|| رابطة عشاق فالنسيا ♥ الخفافيش ♥ 2011 / 2012 || - صفحة رقم 15 - نادي الهلال السعودي - شبكة الزعيم

VALENCIANISTA · #1 27/07/2011, 05:58 PM

الرد هذا إعتبروه فضفضه فقط لا غير أو يمكن هلوسه
كلام بـ خاطري و أبي أقوله ، حتى مستأذن من عبدالله
مانيو أبي أنام وقاعد أفكّر بـ الموضوع و طار النوم منه

هـ المملوح اللي فوق وش نهايته بـ الضبط ؟ الوضع بـ النسبه لي مايطمّن أبداً
لورنتي طلع بـ تصريحين كان فيها متناقض شوي ، و هـ الشيء زاد الغموض
حول مستقبل ماتا أول شيء قال بما معناه " ماتا ضد اللمس " وأنا إرتحت منه
فجأه بعد كم يوم يطلع و يقول " لن أقدّم تسهيلات لـ خروجه " هذا وش يعني ؟
يعني إنه فيه إمكانيه لـ خروجه هـ الصيف مع الأسف و هذا خطأ لا يُغتفر أبداً
لو تم ، الفريق حالياً ما هو بـ حاجة بيع ! تروح تبيع أهم لاعب في تشكيلتك
أوكِ أنا كنت ضد خروج بانيغا نهائياً حتى مع عباطته و عدم إهتمامه لكن الآن
صرت فعلاً أتمنى هو اللي يطلع ، مُقابل إن ماتا يجلس ، ماتا أشوفه شخصياً
أهم لاعب بـ المشروع اللي قاعد يسويه لورنتي حالياً ، خروجه يعني العوده لـ
نقطة الصفر و إعادة بناء الفريق من جديد و هذي يبي لها شغل كم سنه قدام
إن صحّت الأخبار و طلع ماتا ؟ ساعتها و لـ يعذرني الجميع ، لورنتي وقتها
كتب نهايته بـ يده ، و مع الأسف النهايه كانت جداً مريره و بعد ماكان كاسب
حب كل من شجّع فالنسيا ، المحبه هذي ؟ بـ تنقلب لـ كره

ليه ما يطلع بـ تصريح و يفكّنا ! أوكِ نقول شائعات و مدري أيش و مايلزم
نصدقها ، لكن " ما فيه دخّان بدون نار " ، و كثرة الأخبار تدل إن فيه شيء
قاعد يصير بـ السر و ماحد يدري عنه ، إطلع تكّلم قول أي شيء ، خلنا
نعرف وش اللي صاير بـ الضبط ، أذكر قبل فتره قريت إنه كتب في التويتر
بما معناه " أنا فالنساوي و ماتهمني شائعات الصحف الإنجليزيه و ما راح
أطلع من النادي هـ الموسم " ، قمت دخلت على تويتره ، و مالقيت هـ الحكي
هل كتبه ، و رجع مسحه ؟ هل اللي قال هـ الكلام يكذب و ماتا ما كتب شيء ؟
برضو من الأخبار اللي طلعت ثم إختفت بـ شكل سريع إن النادي بـ يبيعه
فعلاً ، و السبب بنك بانكاخا ضاغط على النادي في هـ المسأله بـ سبب
القرض الله لا يعيده من قرض لعب فينا و ماصرنا نعرف وش مخبي لنا
المستقبل اللي مع الأسف بديت أتشائم منه و خوفي تشاؤمي يكون بـ محله
..
تدرون وش ودي الحين و أحس إنه بـ يكون خير علي أنا شخصياً ؟
أبي أدخل غيبوبه ، أبي آخذ منوّم .. أي شيء لييين 31 أغسطس بس
اليوم 27 يوليو ، يعني باقي حوالي 35 يوم لين نهاية الميركاتو اللي بدا
الفتره الحاليه يخوفني ، أكثر ممّا هو يطمنني عن وضعنا الموسم الجاي وش
بـ يكون ، طول الفتره هذي أنا بعيش بـ دوامه و حوسه من الوضع و اللي
ممكن يصير ومنيب مرتاح إلاّ في وحده من هـ الحالتين و لو إن أحدها سيء
أول شيء .. يطلع ماتا و لورنتي و يؤكدون إن اللي منتشر بـ الصحف أخبار
صيف مالها أساس من الصحه و إن ماتا الموسم الجاي مستمر إن شاء الله
أو .. يصير اللي أنا خايف منه و كم يوم وأشوف ماتا موقّع عقد مع فريق
ثاني أياً كان إسم هـ الفريق ، سواءً كان الأرسنال أو غير الأرسنال ، والله
إنّي ما كنت مهتم بـ سالفة سيسك و هل ينتقل أو يجلس بـ الأرسنال الموسم
الجاي ، لكن الحين ! صرت فعلاً أتمنى يبقى طالما إن ماتا ممكن يطلع من
النادي و يكون المعوّض لـ سيسك الموسم الجاي في البريمير ، ياني بنغبن
فعلاً ، أوكِ فيه مثلاً غواردادو و هـ اللاعب أتمناه فعلاً يكون معنا لكن مهوب
على حساب ماتا أبداً ، كنت أتمناه بدال خواكين و جاء بياتي و لا زلت أتمناه
لكن برضو مهوب مكان ماتا ! مااااااش مع إنه خرااافي لكنّه و لا شيء بـ
النسبه لي مقارنةً مع ماتا ، عموماً الله يعدّي هـ الفتره على خير و يكون
ماتا الموسم الجاي على أقل تقدير معنا ، والله ياني ما أهضم خروجه أبد

