً ليين ينتهي العمل بـ النيو مستايا
ليفانتي طبعاً يبي يتشارك معنا ، أوكِ يتشارك بس بـ شرط ، إنه لو فالنسيا دفع مبلغ
معين أياً كان المبلغ هذا ، يرجع الملعب لـ فالنسيا فقط بعد دفع هـ المبلغ و يا دار
ما دخلك شر ! و لا تقولي ليفانتي فريق صغير و مدري أيش ! أنت في حاله مزريه
و محتاج لـ أي شيء لـ تصحيح الأوضاع ، ليش ما تجرّب أي حل ممكن يفيدك بـ أزمتك !
طبعاً ليفانتي ممكن يشترط إنه يكون شريك بـ الملعب لـ مده معينه سنتين أو ثلاث !
عادي ، أنت محتاج لـ هذا الشيء و لا بـ تضيع و تروح في داهيه و السبب إن مبلغ
البيع مهوب عاجبك و بـ تقعد تبيع في ذا اللاعبين إلى مالا نهايه ! لـ أنك مافكرت بـ
الحلول البديله ! على فكره ، المشاركه بـ الملعب مع فيا ريال برضو ، خيار مش بطّال !
.
الحاجه الثانيه .. بيع الملعب بدون مشاركة أي فريق ثاني
هذا اللي حصل إن ما كنت غلطان مع أتليتكو ، باع الفيسنتي كالديرون لـ تمويل الملعب
الجديد و مستمر إلى الآن يلعب فيه ، ممكن يكون باعه وحط بند في العقد إنه يبقى
يلعب فيه إلى نهاية الأعمال في الملعب الجدي و بعدها يسلّم الملعب و الأكيد هنا إنه
يدفع مبلغ معيّن لـ المشتري مقابل اللعب فيه !
.
النقطه هذي منيب متأكد منها لكن قد سمعت فيها و لو صارت فعلاً ليش ما يجربها النادي !
البنك ما راح تكون عنده مشاكل في زيادة المده إطلاقاً و أتحدى على كلامي
لـ أنه في كل الحالات مستفيد من هـ الشيء ، سواءً دفع النادي الحين و لا
قعد 5 سنوات إضافيه لـ أنه في كل تمديد يضمن فايده كبيره و 15 مليون
يبقى مبلغ حلو بـ النسبه لـ البنك و ضامن حقه و وفوقها فوائد عاليه جداً
لو بـ نستمر على خيار بيع اللاعبين أنا مستعد أضمن لك إننا خلال موسمين
نبي نصفى على 5 لاعبين ، لـ أن بيع النجوم فقط مهوب حل لـ المعضله أبداً
الموسم هذا يروح ماتا ، الموسم الجاي بانيغا ، اللي عقبه باريخو ، اللي عقبه
بياتي .. و هلمّ جرا ! بـ تقعد تبيّع نجومك لييين تصفى على برونو و أشكاله
لـ أنك ما فكّرت بـ حلول ثانيه تساعدك في الأزمه و بـ كذا أنت ماحليتها و لا
حافظت على نجومك ، و الخسران في جميع الحالات النادي فقط !
|
، و ترى خبر كولوتشيني طلع من أخبار
ترجمه ولا بعد ما اعرف احط خلفيه
وش هالديون 
..!!
الوضع العادي
