كليني ... اين مستوياااتك .... اهااااا محتااااج لابراااااااااهيموفيتش

الكوريرا ديلو سبووورت : توني واماوري الى تــركيـــأ ؟؟

!!!

سلام عليكم و صبحكم الله بالخير جميع...
يعطيكم العافية على المجهود يا شباب...

و بو حميد سهران .. ما شا الله تبارك الله.. الله لا يضرك يابو حميد
و يعطيك الف عافية على مجهودك.. اه بس لو يشيلون ماروتا و يحطونك بداله كان ضبط اليوفي..

ابو الفوز صار مصاب و مركز اليوفي الطبي يبدأ فتح ابوابه .. و هذا ما كنت اخشاه

كليني صار نكبه بعد للمنتخب الايطالي ورفع ضغط برانديلي..

بيرلو اللاعب الراكد العقلاني عطى كاسانو كورة مكتوب عليها قبل ما يمررها سجل يا كاسانو..
راح يفيدنا كثيــــــــــــــــــر هالنجم..

فيدال كان وحش في مباراة منتخبه ضد اسبانيا .. و هذي القتالية اللي نبيها بكرة بالدوري..

و مع ذلك ما اقول الله يكفانا شر الاصابات مع هالتصفيات..

سين سؤال / وش فضيحة اماوري اللي طلعت بالجرايد امس ؟؟

تقبلوا تحياتي يا شباب....

^^
لا شكر على واجب اخوي مدهال

^^
عسى كرازيتش يفهم ... بمعنى اخر الكلام لك يا جارة
من جد كرازيتش صاير يركض حركته قديمة طق الكورة من يم الخصم و الحقها من الجهة الثانية كنا نسوي
هالحركة بدوري الحارة زمان .. كرازيتش لو يستغل حركته السريعة ذي بالتمركز السريع افضل وراح يكون ناجح ويبهذل الدفاع لو يتمركز صح ويتحرك بدون كورة و يسجل اهداف بعد..

جاكريني سرعته ممتازة بس اتمنى بعد كلامه ذا يطبق اللي قاله في الملعب..

يعطيك العافية اخوي لافيكيا سنيورا..

إقتباس الرسالة الأصلية كتبت بواسطة skroo ا الخبراء يا اخوي كم مرة قلنا ان عدم التاهل للابطال مو قضية للمدير الفاهم والادارة الفاهمه لكن لا ادراة ولا مدير ولا هيبة للفريق بايرن ميونخ يوم ما تاهلو للابطال ماقالو حنا زلايب وفريقنا عادي على طول صفقة ريبري ولوكا توني الفريق العملاق اللي يديره شخص فاهم يقدر يجيب لك اي نجم على خشمه انت عطني مال وفكر واوريك مو مثل ماروتا مال بدون فكر يا

للتوضيح انا ماامجد ماروتا ولا الادارة .. لكن بنفس الوقت ماتلومه .. انت ضربت مثال بالبايرن انه ماتأهل .. بس قبله بمدة لاتتعدى السنتين ماخذ الدوري الالماني فافيه فرق الله يهديك بينهم وبين فريق هبط ورجع والى الحين ماخذ شيء

بعدين لاتنسى من ينافس بالاعبين ينافس السيتي واندية بطله او انديه عنده ضخ مالي مهب صاحي .. جب موجي بكبره واتحداه يخلص لك صفقة اجويرو ..
موجي على وقته كانت سمعة النادي تخدمه اكثر من اي شيء .. وياليت ماتنبرش وتصير فاهم غلط تراي مااذب على ابو الموج بالعكس هو الافضل .. لكن السمعة هذي ماخدمت ماروتا لأن سمعتنا حاليا عند اللاعبين ......

لذلك عش حياتك ياصديقي ودع الاحزان

السلام عليكم ورحمة الله وبركاته

إقتباس الرسالة الأصلية كتبت بواسطة الخبراء للتوضيح انا ماامجد ماروتا ولا الادارة .. لكن بنفس الوقت ماتلومه .. انت ضربت مثال بالبايرن انه ماتأهل .. بس قبله بمدة لاتتعدى السنتين ماخذ الدوري الالماني فافيه فرق الله يهديك بينهم وبين فريق هبط ورجع والى الحين ماخذ شيء بعدين لاتنسى من ينافس بالاعبين ينافس السيتي واندية بطله او انديه عنده ضخ مالي مهب صاحي .. جب موجي بكبره واتحداه يخلص لك صفقة اجويرو .. موجي على وقته كانت سمعة النادي تخدمه اكثر من اي شيء .. وياليت ماتنبرش وتصير فاهم غلط تراي مااذب على ابو الموج بالعكس هو الافضل .. لكن السمعة هذي ماخدمت ماروتا لأن سمعتنا حاليا عند اللاعبين ...... لذلك عش حياتك ياصديقي ودع الاحزان

يا صديقي وش دعوة لا انبرشت ولا يحزنون

لكن وضحت لك حاجة في بالي

وبرضة اعيد واقولك ان الملامة تقع على ماروتا وتفكيره السامبدوري

تقولي ميونخ قبلها بسنتين فايزين بالدوري الالماني

طيب مهي قضية هذي لان النادي الكبير يظل كبير
والاداريين هم اللي يطيحون قيمته او يرفعونه

موجي كان يجيب صفقات بوقت البنوك المتحركة ريال مدريد وتشيلسي
مدريد كان مغري بالفلوس وبالتاريخ والقوة

واقولك لو موجي فيه كان جاب اقويرو

ولا تنس برشلونه مثلا اللي قعدو كم سنة مقحطين بدون بطولات وجابو رونالدينو وايتو ولا قال رئيسهم ما نقدر نجيبهم لاننا ما جبنا بطولة الدوري من 5 سنين

من الاخير يالغلا ادارتنا رايحة في رجل امها والله يستر من المستقبل
لا وخذ لك مدربنا اللي شات زيقلر وقاعد يتغنى بقروسو اللي السلحفاة اسرع منه والا دي شيلي اللي له 3 سنين مع الفريق ولا لعب 20 مباراة كاملة بسبب الاصابات

حشى العام تعور قدام ميلان في اوكتوبر ولا رجع يلعب باقي الدوري !! والله لو انه رباط صليبي كان امداه يرجع
دي شيلي وياكونتا وجهان لعلمة واحدة من ناحية الاصابات

شكرا للجميع واعذرونا على البربرة الزايدة

سلام عليكم .. و مساكم الله بالخير جميع...