لا تخليني

..

الرد أعلاه مجرّد فضفضه لا أكثر و لا أقل يعني لا أحد يشره على الخرابيط
مجرّد كلام بـ القلب و حبّيت أقوله لا أكثر و لا أقل .. بـ شويش علي يا عيال

أووووووووووووووف تعبت

الرد هذا لو أقولكم إنه أخذ ساعه تقريباً

ما أعتقد تصدقون خخخخخخخخ ، بديت أكتبه من الساعه 5.05 بـ الضبط

محمد

إلقف

PRINCE-VCF · #2 27/07/2011, 07:34 PM

^

^

صدقني ايميري يبي ماتا ومستحيل يستغني عنه

مآتآ مرتآح بالنادي ومصرح انه ماراح يطلع

تصريح لورينتي بعدم وجود ااي تسهيلات

عرض ارسنال ضعيف جدآ 15 مليون ؟ وش تسوي

بأذن الله باق في فالنسيا

ץάмύйτ έмέя · #3 27/07/2011, 07:55 PM

إقتباس


	أوكِ يا إبراهيم آمنّا بـ الله و قلنا النادي مديون بما يتجاوز 200 مليون يورو طيّب ؟ ماتا لو ضرب سعره ما أعتقد أحد يبي يدفع لك أكثر من 30 مليون بس طبعاً كلامي مهوب عن أحقيّة ماتا لأ ، كلامي عن من بـ يدفع لك أكثر من كذا أبيك تقنعني بـ حاجتين بعدها فيه تفاهم ثاني

طيب ومن قالك ان النادي بيبيـع بـ السعر المطروح في الصحف
مستحيــل يروح ماتا بـ اقل من 25 مليـون هذا اولا

إقتباس


	فيّا طلع بما يُقارب الـ42 مليون يورو إن ما خانتني الذاكره صح ؟ طيب كيف تبيع ماتا بـ مبلغ أقل من كذا بـ 10 ملايين ! شف كيف الأرسنال قاعد يضغط على برشلونه و يطالبه بـ مبلغ يتجاوز 40 مليون إسترليني تقريباً إن ما كنت

فيا اظن راح بـ 45 مليـون
اما فابريغاس والله لو يحلمون مابينتقل بـ اكثر من 35 مليون يورو ولو يضغطون من اليوم لـ بكره

طبعا فيه اختلاف بيننا وبين ارسنال
ارسنال ماهو محتاج يبيع وجلس سنتين او اكثر وهو يلعب مع برشلـونه في المفاوضات لانهم ببساطه ماهم محتاجين يبيعـون
عكسنا الي غصبن عليك تبيـع لانك مديون بـ مبلغ يتجاوز 250 مليـون وباناكاخا ماهو بنك فالنسيا عشان يقعد ينتظر من سنه لـ سنه
المبلغ المستحق كان 240 مليون وكان المفروض يندفع هـ الصيف ولكن تاجل سنه بـ زيادة 15 مليـون والصيف الجاي ياتدفع يا يروح عليك المستايا الحـالي

