تحذير من لعبة GOD OF WAR - نادي الهلال السعودي - شبكة الزعيم

AL-ZAEM 511 · #1 10/07/2011, 01:34 PM

السلام عليكم

اخباركم شباب اليوم شفت في احد البرامج تحذير من هذي اللعبه:

يشبهون الله كانه واحد من الاشباح فانت تحاربه ومعه الملائكة وانت معك الشياطين والناس ياخذون الذنوب على انفسهم

Last Breath · #2 10/07/2011, 02:00 PM

اللعبة تتكلم عن الاساطير اليونانية اخوي ما لها دخل بالله عز و جل على الاطلاق
و لو انك مستخدم قوقل عشان تتثبت اكثر كان أفضل لك بدل هذا التحذير الخاطيء
و على فكرة اللعبة موجودة بالأسواق و قليلة المحلات اللي ما تبيعها ,

قصة اللعبة اذا ما لخبطت بالاسم ميثوليجية اغريقية ,
تتعلق بأساطير الاغريق سابقا اللي يدعون الاغريق انها حقيقية

عمومًا لا يمنع ان قصة اللعبة يمكن تسبب بعض التحسس و التخوف
من قبل بعض اللاعبين مثلك كون قصتها تتحدث عن حرب آلهة و غيرهـ
لكن برضو الشخص من المفترض يتريث و يبحث و يتأكد ..

المأخذ الكبير اللي اشوفه في GOW هي بعض المشاهد الخليعة و المقززة ..

تحياتي

AL-ZAEM 511 · #3 10/07/2011, 08:04 PM

الا يااخوي حتى واحد من الشيوخ محذر منها لاتجي تتفلسف علي

Last Breath · #4 10/07/2011, 09:13 PM

و الشيخ معصوم من الخطأ ؟

مع الاحترام لك و للشيخ لكن اجتهاد بحسن نية في غير محله ابدًا
وقصة اللعبة معروفة بالنسبة لي و لغيري من اللاعبين
اللي متابعتهم للفيديوجيمز قوية ..

بإمكانك تقرا قصة اللعبة : اضغط هنا ,

AL-ZAEM 511 · #5 10/07/2011, 10:33 PM

شف اخوي انا عارف القصه بس هو ذكر الالهة وش ذا الكلام استغفر الله

طويرقي هلالي20 · #6 11/07/2011, 03:23 AM

شوووف

انت تقول واحد من الشيوخ

ياليت تنزل فيديو على الشيخ الي قال انها حراام

وشكرا

AL-ZAEM 511 · #7 11/07/2011, 12:08 PM

انا كان المقطع موجود عندي بس انا فرمت الجهاز وانمسح

F . L A M P R D · #8 11/07/2011, 01:13 PM

إقتباس


	اللعبة تتكلم عن الاساطير اليونانية اخوي ما لها دخل بالله عز و جل على الاطلاق و لو انك مستخدم قوقل عشان تتثبت اكثر كان أفضل لك بدل هذا التحذير الخاطيء و على فكرة اللعبة موجودة بالأسواق و قليلة المحلات اللي ما تبيعها , قصة اللعبة اذا ما لخبطت بالاسم ميثوليجية اغريقية , تتعلق بأساطير الاغريق سابقا اللي يدعون الاغريق انها حقيقية عمومًا لا يمنع ان قصة اللعبة يمكن تسبب بعض التحسس و التخوف من قبل بعض اللاعبين مثلك كون قصتها تتحدث عن حرب آلهة و غيرهـ لكن برضو الشخص من المفترض يتريث و يبحث و يتأكد .. المأخذ الكبير اللي اشوفه في GOW هي بعض المشاهد الخليعة و المقززة .. تحياتي

ياحبيبي معروف أن هذي اللعبة ممنوعه في السعودية من على وقت البلايستيشن2 ومافي محلات تبيعها الا تهرييييب وانا اعرف كم واحد يجيبونها من البحرين تهريييب لأنها ممنوعه ولو مسكوك يصادرونها بدون اي كلام

بعدين أسمها لحاله مقزز ويجيب الأشمئزاز استغفر الله وش الي حرب الرب الله يهدي الجميع انشاءالله

Queen of Hearts · #9 11/07/2011, 03:47 PM

انا لاعبة الاجزاء كلها والي يقول انها تباع تهريب ما عنده سالفة
بكل المحلات موجودة والمحلات الي ما تبيعها هم بنفس نظرتكم بسبب اسمها ما يبيعونه
بعدين حتى تتأكدون العبوا قصتها وبتعرفون وبيزيل شكوككم

عيب اللعبة مثل ما قال لاست المشاهد المقززة والفاضحة فقط لا غير
اما من ناحية القيمبلاي والجرافيكس اللعبة خيالية وتستحق التجربة

Za7f NeT · #10 11/07/2011, 05:40 PM

اللعبه تتكلم عن الله انت صادق بس قدييييم ومغببر

AL-ZAEM 511 · #11 11/07/2011, 09:48 PM

اخيرا احد ساندني بس والله انكم ماتستحقون احد ينصحك

زعيم واقعي · #12 11/07/2011, 10:10 PM

ياخي وش فيها لو تركت اللعبة زي ماقالكم

الله يهدي الجميع