شايف في تنشين بموضوع الادارة .. بين الخبراء و سكرو و هذي اراء تطرح .. و الاختلاف لا يفسد للود قضية...
و راح ادلو بدلوي في الموضوع .. و من غير زعل ...

صحيح يا الخبراء انك ما تمجد في ماروتا .... لكنه ملام طريقة ادارة ماروتا للاموال و طريقة البحث عن اللاعبين و طريقة العقود
كلها غلط في غلط ... شوف كم صرف النادي على الشراء و ماذا اشترى .. وشوف كم بيع و ماذا بيع..
شوف ماروتا كيف حام ولف ودار و هو يدري وين المشكلة بالفريق و في اي خانة .. راح وصرف و اشترى مهاجمين و خلا اهم مشكلة واللي يدري عنها الا و هي مشكلة الدفاع من بداية الميركاتو و هو يصرح راح نجيب مستر اكس ..

على سبيل المثال لوغانو انا مو زعلان لانه راح لباريس سان جيرمان .. لا ..لكن كان بدال ما ضيع دراهم النادي من بداية افتتاح موسم الشراء في المهاجمين ... المفروض انه استقطع من ميزانية الميركاتو ميزانية خاصة لخانة الدفاع و يبتدي بالاهم..
دايم الانسان في عنده مهم و أهم .. وش ابدى بالنسبة لك ؟ اكيد الاهم ..

ماروتا مثل الورع اللي تعطيه عشر ريال المغرب و تقوله هذي فسحتك بكرة .. بعد صلاة العشا حس الورع انه جايع مع انه يقدر ياكل بالبيت راح البقالة و اشترى بالعشرة كلها و خلصها في نفس اليوم .. و يوم جا من بكرة يبي يتفسح ما لقى شي في جيبه..

ثاني شي انت كاداري مو لازم كل يوم تصرح في جريدة في التوتو سبورت و اللاجازيتا و الصن تايمز ان عينك على لوغانو..
تروح تعلم الناس تعالوا نافسوني انا باروح اشري لوغانو.. ماهي مفاخرة الشغلة..

النادي مو عجزان يحجز لك تذكرة للأرجنتين ايام كوبا امريكا .. ومو شرط انك تحضر مباريات عشان لا تطلع بالشاشة ويتساءلون
وش جاب فلان .. احجز لك في فندق مو معروف انه ساكن فيه احد المنتخبات او الاعلامين .. و الصبح كلم وكيل اللاعب انا بزورك
ما راح يقول لك لا تزورني..

لكن السؤال هل فعل كل هالاشياء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ويوم بقى على اقفال السوق ساعتين قال ابي رودولفو مدافع ساو باولو البرازيلي ... سلق بيض هو؟؟ ولا بيرسلون اللاعب
بالبريد المستعجل بالفيدكس؟؟

مثال ثاني .. باسكواتو اللي لعب معك في المباريات الودية وينه الحين؟؟ و اللي كان افضل من كرازيتش و بيبي بعد ..
لاعب واعد تروح تقطه اعارة لليتشي ؟؟ ليه ما تخليه في الدكة عندك و هنا ايضاً كونتي ملام .. ليش لان كونتي وافقه على هالشي
وهذي مشكلة المدربين اللي يجون عندنا يفكر بعهده بس .. ما يفكر بالايام والسنين الجاية للنادي .. و راح اعارة ب300.000
يعني توك تفتح انك خسرت اموال النادي وتبي ترجع خسارتك على حساب مستقبل النادي؟؟

هذي كلها اشياء يلااااااااااااااااااااااااااااااااااااااااااااااااااااااااااااااام عليها ماروتا .. و كان راح يفعل موجي عكس اللي فعله ماروتا تماماً.

لا تزعل مني اخوي الخبراء و لكن الله ما شفناه بالعقل عرفناه .. واحد ترك لك اهم مشكلة... اليوفي بكل المواسم للي راحت يسجل
ولكن الفرق الصغيرة تعادلك باخر الدقايق.. اذن ماله داعي انك تجيب هالكم من اللاعبين و انت عارف مشكلتك..

المسألة ببساطة حدد أولوياتك مثل ما كان يفعل موجي...

آسف على الإطالة و ولا تزعل مني اخوي الخبراء ولكن هذا واقع ماروتا .. وراح تشوف ميركاتو الشتاء لا تستبعد ان ماروتا يطيح في نفس الاخطاء اللي وقع فيها الان..

تقبلوا تحياتي ..
خذ وردة اخوي الخبراء لك ولكل الموجودين

سلام عليكم احلى رابطه

كل عام وانتوا بخير

وربي وحشتوني حييييييييييييييييل

لي شهرين ما دخلت المنتدى كامل لاني كنت مسافر الباحه
كنت في امطار وضباب وبرد
رجعت الجبيل وانقهرت حر ورطوبه

فقدت النت و اخبار اليوفي لان البرودباند مايشغل هناك

تحياتي