إقتباس


	بس ! بالوتيلي على غبائه إنباع بـ 27 مليون يورو ! و هو مايستاهل ربعها كيف ماتا ينتقل بـ نصف هـ المبلغ تقريباً ! أبيك تقنعني بس إن اللي يصير

ومن قالك اصـلا انه بينتقل بـ 15 مليـون !!
مستحيل يروح ماتا بـ اقل من 25 وهالشي مضمـون

إقتباس


	و لو قلنا بـ 30 مليون يورو ، ممكن تقول لي وش الفايده اللي بـ يجنيها الفريق ؟ صففففففففففر مكعّب ! جزء كبير من المبلغ بـ يروح لـ البنك طبعاً و الجزء المتبقي و ما أعتقد بـ يتجاوز 5 إلى 6 ملايين بـ يصير لـ النادي

حلوه وش الفايده منها !!!؟
الفايده ببساطه انك بـ تأمن جزء من المبلغ الكبير المطلوب دفعه في الصيف الجـاي
لانك وببساطه بتودي النادي في داهيه لو تأخر الـدفع لـ سنة ثانيه

إقتباس


	و ما عندي مشكله كل سنه تزيد الفوائد 15 مليون

ما شاء الله
تبغاها تزيد سنـويا 15 مليـون طيب من بيســدد ومن الي بيروح فيها !!!؟
ياحبيبي اصلا ماهو على كيفك تخليها تزيد
انت مجبور تسدد الصيف الجاي والا ياخذون الملعب

تدري عن هـ الشي والا لا !!؟
ترجمت الخبر اكثر من مره
فالنسيا راهن المستايا الحالي لـ البنك وكان اخر فتره لـ التسديد الصيف الحالي لكن تاخر النادي والبنك رحمهم ومدد سنه بـ زيادة 15 مليـون !!
طيب السنه الجايه وش بيســوون !؟
تضمن البنك مايستلعن ويقول ادفعوا والا المستايا باخذه وانتم دبروا انفسكم
وبعد ادفعوا الفرق بين قيمة المستايا الحالي وقيمة الدين

إقتباس


	يا أخي الأرض أذكر قبل فتره جاي عرض بـ نحو 200 مليون أو يزيد شوي و إذا غلطان صححولي ، يا أخي بيع الأرض حتى لو بـ 200 مليون و لو أقل شوي بعد

الارض حاليا حتى ماتسوى 160 مليون وهذا حسب اخر خبر ترجمته عن هـ السالفه

إقتباس


	يا أخي بيع الأرض حتى لو بـ 200 مليون و لو أقل شوي بعد ، و عط البنك جزء كبير و ريّح راسك و ممكن خلال الموسم الجاي لو تمّ البيع تقدر تسدد باقي المبلغ من المبالغ اللي تجيك سواءً من الإعلانات أو من بيع قمصان النادي أو أي وسيله تسويقيه ثانيه ، و خلص ديونك بعدين إرجع و إشتغل بـ الملعب الجديد ، أنا مدري ليه معلقين بناء الملعب الجديد بـ بيع الأراضي بـ إنتهاء الملعب الجديد ! بيع اللي عندك و عط البنك و إرتاح و لاحقيين على الملعب ، مهيب واقفه عليه و الله !

علي تراك ملخبـط !!!
تدري وشهي الارض !؟
تراها ارض المستايا الحالي الي يلعبون عليه !!
كيف تبغاهم يبيعـونها الحين بـ مبلغ تافهه
ماحنا مستفيدين شي ، لانك مطالب بـ دفع 240 مليـون لـ البنك واصلا انت راهن الاراضي له

عالعموم تأكد ان لورينتي مابيبيع ماتا اذا كان النادي ماهو محتاج
ومستحيل احد يلومه لو باعه لانه ببساطه رئيس فالنسيا وتهمه مصلحة النادي قبل اي شي
استمرار فالنسيا اهم بـ مليون مره من استمـرار ماتا

VALENCIANISTA · #4 28/07/2011, 11:58 AM

إقتباس

الرسالة الأصلية كتبت بواسطة هـ 9 ــلالـ 20 ــي


	طيب ومن قالك ان النادي بيبيـع بـ السعر المطروح في الصحف مستحيــل يروح ماتا بـ اقل من 25 مليـون هذا اولا

يعني أنت تشوف إن 25 مليون مبلغ كافي ، يعني هذي قيمة ماتا ؟ بـ النظر لـ الأسعار اللي نشوفها الحين ؟
ماتا حسب القيمه السوقيه الحين سعره من 32 مليون و أنت رايح ، إلاّ إن كان فرخ الديك مثلاً يسوى أكثر !
ماتا بعد بحث لقيت إن كسر عقده 60 مليون يورو ! تروح تبيعه بـ أقل من نصف المبلغ ؟ هذي حماقه !
أنت بـ نفسك تقول أقل من 30 مليون ما ترضيني ، تجي الحين تقولي 25 مليون تقريباً ! ما عرفت لك !

إقتباس

الرسالة الأصلية كتبت بواسطة هـ 9 ــلالـ 20 ــي


	فيا اظن راح بـ 45 مليـون

وقت بيع فيّا كان النادي على وشك إعلان إفلاسه ، يعني إن حاجة النادي
لـ البيع تفووق بـ مراحل الوقت الحالي ، ليش ما يلعب بـ المفاوضات عشان
يزيد السعر ! و حسب أرقام الفريق الحاليه " الماديّه " الفريق الحين عنده
إمكانيات أفضل بـ ألف مره من الإمكانيات المتوافره قبل سنتين و اللي إنجبر
النادي يومها على البيع !

إقتباس

الرسالة الأصلية كتبت بواسطة هـ 9 ــلالـ 20 ــي


	حلوه وش الفايده منها !!!؟ الفايده ببساطه انك بـ تأمن جزء من المبلغ الكبير المطلوب دفعه في الصيف الجـاي لانك وببساطه بتودي النادي في داهيه لو تأخر الـدفع لـ سنة ثانيه

أنا برد على نقطتين هنا ، لذلك ركّز في كلامي زين
..
أنت تقول إن المبلغ اللي أنا حطيته و هو تقريباً 25 مليون يورو يؤمن لـ
النادي جزء كبير من المبلغ المطلوب دفعه الصيف الجاي و بـ المقابل لما تبيع
الأرض ، و قصدي هنا مهوب الملعب بس ! أنا أتكلم عن الأراضي المجاوره له
لـ أني أذكر إن النادي يبي يبيع أكثر من أرض مجاوره لـ الملعب عشان يستفيد
منها ، " منيب متأكد من هـ المعلومه " و لـ نفرض صحتها ، حتّى لو كانت المبالغ
تافهه على قولتك ! أنت مجبور على البيع ، صح و لا لأ ؟ يا أخي بيع الأراضي
المجاوره لـ الملعب ، و هذي ممكن تجيب لك ما لا يقل عن 40 مليون يورو وعطها
البنك و سكتهم فيها هـ السنه ، و الموسم الجاي يحلها ألف حلاّل ، ممكن يجي
مستثمر أو ممكن يصير أي شيء يساعد النادي في تسديد الديون بدال بيع نجومه
و إن صارت المعلومه خطأ ، برضو عندك إمكانيه لـ بيع المستايا وبدال 160 مليون
ممكن مع المفاوضات يرتفع المبلغ إلى 170 أو 175 مليون ، و بـ كذا أنت مستفيد
تقول لي كيف النادي يستفيد ، أنا أقولك كيف .. بس ركز معي الله يعافيك و لا تعصب

بعطيك مثالين
الأول ، إليانز أرينا .. بـ البدايه بايرن ميونيخ تشارك مع ميونيخ 1860 بـ الملعب
بعد سنه أو ثنتين دفع البايرن لـ جاره مبلغ أظنه 15 مليون يورو ، و إمتلك الملعب
بـ تقول لي وش اللي يفيد النادي بـ كلامك ؟ أنا أقولك .. ليفانتي قبل فتره بسيطه أذكره
كان يبي يتشارك معنا بـ النيو مستايا و رفض النادي هـ الشيء ! ليش ما يرجع النادي
و يتفاوض مع ليفانتي على هـ الشيء ، بـ حيث إن النادي يبيع المستايا الحالي لـ
تسديد الديون ، و يصير يلعب بـ ملعب ليفانتي مؤقتاً ليين ينتهي العمل بـ النيو مستايا
ليفانتي طبعاً يبي يتشارك معنا ، أوكِ يتشارك بس بـ شرط ، إنه لو فالنسيا دفع مبلغ
معين أياً كان المبلغ هذا ، يرجع الملعب لـ فالنسيا فقط بعد دفع هـ المبلغ و يا دار
ما دخلك شر ! و لا تقولي ليفانتي فريق صغير و مدري أيش ! أنت في حاله مزريه
و محتاج لـ أي شيء لـ تصحيح الأوضاع ، ليش ما تجرّب أي حل ممكن يفيدك بـ أزمتك !
طبعاً ليفانتي ممكن يشترط إنه يكون شريك بـ الملعب لـ مده معينه سنتين أو ثلاث !
عادي ، أنت محتاج لـ هذا الشيء و لا بـ تضيع و تروح في داهيه و السبب إن مبلغ
البيع مهوب عاجبك و بـ تقعد تبيع في ذا اللاعبين إلى مالا نهايه ! لـ أنك مافكرت بـ
الحلول البديله ! على فكره ، المشاركه بـ الملعب مع فيا ريال برضو ، خيار مش بطّال !
.
الحاجه الثانيه .. بيع الملعب بدون مشاركة أي فريق ثاني

هذا اللي حصل إن ما كنت غلطان مع أتليتكو ، باع الفيسنتي كالديرون لـ تمويل الملعب
الجديد و مستمر إلى الآن يلعب فيه ، ممكن يكون باعه وحط بند في العقد إنه يبقى
يلعب فيه إلى نهاية الأعمال في الملعب الجدي و بعدها يسلّم الملعب و الأكيد هنا إنه
يدفع مبلغ معيّن لـ المشتري مقابل اللعب فيه !
.
النقطه هذي منيب متأكد منها لكن قد سمعت فيها و لو صارت فعلاً ليش ما يجربها النادي !

إقتباس

الرسالة الأصلية كتبت بواسطة هـ 9 ــلالـ 20 ــي


	ما شاء الله تبغاها تزيد سنـويا 15 مليـون طيب من بيســدد ومن الي بيروح فيها !!!؟ ياحبيبي اصلا ماهو على كيفك تخليها تزيد انت مجبور تسدد الصيف الجاي والا ياخذون الملعب تدري عن هـ الشي والا لا !!؟ ترجمت الخبر اكثر من مره فالنسيا راهن المستايا الحالي لـ البنك وكان اخر فتره لـ التسديد الصيف الحالي لكن تاخر النادي والبنك رحمهم ومدد سنه بـ زيادة 15 مليـون !! طيب السنه الجايه وش بيســوون !؟ تضمن البنك مايستلعن ويقول ادفعوا والا المستايا باخذه وانتم دبروا انفسكم وبعد ادفعوا الفرق بين قيمة المستايا الحالي وقيمة الدين

البنك ما راح تكون عنده مشاكل في زيادة المده إطلاقاً و أتحدى على كلامي
لـ أنه في كل الحالات مستفيد من هـ الشيء ، سواءً دفع النادي الحين و لا
قعد 5 سنوات إضافيه لـ أنه في كل تمديد يضمن فايده كبيره و 15 مليون
يبقى مبلغ حلو بـ النسبه لـ البنك و ضامن حقه و وفوقها فوائد عاليه جداً
لو بـ نستمر على خيار بيع اللاعبين أنا مستعد أضمن لك إننا خلال موسمين
نبي نصفى على 5 لاعبين ، لـ أن بيع النجوم فقط مهوب حل لـ المعضله أبداً
الموسم هذا يروح ماتا ، الموسم الجاي بانيغا ، اللي عقبه باريخو ، اللي عقبه
بياتي .. و هلمّ جرا ! بـ تقعد تبيّع نجومك لييين تصفى على برونو و أشكاله
لـ أنك ما فكّرت بـ حلول ثانيه تساعدك في الأزمه و بـ كذا أنت ماحليتها و لا
حافظت على نجومك ، و الخسران في جميع الحالات النادي فقط !

VALENCIANISTA · #5 27/07/2011, 08:17 PM

Braulio: ´Mata no se quiere marchar a d

إبراهيم ترجم هـ الخبر و لا عليك أمر أنا طااااافي

برجع لك بس لا صحيت إن شاء الله بكره الصباح
+
فالنسيا و ستاندرلييج توصلوا لـ إتّفاق حول إنتقال مانغالا خلاص !
والأخبار تتحدث عن زرفة بنت كلب سواها الحقير بروليو خخخخخخ
5 ملايين لـ النادي + 2 مليون مبلغ ناتشو = 7 ملايين قيمة الصفقه
بروليو

صحيح قبل أنسى ..
الإتفاق تم بين الناديين ، باقي موافقة اللاعب و تتم الصفقه
+
أمير ، هارد لك

، و ترى خبر كولوتشيني طلع من أخبار
الصيف ليس إلاّ

ץάмύйτ έмέя · #6 28/07/2011, 02:11 AM

امير يعطيك الف عافيه

فيصل باقي انت لازم تتعلم كيف تترجم

ץάмύйτ έмέя · #7 28/07/2011, 02:31 AM

مانجالا لم يتفق بعد مع فالنسيا
اللاعـب لا يزال امامه حل بعـض التفاصيل ، ولن يوقع اليوم

فالنسيا توصل الى اتفـاق مـع ستاندار لياج على نقل اليكويم مانغالا ، الاتفاق وصل اليه الطرفيـن خلال المفاوضات بشان ناتشـو جونزاليس ، اللاعب الاورغواني تقدر قيمته بــ 1.5 أو 2 مليون يورو ، ومبلغ انتقال اللاعب الفرنسي تقـدر بـ حوالي 5 مليون يورو ، ومع ذلك ، اللاعب لم يتوصل بعد لـ اتفاق مع فالنسيا ، الدولي الفرنسي لديه فرصة للانضمام الى النادي الاسباني واللعب في دوري أبطال أوروبا ، ولكن يجب عليه حل بعـض التفاصيل المهمة ، هذا لن يحـدث اليــوم ، وربما ليس غـدا ايضا ، يمكن ان تنتهي الامور بحلـول نهـاية الاسبــوع ، المـدافع سـوف يجتمع مع فالنسيا لـ وضع اللمسـات الاخيره .

ץάмύйτ έмέя · #8 28/07/2011, 02:45 AM

بروليـو يريد التوقيع مع الظهير الايمـن لـ فريق بلد الوليـد انطونيو باراجان

المصـدر : راديـو 9

الملكي الهلال · #9 28/07/2011, 03:57 AM

معاً لدعم صفحة التراس الهلال ..

شآركنآ بارائك وتصآميمك ...

Ultras-al_Hilali. Fc | Facebook

VALENCIANISTA · #10 28/07/2011, 10:53 AM

زي ما قلت باقي تكّه بس و يصير فالنسيانستا رسمياً
فيه نقطه تطرّق لها خبر من الدي إتش بـ خصوصه
فالنسيا لديه" حقوق حصريه " لـ التعاقد معه هـ الصيف
يعني بـ شكل أوضح ، في حال صار شيء غريب و رفض
يوقع وهذا مستبعد تماماً ، فـ إنه مجبر بـ حكم الإتفاق بين
الفريقين إنه يجلس الموسم الجاي بـ ستاندر لييج يعني
يا فالنسيا يا يجلس بـ فريقه و ينتقل الصيف الجاي و بس

faisal... · #11 28/07/2011, 02:31 PM

إقتباس


	فيصل باقي انت لازم تتعلم كيف تترجم

بعد التزبيده اللي زبدتها لي ذاك اليوم خلاص مافيه

ترجمه ولا بعد ما اعرف احط خلفيه

إقتباس


	بروليـو يريد التوقيع مع الظهير الايمـن لـ فريق بلد الوليـد انطونيو باراجان

محمد صورته شكله من جنبها

محمد ايمانا حق الهلال ما فاوضه فالنسيا.

.

PRINCE-VCF · #12 28/07/2011, 03:55 PM

^

^

ايمانا لاعب مميز جدا تمنيته يكون في فالنسيا

لاكن الظاهر انه كاان موجود في فالنسيا عآم 2001

وعمره 30 حسب ظني

هلالـ9ـي · #13 28/07/2011, 04:38 PM

يوجد تقدمأ جيدآ في مبيعات التذآكر للقآء رومآ

خوان آنطونيو : يوجد تقدمأ جيدآ في مبيعات التذآكر للقآء رومآ وسععر التذذكرة 6 يورو

أكثر من 800 تذكرة بيعت في أقل من أسبوع للمشاركة في المباراة ضد روما. ومن المتوقع أن تصل إلى 2000

ץάмύйτ έмέя · #14 28/07/2011, 05:38 PM

إقتباس


	بعد التزبيده اللي زبدتها لي ذاك اليوم خلاص مافيه ترجمه ولا بعد ما اعرف احط خلفيه

هههههههههههههههههههههههههههه
هذيك الايام ما كنا محتاجين مترجميـن
كان فيه محمد و عمر و ميس وعلي و انا
اما الحيـن مافيه الا اناا وعلي ويشاركنا امير و هلالي

واذا على الخلفيه سهله

إقتباس


	محمد ايمانا حق الهلال ما فاوضه فالنسيا.

اذكر الصيف الماضي كان اسمه مطروح في الصحف
وقبلها اذكر ان فالنسيا كان يفاوضه
ايمانا لاعب خرافي وعمره 29 سنـه وباذن الله يتوفق مع الهــلال

إقتباس


	يعني أنت تشوف إن 25 مليون مبلغ كافي ، يعني هذي قيمة ماتا ؟ بـ النظر لـ الأسعار اللي نشوفها الحين ؟ ماتا حسب القيمه السوقيه الحين سعره من 32 مليون و أنت رايح ، إلاّ إن كان فرخ الديك مثلاً يسوى أكثر ! ماتا بعد بحث لقيت إن كسر عقده 60 مليون يورو ! تروح تبيعه بـ أقل من نصف المبلغ ؟ هذي حماقه ! أنت بـ نفسك تقول أقل من 30 مليون ما ترضيني ، تجي الحين تقولي 25 مليون تقريباً ! ما عرفت لك !

ياعلي افهمني الله يرحم والديك
انا قلت 25 مليـون لانك انت مصدق ان فالنسيا بيبيعه بـ 17 !!
بالنسبة لي لو انتقل ماتا بـ 30 مليـون يعتبر مبلغ مرضي

إقتباس


	أنت تقول إن المبلغ اللي أنا حطيته و هو تقريباً 25 مليون يورو يؤمن لـ النادي جزء كبير من المبلغ المطلوب دفعه الصيف الجاي و بـ المقابل لما تبيع الأرض ، و قصدي هنا مهوب الملعب بس ! أنا أتكلم عن الأراضي المجاوره له لـ أني أذكر إن النادي يبي يبيع أكثر من أرض مجاوره لـ الملعب عشان يستفيد منها ،

مافيه اي ارض مجاوره
الارض هي ارض المستايا الحالي
ولكنها مقسمه على اربع اجزاء على ما اظن

إقتباس


	برضو عندك إمكانيه لـ بيع المستايا وبدال 160 مليون ممكن مع المفاوضات يرتفع المبلغ إلى 170 أو 175 مليون ، و بـ كذا أنت مستفيد تقول لي كيف النادي يستفيد ، أنا أقولك كيف .. بس ركز معي الله يعافيك و لا تعصب

بيع الاراضي الي كانت تسوى فوق 300 مليـون بمبلغ 170 مليـون هذي حماقه مع احترامي
ابيـع ماتا و لا ابيـع الارض بهالسعر

إقتباس


	ليفانتي قبل فتره بسيطه أذكره كان يبي يتشارك معنا بـ النيو مستايا و رفض النادي هـ الشيء ! ليش ما يرجع النادي و يتفاوض مع ليفانتي على هـ الشيء ، بـ حيث إن النادي يبيع المستايا الحالي لـ تسديد الديون ، و يصير يلعب بـ ملعب ليفانتي مؤقتاً ليين ينتهي العمل بـ النيو مستايا ليفانتي طبعاً يبي يتشارك معنا ، أوكِ يتشارك بس بـ شرط ، إنه لو فالنسيا دفع مبلغ معين أياً كان المبلغ هذا ، يرجع الملعب لـ فالنسيا فقط بعد دفع هـ المبلغ و يا دار ما دخلك شر ! و لا تقولي ليفانتي فريق صغير و مدري أيش ! أنت في حاله مزريه و محتاج لـ أي شيء لـ تصحيح الأوضاع ، ليش ما تجرّب أي حل ممكن يفيدك بـ أزمتك ! طبعاً ليفانتي ممكن يشترط إنه يكون شريك بـ الملعب لـ مده معينه سنتين أو ثلاث ! عادي ، أنت محتاج لـ هذا الشيء و لا بـ تضيع و تروح في داهيه و السبب إن مبلغ البيع مهوب عاجبك و بـ تقعد تبيع في ذا اللاعبين إلى مالا نهايه ! لـ أنك مافكرت بـ الحلول البديله ! على فكره ، المشاركه بـ الملعب مع فيا ريال برضو ، خيار مش بطّال !

طيب تدري ان ليفانتي بيشاركنا بس كيف بيجيب باقي المبلغ !!؟
لـ علمك هم قالو بنبيـع ملعبنا الحالي وبندفع الباقي لـ تكميل النيو مستايا ونشارككم فيه !!
وهـ الشي لو صار اكبر فضحيه

لانك اصلا عشت معاناه بنت كلب واخر شي تروح وتسلم الملعب الي حطيت عليه كل امالك لـ ليفانتي
بكـذا بيتقاسمون مع فالنسيا كل الارباح ومايكون استفدنا اي شي من الملعب

إقتباس


	هذا اللي حصل إن ما كنت غلطان مع أتليتكو ، باع الفيسنتي كالديرون لـ تمويل الملعب الجديد و مستمر إلى الآن يلعب فيه ، ممكن يكون باعه وحط بند في العقد إنه يبقى يلعب فيه إلى نهاية الأعمال في الملعب الجدي و بعدها يسلّم الملعب و الأكيد هنا إنه يدفع مبلغ معيّن لـ المشتري مقابل اللعب فيه !

طيب فالنسيا يبغى يبيـع لكن وش الفايده !؟
انت راهن الملعب لـ البنك ودينك هو 240 مليـون
تروح تبيع الارض بـ 170 مليـون وتسلمها لـ البنك ويبقى لهم عند فالنسيا 70 مليـون

فالنسيا يبغى يطول الفتره شوي لعل وعسى يلقى مشتري بـ مبلغ معقول
على الاقل فوق الـ 200 مليـون

إقتباس

إقتباس


	البنك ما راح تكون عنده مشاكل في زيادة المده إطلاقاً و أتحدى على كلامي لـ أنه في كل الحالات مستفيد من هـ الشيء ، سواءً دفع النادي الحين و لا قعد 5 سنوات إضافيه لـ أنه في كل تمديد يضمن فايده كبيره و 15 مليون يبقى مبلغ حلو بـ النسبه لـ البنك و ضامن حقه و وفوقها فوائد عاليه جداً لو بـ نستمر على خيار بيع اللاعبين أنا مستعد أضمن لك إننا خلال موسمين نبي نصفى على 5 لاعبين ، لـ أن بيع النجوم فقط مهوب حل لـ المعضله أبداً الموسم هذا يروح ماتا ، الموسم الجاي بانيغا ، اللي عقبه باريخو ، اللي عقبه بياتي .. و هلمّ جرا ! بـ تقعد تبيّع نجومك لييين تصفى على برونو و أشكاله لـ أنك ما فكّرت بـ حلول ثانيه تساعدك في الأزمه و بـ كذا أنت ماحليتها و لا حافظت على نجومك ، و الخسران في جميع الحالات النادي فقط !

وش يضمنك ان البنك مايقول انتم راهنين الملعب وانا بيبيعه باي سعر وانتم كملو باقي الـ 240 مليـون
ولـ علمك هالشي كتبته السـوبر في بداية الموسم وانا ترجمت الخبر واظنه موجود في بداية العدد السابق

البنك يقدر يبيع ارض المستايا بـ 170 مليـون وفالنسيا هو الخسـران الوحيــد

Henry Quatorze · #15 29/07/2011, 03:00 AM

يا ساتر

وش هالديون

..!!
احسن حل لها المشاكل خوذو فنجر اعاره , شرط ان يسدد ديونكم ويبني ملعب ثاني بخلال 5 سنوات وتصيرون مؤمنين زينا

..!!
بقتبس كم رد لرابطتنا اذا ما عندكم مانع .. عشان يعرفون حكمة فنجر

, انتم بيعوا ماتا بس ..!!
سي يو